Director Atelee : தமிழில் நிறைய வெற்றி படங்களை கொடுத்த இயக்குனர்களில் முக்கியமானவர் இயக்குனர் அட்லி. இயக்குனர் சங்கரிடம் உதவி இயக்குனராக பணிபுரிந்த அட்லி அதனை தொடர்ந்து திரைப்படங்கள் இயக்குவதற்காக களம் இறங்கினார்.
அப்படி முதன்முதலாக அட்லீ இயக்கிய திரைப்படம்தான் ராஜா ராணி. ராஜா ராணி திரைப்படம் மக்கள் மத்தியில் நல்ல வரவேற்பு பெற்றது. மேலும் அட்லீக்கு ஒரு அடையாளமாக அந்த திரைப்படம் அமைந்தது. அதனை தொடர்ந்து வரிசையாக படங்களை இயக்க துவங்கிய அட்லி நடிகர் விஜய்யை வைத்து நிறைய வெற்றி படங்களை கொடுத்திருக்கிறார்.
ஆனால் எப்போதும் அட்லீயை பொருத்தவரைக்கும் அவர் திரைப்படங்களில் இருக்கும் காட்சிகள் பலவும் ஹாலிவுட் திரைப்படங்களில் உள்ள காட்சிகளாக இருக்கும். இதனால் தமிழ் சினிமாவில் அதிகமாக விமர்சனத்திற்கு உள்ளானார் அட்லி.
இதனை தொடர்ந்து தற்சமயம் பாலிவுட்டில் சென்று அங்கே திரைப்படங்களை இயக்கி வருகிறார் அப்படி அவர் இயக்கிய ஜவான் திரைப்படம் ஆயிரம் கோடியை தாண்டி ஓடி பெரும் வசூலை கொடுத்தது. இது குறித்து தற்சமயம் நடிகர் சிவகார்த்திகேயன் பேசும்பொழுது அட்லி ஒரு நல்ல இயக்குனர்.
மக்கள் விரும்பும் வகையில் படம் எடுக்கக் கூடியவர் அவரின் அந்தத் திறமையை பார்த்து நாம் அவரை பாராட்ட வேண்டுமே தவிர தொடர்ந்து அவரை விமர்சனம் செய்வது சரியாக இருக்காது. இப்படி விமர்சனம் செய்ததன் காரணமாக தற்சமயம் தமிழ் சினிமாவை விட்டு சென்று விட்டார் அட்லி. இப்படியான ஒரு இயக்குனரை இழந்தது தமிழ் சினிமாவிற்கு தானே நஷ்டம் என்று கூறியிருக்கிறார் சிவகார்த்திகேயன்.
