Vijay and Ajith : தமிழ் சினிமாவிற்கு அறிமுகமானபோது நடிகர் விஜய்க்கு அமைந்த திரைப்படங்கள் எதுவும் பெரிதாக வெற்றியை பெற்று தரவில்லை. ஆரம்பத்தில் ஒரு சுட்டித்தனமான பிளேபாய் கதாபாத்திரமாகதான் விஜய் ஒவ்வொரு திரைப்படத்திலையும் நடித்து வந்தார்.

அவர் நடிகை சங்கவியுடன் நடிக்கும் கவர்ச்சி காட்சிகள் இளைஞர்களுக்கு பிடித்த வகையில் இருந்தாலும், குடும்பமாக வந்து படம் பார்ப்பவர்களுக்கு முகம் சுளிக்கும் வகையிலேயே இருந்தன. இதனால் விஜய்க்கு வரவேற்பு என்பது தமிழ் சினிமாவில் வராமலே இருந்தது.

அப்பொழுது விஜயை ஒரு காதல் கதாநாயகனாக மாற்றி குடும்ப சினிமா ரசிகர்கள் மத்தியில் அவரை பிரபலமாக்கியவர் இயக்குனர் விக்ரமன். அவர் இயக்கிய பூவே உனக்காக திரைப்படம்தான் விஜய்யின் சினிமா பாதையை மாற்றி அமைத்தது.

அந்த திரைப்படத்திற்கு பிறகு அவர் ஒரு முக்கியமான திரைப்படமாக அமைந்தது துள்ளாத மனமும் துள்ளும். பூவே உனக்காக போலவே இந்த திரைப்படமும் காதலை மையப்படுத்திய திரைப்படம் என்றாலும் பட்டி தொட்டி எங்கும் பெரும் வெற்றியை துள்ளாத மனமும் துள்ளும் திரைப்படம் பெற்றது.

அதனை தொடர்ந்து அந்த படத்தின் இயக்குனரான எழிலிடம் இன்னொரு ஒரு காதல் திரைப்படத்தை தன்னை வைத்து இயக்க வேண்டும் என்று விஜய் கேட்டுக் கொண்டார். அதன்படி எழில் ஒரு கதையை எழுதினார் ஆனால் அந்த கதையை எழுத கொஞ்சம் தாமதமானதால் விஜய் வேறொரு படத்தில் நடிக்க சென்று விட்டார்.

ஆனால் கதையை வைத்துக் கொண்டு எதற்கு சும்மா காத்திருக்க வேண்டும் என்று முடிவெடுத்த எழில் அந்த கதையை அஜித்திடம் சென்று கூறினார் அஜித் அந்த திரைப்படத்திற்கு 35 லட்சம் சம்பளம் கேட்டார். ஆஸ்கர் ரவிச்சந்திரன்தான் இந்த படத்தை தயாரித்தார். அவர் அவ்வளவு சம்பளம் கொடுக்க முடியாது 30 லட்சம் சம்பளம் என்றால் சரி என்று கூறி இருக்கிறார்.

ஆனால் அதற்கு அஜித் ஒப்புக் கொள்ளாமல் போகவே பிரபுதேவாவிடம் இது குறித்து பேசி உள்ளார் ஆஸ்கர் ரவிச்சந்திரன். அஜித்தை விட குறைவான சம்பளத்திற்கு நடிப்பதற்கு பிரபு தேவா ஒப்புக்கொள்ளவே பெண்ணின் மனதை தொட்டு என்கிற பெயரில் அந்த படம் தயாரானது.

பிரபுதேவாவிற்கு ஒரு பெரும் வெற்றியை பெற்றுக் கொடுத்தது பெண்ணின் மனதை தொட்டு திரைப்படம். அந்த படத்தில் விஜய் அல்லது அஜித் இருவரில் யார் நடித்திருந்தாலும் அவர்களுக்கு ஒரு முக்கியமான திரைப்படமாக கண்டிப்பாக அது இருந்திருக்கும்.