சமீப காலங்களாக சமூக வலைத்தளத்தில் பிரபலமாக இருக்கும் ஜோடி நாக சைதன்யா மற்றும் சோபிதா துலிபாலா ஜோடி. யாரும் எதிர்பார்க்காத நேரத்தில் இருவரின் நிச்சயதார்த்தம் நடைபெற்று புகைப்படங்கள் வெளிவந்த நிலையில் இவர்களைப் பற்றிய சர்ச்சைகள் சமூக வலைத்தளங்களில் நாள்தோறும் சுற்றிக்கொண்டு இருக்கிறது.

நிச்சயதார்த்தம் நடைபெற்று சில நாட்கள் ஆனாலும் இவர்களைப் பற்றிய சர்ச்சை இன்னும் ஓயவில்லை. இந்நிலையில் சோபிதாவும், நாக சைதன்யாவும் பிரிந்து விடுவார்கள் என ஒருவர் கூறியது தற்போது சமூக வலைத்தளங்களில் வைரலாகி வருகிறது.

நாக சைதன்யா சோபிதா துலிபாலா நிச்சயதார்த்தம்

நாக சைதன்யா முன்னதாக நடிகை சமந்தாவை 2017 ஆம் ஆண்டு காதலித்து திருமணம் செய்து கொண்ட நிலையில், இருவரும் கருத்து வேறுபாடு காரணமாக 2021 ஆம் ஆண்டு பிரிந்து விட்டார்கள்.

அதன் பிறகு நாக சைதன்யா சோபிதா உடன் டேட்டிங் செய்து வந்த நிலையில் இருவரும் காதலித்து தற்போது இரு வீட்டாரின் சம்மதத்துடன் நிச்சயதார்த்தம் நடைபெற்று உள்ளது. இவர்களின் புகைப்படங்களை நாக சைதன்யாவின் அப்பா நாகார்ஜுனா அவரின் சமூக வலைதள பக்கத்தில் வெளியிட, அது ரசிகர்களுக்கு மட்டுமல்லாமல், சினிமா வட்டாரங்களையும் திரும்பி பார்க்க வைத்தது.

இந்நிலையில் பலரும் சமந்தாவுக்கு ஆதரவாகவும், நாக சைதன்யாவுக்கு எதிராகவும் பல கருத்துகளைப் பேசி வந்தார்கள். தற்போது ஒரு ஜோதிடர் ஒருவர் நாக சைதன்யா மற்றும் துலிபாபா பற்றி கூறியிருக்கும் கருத்து ஒன்று சமூக வலைத்தளங்களில் வைரலாகி வருகிறது

நாக சைதன்யா மற்றும் சோபிதா துலிபாலா பிரிந்து விடுவார்கள்

சமீபத்தில் பிரபல ஜோசியர் ஒருவர் நாக சைதன்யா மற்றும் சோபிதா துலிபாலா வரும் 2027 ஆம் ஆண்டில் பிரிந்து விடுவார்கள். அதன் பிறகு நாக சைதன்யாவிற்கு மற்றொரு பெண் மேல் காதல் ஏற்படும் என தெரிவித்திருந்தார். இந்த விஷயம் இணையத்தில் பேசுபொருளானது.

இதைப் பற்றி பேசிய பிரபல சினிமா பத்திரிக்கையாளர் சுபைர் பிரபலங்கள் மீது விமர்சனம் வைத்தால் தன்னை அனைவரும் திரும்பி பார்ப்பார்கள், என்று பலரும் பேசி வருகிறார்கள். இது வழக்கமான ஒன்று தான். ஆனால் பல ஜோதிடர்கள் சொல்வதெல்லாம் நடந்திருக்கிறதா என்ன என அவர் கேட்டுள்ளார்.

மேலும் நடிகர் ரஜினிகாந்த் முதலமைச்சர் ஆகுவார் என்றும், சென்னையில் வெள்ளம் வந்த பொழுது இந்த வருடம் நல்ல வருடமாக அமையும் என பல ஜோசியர்கள் கூறினார்கள். அதெல்லாம் நடந்ததா என்ன அது போல தான் இந்த விஷயமும் என கூறியிருக்கிறார்.

தற்போது தமிழ் சினிமாவில் பல வித்தியாசமான கதைகள் படமாக பட்டு வரும் வேளையில், இயக்குனர்களும் ஒரு குறிப்பிட்ட பகுதியில் வாழும் மக்களின் வாழ்வாதாரத்தை காண்பிக்கும் வகையிலும், அவர்களின் வாழ்க்கையில் நடக்கும் சம்பவங்களையும் படமாக எடுத்து வருகிறார்கள்.

இந்நிலையில் சமீப காலங்களாக குறிப்பிட்ட இயக்குநர்களும் ஒவ்வொரு சமூகத்தில் நடக்கும் பல விஷயங்களை வெளிப்படுத்தி வரும் வேளையில். அது சில சமயம் விமர்சனமாகவும் அல்லது சர்ச்சையாகவும் மாறிவிடுகிறது.

ஏனென்றால் சினிமா என்பது அனைவருக்கும் பொதுவான விஷயமாகும். சொந்த கருத்துக்காக சினிமா எடுப்பது என்பது மக்களைச் சென்றடையாது என பலரும் கருத்து தெரிவித்து வரும் நிலையில், தற்போது தயாரிப்பாளர் வெங்கடேசன் அவரின் கருத்தை பற்றி கூறியிருப்பது சமூக வலைத்தளங்களில் வைரலாகி வருகிறது.

தங்கலான் திரைப்படம்

தமிழ் சினிமா மட்டுமல்லாமல் இந்திய சினிமாவில் எதிர்பார்த்து காத்துக் கொண்டிருந்த படம் தங்கலான் . இந்த படத்தை பா. ரஞ்சித் இயக்க விக்ரம், மாளவிகா மோகன், பார்வதி, பசுபதி என அனைவரும் நடித்திருக்கிறார்கள். இந்த படத்திற்கு ஜி.வி பிரகாஷ் இசையமைத்துள்ளார்.

இந்தப் படத்தின் கதை கர்நாடகாவில் உள்ள கோலார் தங்க சுரங்கம் அதாவது கே ஜி எஃப் இல் கதாநாயகன் விக்ரம் மற்றும் அவரின் ஆட்களுடன் தங்கம் தேடும் பணியில் ஈடுபடுகிறார். அப்போது நடக்கும் சில அமானுஷ்யமான விஷயங்கள் போன்ற சம்பவங்களை படமாக்கி உள்ளார்கள் என அப்போது தகவல் வெளியானது.

இந்நிலையில் தயாரிப்பாளர் வெங்கடேசன் தங்கலான் படத்தின் இயக்குனர் பற்றியும், படத்தைப் பற்றியும் கூறியிருக்கும் தகவல் தற்போது சமூக வலைத்தளங்களில் வைரலாகி வருகிறது

தயாரிப்பாளர் வெங்கடேசன் கூறியது

தயாரிப்பாளர் வெங்கடேசன் கூறும் பொழுது நடிகர் தனுஷ் நடிப்பில் வெளிவந்த அசுரன் திரைப்படம் ஒரு பட்டியலின சமூகத்தை வைத்து எடுக்கப்பட்ட படம் அனைவராலும் பாராட்டை பெற்றது. மேலும் வெற்றிமாறன் இயக்கிய மற்றொரு படமான விடுதலையும் குறிப்பிட்டு ஒரு ஜாதியின் பெயரை கூறாமல் ஒரு வாத்தியாரை வைத்து படம் நகர்ந்தது அதுவும் வெற்றி பெற்றது.

இந்நிலையில் பழைய படங்களில் கதாபாத்திரத்தின் பெயர் ஜாதி பெயரை வைத்து இருந்தாலும், எந்த இடத்திலும் இவர்கள் உயர்ந்த ஜாதி, இவர்கள் தாழ்ந்த ஜாதி என்று எங்கேயும் குறிப்பிட்டிருக்க மாட்டார்கள்.

ஆனால் தற்போது அவரவர்களின் வலிகளை கூறுகிறோம் என ஒரு குறிப்பிட்ட சமூகத்தையோ மதத்தையும் மட்டும் வைத்து படம் எடுக்கும் பொழுது அது மற்ற சமூகத்தினரால் வெறுக்கப்படும். சினிமா என்பது அனைவருக்கும் பொதுவான ஒன்று. இந்நிலையில் மேலும் அவர் பேசும் பொழுது தற்போது ரஞ்சித் இயக்கும் தங்கலான் திரைப்படம் சமீபத்தில் இறந்த ஆம்ஸ்ட்ராங் கொலைக்கு முன்பாக இருந்த தங்கலான் படம் வேறு. அவரின் கொலைக்குப் பிறகு இருக்கும் தங்கலான் படம் வேறு என அவர் கூறியிருக்கிறார்.

மேலும் அவர் பேசும் போது சினிமாவிலும் அரசியலிலும் நல்லவர்களை சம்பாதிக்கிறோமோ இல்லையோ எதிரிகளை யாரும் சம்பாதிக்க கூடாது என கூறினார். இன்றைய காலகட்டத்தில் அனைவரிடமும் டிஜிட்டல் மீடியா இருக்கு. படத்தைப் பார்த்துவிட்டு அவர்கள் சொந்த கருத்துக்களை எழுதுவார்கள்.

மேலும் இன்றைய காலகட்டத்தில் ஒருவருடைய படம் வெற்றி பெற வேண்டும் என்றால் சொந்த கருத்தை மட்டும் கொண்டு படத்தை எடுத்தால் அது மக்களிடையே வெற்றி பெறாது என அவர் தெரிவித்திருக்கிறார். மேலும் தங்கலான் படத்தின் கதைக்காக நான் காத்துக் கொண்டிருக்கிறேன். படத்தில் தங்களின் சொந்த கருத்துகளை கொண்டு வர வேண்டாம் ஒரு ஜாலியான என்டர்டைன்மெண்ட் ஆன படம் வரும்போது அனைவரிடத்திலும் வெற்றி அடையும் என அவர் தெரிவித்திருக்கிறார்.

தமிழ் சினிமாவில் தற்போது கோடிக்கணக்கான ரசிகர்களை வைத்திருக்கும் முன்னணி நடிகர் அஜித். இவர் தன்னுடைய ரசிகர் மன்றங்களை கலைத்த போதும் இவரின் படம் வெளியாகிறது என்றால் அது அவரின் ரசிகர்களுக்கு கொண்டாட்டமாக அமையும்.

அந்த வகையில் நடிகர் அஜித் சினிமாவில் பல கஷ்டங்களைக் கடந்து தற்பொழுது முன்னணி நடிகராக வலம் வந்து கொண்டிருக்கும் நிலையில் அவர் ஆரம்ப காலகட்டத்தில் சினிமாவிற்குள் நடிக்க வரும் போது நடந்த சம்பவம் பற்றி சமூக வலைத்தளங்களில் வைரலாகி வருகிறது.

நடிகர் அஜித்

தல என்று ரசிகர்களால் அன்போடு அழைக்கப்படுபவர் அஜித்.
மெக்கானிக்காக வாழக்கையை தொடங்கிய அஜித், விளம்பர படங்களில் நடித்து வந்தார். இவரின் ரசிகர்கள் இவரை அல்டிமேட் ஸ்டார் ஏகே என்று அன்போடு அழைத்து வருவார்கள். இவருக்கு நடிப்பதை விடவும் கார், பைக் பந்தயங்களில் பங்கு பெற்றுக் கொள்ள அதிகம் விரும்புவார்.

ஆரம்பத்தில் சினிமாவில் நிலைத்து நிற்க பல கஷ்டங்களை அனுபவித்த அஜித், அதன் பிறகு நடித்த படங்களின் மூலம் ரசிகர்களின் மத்தியில் நல்ல வரவேற்பு பெற்றார். இவர் நடித்த காதல் கோட்டை, காதல் மன்னன், வாலி, அமர்க்களம், தீனா, வில்லன், அட்டகாசம், பூவெல்லாம் உன் வாசம், மங்காத்தா, பில்லா போன்ற திரைப்படங்கள் ரசிகர்களின் ஃபேவரைட் திரைப்படங்களாகும்.

ஆரம்ப காலகட்டத்தில் இவரை யாரும் கண்டு கொள்ளாத நிலையில் தன்னுடைய நடிப்பின் மூலம் ரசிகர்களின் மனதில் இடம் பிடித்த ஒரு நடிகர் என்றால் அது அஜித் குமார் தான்.

நடிகர் அஜித் செய்த உதவி

நடிகர் அஜித் கல்லூரி வாசல் என்ற திரைப்படத்தில் இரண்டாவது ஹீரோவாக நடித்தார். அந்த படத்தில் முதன்மை கதாபாத்திரத்தில் நடிகர் பிரசாந்த் நடித்தார். பிரசாந்த் அப்போது தமிழ் சினிமாவின் முன்னணி நடிகராகவும், வெற்றி படங்களை கொடுத்தவராகவும் இருந்தார். இதனால் அந்த படப்பிடிப்பின் போது கல்லூரி பெண்கள் அனைவரும் நடிகர் பிரஷாந்திடம் ஆட்டோகிராப் வாங்கினார்கள்.

ஆனால் அந்தப் படத்தில் நடித்த அஜித் தனியாக ஒரு இடத்தில் உட்கார்ந்து இருந்தார். அவரை யாருக்கும் அப்பொழுது தெரியவில்லை. ஆனால் அங்கு வந்த ஒரு நபர் மட்டும் உங்களிடம் யாரும் ஆட்டோகிராப் வாங்கவில்லையா என கேட்டுள்ளார். அதற்கு அஜித் என்ன எல்லாம் யாருக்கும் தெரியாது சார். அவர் சினிமாவில் பெரிய ஆள். பல வெற்றி படங்களை கொடுத்திருக்கிறார். என்னை எல்லாம் யார் கண்டு கொள்வார்கள் என கூறியுள்ளார். அதற்கு அந்த நபரோ நீங்கள் ஒன்னும் கவலைப்படாதீங்க சார், நீங்கள் வேண்டுமானால் பாருங்கள் தமிழ் சினிமாவில் டாப் ஹீரோக்களில் நீங்கள் நிச்சயம் இடம் பெறுவீர்கள் நம்புங்கள் எனக் கூறிவிட்டு சென்றுவிட்டார்.

அதன் பிறகு ஆசை திரைப்படம் வெளிவருகிறது. அஜித்தை அனைவரும் கொண்டாடினார்கள். மேலும் பல ரசிகர், ரசிகைகள் அவருக்கு உருவானார்கள். இந்நிலையில் அஜித் கூறும் போது என்னை அந்த நபர் கண்டிப்பாக ஒரு நல்ல நடிகனாக வருவேன் என கூறினார். அவர் யார் என்று தெரியவில்லை என சொன்னார்.

அதன் பிறகு அந்த நபரை அஜித் கண்டுபிடித்து, தன்னுடன் மேனேஜராக வைத்திருக்கிறார் என சமூக வலைதளங்களில் தற்போது அஜித்தை பற்றி வைரலாகி வருகிறது.

தமிழ் சினிமாவில் பல முக்கிய நடிகர்களும் அரசியலில் களம் கண்டு வரும் வேளையில், அரசியல் மற்றும் சினிமாவை பின்புலமாகக் கொண்ட குடும்பத்திலிருந்து வந்தவர் நடிகர் மற்றும் தற்போது அமைச்சராக இருக்கும் உதயநிதி ஸ்டாலின்.

இவர் அரசியலில் பணிகளை செய்து வருவதால் தற்பொழுது சினிமாவில் நடிப்பதை குறைத்துள்ளார். இந்நிலையில் சமீபத்திய பேட்டி ஒன்றில் அவர் குடும்பத்துடன் ஒரு படத்தை பார்த்துவிட்டு நடந்த சம்பவத்தை பற்றி தெரிவித்திருப்பது தற்பொழுது சமூக வலைத்தளங்களில் வைரலாகி வருகிறது.

நடிகர் உதயநிதி

இவர் திரைப்பட தயாரிப்பாளர் மற்றும் நடிகராவார். தற்பொழுது அரசியலிலும் தனது பயணத்தை தொடங்கி இருக்கிறார். இந்நிலையில் தமிழக அரசின் இளைஞர் நலன் மற்றும் விளையாட்டு மேம்பாட்டுத்துறை அமைச்சராகவும் இருக்கிறார்.

விஜய், திரிஷா நடித்த குருவி என்னும் திரைப்படம் உதயநிதி ஸ்டாலினின் தயாரிப்பில் வெளிவந்த முதல் திரைப்படம் ஆகும்.

அதன் பிறகு ஒரு கல் ஒரு கண்ணாடி என்ற திரைப்படத்தில் நடித்ததின் மூலம் ரசிகர்களின் மத்தியில் நடிகராக வரவேற்பு பெற்றார். அதன் பிறகு இது கதிர்வேலன் காதல், நண்பேண்டா, கெத்து, மனிதன், சரவணன் இருக்க பயமேன்,நெஞ்சுக்கு நீதி, மாமன்னன் போன்ற படங்களில் நடித்து நடிகராக மக்கள் மத்தியில் வரவேற்பு பெற்றிருக்கும் உதயநிதி, சமீபத்தில் தன் குடும்பத்துடன் பார்த்த திரைப்படத்தைப் பற்றி பகிர்ந்து இருக்கிறார்.

லவ் டுடே திரைப்படம்

கடந்த 2022 ஆம் ஆண்டு பிரதீப் ரங்கநாதன் இயக்கி நடித்த திரைப்படம் லவ் டுடே. இந்த திரைப்படம் வெளியாகி ரசிகர்களின் மத்தியில் நல்ல வரவேற்பு பெற்றது. உதயநிதி பேசும் போது, என் அப்பா இப்பொழுது என்ன படம் வெளியாகி ஓடிக் கொண்டிருக்கிறது என கேட்டார். நான் லவ் டுடே திரைப்படம் வெளியாகி நல்ல ஹிட் கொடுத்திருக்கிறது என கூறினேன். அவரை பார்க்கவும் சொன்னேன்.

ஆனால் எனக்கு ஒரு சந்தேகம் இருந்தது. இந்த திரைப்படம் அவர்களால் ஏற்றுக்கொள்ள முடியுமா என நினைத்தேன். காரணம் இந்த திரைப்படத்தில் இன்ஸ்டாகிராம் போன்ற சமூக வலைக்கலங்களை பற்றி கூறியிருப்பார்கள். இது எல்லாம் இவர்களுக்கு ஏற்றுக்கொள்ள முடியுமா என்று தெரியாமல், நான் படம் பார்க்க சொன்னேன். நாங்கள் அனைவரும் படத்தை பார்த்தோம். படம் பார்த்த பிறகு படம் நன்றாக இருக்கிறது என எங்க அப்பா கூறினார். உடனே என்னுடைய அம்மா அப்படியானால் நாம் நம்முடைய மொபைலை மாற்றிக் கொள்ளலாமா என கேட்டார்.

நானும் எங்க அப்பாவும் அய்யய்யோ வேண்டாம் என கூறினோம். எல்லாரும் பேசிக் கொண்டிருக்கும் போது நான், என் மனைவி, எங்க அப்பா, என் தங்கை அனைவரும் இருந்தோம். என்னுடைய அம்மா படம் நல்லா இருக்கு இல்லையா எல்லாரும் ஃபோன்களை மாற்றிக் கொள்ளலாம் என கூறி காலாய்த்தார் என அவர் பேசிய பேட்டி ஒன்றில் தெரிவித்து இருக்கிறார்.

சமீப காலங்களாக சினிமா வட்டாரங்களில் பல சர்ச்சையான சம்பவங்கள் நடந்து வருகிறது. சினிமாவில் நடிகைகளுக்கு அட்ஜஸ்ட்மென்ட் போன்ற பிரச்சனைகள் சந்திக்கும் வேலையில் தற்போது சினிமாவில் நடிக்கும் துணை நடிகைகள் துபாய் வரை சென்று பல விபச்சார சிக்கல்களில் மாட்டியிருக்கிறார்கள்.

அதைப் பற்றிய தகவல் வெளிவந்து சமீபத்தில் கோலிவுட் வட்டாரங்களை அதிர செய்த நிலையில் இந்த விவகாரத்தில் பிரபல முன்னணி நடிகைக்கும் சம்பந்தம் இருப்பதாக காவல்துறையினர் தெரிவித்தனர்.

இந்நிலையில் கோலிவுட்டில் இருந்து பல துணை நடிகைகள் துபாயில் விபச்சாரத்தில் மாட்டியதைப் பற்றி பிரபல சினிமா பத்திரிக்கையாளர் தமிழா தமிழா பாண்டியன் கூறி இருப்பது சமூக வலைத்தளங்களில் வைரலாகி வருகிறது.

சிக்கலில் மாட்டிய துணை நடிகைகள்

சினிமாவில் முன்னணி நடிகையாக பல நடிகைகள் நடத்து வரும் வேளையில் அதே சினிமாவில் துணை நடிகைகளாக சில நடிகைகள் நடித்து வருகிறார்கள். அவர்கள் வாய்ப்புகாக காத்துக் கொண்டிருக்கும், அவர்களை டார்கெட் செய்யும் விதமாக பல விளம்பரங்கள் whatsapp மூலம் அனுப்பி அதில் இருந்து குறிப்பிட்ட சில நடிகைகள் தேர்ந்தெடுக்கப்பட்டு அவர்களை ஏமாற்றி துபாய் அழைத்து செல்கிறார்கள்.

துபாயில் பிரபல நடன நிகழ்ச்சியில் பங்கேற்பதற்காக கூறி அழைத்துச் செல்லும் அந்த நடிகைகள் அங்கு சென்று சட்ட விரோதமாக அவர்களை ஏமாற்றி பாலியல் தொழிலில் தள்ளி விடுகிறார்கள். அவர்களின் பாஸ்போர்ட் மற்றும் மற்ற ஆவணங்களை வாங்கிக் கொள்ளும் அந்த கும்பல் அவர்களை குறிப்பிட்ட நாட்களுக்கு அந்த தொழிலில் ஈடுபடுத்தி விடுகிறார்கள்.

அவர்கள் சம்மதிக்காத பட்சத்தில் அவர்கள் வாங்கிய தொகையை விட இரண்டு மூன்று மடங்காக தொகை வாங்கி இருப்பதாக கூறி அதற்கான பொய்யான கையெழுத்தை பெறப்பட்டு அவர்களை மிரட்டி, இது போன்ற செயல்களில் அவர்களை ஈடுபடுத்தி வருதாக சமீபத்தில் ஒரு பெண் புகார் அளித்தார். கோலிவுட்டில் இது போன்ற சம்பவங்கள் நடப்பதாக புகார் அளித்திருந்தார்.

இது தற்பொழுது பரவலாக பேசப்பட்டு வரும் நிலையில் இது குறித்து தமிழா தமிழா பாண்டியன் தன்னுடைய கருத்தை பதிவு செய்திருக்கிறார்.

தமிழா தமிழா பாண்டியனின் கருத்து

வாட்ஸ் அப்பில் துபாயில் பிரபல நடன நிகழ்ச்சியில் நடனம் ஆடுவதற்கு பெண்கள் தேவை என விளம்பரங்கள் வந்து அதை நம்பி பல பெண்கள் துபாயில் பாலியல் தொழிலில் ஈடுபடுத்தப்படுகிறார்கள். இதைக் குறித்து உங்களின் கருத்து என்ன என்று கேள்வி கேட்கப்பட்டது. அதற்கு பதில் அளித்த தமிழா தமிழா பாண்டியன் இந்த சம்பவம் கடந்த 10 ஆண்டுகளாக நடைபெற்று கொண்டிருக்கிறது.

விபச்சார தடுப்பு பிரிவு ஒத்துழைப்போடு தான் இது நடந்து கொண்டிருக்கிறது என அவர் தெரிவித்தார். இவர்களின் இலக்கு கோடம்பாக்கத்தில் துணை நடிகைகள் தான்.

இந்த துணை நடிகைகள் மூலம் தெலுங்கு, மலையாளம் படத்தில் நடிக்கச் செல்லும் போது இவர்கள் மூலம் அங்கு உள்ளவர்களையும் இந்த வலையில் சிக்க வைக்க முயற்சி செய்து வருகிறார்கள். ஆனால் இதில் தெலுங்கு மலையாளத்தில் உள்ள நடிகைகள் தப்பித்து விடுகிறார்கள். ஆனால் கோடம்பாக்கத்தில் உள்ள துணை நடிகைகள் இதில் சிக்கிக் கொள்கிறார்கள் என அவர் தெரிவித்தார்.

மேலும் நடன கலைஞர்கள் என்ற பெயரில் இவர்கள் விபச்சார தரகர்களாக இங்கு பல பெண்களை துபாய்க்கு அழைத்துச் செல்கிறார்கள். அங்கு சென்றதும் அவர்களின் ஆவணங்களை வாங்கி வைத்துக்கொண்டு இதுபோன்ற தொழிலில் ஈடுப்படுத்துகிறார்கள். மேலும் ஒரு சில நடிகைகளுக்கு இது பழக்கமாகி இந்த தொழிலை செய்து வருகிறார்கள்.ஒரு சிலர் அதிலிருந்து தப்பித்து இது போன்ற புகாரகளை அளிக்கிறார்கள் என தமிழா தமிழா பாண்டியன் தெரிவித்திருக்கிறார்.

தமிழ் சினிமாவில் ஒரு சில படங்கள் வெளிவந்து ரசிகர்களின் மனதில் தாக்கத்தை ஏற்படுத்தி இருக்கும். தற்போது வரை அந்த திரைப்படத்திற்கு ரசிகர்களின் மத்தியில் நல்ல வரவேற்பு இருக்கும்.

அந்தப் படத்தின் கதை, அந்த படத்தில் நடித்த நடிகர்கள், நடிகைகள் என அனைத்துமே அந்த படத்திற்கு ஒரு நல்ல வெற்றியை கொடுத்திருக்கும். மேலும் அந்தப் படத்தை பற்றிய சில சுவாரசியமான தகவல்கள் தெரிய வரும் பொழுது நமக்கு ஆச்சரியத்தை ஏற்படுத்தும்.

அந்த வகையில் தமிழில் வெளிவந்த ஒரு திரைப்படம் அதன் பிறகு ஹிந்தியில் ரீமேக் செய்யப்பட்டு பல கோடி வசூல் செய்தது. தற்போது அந்த திரைப்படம் குறித்து சுவாரஸ்யமான தகவல் ஒன்று சமூக வலைத்தளங்களில் வைரலாகி வருகிறது.

ஏ. ஆர். முருகதாஸ் இயக்கத்தில் வெளிவந்த கஜினி திரைப்படம்.

கஜினி திரைப்படத்தை தற்போது வரை ரசிகர்கள் கொண்டாடுவார்கள். ஏனென்றால் நடிகர் சூர்யாவிற்கு திருப்புமுனையாக அமைந்த திரைப்படம். மேலும் இந்த திரைப்படம் வெளிவந்து பிளாக் பாஸ்டர் வெற்றி பெற்றது.

மேலும் இந்த திரைப்படத்திற்கு முதலில் தேர்ந்தெடுக்கப்பட்ட நடிகர்கள் அஜித், மாதவன், மகேஷ் பாபு உள்ளிட்ட 12 நடிகர்கள் தேர்ந்தெடுக்கப்பட்டனர். ஆனால் அவர்கள் இந்த படத்தை நிராகரித்ததால் 13-வதாக சூர்யா இந்த படத்தில் நடித்தார்.

தமிழில் இந்த படம் வெளியாகி 50 கோடிக்கு மேல் வசூல் செய்தது. மேலும் இந்த படத்தின் பட்ஜெட் 7 கோடி.

ஹிந்தியில் ரீமேக் செய்யப்பட்ட கஜினி

கடந்த 2008 ஆம் ஆண்டு கஜினி ஹிந்தியில் ரீமேக் செய்யப்பட்டது. இந்த படத்தில் நடிகர் அமீர்கான் நடித்திருப்பார். ஆனால் அமீர்கானுக்கு முன்பாக இந்த படத்தில் நடிகர் சல்மான்கான் நடிக்க இருந்தது. ஆனால் இந்த படத்தின் ஸ்கிரிப்டை அவர் விரும்பாததால் நடிகர் அமீர்கான் நடித்தார். மேலும் இந்தத் திரைப்படம் ஹிந்தியில் 100 கோடிக்கு அதிகமாக வசூல் செய்தது.

ஹிந்தியில் 100 கோடி வசூலை ஈட்டிய முதல் ஹிந்தி ரீமேக் திரைப்படம் என்ற சாதனையை கஜினி படம் பெற்றது.