Tag Archives: tamil cinema

சூப்பர் ஹீரோ படமாக வெளிவந்த Lokah Chapter 1 Chandra – படம் எப்படி இருக்கு..!

தமிழிலும் மலையாளத்திலும் பிரபல இயக்குனராகவும் தயாரிப்பாளராகவும் இருந்தவர் பிரியதர்ஷன் இவரது மகள்தான் நடிகை கல்யாணி பிரியதர்ஷன். அடிப்படையில் ஒரு மலையாள இயக்குனர் என்பதால் பிரியதர்ஷன் தனது மகளை மலையாளத்தில் தான் அறிமுகப்படுத்தினார்.

மலையாளத்தில் தொடர்ந்து நிறைய வாய்ப்புகளை பெற்று நடித்து வந்து கொண்டிருக்கிறார் நடிகை கல்யாணி பிரியதர்ஷினி. தமிழை பொறுத்தவரை சிவகார்த்திகேயன் நடித்த ஹீரோ திரைப்படத்தின் மூலமாக இவர் தமிழில் கதாநாயகியாக அறிமுகமானார்.

அதற்கு பிறகு சிம்பு நடித்த மாநாடு திரைப்படத்தில் கதாநாயகியாக நடித்தார். மற்றபடி தமிழில் பெரிதாக திரைப்படங்களில் இவர் நடித்தது இல்லை. ஆனால் மலையாளத்தில் இப்பொழுது இவருக்கு மட்டுமே முக்கியத்துவம் இருக்கும் வகையிலான ஒரு கதைக்களத்தில் நடித்து வருகிறார்.

லோகா சந்திரா சாப்டர் ஒன் என்கிற இந்த திரைப்படம் ஒரு சூப்பர் ஹீரோ திரைப்படம். ஒரு மலைவாழ் கிராமத்தில் வாழ்ந்து வருகிறார் அவருக்கு கொடுக்கப்பட்ட ஒரு வேலைக்காக அவர் நகரத்திற்குள் வருகிறார்.

அந்த வேலையை முடித்த பிறகு அவர் இரவு நேர வேலைக்காக ஒரு இடத்தில் பணிபுரிந்து வருகிறார். இந்த நிலையில் அங்கு இருக்கும் ஒரு நபருடன் கல்யாணி பிரியதர்ஷினிக்கு பிரச்சனை ஏற்படுகிறது.

இந்நிலையில் கல்யாணி பிரியதர்ஷனை அடிப்பதற்காக ஆட்களை அழைத்துக் கொண்டு அவர் வருகிறார். அந்த சமயத்தில் சந்திராவின் சக்தி வெளிபடுகிறது அதனை தொடர்ந்து என்னவெல்லாம் நடக்கிறது என்பதாக படத்தின் கதைகளம் அமைந்து இருக்கிறது.

ஒரு சூப்பர் ஹீரோ திரைப்படத்திற்கான அனைத்து விஷயங்களும் இந்த படத்தில் இடம்பெற்றிருக்கிறது. மலையாளத்தில் இப்படி ஒரு திரைப்படம் வந்திருப்பது பலருக்குமே ஆச்சரியத்தை அளிக்கும் விஷயமாக இருக்கிறது.

தொடர்ந்து வரும் சூப்பர் ஹீரோ திரைப்படங்கள்..! ராமரின் ஆயுதத்தை கைப்பற்றும் கதாநாயகன்.. வெளியான மிராய் ட்ரைலர்.!

தொடர்ந்து தென்னிந்தியாவில் சூப்பர் ஹீரோ திரைப்படங்களுக்கு வரவேற்பு என்பது அதிகரித்து வருகிறது. ஏற்கனவே நிறைய பக்தி பாடல்களும் சூப்பர் ஹீரோ திரைப்படங்களும் தென்னிந்தியாவில் வந்த வண்ணம் இருக்கின்றன.

முக்கியமாக தமிழ், தெலுங்கு, மலையாளம் ஆகிய மூன்று மொழிகளிலும் நிறைய இந்த மாதிரியான திரைப்படங்கள் வருவதை பார்க்க முடிகிறது. இந்த படங்களுக்கும் வரவேற்புகள் அதிகமாக இருந்து வருகிறது.

இந்த நிலையில் அடுத்து தெலுங்கில் மிராய் என்கிற ஒரு திரைப்படம் வரவிருக்கிறது. இந்த படம் தமிழில் வெளியாக இருக்கிறது. 12 செப்டம்பர் இந்த திரைப்படம் திரையரங்குகளில் வெளியாக இருக்கிறது.

சமீபத்தில் இதற்கு முன்பு நடிகர் தேஜா சஜா நடிப்பில் வெளியாகி பெரும் வரவேற்பை கொடுத்த அனுமன் திரைப்படத்திற்கு பிறகு மீண்டும் தேஜா சஜா சூப்பர் ஹீரோ திரைப்படமாக மிராய் திரைப்படத்தை தேர்ந்தெடுத்துள்ளார்.

தீய சக்திகளை கொண்ட வில்லன் தொடர்ந்து பல தீமைகளை செய்து வரும் நிலையில் அதனை சரி செய்ய உதவும் ஆயுதமாக ராமர் பயன்படுத்திய மிராய் என்கிற ஆயுதம் இருக்கிறது. அதனை கண்டடையும் கதாநாயகன் எப்படி அதன் மூலமாக சக்திகளை பெற்று வில்லனை அடக்குகிறார் என்பதாக படத்தின் கதை அமைந்து இருக்கிறது.

இந்த படத்தின் டிரைலர் வெளியாகி தற்சமயம் அதிக வரவேற்பை பெற்று வருகிறது.

டூரிஸ்ட் பேமிலி இயக்குனருக்கு கை கொடுத்த ரஜினி மகள்..!

24 வயதிலேயே டூரிஸ்ட் ஃபேமிலி என்கிற ஒரு திரைப்படத்தை இயக்கி மக்கள் மத்தியில் அதிக வரவேற்பு பெற்ற இயக்குனராக மாறியிருக்கிறார் அபிஷன் ஜீவந்த்.

முன்பெல்லாம் தமிழ் சினிமாவில் ஒரு திரைப்படம் நன்றாக ஓடினால் கதாநாயகனை மட்டுமே பாராட்டி வந்தனர் ஆனால் இப்பொழுதெல்லாம் இயக்குனர் வரை அனைவரையுமே பார்க்க துவங்கியிருக்கின்றனர் மக்கள்.

அதேபோல டூரிஸ்ட் ஃபேமிலி திரைப்படத்திலும் ஒரு சின்ன கதாபாத்திரத்தில் நடித்திருந்தார் அபிஷன் ஜீவந்த். இந்த நிலையில் அடுத்து அவர் கதாநாயகனாக நடிக்க இருப்பதாக பேச்சுக்கள் இருந்து வந்தது.

இதனை தொடர்ந்து இப்பொழுது நடிகர் ரஜினிகாந்தின் மகளான சௌந்தர்யா ரஜினிகாந்த் இணை தயாரிப்பில் ஒரு திரைப்படத்தில் கதாநாயகனாக களம் இறங்குகிறார் அபிஷன்.

இந்த படத்தின் பெயர் இன்னும் அறிவிக்கப்படவில்லை படத்தில் கதாநாயகியாக அனஸ்வரா ராஜன் நடிக்கிறார் இந்த படத்திற்கு இசையமைப்பாளர் ஷான் ரோல்டன் இசையமைக்கிறார் கண்டிப்பாக இந்த படம் அபிஷனுக்கு ஒரு வரவேற்பை ஏற்படுத்தும் என்று எதிர்பார்க்கப்படுகிறது.

மனைவியை கலாய்ச்சு முதல் படம்.. ரவி மோகன் செய்த சம்பவம்..!

நடிகர் ரவி மோகனுக்கும் அவரது மனைவி ஆர்த்திக்கும் இடையே விவாகரத்து ஆன பிறகு ரவி மோகன் துவங்கிய நிறுவனம்தான் அவருடைய தயாரிப்பு நிறுவனம்.

இந்த நிலையில் ரவி மோகனின் தயாரிப்பு நிறுவனமான ரவி மோகன் ஸ்டுடியோஸ் நிறுவனத்தின் முதல் படமாக ப்ரோ கோட் என்கிற திரைப்படம் உருவாகி இருக்கிறது. இந்த திரைப்படத்தில் ரவி மோகன் எஸ்.ஜே சூர்யா அர்ஜுன் அசோகன் ஆகியோர் முக்கிய கதாபாத்திரத்தில் நடித்திருக்கின்றனர்.

கார்த்திக் யோகி இந்த திரைப்படத்தை இயக்கியிருக்கிறார் படத்தின் கதையின் சாரா அம்சமானது கணவர்களை கொடுமைப்படுத்தும் மனைவிகளை அடிப்படையாகக் கொண்டு இருக்கிறது.

இப்போதைய காலகட்டங்களில் நிறைய பெண்கள் ஆண்களை அதிக அடக்குமுறைக்கு உள்ளாக்குகின்றனர். அப்படியான அடக்குமுறைகளுக்குள் வாழ்ந்து கொண்டிருக்கும் மூன்று ஆண்கள் அந்த திருமண வாழ்க்கையை விட்டு வெளிவருவதற்கு செய்யும் விஷயங்களை அடிப்படையாக வைத்து பாடத்தின் கதைகளம் செல்வதாக தெரிகிறது.

இந்த படத்தின் ப்ரோமோ தற்சமயம் வெளியாகி இருக்கிறது ரவி மோகனுக்கும் ஆர்த்திக்கும் இடையே பிரச்சனை ஏற்பட்டு தான் அவர்கள் பிரிவை சந்தித்தனர். எனவே ஆர்த்தியை குறிப்பிடும் விதத்தில் தான் இந்த படத்தின் கதை அம்சத்தை அமைத்திருக்கிறார் ஜெயம் ரவி என்று ஒரு பக்கம் பேச்சுக்கள் இருக்கின்றன.

பெரிய ஹீரோக்கள் நிஜமாவே அவ்வளவு சம்பளம் வாங்கல.. உண்மையை உடைத்த பிரபலம்.!

தமிழில் உள்ள மூத்த சினிமா விநியோகஸ்தர்களில் முக்கியமானவர் திருப்பூர் சுப்பிரமணியம். சமீபத்தில் அவர் பேசிய பல விஷயங்கள் சினிமா குறித்து மக்கள் நினைத்திருக்கும் எண்ணங்களில் இருந்து மாறுபட்டதாக இருக்கிறது.

திருப்பூர் சுப்ரமணியன் கூறும் பொழுது உண்மையில் அதிக கோடிகள் சம்பளமாக வாங்கும் பெரிய ஹீரோக்களின் படங்களை தயாரிப்பதற்கு தயாரிப்பாளர்களே தமிழ் சினிமாவில் இல்லை என்று தான் கூற வேண்டும்.

அதனால் இப்பொழுது பெரிய நடிகர்களுடன் உடன்படிக்கை வந்துள்ளனர் அது என்னவென்றால் உதாரணத்திற்கு ஒரு திரைப்படத்தின் பட்ஜெட் 50 கோடி என்று வைத்துக் கொண்டால் இயக்குனரிடம் என்னுடைய பேஸ் வேல்யூவிற்கு 50 கோடியை தாண்டி படம் கண்டிப்பாக ஓடும்.

எனவே அந்த பட்ஜெட்டை கூறி யாராவது ஒரு தயாரிப்பாளரை பிடி அந்த 50 கோடிக்கு மேல் 10 கோடி வைத்து அறுவது கோடியாக அவர்களுக்கு திரும்ப கொடுத்து விடுகிறேன் என்று ஹீரோக்கள் கூறுகின்றனர்.

படம் எடுக்கப்பட்டு வெளியாகி ஒரு 150 கோடிக்கு ஓடுகிறது என்று வைத்துக் கொண்டால் அதில் 60 கோடியை தயாரிப்பாளருக்கு கொடுத்துவிட்டு மீதத்தை ஹீரோக்கள் எடுத்துக் கொள்கிறார்கள். இப்படித்தான் பெரிய ஹீரோக்களின் திரைப்படம் நிலவரம் சென்று கொண்டுள்ளது. ஆனால் வெளியில் வந்து 150 கோடி ரூபாய்க்கு குறைவாக சம்பளம் வாங்குவதில்லை என்று கூறிக் கொள்கின்றனர் என்று கூறியிருக்கிறார் திருப்பூர் சுப்ரமணியம்.

அண்ணே ஒரு படம் பண்ண போறேன்.. சந்தானம் படத்திற்கு சூரி செய்த உதவி..!

நடிகர் சூரி தற்சமயம் தமிழ் சினிமாவில் மிக முக்கியமான ஒரு பிரபலமாக மாறி இருக்கிறார். இதுவரை காமெடி நடிகராக நடித்து வந்த சூரிக்கு விடுதலை திரைப்படம் ஒரு பெரிய மாற்றமாக அமைந்தது.

விடுதலை திரைப்படத்தில் சூரியின் நடிப்பு அதிக வரவேற்பை பெற்றது அதனை தொடர்ந்து அவருக்கு பட வாய்ப்புகள் கிடைத்தது. தொடர்ந்து அவர் நடித்த திரைப்படங்கள் எல்லாமே வித்தியாசமான கதை களங்களை கொண்டதாக இருந்தது.

அதனால் இப்பொழுது சூரி ஒரு கவனம் பெறும் நடிகராக மாறி இருக்கிறார் தொடர்ந்து படங்களின் கதைகளம் மீது சூரி அதிக கவனம் செலுத்தி வருகிறார்.

இந்த நிலையில் தனது மேலாளருக்கு அவர் செய்த உதவி குறித்து சமீபத்தில் பேசியிருந்தார் சூரி. எனது மேலாளர் என்னிடம் காரியம் ஆக வேண்டும் என்று எப்பொழுதுமே காக்கா பிடித்தது கிடையாது.

ஒருமுறை என்னிடம் வந்து ஒரு திரைப்படம் தயாரிக்கலாம் என்று இருக்கிறேன் அது குறித்து பைனான்சியரிடம் பேசி இருக்கிறேன். அவர்கள் யாராவது ஒரு பெரிய ஆள் கையெழுத்து போட்டால் தான் பணம் தருவேன் என்று கூறுகிறார்கள்.

எனவே நீங்கள் போட முடியுமா என்று என்னிடம் கேட்டார். நானும் சரி போடுகிறேன் என்று கூறினேன். அவர் சந்தனத்தை கதாநாயகனாக வைத்து திரைப்படம் தயாரிக்க போவதாக கூறினார். சந்தானம் நடிப்பில் வந்த பாரிஸ் ஜெயராஜ் திரைப்படம் தான் அது.

நான் ஒரு காமெடி நடிகர் என்னிடம் இன்னொரு காமெடி நடிகனை வைத்து திரைப்படம் தயாரிப்பதற்கு உதவி செய்யுமாறு கேட்டார் எனது மேலாளர். அவரது துணிச்சல் எனக்கு பிடித்திருந்தது எனவே நான் அவருக்கு உதவி செய்தேன் என்று அந்த நிகழ்வை பகிர்ந்து இருக்கிறார் சூரி.

புது இயக்குனர்களுக்கு கண்டிப்பா ஹெல்ப் பண்ணும்.. ரவி மோகன் கொடுத்த அப்டேட்.!

தமிழில் அதிக பிரபலமாக இருந்த நடிகர்களில் மிக முக்கியமானவராக நடிகர் ரவி மோகன் இருந்து வருகிறார். இவர் நடித்த ஜெயம் திரைப்படத்திலிருந்து ரவி மோகனுக்கு அதிகமான வரவேற்பு என்பது இருந்து வந்தது.

தொடர்ந்து அவர் தேர்ந்தெடுத்த கதைக்களங்களும் வித்தியாசமானதாக இருந்தது. தொடர்ந்து அதனால் மார்க்கெட் குறையாத ஒரு நடிகராக இருந்து வந்தார் ரவி மோகன்.

ஆனால் சமீபகாலமாக அவரது திரைப்படங்கள் பெரிய வெற்றியை கொடுக்கவில்லை. குடும்ப வாழ்க்கையிலும் கூட ரவி மோகனுக்கு சுமூகமான விஷயமாக அமையவில்லை.

இதனை தொடர்ந்து ரவி மோகன் அடுத்து திரைப்படங்களை தயாரிப்பதன் மீது கவனம் காட்டி வருகிறார். இந்த நிலையில் ரவி மோகன் தன்னுடைய தயாரிப்பு நிறுவனம் குறித்த வீடியோ ஒன்றை வெளியிட்டிருந்தார்.

அதில் அவர் கூறிய விஷயங்கள் பலருக்கும் ஆச்சரியத்தை கொடுக்கும் விதமாக இருக்கின்றன. தயாரிப்பு நிறுவனத்தை தொடங்கிய உடனே நிறைய திரைப்படங்களுக்கு வாய்ப்புகளை கொடுத்திருக்கிறார்.

அதில் அவர் கூறும் பொழுது நல்ல கதையை வைத்திருக்கும் சின்ன சின்ன இயக்குனர்களுக்கு கூட ரவி மோகன் தயாரிப்பு நிறுவனம் உதவி செய்யும் என்று கூறியிருக்கிறார்.

மேலும் தற்சமயம் பத்துக்கும் அதிகமான திரைப்படங்களுக்கு வாய்ப்புகளை கொடுத்திருக்கிறார். அதே மாதிரி ஆன்லைன் வெப் தொடர்களையும் உருவாக்கி வருகிறார். இது இல்லாமல் நடிகர் யோகி பாபுவை வைத்து திரைப்படங்களை இயக்க இருக்கிறார் ரவி மோகன்.

அந்த தெலுங்கு படம் மாதிரி இருக்கே… மதராஸி ட்ரைலரில் இதை கவனிச்சீங்களா?

நடிகர் சிவகார்த்திகேயன் தமிழ் சினிமாவில் முன்னணி நடிகர்களில் மிக முக்கியமானவராக இருந்து வருகிறார். அவரது நடிப்பில் வரும் திரைப்படங்களுக்கு மக்கள் மத்தியில் அதிக வரவேற்பு என்பது இருந்து வருகிறது.

அமரன் திரைப்படத்தின் வெற்றிக்கு பிறகு கிட்டத்தட்ட ஒரு ஆக்‌ஷன் ஹீரோவாக மாறிவிட்டார் சிவகார்த்திகேயன் என்றுதான் கூற வேண்டும். அமரன் படத்தின் வெற்றிக்கு பிறகு தொடர்ந்து பெரிய இயக்குனர்கள் படங்களில் வாய்ப்புகளை பெற்று வருகிறார் சிவகார்த்திகேயன்.

அந்த வகையில் அடுத்து அவர் நடித்து வரும் திரைப்படம் மதராஸி. இந்த திரைப்படத்தை இயக்குனர் ஏ.ஆர் முருகதாஸ் இயக்கியுள்ளார். இந்த திரைப்படத்தின் ட்ரைலர் நேற்று வெளியானது. இந்த ட்ரைலரை பார்க்கும்போது நானி நடித்த சூர்யா சாட்டர்டே திரைப்படத்தின் சில விஷயங்கள் இருப்பது தெரிவதாக கூறப்படுகிறது.

சூர்யா சாட்டர்டே திரைப்படத்தில் யார் என்ன வம்பு செய்தாலும் ஹீரோ அவர்களை சனிக்கிழமை மட்டுமே அடிப்பார் என்கிற மாதிரியாக திரைப்படத்தின் கதை அம்சம் இருக்கும். அதே போல இதிலும் சிவகார்த்திகேயனுக்கு ஒரு விதிமுறை இருக்கலாம் என கூறப்படுகிறது.

எப்படி இருந்தாலும் இப்போது இந்த ட்ரைலர் வரவேற்பை பெற்று வருகிறது.

தயவு செஞ்சு அதை பண்ணாதீங்க.. ரசிகர்களுக்கு விஜய் வைத்த வேண்டுக்கோள்..!

சமீபத்தில் நடிகர் விஜய் ஜனநாயகன் படத்தின் படப்பிடிப்புக்காக மதுரை விமான நிலையம் வந்திருந்தார். அப்பொழுது அவர் பேசிய சில விஷயங்கள் இப்பொழுது ட்ரண்டாகி வருகிறது. அதில் அவருக்கு வரும் பொழுது நான் எனது வேலைக்காக இப்பொழுது இங்கு வந்து இருக்கிறேன்.

ஜனநாயகன் படத்திற்கான படப்பிடிப்புக்காக செல்ல இருக்கிறேன் அதற்காக தான் இப்பொழுது மதுரை விமான நிலையம் வந்து இருக்கிறேன் இன்னும் சில காலங்களில் மதுரைக்கு நான் வருவேன் வந்து உங்களிடம் எல்லாம் பேசுவேன்.

ஆனால் இப்பொழுது நான் படப்பிடிப்புக்காக என்னுடைய சொந்த விஷயத்துக்காக தான் செல்கிறேன். எனவே ரசிகர்கள் என்னை பின்பற்றுவது நான் செல்லும் வேன் பின்னாடியே வருவது இருசக்கர வாகனத்தில் வேகமாக செல்வது.

ஹெல்மெட் அணியாமல் வருவது போன்ற விஷயங்களை செய்ய வேண்டும் அந்த மாதிரியான வீடியோக்களை பார்க்கும்போது எனக்கு மிகவும் பதற்றமாக இருக்கிறது என்று தனது ரசிகர்களுக்கு வேண்டுகோள் வைத்திருக்கிறார் விஜய்.

இதற்கு முன்பு விஜய் அரசியல் காரணமாக சில நிகழ்வுகளில் கலந்து கொள்ளும் பொழுது இந்த மாதிரி ரசிகர்கள் தொடர்ந்து அவரை பின்பற்றி வருகிறேன் என்று நிறைய பிரச்சனைகளை செய்தனர் அதனாலேயே தற்சமயம் விஜய் இப்படியான ஒரு வேண்டுகோளை வைத்து இருக்கிறார்.

பட்ஜெட்டில் வந்த சிக்கல்.. சிம்பு படத்தில் வெற்றிமாறன் எடுத்த முடிவு..!

விடுதலை 2 திரைப்படத்திற்கு பிறகு வெற்றிமாறன் வாடிவாசல் திரைப்படத்தை இயக்க இருந்தார். ஆனால் நடிகர் சூர்யாவிற்கு அந்த சமயத்தில் கால்ஷீட் இல்லை என்கிற காரணத்தினால் அடுத்ததாக நடிகர் சிம்புவை வைத்து ஒரு திரைப்படத்தை இயக்க துவங்கியிருக்கிறார் வெற்றிமாறன்.

இந்த திரைப்படத்தை தயாரிப்பாளர் கலைப்புலி எஸ் தானு தயாரித்து வருகிறார். ஏற்கனவே வெற்றிமாறன் இயக்கிய அசுரன் திரைப்படம் கலைப்புலி எஸ் தாணு தயாரிப்பில் வெளியான திரைப்படம்தான்.

இந்த நிலையில் சிம்பு திரைப்படத்தைப் பொறுத்தவரை குறைந்த பட்ஜெட்டில் அந்த படத்தை எடுக்க வேண்டும் என்பதுதான் தலைப்புலி எஸ் தாணுவின் எண்ணமாக இருந்தது. ஆனால் வெற்றிமாறன் ஆரம்பத்திலேயே பெரிய பட்ஜெட் படமாக இதை கொண்டு வந்து விட்டார்.

இந்த நிலையில் படத்தின் பட்ஜெடை குறைக்க வேண்டும் என்று கலைப்புலி எஸ் தாணு கூறிய காரணத்தினால் படப்பிடிப்பு துவங்கப்படாமலேயே இருந்தது. வேறு தயாரிப்பாளர்கள் வெற்றிமாறனுக்கு வாய்ப்புகளை வழங்கி உள்ளனர்.

ஆனாலும் கூட கலைப்புலி எஸ் தாணுவிடம் அட்வான்ஸ் தொகை வாங்கிய காரணத்தினால் அவருக்குதான் படம் பண்ணுவேன் என்று நிராகரித்து விட்டார் வெற்றி மாறன். இந்த நிலையில் தற்சமயம் இது குறித்து பேச்சுவார்த்தை சென்று கொண்டு உள்ளது.

ரெண்டு நாடுகளில் செம ஹிட்.. கூலி செய்த சாதனை. எந்த நாடுகள் தெரியுமா?

நடிகர் ரஜினிகாந்த் நடித்து சமீபத்தில் வெளியாகி அதிக வரவேற்பை பெற்று வருகிறது கூலி திரைப்படம். இந்த திரைப்படத்தை லோகேஷ் கனகராஜ் இயக்கி இருக்கிறார்.

பெரும்பாலும் லோகேஷ் கனகராஜ் இயக்கும் திரைப்படங்கள் போதை பொருள் கடத்தல் தொடர்பான படங்களாகதான் இருக்கும். ஆனால் எந்த திரைப்படம் கொஞ்சம் மாற்றாக பொருட்களை கடத்துதல் மற்றும் உடல் உறுப்புகளை கடத்தலை அடிப்படையாகக் கொண்டு செல்கிறது.

இந்த திரைப்படம் வெளியான உடனே அதிக வரவேற்பை பெற்றது. முதல் நாளை பொறுத்தவரை தமிழ்நாடு முழுவதும் உள்ள அனைத்து திரையரங்குகளிலும் ஏற்கனவே திரையரங்குகள் ஹவுஸ் ஃபுல் ஆகி இருந்தன.

இதனை அடுத்து உலக அளவிலும் இப்பொழுது கூலி திரைப்படத்திற்கு நல்ல வரவேற்பு கிடைத்திருக்கிறது. அந்த வகையில் கூலி திரைப்படம் ஆஸ்திரேலியா மற்றும் நார்வே நாடுகளில் அதிக வரவேற்பு பெற்றுள்ளதாக கூறப்படுகிறது.

தொடர்ந்து அந்த நாட்டு திரையரங்குகளில் கூலி திரைப்படம் அதிகமான திரையரங்குகளில் வெளியாகி வருகிறதாம்.

3 நாளில் வசூலை வாரி குவித்த கூலி திரைப்படம்.. வசூல் ரிப்போர்ட்.!

நடிகர் ரஜினிகாந்த் நடிப்பில் உருவாகி கடந்த ஆக்ஸ்ட் 14 ஆம் தேதி வெளியான திரைப்படம் கூலி. இந்த திரைப்படத்தை இயக்குனர் லோகேஷ் கனகராஜ் இயக்கியிருந்தார். இந்த திரைப்படத்திற்கு ஏற்கனவே அதிக வரவேற்பு இருந்து வந்தது.

இந்த நிலையில் வெளியான உடனேயே கூலி திரைப்படத்திற்கு வரவேற்பு அதிகமாக கிடைக்க துவங்கியது. இந்த நிலையில் வெளியான கூலி திரைப்படம் அமோகமான வரவேற்பை பெற்றுள்ளது.

கடந்த 3 நாட்களில் இந்த படம் 151 கோடி வசூல் செய்துள்ளது. மேலும் இந்த படம் அதிகமாக வசூலிக்கும் என எதிர்பார்க்கப்படுகிறது.