நித்திஷ் திவாரி இயக்கத்தில் பெரும் பொருட் செலவில் உருவாகும் திரைப்படம் ராமாயணம். இந்த திரைப்படம் குறித்து அதிக எதிர்பார்ப்பு இருந்து வருகிறது. இந்திய சினிமாவிலேயே அதிக பட்ஜெட்டில் உருவாகும் படமாக இது உள்ளது.
நடிகர் ரன்பீர் கபூர் இதில் ராமர் கதாபாத்திரத்தில் நடிக்கிறார். நடிகை சாய் பல்லவி சீதையாக நடிக்கிறார். ராவணன் கதாபாத்திரத்தில் கே.ஜி.எஃப் கதாநாயகன் யஷ் நடிக்கிறார்.
இந்த நிலையில் இந்த படம் குறித்த அதிகாரபூர்வ அப்டேட் சமீபத்தில் வெளியானது. இதுகுறித்து இப்போது இணையத்தில் சில விஷயங்கள் வெளியானது. அதாவது 10,000 கோடி பட்ஜெட்டில் ராமாயணம் திரைப்படம் உருவாகுவதாக ஒரு பேச்சு இருந்து வருகிறது.
இது தமிழ் சினிமா ரசிகர்கள் மத்தியில் சிரிப்பை ஏற்படுத்தும் விஷயமாக அமைந்துவிட்டது. மொத்த இந்தியாவின் சினிமா மார்கெட் என்பது 10,000 கோடி வசூலிக்கும் அளவிற்கு பெரிய மார்க்கெட் கிடையாது.
ஒரு படம் 2000 கோடி வசூலித்தாலே அது பெரிய சாதனை. எந்த படமும் இந்தியாவில் இதுவரை 2000 கோடி வசூலிக்கவில்லை. இந்த நிலையில் எப்படி 10,000 கோடி பட்ஜெட்டில் ராமாயணம் படம் உருவாகும் என கேள்வி எழுப்பியுள்ளனர் நெட்டிசன்கள்.
