Tag Archives: கருடன்

இது ப்ளாக்பஸ்டர் லெவல்!.. வசூலில் சம்பவம் செய்த கருடன் திரைப்படம்..

காமெடி நடிகராக தமிழ் சினிமாவில் வலம் வந்தவர் நடிகர் சூரி. வெண்ணிலா கபடி குழு திரைப்படத்தில் அவரது காமெடி பிரபலமானதை தொடர்ந்து தமிழ் சினிமாவில் தொடர்ந்து நிறைய திரைப்படங்களில் காமெடி நடிகராக வாய்ப்புகளை பெற்றார்.

அதனை தொடர்ந்து அடுத்த கட்டமாக கதாநாயகனாகவும் சினிமாவில் என்ட்ரி ஆனார் நடிகர் சூரி. வெற்றிமாறன் இயக்கிய விடுதலை திரைப்படத்தின் மூலமாக முதன் முதலாக கதாநாயகனாக இவர் அறிமுகமானார்.

ஹீரோவாக வரவேற்பு:

விடுதலை திரைப்படத்திற்கு மக்கள் மத்தியில் நல்ல வரவேற்பு கிடைத்தது அதனை தாண்டி சூரி இப்படி ஒரு அசாத்தியமான நடிப்பு திறமையை கொண்டவர் என்பது அந்த திரைப்படத்தில்தான் தெரிந்தது.

அதனை தொடர்ந்து கொட்டு காளி தற்சமயம் கருடன் ஆகிய திரைப்படங்களில் நடித்திருக்கிறார் சூரி. இந்த நிலையில் கருடன் திரைப்படமும் மக்கள் மத்தியில் பெரும் வரவேற்பை ஏற்படுத்தி இருக்கிறது.

கருடன் திரைப்படம் இதுவரை 30 கோடி வரை வசூல் செய்திருக்கிறது. நடிகர் சூரியின் நடிப்பில் ஒரு திரைப்படம் இந்த அளவிற்கு வசூல் செய்திருப்பது பெரிய விஷயமாகும். ஏனெனில் சமீபத்தில் கவின் நடித்து வெளியான ஸ்டார் திரைப்படம் கூட 30 கோடிகள் வசூல் செய்யவில்லை எனவே இது சூரிக்கு நல்ல வெற்றி படம் என்றுதான் கூற வேண்டும்.

அதுக்குள்ள ஹிப் ஹாப் ஆதியை ஓவர்டேக் பண்ணிட்டாரே!.. கருடன் திரைப்படம் முதல் நாள் வசூல்!..

தமிழில் காமெடி நடிகராக அறிமுகமாகி தற்சமயம் கதாநாயகனாக மாறியிருப்பவர் நடிகர் சூரி. விடுதலை திரைப்படம்தான் நடிகர் சூரிக்கு மிகப்பெரிய மாற்றமாக அமைந்தது.

அதற்கு பிறகு அவருக்கு கிடைத்த பட வாய்ப்புகள் எல்லாமே அதிக வரவேற்பை ஏற்படுத்துவதாகவே இருந்து வந்தது. இந்த நிலையில் கொட்டுக்காளி என்னும் திரைப்படத்தில் சுரி நடித்தார். அந்த திரைப்படம் உலக திரைப்பட விழாக்களுக்கு சென்று வருவதால் இன்னமும் திரையரங்குகளில் வெளியாகவில்லை.

இதனை தொடர்ந்து தற்சமயம் சூரி நடித்திருக்கும் திரைப்படம்தான் கருடன். இந்த திரைப்படத்தில் சூரிதான் முக்கிய கதாபாத்திரமாக நடித்துள்ளார். ஆனால் நடிகர் சசியும் இந்த படத்தில் நடித்துள்ளார்.

வசூல் நிலவரம்:

நேற்று திரையில் வெளியான இந்த திரைப்படத்திற்கு நல்ல வரவேற்பு கிடைத்தது. இதனை தொடர்ந்து நேற்று ஒரு நாள் மட்டும் 3 கோடி ரூபாய் வசூல் செய்துள்ளது கருடன் திரைப்படம்.

இந்த ஹிப் ஹாப் ஆதி, சந்தானம் மாதிரியான வளர்ந்து வரும் நடிகர்களின் முதல் நாள் கலெக்‌ஷனோடு ஒப்பிடும்போது இது அதிகம் என்றே கூறப்படுகிறது. வரும் நாட்களில் இன்னமும் அதிக வசூலை கொடுக்க உள்ளது கருடன் திரைப்படம்.

கருடன் படத்தில் நடிக்க சூரி வாங்கிய சம்பளம்!.. ஆத்தாடி இவ்வளவா..

தமிழ் சினிமாவில் காமெடி நடிகராக வந்த நடிகர் சூரி தொடர்ந்து தன்னுடைய முயற்சியால் கதாநாயகனாக வலம் வந்துக்கொண்டுள்ளார். கதாநாயகனாக அவர் நடித்த முதல் படம் விடுதலை. அதற்கு முன்பு சூரியை காமெடி நடிகராக பார்த்து வந்த மக்கள் அவரை உடனே கதாநாயகனாக ஏற்றுக்கொண்டனர்.

விடுதலை படத்தில் சூரி ஏற்றுகொண்ட கதாபாத்திரமே அதற்கு முக்கிய காரணமாக இருந்தது. எடுத்த உடனேயே அதிக சண்டை காட்சிகளை கொண்ட மாஸ் கதாபாத்திரமாக களம் இறங்கியிருந்தால் அது சூரிக்கு கண்டிப்பாக வெற்றியை கொடுத்திருக்காது.

actor-soori

எனவேதான் சூரி கதைகளை தேர்ந்தெடுப்பதில் முக்கியத்துவம் காட்டுகிறார். வெகு நாட்கள் காத்திருந்த பிறகுதான் விடுதலை திரைப்படத்திலேயே அவர் நடித்துள்ளார்.

சூரி வாங்கிய சம்பளம்:

 இந்த நிலையில் அதனை தொடர்ந்து அவருக்கு அதிகமான பட வாய்ப்புகள் வந்த வண்ணம் உள்ளன. இந்த நிலையில் அடுத்து சசிக்குமாருடன் இணைந்து கருடன் என்கிற திரைப்படத்தில் நடித்துள்ளார்.

garudan movie

இந்த திரைப்படத்திலும் இவர்தான் ஹீரோ என கூறப்படுகிறது. கருடன் படத்திற்கு சூரி வாங்கியிருக்கும் சம்பளம் 8 கோடி ரூபாய் என கூறப்படுகிறது. தற்சமயம் தமிழில் வளர்ந்து வரும் நடிகர்களான மணிகண்டனும், கவினும் கூட இன்னமும் அந்த அளவு சம்பளத்தை தொடவில்லை.

ஒரு காலத்தில் சினிமாவிற்கு லைட் பாயாக வேலைக்கு வந்த சூரி 20 வருட போராட்டத்திற்கு பிறகு அதில் சாதித்துள்ளார் என்றே கூறலாம்.

காமெடி பண்றவன் தானேன்னு குறைச்சி எடை போட்டுடாதீங்க!.. கெத்து காட்டிய சிவகார்த்திகேயன்!.

விஜய் டிவியில் காமெடி தொகுப்பாளராக இருந்து தற்சமயம் தமிழ் சினிமாவின் மிகப்பெரும் கதாநாயகனாக இருப்பவர் நடிகர் சிவகார்த்திகேயன். பொதுவாக சிவகார்த்திகேயன் நடிக்கும் திரைப்படங்கள் எல்லாம் ஆரம்பத்தில் காமெடி திரைப்படங்களாகதான் இருந்தன.

மனம் கொத்தி பறவை, எதிர் நீச்சல், ரஜினி முருகன் என பல படங்கள் காமெடி படங்களாகவே இருந்தன. இப்போதுதான் கனா, டாக்டர் மாதிரியான படங்களில் கொஞ்சம் சீரியஸாக நடித்துள்ளார் சிவகார்த்திகேயன். மேலும் அடுத்து நடிக்க போகும் அமரன் திரைப்படத்திலும் கூட சீரியஸாகவே நடிக்க உள்ளார் சிவகார்த்திகேயன்.

இந்த நிலையில் சிவகார்த்திகேயன் சூரியோடு நிறைய படங்களில் நடித்துள்ளார். சூரிக்கும் இவருக்கும் நல்ல நட்பு உண்டு. எனவே சூரி, சசிக்குமார் சேர்ந்து நடிக்கும் கருடன் திரைப்படத்தின் இசை வெளியீட்டு விழாவிற்கு வருகை தந்திருந்தார் சிவகார்த்திகேயன்.

sivakarthikeyan

அவர் அதில் பேசும்போது, “சூரியுடன் நான் படங்கள் நடிக்கும் போது எல்லாம் அவரை கதாநாயகனாக பலமுறை நடிக்க சொல்லியுள்ளேன். ஆனால் அவர் இப்பவே நல்லாதான்பா போயிட்டு இருக்கு என கூறுவார். பிறகு ஒரு நாள் அவரே வந்து தம்பி எனக்கு கதாநாயகனா நடிக்க வாய்ப்பு கிடைச்சிருக்கு.

வெற்றிமாறன் படம். ஆனா நடிக்குறதுக்கு பயமா இருக்கு என கூறினார். அண்ணே கண்ணை மூடிக்கிட்டு நடிச்சி கொடுத்து வாங்கன்னு சொன்னேன். அதுல நடிக்குறது ஓ.கே தம்பி அதுக்கு பிறகு பட வாய்ப்பு வருமான்னு கேட்டார்.

ஆனால் வரிசையா எத்தனை படத்தில் நடிச்சிட்டார் பாருங்க. காமெடி பண்ற நடிகரால் எல்லா விதமான நடிப்பையும் வெளிப்படுத்த முடியும்னு சூரி அண்ணே காட்டியிருக்காரு” என பேசியிருந்தார் நடிகர் சிவகார்த்திகேயன். சிவகார்த்திகேயனும் கூட காமெடியனாக இருந்து சினிமாவில் உச்சத்தை தொட்டவர் என்பதால் அதை கொஞ்சம் பெருமிதத்தோடுதான் கூறியிருந்தார் சிவகார்த்திகேயன்.