தமிழ் சினிமாவில் சர்ச்சைக்குரிய விஷயங்களை பேசும் ஒரு சில இசையமைப்பாளர்களில் ஜேம்ஸ் வசந்தும் முக்கியமானவர். பெரும்பாலும் ஜேம்ஸ் வசந்தன் அவர் மனதிற்கு தோன்றிய விஷயங்களை கூறி விடுவார் என்றாலும் கூட அது சில சமயங்களில் அதிக சர்ச்சைகளை ஏற்படுத்தி விடுகிறது.

அந்த வகையில் அவர் விஜய் குறித்து பேசிய ஒரு விஷயமும் சர்ச்சையானது விஜய் ஒரு இசை வெளியீட்டு விழாவிற்கு வரும்பொழுது மிகவும் சிம்பிளாக வந்திருந்தார்.

தலைமுடியை கூட ஒழுங்காக சீவாமல் வந்திருந்தார். விஜய் அதிக பணம் சம்பாதிக்கும் ஒருவராக இருக்கிறார் பெரும்பாலும் அதிக பணம் சம்பாதிப்பவர்கள் எளிமையாக இருப்பது உண்மைதான். ஆனால் அவரைப் பார்த்து வளரும் இளைஞர்கள் எல்லாவற்றையும் அவரை பார்த்து கற்றுக் கொள்கிறார்கள்.

அதை விஜய் புரிந்துகொள்ள வேண்டும் இப்பொழுது இவர் ஒரு பெரிய மேடை நிகழ்ச்சிக்கு ஒழுங்காக தலையைக்கூட சீவாமல் வருகிறார் என்றால் அதை பார்க்கும் இளைஞர்களும் அவர்கள் நிகழ்ச்சிகளுக்கு செல்லும் பொழுது விஜய் அண்ணாவை அப்படி செய்கிறார் என்றால் நம்மளும் அப்படியே செல்வோம் என்று சொல்வார்கள்.

எனவே பிடிக்கிறதோ இல்லையோ விஜய்க்கு ஒரு பொறுப்பு இருக்கிறது அதை அவர் கடைபிடித்துதான் ஆக வேண்டும் என்று கூறி இருக்கிறார் ஜேம்ஸ் வசந்தன்.

தமிழ் சினிமாவில் எல்லா காலகட்டங்களிலும் போற்றப்படும் இசையமைப்பாளராக இளையராஜா இருந்து வருகிறார். இசையின் கடவுளாகதான் இளையராஜாவை தமிழ் இசை ரசிகர்கள் பார்த்து வருகின்றனர்.

அப்படி இருந்தாலும் கூட இளையராஜா பல சமயங்களில் பேசும் விஷயங்கள் அதிக சர்ச்சையாகி விடுகின்றன. இந்த நிலையில் இளையராஜாவின் பேச்சு குறித்து இசையமைப்பாளர் ஜேம்ஸ் வசந்தன் வெளிப்படையாகவே பேசி இருந்தார்.

அதில் அவர் கூறும் பொழுது நிஜ வாழ்க்கையில் இளையராஜா ஒரு மட்டமான மனிதர் இசையை பொருத்தவரை இளையராஜாவை நான் குறை சொல்ல முடியாது. அது என்னுடைய குருவை நானே குறை சொல்வது போல் ஆகிவிடும். அந்த அளவிற்கு இசையில் மிக முக்கியமானவர் இளையராஜா.

ஆனால் இளையராஜாவை திரைத்துறையில் இருக்கும் பலரே பெயர் சொல்லி அழைக்க மாட்டார்கள் சாமி என்றுதான் அழைப்பார்கள். ஏனெனில் ஆன்மீகத்தின் மீது அவ்வளவு ஈடுபாடு கொண்டவர் இளையராஜா.

ஆன்மீகம் என்பது ஒருவருக்கு பொறுமையையும் நிதானத்தையும் கொடுக்க வேண்டும். ஆனால் இளையராஜா நிஜ வாழ்க்கையில் அப்படி இல்லை சமீபத்தில் கூட அமெரிக்காவிற்கு ஒரு நிகழ்ச்சிக்கு சென்று இருந்தார். அமெரிக்கர்கள் கிறிஸ்துவ மதத்தைதான் போற்றி வருகின்றனர்.

இயேசுவின் மறுபிறப்பு போன்றவை தான் அவர்களது நம்பிக்கையாக இருக்கிறது. ஆனால் அங்கு சென்ற இளையராஜா இயேசு மறுபிறப்பு எடுத்தாரா? இல்லையா என்று எனக்கு தெரியாது. ஆனால் ரமண ரிஷி மறுபிறவி எடுத்தார் என்று பேசியிருக்கிறார்.

எந்த ஒரு ஆன்மீகவாதியாவது இப்படி பேசுவார்களா என்று வெளிப்படையாக கேட்டிருந்தார் ஜேம்ஸ் வசந்தன். ஜேம்ஸ் வசந்தனின் இந்த பேச்சை இப்பொழுது சர்ச்சையாகி வருகிறது.