Kavin : நடிகர்களை பொருத்தவரை வாய்ப்புகள் அதிகம் வந்தாலும் கூட சிம்பிளாக இருக்கும் சில நடிகர்கள் உண்டு. விஜய் ஆண்டனி மாதிரியான சில நடிகர்கள் நிறைய திரைப்படங்களில் நடித்திருந்தாலும் கூட மிகவும் சாதாரணமாக மற்றவர்களிடம் பழகக் கூடியவர்களாக இருப்பார்கள்.

ஆனால் சில நடிகர்கள் நல்ல வெற்றி கொடுத்து விட்டால் அதன் பிறகு அவர்களது நடவடிக்கைகளிலேயே மாற்றம் ஏற்பட்டு விடும். அப்படியாகதான் தற்சமயம் திரைத்துறையில் கெட்ட பெயரை வாங்கி வருகிறார் நடிகர் கவின்.

டாடா திரைப்படத்தின் வெற்றியை தொடர்ந்து கவினுக்கு நிறைய வாய்ப்புகள் வரத் துவங்கின. இதனை பார்த்த கவின் தனது சம்பளத்தை நான்கு கோடியாக உயர்த்தினார் என்று ஏற்கனவே பேச்சுக்கள் இருக்கின்றன. இந்த சம்பளம் கட்டுபடியாகாததால் ஏற்கனவே சுந்தர் சி கலகலப்பு 3 திரைப்படத்தில் கவினை நடிக்க வைக்க நினைத்து இறுதியில் சம்பள பேச்சுவார்த்தை சுமூகமாக முடியாத காரணத்தினால் கவினை அந்த திரைப்படத்தில் நடிக்க வைக்கவில்லை.

கவினால் வந்த பிரச்சனை:

தற்சமயம் வேறு ஒரு திரைப்படத்தில் நடித்து வருகிறார் கவின். ஆனால் தினசரி படபிடிப்பிற்கு கவின் தாமதமாகத்தான் வருகிறாராம். மேலும் அவ்வளவு ஈடுபாடாக நடிக்கவும் மாட்டேங்கிறார் என்று பேச்சுக்கள் இருக்கின்றன. இதே மாதிரிதான் முன்பு நடிகர் சிம்புவும் செய்து வந்தார்.

பிறகு அவருக்கு வாய்ப்புகள் குறைய தொடங்கின. அதன் பிறகு திருந்தி தற்சமயம் சிம்பு அனைத்து திரைப்படங்களிலும் சரியாக நடித்து வருகிறார். ஆனால் கவின் ஆரம்ப கட்டத்திலேயே இப்படி செய்வது அவருடைய வளர்ச்சியில் பாதிப்பை ஏற்படுத்தும் என்று கூறப்படுகிறது.

ஏனெனில் கவினுக்கு திரையரங்க வெற்றி என்று டாடா என்கிற ஒரு திரைப்படம் தான் அமைந்துள்ளது. அதற்கு முன்பு அவர் நடித்த லிப்ட் திரைப்படம் திரையரங்கில் வெளியாகவில்லை. எனவே அதற்குள்ளாகவே கவின் இப்படி செய்வது நல்லதே கிடையாது என்று பேசப்படுகிறது.

சின்ன திரையில் பிரபலமாக உள்ள டிவி சேனல்களில் முக்கியமான சேனலாக விஜய் டிவி உள்ளது. விஜய் டிவி மூலமாக பல பிரபலங்கள் தமிழ் சினிமாவில் பெரும் இடத்தை தொட்டுள்ளனர். விஜய் டிவியில் ஒளிப்பரபாகும் சில நிகழ்ச்சிகள் மக்கள் மத்தியில் மிகவும் பிரபலமாகும்.

அப்படியாக பிக்பாஸ் நிகழ்ச்சியும் மக்கள் மத்தியில் நல்ல பிரபலமான நிகழ்ச்சியாக இருந்தது. இந்த நிகழ்ச்சியில் பங்கேற்கும் அனைவருக்கும் திரைத்துறையில் நல்ல வாய்ப்புகள் கிடைத்தன.

அந்த வகையில் ஒரு காலத்தில் பிக் பாஸில் இருந்தவர்தான் நடிகர் கவின். அந்த நிகழ்ச்சிக்கு பிறகு தொடர்ந்து தமிழ் சினிமாவில் கதாநாயகனாவதற்காக முயற்சித்து வந்தார். அதனை தொடர்ந்து லிஃப்ட், டாடா போன்ற படங்களில் கதாநாயகனாக நடித்தார்.

டாடா திரைப்படம் இவருக்கு நல்ல வரவேற்பை ஏற்படுத்தி கொடுத்தது. இந்த நிலையில் தற்சமயம் திருமணம் செய்துள்ளார் கவின். நீண்ட நாளாக இவர் மோனிகா என்கிற பெண்ணை காதலித்து வந்ததாக கூறப்படுகிறது. தற்சமயம் அவரையே கரம் பிடித்துள்ளார் கவின். அந்த புகைப்படங்களை தனது சமூக வலைத்தள பக்கத்தில் வெளியிட்டுள்ளார்.