நடிகர் விஜய் சேதுபதி மற்றும் நடிகை நித்யா மேனன் நடித்து இயக்குனர் பாண்டிராஜ் இயக்கத்தில் வெளியான திரைப்படம் தலைவன் தலைவி.
தொடர்ந்து இயக்குனர் பாண்டிராஜ் குடும்ப கதை அம்சத்தை கொண்ட திரைப்படங்களை தேர்ந்தெடுத்து இயக்கி வருகிறார். அப்படி அவர் இயக்கும் திரைப்படங்களும் நல்ல வரவேற்பை பெற்று வருகின்றன.
தொடர்ந்து தமிழ் சினிமாவில் ஆக்ஷன் திரைப்படங்களுக்கு தனிப்பட்ட வரவேற்பு இருந்தாலும் கூட இன்னமும் குடும்ப திரைப்படங்களுக்கு ஒரு வரவேற்பு இருக்கதான் செய்கிறது.
இந்த நிலையில் திரையரங்குகளில் சமீபத்தில் வெளியான தலைவன் தலைவி திரைப்படம் மக்கள் மத்தியில் பெரும் வரவேற்பை பெற்று இருக்கிறது.
கிட்டத்தட்ட இந்த திரைப்படம் இதுவரை 80 கோடிக்கும் அதிகமாக வசூல் செய்து இருக்கிறது. எப்படியும் 100 கோடியை தொட்டு விடும் என்றும் எதிர்பார்க்கப்படுகிறது. அப்படி நடக்கும் பட்சத்தில் விஜய் சேதுபதிக்கு முதல் 100 கோடி படமாக தலைவன் தலைவி இருக்கும் என்று கூறப்படுகிறது.
மேலும் ஒரு குடும்ப படத்திற்கு இவ்வளவு வரவேற்பு கிடைத்திருப்பது ஒரு முக்கியமான விஷயமாக சினிமாவில் பார்க்கப்படுகிறது. இதனை தொடர்ந்து குடும்ப படங்களுக்கும் அடுத்து வரவேற்பு அதிகமாக இருக்கலாம் என்றும் பேச்சுக்கள் இருக்கின்றன.
