நடிகர்கள் கொஞ்சம் பிரபலமாக துவங்கிய பிறகு அவர்கள் செய்யும் முதல் விஷயம் தங்களது சம்பளத்தை உயர்த்துவதுதான். இது பெரிய நடிகர்களில் துவங்கி சின்ன நடிகர்கள் வரை தமிழ் சினிமாவில் பரவலாக இருந்து வருகிறது. அந்த வகையில் அறிமுகமாகும் புது நடிகர்கள் ஒரு சில திரைப்படங்களுக்கு பிறகு தங்களது சம்பளத்தை அதிகரித்து விடுகின்றனர்.
நடிகர் கவின் கூட அப்படியாக தனது சம்பளத்தை அதிகரித்துள்ளார். பிக்பாஸ் நிகழ்ச்சி மூலமாக மக்கள் மத்தியில் பிரபலமான நடிகர் கவின் அதன் பிறகு வெகு நாட்களாக தமிழ் சினிமாவில் நடிகராவதற்கு முயற்சித்து வந்தார். அந்த வகையில் அவருக்கு லிஃப்ட் என்னும் திரைப்படத்தில் நடிப்பதற்கு வாய்ப்பு கிடைத்தது.
அது ஒரு ஹாரர் திரைப்படம் என்றாலும் அதற்கு மக்கள் மத்தியில் ஓரளவு வரவேற்பு கிடைத்தது. அதனை தொடர்ந்து அடுத்து கவின் நடித்த திரைப்படம் டாடா. இந்த திரைப்படம் நல்ல வெற்றியை கண்டது. டாடா திரைப்படத்திற்கு கிடைத்த வரவேற்பை அடுத்து கவின் தனது சம்பளத்தை 4 கோடியாக உயர்த்தியுள்ளார்.
அதே போல நடிகர் மணிகண்டனும் ஜெய் பீம் திரைப்படம் மூலமாக தமிழ் சினிமாவில் பிரபலமானார். அதற்கு பிறகு குட் நைட் மற்றும் லவ்வர் ஆகிய இரண்டு திரைப்படங்களில் கதாநாயகனாக நடித்துள்ளார். இந்த இரண்டு திரைப்படங்களுமே நல்ல வெற்றியை பெற்றுள்ளது.
இதனை தொடர்ந்து மணிகண்டனுக்கு வாய்ப்புகள் அதிகரிக்க துவங்கியுள்ளன. எனவே அவரும் அவரது சம்பளத்தை 2 கோடிக்கு உயர்த்தியுள்ளதாக கூறப்படுகிறது. மேலும் வளர்ந்து வரும் நடிகர்களில் முக்கியமானவராக மணிக்கண்டன் இருக்கிறார்.
