Tag Archives: ameerkhan

கூலி திரைப்படத்தில் நடிகர்களின் சம்பள விவரம்..! ரஜினி சம்பளம் எவ்வளவு தெரியுமா?

ரஜினி நடிப்பில் ரசிகர்களின் எதிர்பார்ப்பில் தற்சமயம் உருவாகி வரும் திரைப்படம் கூலி. இந்த திரைப்படம் வருகிற ஆக்ஸ்ட் 14 ஆம் தேதி திரையரங்குகளில் வெளியாக இருக்கிறது. இந்த படம் குறித்து அதிக வரவேற்பு இருப்பதற்கு முக்கிய காரணமே இயக்குனர் லோகேஷ் கனகராஜ்தான்.

இயக்குனர் லோகேஷ் கனகராஜ் இயக்கத்தில் இதுவரை வந்த ஆக்‌ஷன் திரைப்படங்கள் எல்லாமே பெருமளவில் வசூலை கொடுத்துள்ளன. இந்த நிலையில் நடிகர் ரஜினிகாந்தை வைத்து லோகேஷ் கனகராஜ் இயக்கும் படமானது மற்ற லோகேஷ் படங்களை விடவுமே சிறப்பாக இருக்கும் என எதிர்பார்க்கப்படுகிறது.

அதற்கு தகுந்தாற் போல ஏற்கனவே கூலி படத்தை பார்த்த படத்தின் தயாரிப்பாளர் படம் குறித்து திருப்தி அடைந்துள்ளார். இந்த நிலையில் படம் பேன் இந்தியா படம் என்பதால் நிறைய நட்சத்திரங்கள் இதில் நடித்துள்ளனர். அவர்களின் சம்பள விவரம் இப்போது வெளியாகியுள்ளது.

ரஜினிகாந்திற்கு இந்த படத்திற்கான சம்பளமாக 200 கோடி பேசப்பட்டுள்ளது. 150 கோடி ஏற்கனவே கொடுக்கப்பட்டுள்ளது. பாக்கி 50 கோடி படத்தின் வெற்றிக்கு பிறகு கொடுக்கப்படும் என தெரிவிக்கப்பட்டுள்ளது.

இயக்குனர் லோகேஷ் கனகராஜ் ரூபாய் 50 கோடி சம்பளமாக வாங்கியுள்ளாராம்.

அதே போல நடிகர் அமீர்கான் இந்த படத்திற்கு 20 கோடி சம்பளம் வாங்கியுள்ளார். நடிகர் நாகர்ஜுனா 10 கோடி சம்பளம் வாங்கியுள்ளார்

நடிகர் சோபின் 1 கோடி ரூபாயை சம்பளமாக பெற்றுள்ளார். ஸ்ருதிஹாசன் மற்றும் பூஜா ஹெக்தே ரூபாய் 3 கோடி சம்பளமாக பெற்றுள்ளனர். உப்பேந்திரா ராவ் 2 கோடி சம்பளமாக பெற்றுள்ளார் என பேச்சுக்கள் இருக்கின்றன.

பல வருஷத்துக்கு அப்புறம் அதை நான் லோகேஷ் படத்துல செஞ்சேன்.. ஓப்பன் டாக் கொடுத்த அமீர்கான்..!

பாலிவுட்டில் தொடர்ந்து ஆக்கபூர்வமான கதைகளை தேர்ந்தெடுத்து நடிக்கக் கூடியவர் நடிகர் அமீர்கான். சமீபத்தில் அவரது நடிப்பில் வந்த சித்தாரே சமீபர் என்கிற திரைப்படம் கூட நல்ல வரவேற்பை பெற்று இருந்தது.

வெறும் சண்டை காட்சிகள் கொண்ட படங்கள் என்று இல்லாமல் அமீர்கானின் கதை தேர்ந்தெடுப்புகள் என்பது மிக வித்தியாசமானதாக இருக்கும்.

அவர் நடித்த தங்கல், சீக்ரெட் சூப்பர் ஸ்டார் மாதிரியான திரைப்படங்கள் எல்லாமே பெண்கள் முன்னேற்றம் குறித்த கதைகளத்தை கொண்டு இருந்தது.

இந்த நிலையில் தமிழில் ரஜினிகாந்த் நடித்த கூலி திரைப்படத்தில் இவர் நடித்திருக்கிறார். மேலும் இந்த படத்தை தேர்ந்தெடுத்தது குறித்து அவர் பேசியிருக்கிறார். அதில் அவர் கூறும் பொழுது கூலி திரைப்படம் குறித்து என்னிடம் லோகேஷ் கனகராஜ் பேச வந்த பொழுது படத்தின் கதையை கூட நான் கேட்கவில்லை.

ரஜினி சாரின் படம் என்று கூறியதுமே நான் அந்த படத்தில் நடிக்க ஒப்புக்கொண்டேன். வெகு வருடங்களுக்குப் பிறகு படத்தின் கதையை கூட கேட்காமல் ஒரு திரைப்படத்தை ஒப்புக்கொண்டேன் என்றால் அது கூலி திரைப்படம்தான்.

இந்த நிலையில் இந்த திரைப்படத்திற்கு தினமும் படப்பிடிப்புக்கு காலை நான்கு மணிக்கே வந்து விடுவாராம் அமீர்கான். இது குறித்து அவரிடம் கேட்ட பொழுது பொதுவாக படப்பிடிப்பதற்கு நான் ஒன்பது மணிக்கு தான் செல்வேன்.

ஆனால் எனது கையில் டாட்டூ குத்தப்பட்டு இருக்கும் அதனால் எனக்கு மேக்கப் போடுவதற்கு அதிக நேரம் எடுக்கும். மேலும் ரஜினி சார் எப்பொழுதும் டைமிங் இல் படபிடிப்பில் இருப்பார். எனவே அவருக்குப் பிறகு படப்பிடிப்புக்கு வருவது என்பது எனக்கு பெரிய ரிஸ்க்.

எனவேதான் நான் கூலி திரைப்படத்தின் படப்பிடிப்புக்கு நான்கு மணிக்கு வந்து விடுவேன் என்று கூறியிருக்கிறார் அமீர்கான்.

 

 

 

அமீர்கானை வச்சு சூப்பர் ஹீரோ படம்.. லோகேஷ் போட்ட ப்ளான்..!

தமிழில் ஏற்கனவே நிறைய திரைப்படங்களில் கமிட் ஆகி இருக்கிறார் இயக்குனர் லோகேஷ் கனகராஜ். தற்சமயம் கூலி திரைப்படம் முடிந்த நிலையில் அடுத்து கைதி படத்தின் இரண்டாம் பாகத்தை இயக்க வேண்டிய சூழலில் லோகேஷ் கனகராஜ் இருக்கிறார்.

அதற்குப் பிறகு நடிகர் சூர்யாவை கதாநாயகனாக வைத்து ரோலக்ஸ் என்கிற திரைப்படத்தை இயக்க இருக்கிறார். இந்த படத்தின் இயக்கத்திற்குப் பிறகு நடிகர் கமலஹாசன் நடிப்பில் விக்ரம் படத்தின் அடுத்த பாகத்தை இயக்க உள்ளார்.

இது இல்லாமல் கூலி திரைப்படத்திற்குப் பிறகு ரஜினியுடன் இன்னொரு படம் இவர் இயக்க இருப்பதாக பேச்சுக்கள் இருக்கின்றன. இதற்கு நடுவே அமீர் கானை வைத்து ஒரு படத்தை இயக்க திட்டமிட்டு இருக்கிறார் லோகேஷ் கனகராஜ்.

கூலி திரைப்படத்தில் அமிர்கான் நடித்த பொழுது வெகு காலங்களாகவே ஆக்ஷன் திரைப்படங்களில் நடிக்கவில்லை என்பதால் லோகேஷ் கனகராஜ் இயக்கத்தில் பாலிவுட்டில் ஒரு ஆக்சன் திரைப்படத்தில் நடிக்கலாம் என்று முடிவு எடுத்திருக்கிறார் அமிர் கான்.

இந்த படம் ஒரு சூப்பர் ஹீரோ படம் என்றெல்லாம் பேச்சுக்கள் இருந்து வந்தன. இதற்கு பதிலளித்த லோகேஷ் கனகராஜ் கூறும் பொழுது இரும்புக்கை மாயாவி படத்தின் கதையை தான் நான் முதன் முதலில் எழுதினேன்.

சினிமாவிற்கு இயக்குனராக வரும்பொழுது அதை தான் படமாக்க வேண்டும் என்று நினைத்தேன். எனக்கு மிகவும் பிடித்த கதை அது என்று கூறலாம் அது எழுதி ஒரு 15 வருடம் ஆகிவிட்டது. இந்த 15 வருடத்திற்குள் தமிழில் வெளிவந்த வேறு சில திரைப்படங்களில் என்னுடைய கதையின் தாக்கம் இருப்பதை என்னால் பார்க்க முடிந்தது.

எனவே இதற்குப் பிறகு அந்த கதையை நான் படம் ஆக்க முடியாது ஒருவேளை சூப்பர் ஹீரோ படமாக இருந்தால் கூட புதிதாக ஒரு கதையை எழுதுவேனே தவிர இரும்பு கை மாயாவியை திரும்ப படம் ஆக்க முடியாது என்று கூறியிருக்கிறார் லோகேஷ் கனகராஜ்.

பாலிவுட்டில் உருவாகும் எல்.சி.யு.. அப்டேட் கொடுத்த லோகேஷ் கனகராஜ்..!

இயக்குனர் லோகேஷ் கனகராஜ் தமிழ் சினிமாவில் மிகப்பெரிய ஒரு நட்சத்திர இயக்குனராக இருந்து வருகிறார். இந்த நிலையில் இவ்வளவு பெரிய வளர்ச்சி அடைந்த பிறகும் லோகேஷ் கனகராஜ் இன்னும் பாலிவுட் திரைப்படங்களை இயக்காமல் இருக்கிறார்.

பெரிதாக வளரும் இயக்குனர்களுக்கு எப்பொழுதுமே பாலிவுட்டில் வாய்ப்புகள் வருவது உண்டு. இந்த நிலையில் லோகேஷ் கனகராஜ்க்கு அப்படியான வாய்ப்புகள் வந்ததா? என்று ஒரு பேட்டியில் கேட்கப்பட்டது.

அதற்கு பதில் அளித்த லோக்கி  மாநகரம் திரைப்படத்திற்கு பிறகே எனக்கு வாய்ப்புகள் வந்தது ஆனால் அந்த படத்தை திரும்ப எடுக்க முடியும் என்று எனக்கு தோன்றவில்லை.

அதேபோல கைதி திரைப்படத்திற்கும் மாஸ்டர் திரைப்படத்திற்கும் கூட எனக்கு வாய்ப்புகள் வந்தது. ஆனால் செய்த வேலையை திரும்ப செய்வதில் என்ன சுவாரஸ்யம் இருக்க முடியும் என்று நான் நினைத்தேன்.

அதனால் ஹிந்தியில் படம் பண்ணாமலே இருந்தேன். தற்சமயம் கூலி திரைப்படத்திற்காக அமீர்கானிடம் சந்தித்து பேசிய பொழுது அவருடைய நடிப்பு எனக்கு பிடித்திருந்தது. அமீர் கானுக்கும் என்னுடைய வேலை பிடித்திருந்தது.

கூலி திரைப்படத்தில் நானும் அவரை காட்டியிருந்த விதம் அவருக்கே புதிதாக இருந்தது. அதனை தொடர்ந்து அவருக்கென்று ஒரு படம் எடுக்க வேண்டும் என்று அவர் என்னிடம் கூறினார். எனவே பாலிவுட்டில் அமீர்கானை வைத்து ஒரு படம் இயக்கலாம் என்று இருக்கிறேன் என்று கூறியிருக்கிறார் லோகேஷ் கனகராஜ்.

பெரும்பாலும் கூலி திரைப்படத்தில் வரும் அமீர்கானின் கதாபாத்திரத்தை விரிவுபடுத்தி அந்த கதை உருவாக்கப்படலாம் என்று எதிர்பார்க்கப்படுகிறது.

ரஜினியோடு இணையும் அமீர்கான்.. கூலி படம் குறித்து வந்த அப்டேட்..!

இயக்குனர் லோகேஷ் கனகராஜ் இயக்கத்தில் ரஜினிகாந்த் நடித்து வரும் திரைப்படம் கூலி. இந்த திரைப்படம் குறித்து ஏற்கனவே அதிக வரவேற்பு இருந்து வருகிறது. லோகேஷ் கனகராஜ் மற்ற நடிகர்களை விடவும் ரஜினிகாந்த் படம் என்னும்போது இன்னமும் சிறப்பாக செய்திருப்பார் என்கிற நம்பிக்கை இருக்கிறது.

இந்த நிலையில் தளபதி படத்தில் ரஜினியின் கதாபாத்திரம் பெயர் தேவா என இருக்கும். அதே பெயரே இந்த படத்திலும் வைக்கப்பட்டுள்ளது. இந்த படத்தின் கதைக்களமும் போதைக்கு எதிரானதாக இருக்கலாம் என கூறப்படுகிறது.

பல முக்கிய பிரபலங்கள் இந்த படத்தில் நடித்துள்ளனர். ஏனெனில் கூலி திரைப்படம் பேன் இந்தியா திரைப்படமாக உருவாகிறது. எனவே படத்தை பல மொழிகளிலும் வெளியிட வேண்டி இருக்கும். எனவே எல்லா மொழிகளிலும் பிரபலமான நடிகர்களை தேர்ந்தெடுத்து இந்த படத்தில் நடிக்க வைத்து வருகின்றனர்.

அந்த வகையில் தற்சமயம் ஹிந்தியில் இருந்து நடிகர் அமீர்கான் இந்த படத்தில் நடிக்கிறார். இவர் ரஜினிகாந்தின் நண்பர் கதாபாத்திரத்தில் நடிக்கிறார் என பேச்சுக்கள் இருக்கின்றன.

மனசு கஷ்டமாயிடுச்சி.. எஸ்.கேவிடம் மன்னிப்பு கேட்டேன்.. மனம் உடைந்த அமீர்கான்..!

தமிழ் சினிமாவில் வளர்ந்து வரும் டாப் நடிகர்களில் முக்கியமானவராக நடிகர் சிவகார்த்திகேயன் இருந்து வருகிறார். பெரும்பாலும் சிவகார்த்திகேயன் நடிக்கும் திரைப்படங்கள் என்றால் ஓரளவு ஹிட் கொடுத்துவிடும் நிலை உள்ளது.

அதிலும் சமீபத்தில் அவர் நடிப்பில் வெளியான அமரன் திரைப்படம் எதிர்பார்த்ததை விடவும் நல்ல வெற்றியை கொடுத்தது. அதனை தொடர்ந்து சிவகார்த்திகேயன் தேர்ந்தெடுக்கும் கதைகளங்கள் எல்லாமே வித்தியாசமானதாகவே இருக்கின்றன.

தற்சமயம் இயக்குனர் ஏ.ஆர் முருகதாஸ் இயக்கத்தில் சிவகார்த்திகேயன் நடித்து வரும் திரைப்படம் மதராஸி. இந்த படத்தை தொடர்ந்து இயக்குனர் சுதா கொங்காரா இயக்கத்தில் அவர் நடித்து வரும் திரைப்படம் பராசக்தி. இந்த இரண்டு திரைப்படங்களுக்குமே எக்கச்சக்க வரவேற்புகள் இருந்து வருகின்றன.

இதற்கு நடுவே அமீர்கான் நடித்து சமீபத்தில் வெளியான சித்தாரே சமீன்பர் என்கிற திரைப்படத்தில் ஆரம்பத்தில் சிவகார்த்திகேயன் நடித்து அமீர்கான் தயாரிப்பதாகதான் இருந்ததாம். ஆனால் அமீர்கானுக்கு அந்த கதை பிடித்துப்போகவே அதில் நடிப்பதற்கு விருப்பம் தெரிவித்துள்ளார்.

இதனை தொடர்ந்து அந்த படத்தில் இருந்து விலகியுள்ளார் சிவகார்த்திகேயன். இந்த விஷயத்தை மேடையில் பகிர்ந்த அமீர்கான் இதற்காக சிவகார்த்திகேயனிடம் மன்னிப்பு கேட்டுள்ளார்.

என்னை வேணும்னே கீழ தள்ளி விட பார்த்தாரு.. நட்சத்திர நடிகரால் ஆடிப்போன சித்தார்த்..!

நடிகர் சித்தார்த் தமிழ் சினிமாவில் மிகப் பிரபலமானவர் நிறைய திரைப்படங்களில் நிறைய வித்தியாசமான திரைப்படங்களை தேர்ந்தெடுத்து நடிக்கக் கூடியவர் நடிகர் சித்தார்த்.

அதனாலேயே அவருக்கு என்று தனி வரவேற்பு தமிழ் சினிமாவில் உண்டு சமீபத்தில் கூட நடிகர் சித்தார்த்தின் நடிப்பில் சித்தா என்கிற ஒரு திரைப்படம் வெளியானது. இந்த திரைப்படம் பெண்கள் பாதுகாப்பு குறித்து பெரிதாக பேசப்பட்ட படமாக இருந்தது.

மேலும் பள்ளி சிறுமிகள் குறித்து பல முக்கியமான விஷயங்களை இந்த படம் பேசியது. அதனால் இந்த திரைப்படத்திற்கு அதிக வரவேற்பு இருந்து வந்தது. தொடர்ந்து சித்தார்த் நிறைய திரைப்படங்களில் தேர்ந்தெடுத்து நடித்து வருகிறார்.

நடிகர் சித்தார்த்:

ஆனால் சமீபத்தில் அவர் நடிப்பில் வெளியான இந்தியன் 2 திரைப்படம் அவ்வளவாக வரவேற்பை பெறவில்லை. இந்த நிலையில் பாலிவுட்டிலும் ஒரு திரைப்படத்தில் நடித்திருக்கிறார் சித்தார்த். பாலிவுட்டில் அமீர்கானுடன் இணைந்து ஒரு திரைப்படத்தில் இவர் நடித்திருந்தார்.

siddharth ameerkhan

அந்த படத்தின் அனுபவங்கள் சமீபத்தில் அவர் பேசியிருந்தார் அதில் அவர் கூறும் பொழுது ஒரு காட்சியில் நான் அமீர்கானை எட்டி உதைப்பது போன்ற காட்சி இருந்தது. அப்பொழுது நான் அமீர்கானிடம் கூறாமலேயே உதைத்து விட்டேன்.

பாலிவுட் அனுபவம்:

ஆனால் அவர் சமாளித்துக்கொண்டார். பிறகு படப்பிடிப்பு முடிந்த பிறகு உங்களிடம் சொல்லிவிட்டு நான் செய்திருக்க வேண்டும் என்னை மன்னித்துக் கொள்ளுங்கள் என்று கூறினேன். ஆனால் அவர் அதை பெரிதாக எடுத்துக் கொள்ளவில்லை.

நண்பர்கள் என்றால் அப்படித்தானே இருப்பார்கள் என்று கூறிவிட்டு சென்றார். ஆனால் இன்னொரு காட்சியில் நான் ஒரு கட்டிடத்தின் உச்சியில் நின்று சிகரெட் பிடித்துக் கொண்டிருப்பேன். அந்த காட்சியில் என்னிடம் சொல்லாமலே வந்து என்னை தள்ளி விடுவது போல் செய்தார். நான் பயந்தே போய் விட்டேன் அதில் நான் அவரை உதைத்த காட்சி படத்தில் வரவில்லை ஆனால் அவர் என்னை தள்ளுவதுபோன்று பாசாங்கு செய்த காட்சி படத்தில் வந்தது என்று கூறி இருக்கிறார் சித்தார்த்.

சாவு பயத்தை காட்டிட்டாங்க பரமா!.. பாலிவுட் போன சித்தார்த்திற்கு நடந்த சம்பவம்!

தமிழ் சினிமாவில் வளர்ந்து வரும் நடிகர்களில் முக்கியமானவர் நடிகர் சித்தார்த். இவர் முதன்முதலாக தமிழில் பாய்ஸ் திரைப்படம் மூலமாக அறிமுகமானார். பாய்ஸ் திரைப்படம் பெரும் வரவேற்பை பெற்று தரவில்லை என்றாலும் கூட அதற்கு பிறகு வந்த திரைப்படங்கள் அவருக்கு நல்ல வரவேற்பை பெற்று தந்தன.

அதிலும் அவர் நடித்த உதயம் என் ஹெச் 4, எனக்குள் ஒருவன் போன்ற திரைப்படங்கள் மிகவும் பிரபலமானவை. தற்சமயம் சித்தா என்கிற திரைப்படத்தில் நடித்துள்ளார் சித்தார்த். சித்தார்த் பாலிவுட்டிற்கும் சென்று சில படங்களில் நடித்துள்ளார்.

2006 ஆம் ஆண்டு வெளிவந்த ரங்கு தே பசந்தி என்கிற திரைப்படத்தில் முக்கியமான கதாபாத்திரத்தில் சித்தார்த் நடித்திருந்தார். அந்த படத்தில் அவர் அமீர்க்கானுக்கு நண்பனாக நடித்தார். அந்த படத்தில் ஒரு காட்சியில் அமீர் கான்  கழுத்தில் சித்தார்த் உதைப்பது போன்ற காட்சி இருந்ததாம். உடனே சித்தார்த்தும் அப்படியே செய்துள்ளார்.

ஆனால் அவர் அதை அமீர் கானிடம் சொல்லவே இல்லை. திடீரென சித்தார்த் உதைக்கவும் ஷாக் ஆகியுள்ளார் அமீர்கான். அதன் பிறகு மற்றொரு காட்சியில் உயரமான கட்டிடம் மேல் சித்தார்த் நிற்கும் காட்சி இருக்கும். அதில் சித்தார்த் நின்று கொண்டிருந்தப்போது அவரை தள்ளி விடுவது போல செய்து சித்தார்த்தை பயம் காட்டியுள்ளார் அமீர் கான்.

இந்த நிகழ்வை சித்தார்த் தனது பேட்டியில் பகிர்ந்திருந்தார்.