Vanangaan Tamil movie: தற்சமயம் இயக்குன பாலா இயக்கத்தில் தமிழில் தயாராகி வரும் திரைப்படம்தான் வணங்கான். முதலில் இந்த திரைப்படத்தில் சூர்யாதான் கதாநாயகனாக நடித்து வந்தார். ஆனால் பிறகு இயக்குனர் பாலாவுக்கும் சூர்யாவிற்கும் ஒத்து வராத காரணத்தினால் அந்த படத்தில் இருந்து சூர்யா விலகிவிட்டார்.

தற்சமயம் இந்த படத்தில் நடிகர் அருண் விஜய் கதாநாயகனாக நடித்துள்ளார். தமிழ் சினிமாவில் தொடர்ந்து மத நல்லிணக்கத்துக்கு ஆதரவாகவும், மத அரசியலுக்கு எதிராகவும் திரைப்படங்கள் வந்துக்கொண்டுள்ளன.

அப்படி வரும் திரைப்படங்களில் ஒன்றாகதான் வணங்கான் திரைப்படமும் இருக்கும் என எதிர்பார்க்கப்படுகிறது. ஏனெனில் அந்த படத்தின் ட்ரைலரில் பார்க்கும்போது திருவள்ளுவருக்கு காவி பூச நினைக்கும் கும்பலை காட்டியுள்ளனர். திருவள்ளுவர் பிராமணர் என்பதாக அவர் மீது அடையாளத்தை புகுத்த வெகு நாட்களாக முயற்சித்து வருகின்றனர்.

இதனை படத்திலும் காட்டியுள்ளனர். அப்படி செய்கிற பெண்ணை கதாநாயகன் அடிப்பது போலவும் காட்சிகள் இருக்கின்றன. அதே போல படத்தில் கிருஸ்துவ மதமாற்றம் குறித்தும் பேசியிருக்க வாய்ப்புள்ளது என கூறப்படுகிறது.

இதற்கு நடுவே இந்த மத அரசியல் தெரியாத கடவுள் நம்பிக்கை கொண்ட மக்கள் அதிகம். அப்படியான மக்களில் ஒருவராக இருக்கும் அருண் விஜய் இதை அலசுவதாக கதை இருக்கும் என கூறப்படுகிறது. நாடாளுமன்ற தேர்தல் வரும் இந்த நேரத்தில் இப்படியான ஒரு படத்தை எடுத்துவிட்டாரா பாலா என்பதே பலருக்கு அதிர்ச்சியான விஷயமாக அமைந்துள்ளது.

தமிழில் நடிப்புக்கு அதிக முக்கியத்துவம் கொடுக்கும் இயக்குனர்களில் முக்கியமானவர் இயக்குனர் பாலா. இயக்குனர் பாலா திரைப்படத்தில் நடித்தாலே அவர்களுக்கு நல்ல வரவேற்பு கிடைக்கும் என அவருக்கு ஒரு நல்ல பெயர் உண்டு.

ஆனால் பாலா படத்தில் நடிப்பவர்கள் பாவம் எனவும் ஒரு பேச்சு உண்டு. ஏனெனில் ஒரு காட்சி எடுத்து முடிப்பதற்குள் நடிக்கும் நடிகரை பாடாய் படுத்திவிடுவாராம் பாலா. இந்த நிலையில் பாலா இயக்கத்தில் தற்சமயம் தயாராகி வரும் திரைப்படம்தான் வணங்கான்.

இந்த திரைப்படத்தில் முதலில் சூர்யாதான் நடிக்கவிருந்தார். ஆனால் பாலாவுடன் ஏற்பட்ட கருத்து வேறுபாடு காரணமாக இந்த படத்தில் அவர் நடிக்கவில்லை. இதனையடுத்து நடிகர் அருண் விஜய் இந்த படத்தில் கதாநாயகனாக நடிக்க துவங்கினார்.

இந்த நிலையில் தற்சமயம் வணங்கான் படத்தின் போஸ்டர் வெளியாகி ட்ரெண்ட் ஆகி வருகிறது. இந்த போஸ்டரில் சேற்றில் இருந்து எழுந்து வந்து நிற்கிறார் அருண் விஜய். அவரது ஒரு கையில் பிள்ளையார் சிலையும், மற்றொரு கையில் பெரியார் சிலையும் இருக்கிறது.

எனவே இந்த படம் வலுவான அரசியல் பேசும் படம் என்பது தெள்ள தெளிவாக தெரிகிறது.