ஒரு காலத்தில் தமிழ் சினிமாவில் சாக்லேட் பாய் என பரவலாக அழைக்கப்பட்ட நடிகர்களில் நடிகர் பிரசாந்தும் ஒருவர். முதல் படத்திலேயே எக்கச்சக்க வரவேற்பை பெற்ற பிரசாந்த் அந்த காலக்கட்டத்தில் விஜய் அஜித்தை விடவும் அதிக புகழ்பெற்றவராக இருந்தார்.
ஆனால் ஆக்ஷன் திரைப்படங்களுக்கு அதிக மார்க்கெட் கிடைக்க துவங்கிய பிறகு அவருக்கு மார்க்கெட் என்பது குறைய துவங்கியது. அதற்கு பிறகு நடிகர் பிரசாந்துக்கு பெரிதாக மார்க்கெட் என்பதே இல்லாமல் போனது. ஆனாலும் அவ்வபோது மம்பட்டியான், அந்தகன் மாதிரியான திரைப்படங்களில் அவர் நடித்த வண்ணம்தான் இருந்தார்.
இந்த நிலையில் அந்த படங்களும் அவருக்கு பெரிதாக கை கொடுக்கவில்லை. இதனை தொடர்ந்து அடுத்ததாக வெற்றி இயக்குனர் ஹரி கூட்டணியில் அடுத்த திரைப்படத்தில் நடிக்க உள்ளார் பிரசாந்த். அந்த படத்திற்கான திரைக்கதை வேலைகளை இருவரும் துவங்கியிருப்பதாக தகவல்கள் வெளியாகியுள்ளன.
தமிழில் தொடர்ந்து ஆக்ஷன் திரைப்படங்கள் இயக்கும் இயக்குனர்களில் முக்கியமானவர் இயக்குனர் ஹரி. அவர் இயக்கிய திரைப்படங்களுக்கெல்லாம் அப்போது நல்ல வரவேற்பு இருந்து வந்தது.
ஆனால் இப்போது ஹரி இயக்கும் திரைப்படங்கள் எல்லாம் அவ்வளவாக பெரிதாக வெற்றியடைவதில்லை. ஏனெனில் முன்பெல்லாம் அதிகப்பட்சம் குடும்ப கதையாக இருந்த திரைப்படங்கள் இப்போது முழுக்க முழுக்க சண்டை படங்களாகவே மாறிவிட்டது.
இதனாலேயே அவரது திரைப்படங்களுக்கான வாய்ப்புகள் என்பது குறைந்துவிட்டன. இந்த நிலையில் தாமிரபரணி திரைப்படமானது ஹரி இயக்கத்தில் வெற்றியை கொடுத்த முக்கியமான திரைப்படமாகும். இந்த திரைப்படத்தில் அனைத்து பாடல்களுமே நல்ல வெற்றியை கொடுத்தன.
நா.முத்துக்குமார்தான் அந்த பாடல்களுக்கு பாடல் வரிகளை எழுதி வந்தார். அனைத்து பாடல்களும் முடித்த நிலையில் ஒரு பாட்டுக்கு மட்டும் பாடல் வரிகள் எழுத வேண்டி இருந்தது. அதற்கு பாடல் வரிகள் எழுதுவதற்கு நா.முத்துக்குமார் வராத காரணத்தால் ஹரியே அதற்கு பாடல் வரிகளை எழுதினார்.
அது தாலியே தேவையில்ல என்கிற அந்த பாடலுக்கான வரிகளைதான் ஹரி எழுதினார். அவர் எழுதியும் கூட அந்த பாடல் நல்ல வரவேற்பை பெற்ற பாடலாகவே அமைந்தது. ஒரு பக்கம் ஹரி இப்படி பாடல் வரிகளை எழுதுபவராகவும் இருந்துள்ளார்.
விஷால் நடிப்பில் இன்று திரையரங்குகளில் வெளியாகி இருக்கும் திரைப்படம்தான் ரத்னம். இந்த திரைப்படத்தை இயக்குனர் ஹரி இயக்கியுள்ளார். நடிகை ப்ரியா பவானி சங்கர் இதில் கதாநாயகியாக நடித்துள்ளார்.
இந்த படத்தை பொறுத்தவரை வழக்கமான ஹரியின் திரைப்படத்தை போலதான் இதுவும் இருக்கிறது. ஏற்கனவே விஷால் ரவுடியாக வலம் வந்து கொண்டிருக்கும் ஊருக்கு ஒரு நேர்காணலுக்காக வருகிறார் நடிகை ப்ரியா பவானி சங்கர்.
ratnam
இந்த நிலையில் வழக்கம் போல கதாநாயகியை வெட்டுவதற்கு ஒரு மர்ம கும்பல் வருகிறது. வழக்கம் போல ஹீரோவும் கதாநாயகியை காப்பாற்றுகிறார். கதாநாயகியை துரத்தி வந்த அந்த மர்ம கும்பல் யார் அவர்களை எப்படி கதாநாயகன் முறியடிக்க போகிறார் என்பதுதான் படத்தின் கதையாக இருக்கிறது.
இதற்கு முன்பு ஹரி இயக்கிய வேல், தாமிரபரணி படங்களோடு ஒப்பிடுகையில் இது சுமாரான திரைப்படமாகதான் இருக்கிறது. ஆனால் படம் முழுக்க சண்டை காட்சிகள் நிரம்பி இருப்பதால் சண்டை காட்சிகள் பிடிக்கும் என்பவர்கள் இந்த படத்திற்கு செல்லலாம். வழக்கமான ஹரி படத்தில் இருந்து இதில் மாற்றமாக இருப்பது அந்த 6 நிமிட சிங்கிள் ஷாட் காட்சிகள்தான் என்கின்றனர் ரசிகர்கள்.
தமிழில் வளர்ந்து வரும் நடிகர்களில் மிக முக்கியமானவர் நடிகர் விஷால். அவருக்கு கடந்த தீபாவளியை முன்னிட்டு வெளியான மார்க் ஆண்டனி திரைப்படம் நல்ல வெற்றியை கொடுத்தது. அதனை தொடர்ந்து தற்சமயம் இயக்குனர் ஹரி இயக்கத்தில் ரத்னம் என்கிற திரைப்படத்தில் நடித்துள்ளார்.
நாளை இந்த படம் திரைக்கு வர இருக்கிறது. ஏற்கனவே ஹரி இயக்கத்தில் பூஜை என்னும் படத்தில் நடித்துள்ளார் விஷால். இந்த நிலையில் ரத்னம் திரைபடத்தை தயாரித்துள்ளார் இயக்குனர் கார்த்திக் சுப்புராஜ். நாளை திரைப்படம் வெளியாக இருக்கும் நிலையில் சில பிரச்சனைகளில் சிக்கியுள்ளார் விஷால்.
விஷால் ஏற்கனவே நடித்த திரைப்படங்களில் விநியோகஸ்தர்களுக்கு கொடுக்க வேண்டிய தொகையில் பிரச்சனை இருந்ததாக கூறப்படுகிறது. இதனையடுத்து அந்த தொகையை கொடுத்தால்தான் நாளை ரத்னம் திரைப்படத்தை வெளியிட முடியும் என கூறி சில பகுதிகளில் பிரச்சனை செய்து வருகின்றனராம் விநியோகஸ்தர்கள்.
சில நாட்களுக்கு முன்பு விஷால் ரத்னம் திரைப்படத்தின் ப்ரோமோஷனுக்காக நேர்காணல்களுக்கு சென்றார். அங்கு அவர் பேசும்போது ரெட் ஜெயண்ட் மூவிஸ் நிறுவனம் தீபாவளி சமயத்தில் மார்க் ஆண்டனி திரைப்படத்தை வெளியிடுவதில் சிக்கல்களை செய்தது. அதனால் அவர்களுடன் பிரச்சனை ஆகி விட்டது என கூறியிருந்தார்.
இதனால் கடுப்பான ரெட் ஜெயண்ட் நிறுவனம்தான் விஷாலுக்கு எதிராக இப்படியான விஷயங்களை செய்கின்றன என ஒரு பக்கம் பேச்சுக்கள் இருந்து வருகின்றன.
Tamil Cinema News Today – Latest Updates, Reviews,Gossips
