காதல் திரைப்படங்களிலேயே அதிக ஆக்‌ஷன் வைத்து அதை க்ரைம் படமாக மாற்றும் சூட்சிமம் அறிந்தவர்தான் இயக்குனர் கௌதம் மேனன். வாரணம் ஆயிரம், நீதானே என் பொன் வசந்தம் மாதிரியான காதல் கதைகளை இயக்கிய அதே கௌதம் மேனன் தான், காக்க காக்க, வேட்டையாடு விளையாடு மாதிரியான திரைப்படங்களையும் இயக்கியுள்ளார்.

கௌதம் மேனனின் திரைப்படங்கள் என்பவை மற்ற இயக்குனர்கள் திரைப்படங்களில் இருந்து கொஞ்சம் தனித்துவமாக தெரிய கூடியவை. அனாலும் வெகு வருடங்களாகவே அவர் இயக்கத்தில் உருவான துருவ நட்சத்திரம் திரைப்படம் வெளியாகாமல் இருந்து வருகிறது.

அந்த திரைப்படத்தில் பல முக்கிய பிரபலங்கள் நடித்துள்ளனர். அந்த படம் திரையரங்கிற்கு வந்தால் நல்ல வெற்றியை கொடுக்கும் என்பது கௌதம் மேனனின் எண்ணமாக இருக்கிறது. இந்த நிலையில் அந்த படம் குறித்த முக்கிய விஷயம் ஒன்றை அவர் பகிர்ந்திருந்தார்.

இந்த திரைப்படத்தில் ஒரு சில முக்கிய காட்சிகளை 2023 ஆம் ஆண்டு படமாக்கினோம். அதில் ஒரு முக்கியமான வில்லன் கதாபாத்திரத்தில் நடிப்பதற்கு ஏற்கனவே நடிகர் விநாயகனிடம் கேட்டிருந்தோம். ஆனால் அவர் அந்த சமயத்தில்தான் ஜெயிலர் திரைப்படத்தில் நடித்து வந்தார்.

அதனால் எங்களுக்கு கால் ஷீட் கொடுக்க முடியாது என கூறினார். நான் பிறகு இந்த கதாபாத்திரத்தில் நடிப்பதற்கு பல நடிகர்களிடம் கேட்டேன். பலரும் அதற்கு சம்மதிக்கவில்லை. இந்த நிலையில்தான் எனக்கு டேனியல் பாலாஜியின் நினைவு வந்தது.

டேனியல் பாலாஜிக்கும் எனக்கும் ஏற்கனவே நல்ல பழக்கம் உண்டு. எனவே அவருக்கு போன் செய்து விஷயத்தை கூறினேன். படத்தின் கதை என்னவென்று கூட அவர் கேட்கவில்லை. எப்ப வரணும் என்றுதான் கேட்டார். மறுநாள் படப்பிடிப்புக்கு வந்து நின்றார். என டேனியல் பாலாஜி குறித்து கூறியுள்ளார் கௌதம் மேனன்.

தமிழில் காதல் மற்றும் க்ரைம் திரைப்படங்கள் இயக்கும் இயக்குனர்களில் முக்கியமானவர் இயக்குனர் கௌதம் மேனன்.கௌதம் மேனன் இயக்கும் படங்களுக்கு என்று எப்போதுமே தனி வரவேற்பு இருந்து வருகிறது. இந்த நிலையில் சமீபத்தில் என்னை நோக்கி பாயும் தோட்டா திரைப்படம் குறித்து பேசியிருந்தார்.

அதில் பேசிய கௌதம் மேனன் கூறும்போது ஒரு கட்டத்தில் என்னை நோக்கி பாயும் தோட்டா திரைப்படத்தை நான் தயாரிக்கவில்லை என கூறியிருந்தார். என்னை நோக்கி பாயும் தோட்டா படத்தில் நடிகர் தனுஷ்தான் கதாநாயகனாக நடித்திருந்தார்.

நடிகர் தனுஷிற்கு ஏற்கனவே திரைப்படங்களை இயக்குவதில் முன் அனுபவம் உண்டு. பா பாண்டி மாதிரியான படங்களை அவர் இயக்கியிருக்கிறார். எனவே அவர்தான் என்னை நோக்கி பாயும் தோட்டா படத்தை தயாரித்து இருப்பார் என்று பேச்சுக்கள் இருந்து வந்தன.

இந்த நிலையில் இதுக்குறித்து பேசிய இயக்குனர் கௌதம் மேனன் அன்று சும்மா ஜாலிக்கு அப்படி சொன்னேன். மற்றப்படி நான் தயாரித்து நானே இயக்கிய திரைப்படம்தான் என்னை நோக்கி பாயும் தோட்டா. அந்த படம் நான் எதிர்பார்த்த வரவேற்பை தரவில்லை.

ஆனால் சும்மா விளையாட்டுக்கு சொன்ன விஷயத்தை இவ்வளவு விபரீதமாக்குவார்கள் என எதிர்பார்க்கவில்லை என கூறியிருந்தார் கௌதம் மேனன்.

க்ரைம் த்ரில்லர் காதல் படங்களை எடுப்பதில் பிரபலமான இயக்குனராக கௌதம் மேனன் இருந்து வருகிறது. கௌதம் மேனனை பொறுத்தவரை படத்தில் எவ்வளவு அழகாக காதலை வைக்கிறாரோ அதே அளவில் சிறப்பாக க்ரைம் கதைகளை வைத்துவிடுவார்.

வாரணம் ஆயிரம், விண்ணைத்தாண்டி வருவாயா போன்ற படங்களில் எல்லாம் படம் முழுக்க காதல் மட்டுமே இருக்கும். ஆனால் காக்க காக்க மாதிரியான படங்களில் காதலுக்கு நிகரான ஆக்‌ஷன் காட்சிகளும் இருக்கும். இயக்குனர் மணிரத்தினத்தின் திரைப்படத்தின் மீது ஈர்ப்பு கொண்டவர் கௌதம் மேனன்.

அதனால் அந்த தாக்கத்தை அவரது திரைப்படங்களிலும் பார்க்க முடியும். சமீபத்தில் ஒரு பேட்டியில் அவரிடம் ஏன் சமூக நீதி படங்களை எடுப்பதில்லை என கேட்கப்பட்டது. அதற்கு பதிலளித்த கௌதம் மேனன் சாதி பிரச்சனைகளை கதையாக வைத்து படம் எடுப்பதில் எனக்கு உடன்பாடு இல்லை.

இப்போது எல்லாம் சாதி பிரச்சனைகள் அதிகமாக இல்லை என கூறியிருந்தார். சாதிய பிரச்சனைகளை காட்டும் படங்கள் கூட பல காலங்களுக்கு முன்பு நடந்ததாகதான் காட்டுகிறார்கள். அதை இப்போது காட்ட தேவையில்லை என நினைக்கிறேன் என கூறியுள்ளார் கௌதம் மேனன்.

இந்த நிலையில் இதுக்குறித்து கேட்கும் ரசிகர்கள் சாதி இல்லை என்றால் எதற்கு உங்கள் பெயரிலேயே மேனன் என்கிற சாதி பெயரை வைத்துள்ளீர்கள் என கேட்டனர். அதற்கு பதிலளித்த கௌதம் மேனன் அதை என்னுடைய சாதி பெயராக பார்க்கவில்லை. என்னுடைய குடும்ப பெயராகவே பார்க்கிறேன் என கூறியிருந்தார்.

ஆனால் இடைநிலை சாதியாக இருப்பதால்தான் கௌதம் மேனன் , மேனன் என்கிற தன்னுடைய சாதி பெயரை போட்டு கொள்கிறார். இதுவே தாழ்த்தப்பட்டவராக இருந்தால் இப்படி விரும்பி போட்டுக்கொள்வாரா என்பது ஒரு பக்கத்தினர் வாதமாக இருக்கிறது.