Tag Archives: ram

அவர் முன்னாடி போய் நிக்க முடியல..! தனுஷிடம் வாய்ப்பை இழந்த ராம்.. இதுதான் காரணம்..!

கற்றது தமிழ் திரைப்படம் மூலமாக தமிழ் சினிமாவில் இயக்குனராக அறிமுகமானவர் இயக்குனர் ராம். ராம் இயக்கும் திரைப்படங்கள் எல்லாம் தமிழ் சினிமாவில் முற்றிலும் மாறுப்பட்ட திரைப்படமாக இருக்கும்.

ஆனால் கமர்ஷியல் மார்க்கெட்டை பொறுத்தவரை அங்கு ராமின் படங்களுக்கு அவ்வளவாக வரவேற்பு இல்லை என்றுதான் கூற வேண்டும். ஏனெனில் பெரும்பாலும் ராம் இயக்கும் படங்களின் கதை அம்சங்கள் ரசிகர்கள் மத்தியில் பிரபலமடைவதில்லை.

அப்படியும் கூட தங்க மீன்கள் திரைப்படத்திற்கு ஒரு வரவேற்பு கிடைத்தது. இந்த திரைப்படத்தை ராம் இயக்கி அவரே நடித்திருந்தார். இந்த நிலையில் தற்சமயம் அவரது இயக்கத்தில் வெளிவந்த பறந்து போ திரைப்படம் நல்ல வரவேற்பை பெற்றுள்ளது.

dhanush

இந்த நிலையில் தனுஷோடு படம் இயக்க வாய்ப்பு கிடைத்தது குறித்து ஒரு பேட்டியில் கூறியுள்ளார் ராம். அதில் அவர் கூறும்போது கற்றது தமிழ் முடித்தவுடனேயே சதாம் உசேன் என ஒரு படம் இயக்க இருந்தேன். அந்த சமயத்தில்தான் தனுஷ் பொல்லாதவன் திரைப்படத்தில் நடித்து கொண்டிருந்தார்.

அவரிடம் நான் கற்றது தமிழ் இயக்குனருன்னு சொல்லி அவர் முன்னாடி போய் நிக்க முடியல.. ரெண்டாவது படத்துக்கே தனுஷிடம் போய் நிற்க வேண்டுமா என விட்டுவிட்டேன் என கூறியுள்ளார் ராம்.

டைம் டிராவல் கதையா? சூரியின் கதாபாத்திரம் என்ன? லீக்கான ஏழு கடம் ஏழு மலை கதை..!

2019 ஆம் ஆண்டு வந்த பேரன்பு திரைப்படத்திற்கு பிறகு இயக்குனர் ராம் இயக்கத்தில் தமிழில் திரைப்படங்களே வராமல் இருந்தது. இந்த நிலையில் பல வருடங்களுக்கு பிறகு இயக்குனர் ராம் இயக்கத்தில் ஏழு கடல் ஏழு மலை திரைப்படம் திரையரங்கிற்கு வர இருக்கிறது.

இந்த திரைப்படத்தில் நடிகர் சூரி மற்றும் நிவின் பாலி கதாநாயகனாக நடித்துள்ளனர். சொல்ல போனால் இயக்குனர் வெற்றிமாறனுக்கு முன்பே சூரியை கதாநாயகன் ஆக்கியவர் இயக்குனர் ராம்தான். ஏனெனில் ஏழு கடல் ஏழு மலை படத்தின் படப்பிடிப்பு முன்பே துவங்கிவிட்டது.

இந்த நிலையில் இந்த திரைப்படத்தின் ட்ரைலர் வெளியானது முதலே படத்தின் கதை ஊகிக்கப்பட்டு வருகிறது. கதைப்படி நடிகர் சூரி ஊருக்கு செல்வதற்காக ஒரு ரயிலில் ஏறுகிறார். ரயிலில் இருந்த அனைவரும் இறங்கிய பிறகு அந்த ரயிலில் ஒரு எலி ஏறுகிறது.

அதிலிருந்து ரயில் காலப்பயணத்தை துவங்குகிறது. அப்போதுதான் ஓடும் ரயிலில் நிவின் பாலி ஏறுகிறார். நிவின் பாலி காலப்பயணம் செய்யக்கூடியவர். ஒவ்வொரு காலக்கட்டத்திற்கும் பயணம் செய்து அவர் தன்னுடைய காதலியான அஞ்சலியை தேடுகிறார்.

அதற்காக இந்த ரயிலை பயன்படுத்திக்கொள்கிறார். ஆனால் அதில் சூரியும் மாட்டிக்கொள்கிறார். இந்த நிலையில் இவர்கள் இருவருக்கும் இடையே கதை எப்படி செல்கிறது என்பதாக படம் இருப்பதாக ஒரு பேச்சு இருந்து வருகிறது.

என்னது பொங்கலுக்கு வடக்கறியா? ராம் மிர்ச்சி சிவா கூட்டணியில் அடுத்த படம்!..

Director Ram and Mirchi siva: தமிழ் சினிமாவில் மாறுப்பட்ட கதைகளை தேர்ந்தெடுத்து திரைப்படமாக்கும் இயக்குனர்களில் முக்கியமானவர் இயக்குனர் ராம். அவர் இயக்கிய கற்றது தமிழ் திரைப்படம் வெளியான சமயத்தில் பெரிதாக பேசப்படவில்லை என்றாலும் போகப்போக அதிகமாக பேசப்பட்ட திரைப்படமாக அது இருந்தது.

அதற்கு பிறகு அவர் இயக்கிய தங்க மீன்கள் பேரன்பு போன்ற ஒவ்வொரு திரைப்படமும் மற்ற திரைப்படங்களில் இருந்து வித்தியாசமானதாக இருந்தன. மேலும் அவர் படத்தில் பேசிய விஷயங்களும் மாறுபட்ட விஷயங்களாக இருந்தன.

இந்த நிலையில் தற்சமயம் ஏழு கடல் ஏழுமலை என்கிற திரைப்படத்தை இயக்கி வருகிறார் ராம். இந்த திரைப்படத்தில் நிவின் பாலியும் சூரியும் முக்கிய கதாபாத்திரங்களாக நடித்திருக்கின்றனர். இந்த படத்திற்காக மக்கள் மத்தியில் அதிக வரவேற்பு இருந்து வருகிறது.

இயக்குனர் ராமின் அடுத்தப்படம்:

ஏனெனில் தற்சமயம் நடிகர் சூரியின் படங்களுக்கு மக்கள் அதிக ஆதரவு அளித்து வருகின்றனர். இந்த நிலையில் இதற்கு அடுத்து நடிகர் மிர்ச்சி சிவாவை வைத்து அடுத்த திரைப்படத்தை இயக்கவிருக்கிறார் ராம். மிர்ச்சி சிவா பொதுவாக காமெடி திரைப்படங்களில் மட்டுமே நடித்தவர்.

அவரை வைத்து ராம் இப்படியான திரைப்படத்தை இயக்குவாரா என்பதே ஒரு கேள்வியாக இருக்கிறது. இந்த நிலையில் இது குறித்து ஒரு பேட்டியில் பேசிய மிர்ச்சி சிவா கூறும்போது ஏழு கடல் ஏழுமலை திரைப்படத்தின் ட்ரைலரை பார்த்தபோது ராம் இயங்கும் திரைப்படங்கள் நமக்கு செட்டாகாது என்று நினைத்து அவருக்கு கை கொடுத்துவிட்டு கிளம்ப நினைத்தேன்.

ஆனால் என்னிடம் பேசிய ராம் கூறும் பொழுது நீங்கள் சென்னை 28 திரைப்படம் நடிக்கும் பொழுதே உங்களை வைத்து ஒரு திரைப்படம் இயக்க வேண்டும் என்பது எனக்கு ஆசையாக இருந்தது. உங்களுக்கு தகுந்தார் போல ஒரு கதை என்னிடம் இருக்கிறது என்று என்னிடம் கதையை கூறினார்.

எனக்கும் அதில் நடிக்கலாம் என்று தோன்றியது. அதனை தொடர்ந்து ஒரே மாதிரி திரைப்படங்களில் நடித்துக் கொண்டிருப்பதால் சிறிது மாறுபட்டு நடிப்போம் என்று யோசித்தேன். எனவே ராமின் அந்த திரைப்படத்தில் நடிக்க நான் ஒப்புக்கொண்டேன். அந்த திரைப்படம் மிகவும் சிறப்பாக இருக்கும் அதற்கு பெயரும் வைத்துவிட்டோம். ஆனால் இப்பொழுது கூற முடியாது என்று கூறியிருக்கிறார் மிர்ச்சி சிவா!..