நடிகர் கமல்ஹாசன் தமிழ் சினிமாவில் மிக முக்கியமான ஒரு பிரபலமாக இருந்து வருகிறார். பெரும்பாலும் கமல் நடிக்கும் படங்களுக்கு என்று தனிப்பட்ட ரசிகர்கள் பட்டாளம் உண்டு.
ஏனெனில் வித்தியாசமான கதைக்களங்களை தேர்ந்தெடுத்து நடிக்கக் கூடியவராக கமலஹாசன் இருந்து வருகிறார். இந்த நிலையில் கமல்ஹாசன் திரைப்படமான உத்தம வில்லன் திரைப்படத்தை தயாரித்தவர் இயக்குனர் லிங்குசாமி.
இது குறித்து இயக்குனர் லிங்குசாமி நிறைய பேட்டிகளில் பேசி இருக்கிறார் அதில் அவர் கூறும் பொழுது உத்தமவில்லன் திரைப்படத்திற்காக நான் எழுதிய கதை என்பதே வேறு. ஆனால் கமல் படமாக எடுக்கும் பொழுது மொத்தமாக அந்த கதை மாறிவிட்டது.
நான் அவரிடம் படம் எடுக்கும் பொழுது என்ன கூறினேன் என்றால் இறுதியில் நான் படத்தை பார்ப்பேன். அதில் நான் என்ன மாற்ற சொல்கிறானோ அதை மட்டும் மாற்ற வேண்டும் என்று கூறியிருந்தேன்.
பிறகு படத்தை பார்த்தபோது அதே மாதிரி நான் எந்தெந்த காட்சிகளை மாற்ற வேண்டும் என்று கூறினேன். ஆனால் மறுநாளும் கமல் அதை மாற்றவில்லை. நான் அவர் மீது இருந்த மரியாதை காரணமாக படத்தில் எந்த ஒரு காட்சியையும் வெட்ட வேண்டாம்.
படத்தின் காட்சிகளை வெட்டுவதில் யாராவது கையை வைத்தால் அவர்களது கையை வெட்டுவேன் என்று கூறினேன் அந்த அளவிற்கு நான் கமல் சார் மீது மரியாதை வைத்து இருந்தேன் என்று கூறியிருக்கிறார் லிங்குசாமி. இந்த உத்தமவில்லன் திரைப்படம் பெரிய வெற்றி அடையவில்லை என்பது குறிப்பிடத்தக்கது.
