Tag Archives: vidaamuyarchi

அஜித்தால் சன் பிக்சர்ஸ்க்கு வந்த நஷ்டம்… நிறுவனம் எடுத்த முடிவு..!

சமீப காலமாக நடிகர் அஜித் நடிக்கும் திரைப்படங்கள் என்பது தமிழ் சினிமாவில் வரவேற்பு பெறாமல் இருந்து வருகிறது. குறிப்பாக விடாமுயற்சி திரைக்கு வந்து பெரும் வெற்றியை அடையவில்லை.

இது பலருக்குமே ஆச்சரியத்தை கொடுத்தது. ஏனெனில் இவ்வளவு காலங்கள் அஜித் நடித்த திரைப்படங்கள் சுமாரான திரைப்படங்களாக இருந்தாலுமே நல்ல வெற்றியை பெற்று வந்தன.

ஆனால் விடாமுயற்சி திரைப்படத்தை பொருத்தவரை அஜித்துக்கான ஹீரோயிசம் விஷயங்கள் எதுவும் இல்லாத காரணத்தினால் அந்த படம் தோல்வியை கண்டது.

இந்நிலையில் இந்தத் திரைப்படத்தின் ஓ.டி.டி உரிமத்தை சன் பிக்சர்ஸ் நிறுவனம் வாங்கியது. ஆனால் ஓடிடியில் வெளியாகியும் விடாமுயற்சி திரைப்படத்திற்கு நல்ல வரவேற்பு கிடைக்கவில்லை.

அதனால்தான் சன் பிக்சர்ஸ் நிறுவனத்திற்கு நஷ்டம் ஏற்பட்டது. இதனை தொடர்ந்து அடுத்து அஜித் நடிப்பில் வெளியான குட் பேட் அக்லி திரைப்படத்தை சன் பிக்சர்ஸ் நிறுவனம் தான் வாங்க இருந்தது.

ஆனால் விடாமுயற்சி படத்தால் ஏற்பட்ட தோல்வியின் காரணமாக குட் பேட் அக்லி திரைப்படத்தை அவர்கள் வாங்கவில்லை. அதனால்தான் இந்த படத்தை நெட்ப்ளிக்ஸ் நிறுவனம் வாங்கி இருக்கிறது.

ஓ.டி.டியிலும் சாதனை அடுத்த சம்பவத்தை செய்த விடாமுயற்சி.. மாஸ் காட்டும் அஜித்.!

நடிகர் அஜித் நடித்து தமிழ் சினிமாவில் அதிக வரவேற்பை பெற்ற திரைப்படமாக விடாமுயற்சி திரைப்படம் இருந்து வருகிறது. பெரும்பாலும் பெரிய ஹீரோக்கள் திரைப்படம் என்றாலே படம் முழுக்க சண்டை காட்சிகள் மாஸ் எண்ட்ரி என்றுதான் இருக்கும்.

ஆனால் அதிலிருந்து வித்தியாசமாக ஒரு சில சமயங்களில் திரைப்படங்கள் திரைக்கு வருவதுண்டு. அப்படியாக வரும் திரைப்படங்களில் விடாமுயற்சியும் ஒன்று. வழக்கமான தமிழ் சினிமா திரைப்படங்களில் இருந்து வேறுப்பட்டு ஹாலிவுட் பாணியில் எடுக்கப்பட்ட திரைப்படமாக விடாமுயற்சி திரைப்படம் இருந்தது.

இதனால் இந்த திரைப்படத்திற்கு திரையரங்கிலேயே நல்ல வரவேற்பு இருந்தது. இந்த படம் திரையரங்கில் 300 கோடி ரூபாய் வசூல் செய்தது. காணாமல் போன தனது மனைவியை தேடி தனி ஒரு மனிதனாக ஒரு சாதாரண ஆள் செய்யும் முயற்சிகளே கதையாக இருந்தது.

vidamuyarchi

பெரும்பாலும் இந்த மாதிரி சாதாரண நபர் கதாபாத்திரத்தில் யாரும் நடிப்பதில்லை. போலீஸ் ஆபிசர் அல்லது ரவுடி எனதான் நடிப்பார்கள். அந்த வகையிலேயே இந்த படம் வித்தியாசமாக இருந்தது.

இந்த நிலையில் நெட்ஃப்ளிக்ஸ் ஓ.டி.டி தளத்தில் வெளியான பிறகு இந்திய அளவில் இந்த திரைப்படத்திற்கு வரவேற்பு கிடைத்துள்ளது. இந்த நிலையில் தற்சமயம் ட்ரெண்டிங்கில் இருக்கும் திரைப்படங்களில் நெட்ப்ளிக்ஸில் நம்பர் 1 இடத்தில் விடாமுயற்சி திரைப்படம் இருக்கிறது.

இதெல்லாம் பண்ணுனாதான் படம் ஓடும்.. விடாமுயற்சியை மறைமுகமாக அடித்த விஜய் பட தயாரிப்பாளர்.!

ஏ.ஜி.எஸ் நிறுவனத்தின் அடுத்த தலைமுறைகாக இருந்து தற்சமயம் அந்த நிறுவனத்தை நடத்தி வருபவர் அர்ச்சனா கல்பாத்தி. தொடர்ந்து இவர் நிறைய திரைப்படங்களை தயாரித்து வருகிறார்.

லவ் டுடே திரைப்படத்தில் அவர் ஒரு நேர்காணல் கொடுத்ததன் மூலமாக அதிக பிரபலமடைந்தார். லவ் டுடே திரைப்படத்தை பார்த்துவிட்டு வந்த கல்பாத்தி அர்ச்சனாவிடம் படம் எப்படி இருக்கு என்று ஒரு ரிவியூவர் கேட்டபோது நான் தான் படத்தின் ப்ரோடியுசர் என்று அவர் கூறிவிட்டு சென்றார்.

அப்போதிலிருந்தே மக்கள் மத்தியில் அவர் கொஞ்சம் பிரபலமாக இருந்து வருகிறார் மேலும் தளபதி விஜய்யின் பெரிய ரசிகையாக கல்பாத்தி அர்ச்சனா இருந்து வருகிறார். சமீபத்தில் கல்பாத்தி அர்ச்சனா திரைப்படங்கள் குறித்து ஒரு நேர்காணலில் பேசி இருந்தார்.

அதில் அவர் பெரிய பட்ஜெட் திரைப்படங்கள்தான் தயாரிப்பாளர்களுக்கு அதிக லாபம் சின்ன பட்ஜெட் படங்களை பொறுத்தவரை அது கொஞ்சம் ஆபத்துதான் என்று பேசி இருந்தார்.

அது கொஞ்சம் சர்ச்சையாகி வந்தது. இந்த நிலையில் அவர் பெரிய பட்ஜெட் திரைப்படங்கள் குறித்து கூறும் பொழுது பெரிய நடிகர்களை வைத்து படம் எடுக்கும் பொழுது தைரியமாக படம் எடுக்கலாம் ஆனால் படத்தில் கண்டிப்பாக ஓப்பனிங் காட்சிகளிலேயே ரசிகர்களுக்கு ஏற்புடையதாக காட்சி இருக்க வேண்டும்.

அதற்கு பிறகு உள்ள காட்சிகள் ஃபேமிலி ஆடியன்ஸ்க்கு ஏற்ற வகையில் இருக்க வேண்டும் என்று கூறியிருந்தார். இந்த இரண்டு விஷயமுமே சமீபத்தில் வெளியான விடாமுயற்சி திரைப்படத்தில் இல்லை. விடாமுயற்சி திரைப்படத்தில் ரசிகர்களுக்கு ஏற்ற மாதிரியான இன்ட்ரோ எதுவும் அஜித்துக்கு கொடுக்கப்படவில்லை.

அதேபோல கலைக்களமும் பெரிதாக பேமிலி ஆடியன்ஸை கவர் செய்யும் வகையில் அமையவில்லை எனவே அவர் விடாமுயற்சி திரைப்படத்தை தான் மறைமுகமாக கூறுகிறார் என்று ரசிகர்கள் இது குறித்து பேசி வருகின்றனர்.

5 நாட்களில் விடாமுயற்சி செய்த வசூல்.. போட்ட காசை எடுத்தாச்சு..!

சமீப காலங்களாகவே தமிழ்நாட்டின் பெரும் தயாரிப்பு நிறுவனமான லைகா நிறுவனத்திற்கு பெரிதாக வெற்றி படங்களே அமையவில்லை. 2024 துவங்கியப்போது லைகா தயாரிப்பில் வரிசையாக பெரும் பட்ஜெட் படங்களாக உருவாகி வந்தன.

ஆனால் பெரும் பட்ஜெட்டில் உருவானப்போதும் வெளியான படங்கள் எதுவுமே பெரிதாக வெற்றியை பெற்று தரவில்லை. இந்த நிலையில் போன வருட துவக்கத்தில் லைகா தயாரிப்பில் வெளியான லால் சலாம் அதற்கு பிறகு வெளியான இந்தியன் 2 இரண்டு திரைப்படங்களுமே பெரிதாக வசூல் செய்யவில்லை.

அதன் பிறகு வெளியான வேட்டையன் திரைப்படம் நல்ல வசூலை பெற்று கொடுத்தது. தொடர்ந்து தற்சமயம் லைகா தயாரிப்பில் வெளியான விடாமுயற்சி திரைப்படமும் நல்ல வரவேற்பை பெற்று வருகிறது. இந்த திரைப்படம் ஹாலிவுட் திரைப்படம் தரத்தில் இருப்பதாக தொடர்ந்து இதுக்குறித்து கருத்துக்கள் இருந்து வருகின்றன.

பொதுவாக தமிழ் படங்களில் தெலுங்கு படங்களை போல ஒரே நேரத்தில் 50 பேரை அடிக்கும் சண்டை காட்சிகளை பார்த்திருப்போம். ஆனால் இந்த படத்தில் அப்படி எல்லாம் இல்லாமல் ஹாலிவுட் தரத்தில் சண்டை காட்சிகள் அமைந்துள்ளது.

இந்த நிலையில் விடாமுயற்சி திரைப்படம் வெளியான 5 நாட்களில் 135 கோடி ரூபாய் வசூல் செய்துள்ளது. இந்த திரைப்படத்தின் பட்ஜெட் 200 கோடி என கூறப்படுகிறது. ஏற்கனவே ஓ.டி.டி மற்றும் சேட்டிலைட் உரிமம் மூலம் படம் 100 கோடி ரூபாய் வசூலித்துள்ளது என கூறப்படுகிறது.

எனவே இனி படத்தில் கிடைக்கும் வசூல் எல்லாம் லாபம்தான் என ஒரு பக்கம் கூறப்படுகிறது.

அஜித் பற்றி கேட்ட பத்திரிக்கையாளர்கள்..! மதிக்காமல் சென்ற நயன்தாரா.. இதுதான் காரணமா?

சமீபத்தில் இயக்குனர் மகிழ் திருமேனி இயக்கத்தில் அஜித் நடித்து வெளியான திரைப்படம் விடாமுயற்சி. விடாமுயற்சி திரைப்படத்தை பொறுத்தவரை ரசிகர்கள் வெகுவாக காத்திருந்த திரைப்படமாக அது இருந்தது. வலிமை திரைப்படத்திற்கு பிறகு ரசிகர்கள் வெகு காலமாக காத்திருந்த படமாக விடாமுயற்சி இருந்தது.

தற்சமயம் திரையரங்குகளில் வெளியாகி இருக்கும் விடாமுயற்சி அதிக வரவேற்பை பெற்று வருகிறது. பலரும் இந்த படம் ஹாலிவுட் தரத்தில் இருப்பதாக கூறி வருகின்றனர். இந்த நிலையில் அஜித்தை வைத்து மகிழ் திருமேனி திரைப்படம் இயக்குவதற்கு முன்பு விக்னேஷ் சிவன் தான் அவரை வைத்து திரைப்படம் இயக்குவதாக இருந்தது.

ஆனால் அஜித்துக்கு அந்த கதை பிடிக்கவில்லை. இதனால் அவர் மகிழ் திருமேனியை தேர்ந்தெடுத்தார். மகிழ் திருமேனிக்கு குறைந்த காலத்தில் ஒரு கதையை எழுத வேண்டிய சூழ்நிலை இருந்தது. எனவேதான் ஹாலிவுட் திரைப்படமான ப்ரேக் டவுன் திரைப்படத்தை தமிழில் விடாமுயற்சி படமாக்கினார்.

இந்த நிலையில் படம் வெளியான பிறகு இந்த படம் ஹாலிவுட் பாணியில் இருப்பதாக விக்னேஷ் சிவன் பதிவு ஒன்றை பகிர்ந்திருந்தார். எனவே இதன் மூலம் தனக்கு அஜித் மகிழ் திருமேனி திரைப்படத்தில் நடித்ததில் எந்த வருத்தமும் இல்லை என்பதை வெளிப்படையாக கூறியிருந்தார் விக்னேஷ் சிவன்.

ஆனால் நயன் தாராவிடம் விடாமுயற்சி படம் குறித்து கேட்டப்போது அவர் அதுக்குறித்து எந்த ஒரு பதிலுமே கூறாமல் சென்றுவிட்டார். இதுக்குறித்து சினிமா வட்டாரத்தில் கூறும்போது விக்னேஷ் சிவன் படத்தில் அஜித் நடிக்க வேண்டும் என நயன் தாரா வேண்டி கேட்டுக்கொண்டார்.

ஆனால் இறுதிவரை அதற்கு அஜித் ஒப்புக்கொள்ளவில்லை. அந்த கோபத்தில்தான் நயன் தாரா விடாமுயற்சி குறித்து கருத்து தெரிவிக்கவில்லை என்கின்றனர்.

வானத்தையே கிழிச்சிட்டு எவன் குதிச்சாலும்.. நம்பிக்கை விடாமுயற்சி.. பாடல் வரிகளிலேயே ஹேட்டர்ஸை வச்சி செய்த அஜித்.!

வலிமை திரைப்படத்திற்கு பிறகு அஜித் ரசிகர்கள் அதிகமாக எதிர்பார்த்து வரும் ஒரு திரைப்படமாக விடாமுயற்சி திரைப்படம் இருந்து வருகிறது. இயக்குனர் மகிழ் திருமேனி இயக்கத்தில் உருவாகும் இந்த திரைப்படம் ஹாலிவுட் தரத்திற்கு உருவாகி வருகிறது.

இந்த படத்தின் ட்ரைலர் வெளியானது முதலே படம் குறித்து மக்களின் ஆவல் அதிகரித்து வருகிறது. படத்திற்கு இசையமைப்பாளர் அனிரூத் இசையமைத்துள்ளார். இதனால் அதிகப்பட்ச பாடல்கள் ஹிட் கொடுக்கும் என்று எதிர்பார்க்கப்பட்டது.

அதே போல படத்தின் பாடலாக முதலில் வெளியான சவாத்திகா பாடல் அதிக வரவேற்பை பெற்றது. அதனை தொடர்ந்து படத்தின் ட்ரைலர் வெளியானது. ட்ரைலரும் அதிக ஆர்வத்தை ஏற்படுத்தும் விதமாக இருந்தது. இந்த நிலையில் அந்த ட்ரைலரில் நம்பிக்கை விடாமுயற்சி என்கிற பாடல் ஓரமாக ஓடி கொண்டிருந்தது.

இந்த நிலையில் அந்த பாடல்களுக்காக ரசிகர்கள் வெகுவாக காத்திருக்க துவங்கினர். இதற்கு நடுவே அந்த பாடலும் தற்சமயம் வெளியாகியுள்ளது. எப்போதுமே அனிரூத் ரஜினிகாந்திற்குதான் சிறப்பாக இசையமைப்பார் என்று ஒரு பெயர் உண்டு.

ஆனால் அதே போல சிறப்பான இசையை அஜித்துக்கும் அமைத்துள்ளார் அனிரூத். எவ்வளவுதான் சாதனைகளை செய்தாலும் நடிகர் அஜித்தை இகழ்ந்து பேசுபவர்கள் இருந்துக்கொண்டுதான் இருக்கிறார்கள்.

அவர்களை எல்லாம் தாண்டி வாழ்க்கையில் வெற்றி பெற வேண்டும் என கூறும் விதத்தில் இந்த பாடல் அமைந்துள்ளது.

தல ரசிகர்களுக்கு முழு ட்ரீட்.. வெளியான விடாமுயற்சி ட்ரைலர்… இதுதான் படத்தின் கதை..!

நடிகர் அஜித் துணிவு திரைப்படத்திற்கு பிறகு அதிக இடைவெளி விட்டுள்ளார். கடந்த இரண்டு வருடங்களில் விஜய் படம் இரண்டு வெளியாகிவிட்டது. ஆனால் அஜித் நடிப்பில் ஒரு படம் கூட வராமல் இருந்தது.

போன வருடத்தின் துவக்கத்திலேயே ஆரம்பமான விடாமுயற்சி திரைப்படம் ரசிகர்களின் காத்திருப்பிற்கு பிறகு ஒரு வழியாக திரையரங்கிற்கு வர இருக்கிறது.

இந்த திரைப்படத்தை இயக்குனர் மகிழ் திருமேணி இயக்கியுள்ளார். இந்த படத்தில் நடிகை த்ரிஷா, அர்ஜுன், ரெஜினா கெசாண்ட்ரா போன்றொர் முக்கிய கதாபாத்திரத்தில் நடித்துள்ளனர்.

படத்தின் ட்ரைலர் சமீபத்தில் வெளியாகியுள்ளது. அதன்படி படத்தின் கதை எனன்வென்று ஓரளவு ஊகிக்கப்படுகிறது. காதலித்து வரும் நடிகை த்ரிஷாவுக்கும் அஜித்துக்கும் ஆரம்பத்தில் திருமணம் நடக்கிறது.

அஜர் பைஜானில் சாகசம்:

அதற்கு பிறகு ஒரு வேலையாக அவர்கள் அஜர்பைஜான் நாட்டிற்கு செல்கின்றனர். அஜர்பைஜான் நாட்டை பொறுத்தவரை அங்கு குற்றங்கள் குறைவாக நடக்கும் ஒரு நாடாக இருக்கிறது. ஆனால் உண்மையில் தொடர்ந்து நெடுஞ்சாலைகளில் அங்கு குற்றங்கள் நடக்கின்றன.

ஆனால் அந்த நாட்டு போலீஸ் அந்த விஷயத்தை வெளியில் தெரியாமல் மறைக்கின்றனர். அப்படியாக நெடுஞ்சாலையில் குற்றம் செய்யும் கும்பலை சேர்ந்தவராக அர்ஜுன் மற்றும் ரெஜுனா இருக்கின்றனர்.

இந்த நிலையில் தனி ஆளாக இந்த கும்பலிடம் சிக்கும் அஜித் எப்படி தப்பிக்கிறார். இந்த கும்பலை எப்படி வேட்டையாடுகிறார் என்பதே கதையாக இருக்கும் என்று ஊகிக்கப்படுகிறது.

வருகிற பிப்ரவரி 6 ஆம் தேதி இந்த திரைப்படம் திரைக்கு வர இருக்கிறது. இதனை தொடர்ந்து தற்சமயம் அஜித் ரசிகர்கள் அதிக மகிழ்ச்சியில் இருந்து வருகின்றனர்.

 

அழுகை என்னும் அருவியில்… அந்த ஒரு சம்பவத்தால் மனம் நொந்த அஜித் ரசிகர்கள்!..

Ajith Kumar: தமிழ் சினிமாவில் தனக்கென தனி ரசிகர் பட்டாளத்தை வைத்துள்ளவர் நடிகர் அஜித்.

அஜித்தை அவரின் ரசிகர்கள் தல என்று அன்போடு அழைத்து வருவார்கள். அவரின் திரைப்படங்கள் பற்றிய அப்டேட் வெளிவந்தால் அது அஜித் ரசிகர்களுக்கு மிகப்பெரிய கொண்டாட்டத்தை ஏற்படுத்தும்.

தனது ரசிகர் மன்றத்தை அஜித் கலைத்து விட்ட பிறகும் அஜித் ரசிகர்கள் அவரின் படத்தைப் பற்றிய அப்டேட் கிடைத்துவிட்டால் சமூக வலைதளங்கள் முதல் அனைத்து இடங்களிலும் மகிழ்ச்சி வெள்ளத்தில் இருப்பார்கள்.

அஜித் எந்த ஒரு சமூக வலைத்தளங்களிலும் இருப்பதில்லை. மாறாக அவர் மற்ற நடிகர்களைப் போல எந்த ஒரு பட விழா ப்ரோமோஷன்களிலும் கலந்து கொள்ள மாட்டார்.

அஜித் ரசிகர்களுக்கு மீண்டும் ஏமாற்றம்

தற்போது சமீபத்தில் அஜித்தின் துணிவு படம் வெளியாகி ரசிகர்களின் மத்தியில் நல்ல வரவேற்பை பெற்றது.

ஆனால் துணிவு படத்திற்கு முன்பாக தொடங்கப்பட்ட விடாமுயற்சி இன்னும் ரிலீஸ் ஆகவில்லை. இதனால் அஜித் ரசிகர்கள் விடாமுயற்சி பற்றிய அப்டேட் குறித்த எதிர்பார்ப்பில் காத்துக்கொண்டு இருந்தார்கள்.

விடாமுயற்சிக்கு போட்டியா அமரன்?

இந்நிலையில் அஜித் நடித்த விடாமுயற்சி இந்த ஆண்டு தீபாவளிக்கு வெளியாகும் என எதிர்பார்க்கப்பட்ட நிலையில் அஜித் ரசிகர்களுக்கு ஷாக் கொடுக்கும் வகையில் புதிய தகவல் ஒன்று வெளியாகியுள்ளது.

இந்த வருடம் தீபாவளிக்கு அமரன் ரிலீஸ் ஆக போவதாகவும் அதனால் அஜித் நடித்துள்ள விடாமுயற்சி வெளியிடுவதில் சிக்கல் ஏற்பட்டுள்ளதாகவும் தகவல் வெளிவந்துள்ளது. இதை கேள்விப்பட்ட அஜித் ரசிகர்கள் சோகத்தில் ஆழந்துள்ளனர்.

மேலும் சிவகார்த்திகேயன் நடித்த அமரன் திரைப்படம் தீபாவளிக்கு வெளியாகினால் அஜித் நடித்த விடாமுயற்சி திரைப்படம் தள்ளி போக வாய்ப்புள்ளதாக சினிமா வட்டாரங்கள் தெரிவிக்கின்றன.

இந்நிலையில் தொடர்ந்து சிவகார்த்திகேயன் நடிப்பில் வெளிவந்த திரைப்படங்களும் அவருக்கு வெற்றியை கொடுக்கவில்லை.

எனவே அமரன் திரைப்படம் தனக்கு திருப்பு முனையாக அமையும் என்று சிவகார்திகேயனும், அமரன் திரைப்படம் வெளியானால் விடாமுயற்சி படம் வெளியாவதில் சிக்கல் வரும் என அஜித் ரசிகர்கள் மிகுந்த சோகத்தில் உள்ளனர்.

இதனால்தான் விடாமுயற்சி தாமதமானது!.. இயக்குனர் சொன்ன விளக்கம்.. உண்மையா? உருட்டானு தெரியலையே!..

துணிவு படத்திற்கு பிறகு அஜித் நடிப்பில் தயாராக இருந்த படம் விடா முயற்சி. இந்த படத்தை இயக்குனர் மகிழ் திருமேணி இயக்கவிருந்தார். ஏற்கனவே மகிழ் திருமேணி இயக்கிய கலக தலைவன், மீகாமன் போன்ற திரைப்படங்கள் ரசிகர்கள் மத்தியில் மிகவும் பிரபலமானவை.

எனவே இந்த படமும் சிறப்பாக இருக்கும் என நம்பப்பட்டது. ஆனால் படத்தின் படப்பிடிப்பு துவங்குவதற்கே வெகு காலங்கள் ஆனது. அஜித் சுற்றுலா சென்றதே இதற்கு காரணம் என நம்பப்பட்டது. ஆனால் ஒரு வகையில் படப்பிடிப்பு தாமதமானதற்கு மகிழ் திருமேணியும் கூட காரணம்தானாம்.

இதுக்குறித்து மகிழ் திருமேணி ஒரு பேட்டியில் கூறும்போது, ஹாலிவுட் திரைப்படங்கள் எடுக்கும்போது அவர்கள் படத்திற்கான முன் தயாரிப்புகளுக்கு அதிக நேரத்தை எடுத்துக்கொள்வார்கள். ஆனால் படப்பிடிப்பை குறைந்த நாட்களிலேயே முடித்துவிடுவார்கள். அப்படி செய்தால்தான் ஒரு படம் சிறப்பாக இருக்கும் என கூறியுள்ளார்.

எனவே விடாமுயற்சி திரைப்படத்திற்கும் அதே போல ப்ரீ ப்ரொடக்‌ஷனுக்கு அதிக நாட்களை எடுத்துக்கொண்டு வேலை பார்த்திருப்பார் நம் இயக்குனர் என நினைக்கின்றனர் தல ரசிகர்கள். அப்படியிருக்கும் பட்சத்தில் விடாமுயற்சி சிறப்பான படமாக வருவதற்கான வாய்ப்புகள் உள்ளன.