உள்ள தலைமுறைகளிலேயே அதிகம் கார்ட்டூன் பார்த்த தலைமுறைகளாக 90ஸ் கிட்ஸ் தலைமுறைதான் இருக்கும். ஏனெனில் 1990 களுக்கு பிறகுதான் டிவி என்னும் சாதனம் மிக புதிதாக மக்களிடையே பிரபலமடைந்து வந்தது.
சுட்டி டிவி என்கிற சேனல் வரும் வரை கார்ட்டூன் நிகழ்ச்சிகளை ஆங்கிலத்தில்தான் பார்த்து வந்திருப்போம். டிவி என்பதே புதிது என்பதால் கார்ட்டூன் நிகழ்ச்சிகள் நமக்கு ஒரு கண்க்கட்டி வித்தை போல இருந்தது.
சுட்டி டிவி வந்த பிறகு அதில் கார்ட்டூன் பார்த்த அனுபவங்களை பலரால் மறக்க முடியாது. நேரமாச்சு சுட்டி கண்ணா என்ற பாடலையும் மறக்க முடியாது. எனவே 90ஸ் கிட்ஸ் நினைவுகளில் நீங்கா 10 சுட்டி டிவி கார்ட்டூன்களை இப்போது பார்ப்போம்.
01.ஹெய்டி – Heidi, Girl of the Alps
ஜோஹனா ஸ்பைரி என்ற எழுத்தாளரால் எழுதப்பட்ட உலக புகழ்பெற்ற நாவல் ஹெய்டி. இது 1974 ஆம் ஆண்டு ஜப்பானில் கார்ட்டூன் தொடராக எடுக்கப்பட்டது. பிறகு சுட்டி டிவியில் அதுவே தமிழ் மொழிப்பெயர்ப்பில் ஒளிப்பரப்பானது.
ஜெர்மனியில் உள்ள ஆல்ப்ஸ் மலையில் வசிக்கும் முதியவர் ஒருவர். அவர் தனது வாழ்க்கையை தனிமையில் கழிக்கிறார். அவரை கண்டாலே அங்கு உள்ள கிராமம் பயப்படுகிறது. இந்த நிலையில் அவரது பேத்தியான ஹெய்டி அவரிடம் ஒப்படைக்கப்படுகிறார். ஹெய்டியின் சுட்டி தனங்களால் தாத்தா வெகுவாக ஈர்க்கப்படுகிறார். அவளுக்கு பீட்டர் என்கிற நண்பன் கிடைக்கிறான்.
வாழ்வில் பிடிப்பே இல்லாத முதியவருக்கு ஹெய்டி நம்பிக்கையை ஏற்படுத்துகிறாள். இந்த நிலையில் முதியவரை விட்டு பிரிந்து ஃப்ராங்க்பர்ட் செல்கிறாள் ஹெய்டி. அங்கு அவளுக்கு க்ளாரா என்னும் தோழி கிடைக்கிறாள். அவர்களுடைய நட்பு இன்னும் பல விஷயங்களை பேசும் முக்கியமான கார்ட்டூன் தொடர் ஹெய்டி.
02. ஹி மேன் – த மாஸ்டர் ஆஃப் த யுனிவர்ஸ் – He man the Master of the Universe
சுட்டி டிவி பார்த்த யாருக்கும் ஹீ மேனை மறக்க முடியாது. 1983 ஆம் ஆண்டு அமெரிக்காவில் ஒளிப்பரப்பப்பட்ட அனிமேஷன் தொடர் ஹீ மேன் த மாஸ்டர் ஆஃப் த யுனிவர்ஸ். 130 எபிசோடுகளை கொண்ட இந்த தொடர் பிறகு தமிழில் வெளியானது.
இடார்னியா எனும் தேசத்தின் இளவரசரான ஆடம் ஒரு அதிசய வாளை வைத்திருப்பார். அதை வானை நோக்கி நீட்டி க்ரேஸ்கல் கோட்டையின் சக்தி என கூறினால் அவருக்கு அபரிவிதமான சக்திகள் வரும். இவர்தான் ஹீ மேன் என்பது சிலருக்குதான் தெரியும்.
இவர்கள் அனைவரும் தீமைக்கு எதிராக போராடுபவர்கள். இவர்களின் எதிரி ஸ்கெலட்டன் எனப்படும் எலும்பன்.
03.ஜாக்கிச்சான் அட்வெஞ்சர்ஸ் – Jackie Chan Adventures
சுட்டி டிவி துவங்கிய காலம் முதலே நிறுத்தாமல் ஓடி கொண்டிருக்கும் தொடர் ஜாக்கிச்சான் அட்வெஞ்சர்ஸ். ஜாக்கிச்சானுக்கு டப்பிங் செய்த நபரே இந்த கார்ட்டூனுக்கும் டப்பிங் செய்துள்ளார்.
ஜாக்கிச்சான் அட்வெஞ்சர்ஸ் 2000 ஆம் ஆண்டு வெளிவந்தது. மொத்தம் இது 5 சீசன்களையும் 95 எபிசோடுகளையும் கொண்டுள்ளது. ஒவ்வொரு சீசனும் ஒவ்வொரு கதையை கொண்டது.
மந்திர கற்கள், முகமூடிகள், அரக்கர்கள் என உலகில் கற்பனைக்கு எட்டாத சில விஷயங்களை பாதுகாப்பதுதான் ஜாக்கிச்சான் மற்றும் அவரது குழுவான ஜூலி,பீமா,அங்கிள், கேப்டன் ப்ளாக் இவர்களின் வேலை.
சிண்டு, மாயாவி, வால்டமார்ட் இவர்கள் எல்லாம் இந்த கதையில் வில்லன்களாக வருகின்றனர்.
04.அவதார் – த லாஸ்ட் ஏர்பெண்டர் – Avatar the Last Airbender
2005 ஆம் ஆண்டு நிக்லோடியனில் வெளிவந்த அவதார் த லாஸ்ட் ஏர்பெண்டர் பிறகு தமிழில் வெளியானது. மொத்தம் மூன்று சீசன்களை கொண்ட அவதாரில் முதல் சீசன் மட்டுமே தமிழில் வந்தது.
உலகம் முழுவதும் உள்ள மக்களில் பலருக்கு நிலம்,நீர்,காற்று,நெருப்பு ஆகியவற்றை கட்டுப்படுத்தும் சக்தி இருக்கும். இவர்கள் எல்லோருக்கும் தலைவராக அவதார் என்கிற ஒருவர் பிறப்பார். இந்த நிலையில் உலகையே ஆள வேண்டும் என்கிற ஆசையில் உள்ள நெருப்பு ராஜ்ஜியம் அடுத்து காற்று வீரர்களில் ஒருவராகதான் அவதார் பிறப்பார் என்பதால் மொத்த காற்று வீரர்களையும் அழித்து விடுகின்றனர்.
அதிலிருந்து தப்பிக்கு ஆங் என்னும் சிறுவன் (அடுத்த அவதார்) கடலில் நித்திரையடைகிறான். 100 வருடமாக அவதார் வராத காரணத்தால் உலகம் நெருப்பு வீரர்களின் கைக்கு செல்கிறது. 100 வருடத்திற்கு பிறகு 8 வயது சிறுவனான ஆங் கை கத்தாரா என்கிற நீர் சக்தி கொண்ட பெண் எழுப்புகிறாள்.
அதன் பிறகு அனைத்து சக்திகளையும் கட்டுப்படுத்தும் அவதாராக மாறி ஆங் எப்படி மக்களை மீட்கிறான் என்பதே கதை.
05.டோராவின் பயணங்கள் – Dora The Explorer
டோராவின் பயணங்களை பார்க்காத 90ஸ் கிட்ஸ் இருக்க முடியாது. இது ஐந்து வயதிற்கு உட்பட்ட சிறுவர்களுக்கான தொடராகும். 2000 ஆம் ஆண்டு வந்த இந்த தொடர் 8 சீசன்களை கொண்டுள்ளது.
டோரா மற்றும் அதன் குரங்கு நண்பன் புஜ்ஜி இருவரும் சேர்ந்து சுவாரஸ்யமான பயணம் மேற்கொள்வதே கதை. இந்த பயணத்தில் குள்ள நரி, பென்னி, டிக்கோ, டியாகோ போன்ற பல கதாபாத்திரங்கள் வருகின்றன.
06.பண்டலேரோ – Bandolero
2001 மற்றும் 2002 ஆண்டுகளில் வெளியான தொடர் பண்டலேரோ. ஒரு சின்ன கிராமம். அந்த கிராமத்தில் தொடர்ந்து அநீதியை நிகழ்த்தி வரும் மேயர். அவரால் சிறு வயதிலேயே பாதிக்கப்படுகிறான் பண்டலேரோ.
எனவே அருகில் உள்ள காட்டில் தனது சகாக்களோடு ஒரு அணியை உருவாக்கி மேயருக்கு எதிரான விஷயங்களை எப்படி செய்கிறான் என்பதே கதை.
07.க்ளோரியாவின் வீடு – gloria’s house
2000 ஆம் ஆண்டு வெளிவந்த சுவாரஸ்யமான கார்ட்டூன் தொடர் க்ளோரியாவின் வீடு.
மிகவும் நாகரிகமான வீடுகளை கொண்ட ஒரு தெரு. அங்கு ராஜமெளலி என்பவரின் குடும்பம் குடி வருகிறது. அவர்களின் மகள்தான் க்ளோரியா. க்ளோரியாவின் வீடு எப்போதும் அசுத்தமாகவும், ஒழுங்கற்றும் இருக்கும். அவர்களது உடைகள் கூட நாகரிகமாக இருக்காது.
அதே சமயம் க்ளோரியாவின் பக்கத்து வீட்டை சேர்ந்தவர்கள் சோஃபியின் குடும்பம். அவர்கள் மிகவும் சுத்தமாகவும், நாகரிகமாகவும் இருப்பார்கள்.
ஆனால் க்ளோரியாவின் குடும்பம் நல்ல உள்ளம் கொண்டவர்களாகவும், சோஃபியின் குடும்பம் மோசமான எண்ணங்களை கொண்டவர்களாகவும் இருப்பார்கள். வெளித்தோற்றத்தை வைத்து ஒருவரை எடை போடக்கூடாது என கூறும் விதத்தில் இந்த தொடர் இருக்கும்.
08.க்ரேஸி ஜெஸ்ஸி – Crazy Jessy
குப்பைகளில் கிடைக்கும் பொருட்களை வைத்தே கண்டுப்பிடிப்புகளை கண்டுப்பிடிக்கும் விஞ்ஞானிதான் ஜெசிக்கா என்னும் பெண். அவள் எதற்காக கண்டுபிடிக்கிறாள். அதனால் என்னவெல்லாம் அவளுக்கு ஏற்படுகிறது என்பதே கதை.
09.செட்ரிக் – Cedric
பள்ளியில் படிக்கும் 8 வயது சிறுவன்தான் செட்ரிக். அதே பள்ளியில் படிக்கும் ஜென் என்கிற சீன பெண்ணை அவன் காதலிக்கிறான். அதை வைத்து மிகவும் நகைச்சுவையான கதை ஓட்டட்தில் செல்லு கதை செட்ரிக்.
ஏற்கனவே காமிக்ஸாக செட்ரிக் மிகவும் பிரபலமாகும். அதனால் அப்படியே அது கார்ட்டூன் தொடராக்கப்பட்டுவிட்டது.
10.கோஸ்ட் பஸ்டர்ஸ் – The Real Ghostbusters
1986 இல் வந்த இந்த தொடர் மொத்தம் 7 சீசன்களை கொண்ட கதையாகும். மக்களுக்கு பிரச்சனைகளை ஏற்படுத்தும் சக்தி வாய்ந்த பேய்களை அறிவியல் கருவிகளை கொண்டு பெட்டிக்குள் அடைப்பவர்கள்தான் இந்த கோஸ்ட் பஸ்டர்ஸ். உலக அளவில் மிகவும் பிரபலமான தொடராக இது உள்ளது.
