தெலுங்கு சினிமாவில் மக பிரபலமான ஒரு நடிகையாக நடிகை ஸ்ரீ லீலா இருந்து வருகிறார். ஸ்ரீ லீலாவை பொருத்தவரை சிறப்பான நடனம் ஆடத் தெரிந்தவர் என்பதாலேயே இவருக்கு வாய்ப்புகள் அதிகமாக வந்த வண்ணம் இருக்கின்றன.
இவர் எந்த ஒரு படத்தில் நடித்தாலும் அந்த படத்தில் இவர் நடனமாடும் பாடல்கள் தனி வரவேற்பை பெறுகின்றன. இந்த நிலையில் தமிழில் தற்சமயம் சிவகார்த்திகேயன் நடிக்கும் பராசக்தி திரைப்படத்திலும் முக்கிய கதாபாத்திரத்தில் ஸ்ரீ லீலா நடித்து வருகிறார்.
ஸ்ரீ லீலா மிகவும் இளமையான நடிகை என்பதால் தொடர்ந்து அவரது காதல் குறித்து நிறைய கிசுகிசுக்கள் இருந்த வண்ணம் இருக்கின்றன. நிச்சயமாக ஹிந்தி நடிகர் கார்த்திக் ஆரியனைதான் இவர் திருமணம் செய்ய போவதாகவும் அவருடன் தான் இவர் காதலில் இருப்பதாகவும் செய்திகள் பரவி வந்தன.
தற்சமயம் இதற்கு பதில் அளித்த ஸ்ரீ லீலா கூறும் பொழுது நான் யாரையும் காதலிக்கவில்லை. மேலும் இன்னும் பத்து வருடங்களுக்கு திருமணம் செய்யும் யோசனையே இல்லை என்று வெளிப்படையாக கூறி இருக்கிறார்.
