விஜய் நடித்து வெளியாகவுள்ள பீஸ்ட் திரைப்படத்திற்கு அமெரிக்காவில் மும்முரமாக முன்பதிவு நடந்து வருகிறது.

விஜய் நடித்து நெல்சன் இயக்கியுள்ள திரைப்படம் பீஸ்ட். சன் பிக்சர்ஸ் தயாரித்துள்ள இந்த படத்திற்கு அனிருத் இசையமைத்துள்ளார். ஏப்ரல் 13ம் தேதி படம் ரிலீஸாக உள்ள நிலையில் படத்தின் ட்ரெய்லர் மற்றும் பாடல்கள் வெளியாகி ட்ரெண்டாகியுள்ளது.

தமிழகத்தில் மட்டும் 800க்கும் அதிகமான திரையரங்குகளில் பீஸ்ட் வெளியாகிறது. இந்தியா மட்டுமல்லாமல் உலகம் முழுவதும் பீஸ்ட் வெளியாகும் நிலையில் வெளிநாடுகளில் உள்ள தமிழர்கள் பலரும் பீஸ்ட் படத்திற்கு ஆர்வமாக முன்பதிவு செய்து வருகின்றனர்.

அமெரிக்காவில் பீஸ்ட் படத்திற்கான முன்பதிவு தொடங்கி மும்முரமாக நடந்து வருகிறது. முன்பதிவில் மட்டும் இதுவரை அமெரிக்காவில் 3.20 லட்சம் டாலர்கள் வசூலாகியுள்ளதாக சினிமா வட்டாரங்கள் தெரிவிக்கின்றன. மேலும் பீஸ்ட்டின் முதல் நாள் வசூலே உலகம் முழுவதிலும் மொத்தமாக 100 கோடியை தாண்டலாம் என்று எதிர்பார்க்கப்படுகிறது.