Tag Archives: கங்கனா ரனாவத்

பொதுவெளியில் ரசிகர்கள்கிட்ட அடி வாங்கிய பிரபலங்கள்.. யார் யாருன்னு பாருங்க!.

சினிமாவில் மக்களுக்கு மோகம் அதிகரித்து வரும் நிலையில் சினிமாவில் நடிக்கும் பல நடிகை, நடிகர்கள் மீது மக்களுக்கு எப்போதும் தனி கவனம் இருக்கும். அந்த வகையில் தனக்கு பிடித்த நடிகர் நடிகைகளுக்கு கோயில் கட்டுவது அவர்களின் படம் வெளியானால் அவர்களின் பேனருக்கு பாலபிஷேகம் பண்ணுவது அவர்களின் புகைப்படத்தை டாட்டூ குத்துவது போன்ற பல விஷயங்களை ரசிகர்கள் அவர்களுக்காக செய்து வருவார்கள்.

இந்நிலையில் பல பிரபலங்கள் வெளியில் செல்லும் பொழுது அவர்களை சூழ்ந்து கொள்ளும் ரசிகர்கள், அவ்வப்போது செல்பி எடுக்கவும், ஆட்டோகிராப் வாங்கவும் முயல்வது இயல்பான ஒன்று தான். ஆனால், இதில் கோபமடையும் பிரபலங்கள் சில சமயங்களில் ரசிகர்களை அடித்து அது சர்ச்சையாகவும் மாறி இருக்கும்.

ஆனால் தற்போது சில பிரபலங்கள் ரசிகர்களிடம் அடி வாங்கிய நிகழ்வும் சமூக வலைத்தளங்களில் வைரலாகி வருகிறது அதை பற்றி இந்த பதிவில் பார்க்கலாம்.

கங்கனா ரனாவத்

கங்கன ராணாவத் பாலிவுட் வட்டாரத்தில் முன்னணி நடிகையாக நடித்து வருபவர். மேலும் இவர் தமிழ் சினிமாவில் சந்திரமுகி 2 என்ற திரைப்படத்தின் மூலம் அறிமுகமாகியுள்ளார். தென்னிந்திய சினிமாவிலும் நடித்து வரும் கங்கனா ரனாவத் தற்போது ஒரு குறிப்பிட்ட கட்சியில் வேட்பாளராக நின்று வெற்றி பெற்று தற்போது எம்பியாக இருக்கிறார்.

சமீபத்தில் இவர் விமான நிலையத்தில் ஒரு பெண் சிஐஎஸ்எப் என்ற பெண் போலீசாரிடம் கன்னத்தில் அறை வாங்கியுள்ளார். இதற்குக் காரணம் வடமாநிலத்தில் விவசாயிகள் போராட்டம் நடக்கும் பொழுது அதில் கலந்து கொண்ட மக்களை தீவிரவாதிகள் என கங்கன ராணாவத் கூறியதால் இதனால் கோபமடைந்த அந்த பெண் போலீசார் கங்கனா ரனாவத் கன்னத்தில் அறைந்தார்.

நடிகர் அஜித் குமார்

தமிழ் சினிமாவின் முன்னணி நடிகராக இருக்கும் அஜித் குமார் பொதுவாக எந்த ஒரு நிகழ்ச்சிகளிலும் பொது இடங்களிலும் அவ்வளவாக தென்பட மாட்டார். இந்நிலையில் சமீபத்தில் நடந்து முடிந்த தேர்தலில் தான் வாக்களிக்க வரும் பொழுது ரசிகர் ஒருவர் அஜித்தை தலையில் வேகமாக இடித்திருக்கிறார். இது சமூக வலைத்தளங்களில் வைரலாக்கப்பட்டு வந்தது.

பாலையா

தெலுங்கின் முன்னணி நடிகராக வலம் வந்து கொண்டிருக்கும் பாலையா, அவ்வப்போது சர்ச்சைகளில் சிக்குவார். இந்நிலையில் அவர் நடிப்பில் வெளிவந்த திரைப்படம் ஒன்றில் நடிகை அஞ்சலி கதாநாயகியாக நடித்திருக்கிறார். அந்த படத்தின் இசை வெளியீட்டு விழா நிகழ்ச்சி நடைபெற்றது. அந்த நிகழ்ச்சியில் மேடையில் நடிகை அஞ்சலியை இவர் கோபமாக தள்ளிவிட்ட வீடியோ சமூக வலைத்தளங்களில் வைரலாகி பெரும் சர்ச்சையை கிளப்பியது.

குற்றவாளிக்கு ஆதரவாக இருக்கீங்களே.. சமூக வலைத்தளங்களில் கதறும் கங்கனா ரனாவத்…

காலம் காலமாக பாலிவுட் சினிமாவில் நடிகையாக இருந்து வருபவர் நடிகை கங்கனா ரனாவத். இவர் தமிழில் தாம் தூம் திரைப்படத்தில் கதாநாயகியாக நடித்திருக்கிறார்.

அவர் பிறகு பா.ஜ.க கட்சியில் முக்கிய அரசியல்வாதியாக மாறினார் தற்சமயம் இமாச்சலப் பிரதேசத்தின் மண்டி தொகுதியில் பாஜக வேட்பாளராக போட்டியிட்டு வெற்றி பெற்றார் நடிகை கங்கனா ரனாவத்.

இந்த நிலையில் சமீபத்தில் பெண் காவலரான குல்விந்தர் கவுர் என்பவர் கங்கனா ரனாவத்தை தாக்கியது அதிகமான சர்ச்சையை ஏற்படுத்தி வந்தது. இது குறித்து குல்விந்தர் கவுர் கூறும் பொழுது 100 ரூபாய் காசுக்காக விவசாயிகள் போராட்டத்தில் பெண்கள் கலந்து கொள்கிறார்கள் என்று கங்கனா கூறி இருந்தார்.

பதவியில் இருந்தாலும் அடி:

அவரால் அந்த போராட்டத்தில் ஒரு நாள் போய் உட்கார முடியுமா? எனது அம்மாவும் அந்த போராட்டத்தில்தான் போராடிக் கொண்டிருக்கிறார் என்று தெரிவித்துள்ளார். மேலும் தன்னுடைய அம்மாவின் நீதிக்காக ஆயிரம் வேலைகளை இழக்கவும் தயாராக இருப்பதாக அவர் கூறியிருந்தார்.

இதனை தொடர்ந்து அவருக்கு பல தரப்புகளில் இருந்து பாராட்டுகள் வரத் துவங்கின. இதனால் கோபமடைந்த கங்கனா ரனாவத் தனது எக்ஸ் தளத்தில் கற்பழிப்பாளர் கொலைகாரன் அல்லது திருடர்கள் ஆகிய அனைவருமே ஒரு வலுவான உணர்ச்சிகள் காரணமாகதான் குற்றங்களை செய்கின்றனர்.

கடுப்பான கங்கனா:

ஆனால் அந்த குற்றவாளிகளுடன் நீங்களும் இணைந்து கொண்டால் நாட்டின் அனைத்து சட்டங்களையும் மீறி குற்றங்கள் சரி அதற்கு உந்துதலாக அமைந்துவிடும்.

ஒருவரை அனுமதி இன்றி தாக்குவது சரியானதா என்று முதலில் யோசிங்கள் அப்படி என்றால் கற்பழிப்பு மற்றும் கொலை செய்தலும் கூட அப்படியான ஒரு விஷயம் தானே.எனவே உங்கள் உளவியல் போக்கை முதலில் மாற்றங்கள் யோகா, தியானம் முதலியாவற்றையும் மேற்கொள்ளுங்கள். என்று பேசிய நிலையில் கங்கனா ரனாவத்தை தற்சமயம் சமூக வலைதளங்களில் வைத்து செய்து வருகின்றனர்.

உங்க அறிவை பார்த்தாதான் காமெடியா இருக்கு!.. நெட்டிசன்களை நேரடியாக தாக்கிய கங்கனா ரனாவத்!.

தாம் தூம் திரைப்படத்தின் மூலமாக தமிழ் சினிமாவிற்கு நடிகையாக அறிமுகமானவர் நடிகை கங்கனா ரனாவத். இவர் ஹிந்தியில் மிகவும் பிரபலமான நடிகையாவார். ஆனால் கடந்த சில வருடங்களாக இவரது திரைப்படங்கள் எதுவுமே ஹிந்தியில் பெரிதாக வரவேற்பை பெறவில்லை.

தமிழில் இவர் நடித்த சந்திரமுகி 2 திரைப்படம் கூட எதிர்பார்த்த வரவேற்பை பெறவில்லை. இந்த நிலையில் ஒரு பக்கம் இவர் அரசியலிலும் ஈடுபாடு காட்டி வருகிறார். பாரதிய ஜனதா கட்சியில் முக்கிய நபராக இருக்கும் இவர் தற்சமயம் தேர்தல் பிரச்சாரங்களை துவங்கியுள்ளார்.

இதற்காக பல டிவி பேட்டிகளையும் அளித்து வருகிறார். வருகிற ஏப்ரல் 19 ஆம் தேதி நாடாளுமன்ற தேர்தல் நடைப்பெற இருக்கிறது. இதற்காகவே இந்த பிரச்சார வேலைகள் நடந்துக்கொண்டுள்ளன. இந்த நிலையில் ஒரு பேட்டியில் கங்கனா ரனாவத் பேசியிருந்த விஷயங்கள் சர்ச்சையை ஏற்படுத்துவதாக அமைந்துள்ளன.

இந்தியாவிற்கு விடுதலை கிடைத்தப்பிறகு இந்தியாவின் முதல் பிரதமரான நேதாஜி சுபாஷ் சந்திரபோஸ் எங்கே போனார் என கேட்டிருந்தார். ஆனால் உண்மையில் இந்தியாவின் முதல் பிரதமர் ஜவர்ஹலால் நேரு ஆவார். அப்படியிருக்கும்போது கங்கனா ரனாவத் அதுக்கூட தெரியாமல் இருக்கிறாரே என அவரை கேலி செய்து வந்தனர் நெட்டிசன்கள்.

கங்கனா ரனாவத்தின் விளக்கம்:

இந்த நிலையில் அவர்களுக்கு பதிலடி கொடுத்துள்ளார் கங்கனா ரனாவத். அதில் அவர் கூறும்போது பாரதத்தின் முதல் பிரதமர் யார் என்று கூட எனக்கு தெரியவில்லை. ஆரம்பநிலை கல்வி கூட நான் கற்கவில்லை என சிலர் கூறுகிறீர்கள். ஆனால் நேரு குடும்பத்தை அடிப்படையாக கொண்ட எமர்ஜென்சி என்கிற திரைப்படத்தை நான் எழுதி இயக்கி நடித்திருக்கிறேன் என்பதை நீங்கள் அறிந்துக்கொள்ள வேண்டும்.

உண்மையில் உங்களுக்குதான் ஒன்றும் தெரியவில்லை. உங்கள் பார்த்தால் நகைச்சுவையாக இருக்கிறது என பதிவிட்டு ஒரு புகைப்படத்தையும் பதிவிட்டுள்ளார் கங்கனா.

அதாவது 21 அக்டோபர் 1943 ஆம் ஆண்டு சுபாஷ் சந்திர போஸ் அவராகவே ஆசாத் இந்தியா என்ற அரசை சிங்கப்பூரில் நிறுவினார். அதில் அவரை அவரே பிரதமர், மாநில தலைவர், போர் அமைச்சர் ஆகிய பதவிகளில் அறிவித்துக்கொண்டார். அதனை அடிப்படையாக கொண்டுதான் கங்கனா ரனாவத் அவரை இந்தியாவின் முதல் பிரதமர் என கூறியுள்ளார்.

இந்த மாதிரி கோமாளிகளை எல்லாம் வச்சிக்கிட்டு!.. கங்கனா ரனாவத்தை கலாய்த்த நடிகர் பிரகாஷ்ராஜ்!.

தமிழ் சினிமாவில் வில்லன் நடிகர்களில் பிரபலமானவர் நடிகர் பிரகாஷ் ராஜ். ஒரு வில்லன் நடிகர் என்பதையும் தாண்டி எந்த ஒரு கதாபாத்திரத்தையும் கூட சிறப்பாக செய்யக்கூடியவர் நடிகர் பிரகாஷ்ராஜ். இதனாலேயே இப்போதும் தமிழ் சினிமாவில் மார்க்கெட் குறையாத நடிகராக பிரகாஷ்ராஜ் இருந்து வருகிறார்.

தமிழ் சினிமாவில் கிடைக்கும் அதே அளவு வாய்ப்பும் வரவேற்பும் இவருக்கு தெலுங்கு சினிமாவிலும் உண்டு. கடந்த வருடம் பொங்கலுக்கு வெளியான வாரிசு திரைப்படத்தில் கூட இவர்தான் வில்லனாக நடித்திருந்தார்.

அதே சமயம் அரசியல் குறித்தும் தொடர்ந்து பேசி வருபவர் நடிகர் பிரகாஷ்ராஜ். பல முறை சமூகம் மற்றும் அரசியல் சார்ந்து தனது குரலை பதிவு செய்திருக்கிறார் பிரகாஷ்ராஜ். இந்த நிலையில் நடிகையும் பி.ஜே.பி கட்சியை சேர்ந்தவருமான கங்கனா ரனாவத்தை கேலி செய்து ட்வீட் ஒன்றை போட்டிருக்கிறார் பிரகாஷ்ராஜ்.

பிரகாஷ்ராஜ் போட்ட பதிவு:

கங்கனா ரனாவத் சமீபத்தில் பேட்டி ஒன்றில் பேசும்போது இந்தியாவின் முதல் பிரதமர் சுபாஷ் சந்திரபோஸ் என பேசியிருந்தார். ஆனால் உண்மையில் இந்தியாவில் முதன் முதலாக பிரதமரானவர் ஜவர்ஹலால் நேரு ஆவார். வரலாறு இப்படியிருக்க கங்கனா ரனாவத் அதுக்கூட தெரியாமல் இருக்கிறாரே என்று பலரும் கிண்டல் செய்து வந்தனர்.

இந்த நிலையில் இந்த வீடியோவை பதிவிட்ட பிரகாஷ் ராஜ். ஒரு சுப்ரீம் ஜோக்கர் கட்சியில் எல்லாருமே கோமாளிகள்.. என்ன ஒரு அவமானம் என பதிவிட்டுள்ளார். இதனை அடுத்து இந்த பதிவு தற்சமயம் ட்ரெண்ட் ஆகி வருகிறது.

விஜய் சேதுபதியுடன் அடுத்து கூட்டணி போடும் கங்கனா ரனாவத்!.. புது ப்ளான் போல!..

பாலிவுட்டில் தொடர்ந்து சர்ச்சையாகி வரும் நடிகைகளில் முக்கியமானவர் நடிகை கங்கனா ரனாவத். இவர் தமிழில் ஜெயம் ரவிக்கு ஜோடியாக தாம் தூம் திரைப்படத்தில் நடித்தார். அப்போது தமிழ் சினிமாவில் இவருக்கு பெரிதாக வரவேற்பு கிடைக்கவில்லை.

ஆனால் பாலிவுட்டில் மிகவும் பிரபலமான நடிகையாக இருந்து வருகிறார். க்ரிஷ் 3 திரைப்படத்தில் முக்கியமான கதாபாத்திரத்தில் இவர் நடித்திருந்தார். இதனை தொடர்ந்து தற்சமயம் சந்திரமுகி 2 திரைப்படத்தில் சந்திரமுகியாக நடித்துள்ளார் கங்கனா ரனாவத்.

பாலிவுட்டில் அதிக சம்பளம் வாங்கும் நடிகை என்பதால் தமிழில் இவருக்கு அதிகமாக வாய்ப்புகள் வருவதில்லை. ஏனெனில் தமிழ் சினிமாவில் நடிகைகளுக்கு குறைவான அளவில்தான் சம்பளம் வழங்கப்பட்டு வருகிறது. இந்த நிலையில் ஒரு பேட்டியில் பேசிய கங்கனா ரனாவத் அடுத்து விஜய் சேதுபதியுடன் இணைந்து ஒரு திரில்லர் திரைப்படத்தில் நடித்த இருப்பதாக கூறியுள்ளார்.

இந்திய சினிமாவில் பாலிவுட்டிற்கு பிறகு தமிழ் சினிமாதான் பெரிய மார்க்கெட்டாக உள்ளது. எனவே இதில் கால் பதிக்க கங்கனா ரனாவத் ப்ளான் போடுகிறாரோ என ரசிகர்கள் மத்தியில் பேச்சுக்கள் உள்ளன.

ராகவா லாரன்சை துப்பாக்கி முனையில் பயமுறுத்திய நடிகை!.. இது வேற நடந்துச்சா…

தமிழ் சினிமாவில் நடன கலைஞராக அறிமுகமாகி அதன் பிறகு நடிப்பின் மீது ஆர்வம் கொண்டு சின்ன சின்ன கதாபாத்திரங்களில் நடித்து தற்சமயம் கதாநாயகன், தயாரிப்பாளர், இயக்குனர் என பன்முகத்தன்மையோடு வலம் வந்து கொண்டிருப்பவர் நடிகர் ராகவா லாரன்ஸ்.

தமிழில் இவர் எடுத்த முனி மற்றும் அதனை தொடர்ந்து வந்த பேய் படங்கள் அனைத்தும் நல்ல வெற்றியை கொடுத்தன. அதனை தொடர்ந்து படங்களை இயக்குவதில் கவனம் செலுத்த துவங்கினார். ராகவா லாரன்ஸ் நடிகர் ரஜினியின் மீது பெரும் பற்று கொண்டவர்.

தற்சமயம் இவர் சந்திரமுகி இரண்டாம் பாகத்தில் நடித்துள்ளார் இந்தப் படத்தில் சந்திரமுகியாக பாலிவுட் நடிகை கங்கனா ரனாவத் நடித்துள்ளார். இவர் ஏற்கனவே தமிழில் ஜெயம் ரவியுடன் தாம் தூம் என்கிற படத்தில் நடித்திருந்தார்.

கொஞ்சம் பெரும் பாலிவுட் நடிகை என்பதால் அவருடன் எப்போதும் துப்பாக்கியுடன் கூடிய செக்யூரிட்டிகள் இருப்பார்களாம். இந்த நிலையில் ராகவா லாரன்ஸ் அவரிடம் சென்று பேசுவதற்கே பயந்துள்ளார் ஒருமுறை கங்கனாவை சந்தித்த ராகவா லாரன்ஸ் படப்பிடிப்பில் இருப்பது போலவே எனக்கு இல்லை மேடம் ஏதோ ஆப்கானிஸ்தானில் இருப்பது போல தோன்றுகிறது.

உங்கள் துப்பாக்கி வீரர்களை மற்றும் கொஞ்சம் நகர சொல்கிறீர்களா என்று கேட்டுள்ளார். அதன் பிறகுதான் லாரன்ஸ் கங்கனா ரனாவத்திடம் கொஞ்சம் சகஜமாக பேசவே தொடங்கினார். அந்த அளவிற்கு கெடுப்புடியான பாதுகாப்புடன் கூடிய நடிகையாக இருந்துள்ளார். அதேபோல நடிகை நயன்தாராவை விடவும் அதிக சம்பளம் பெற்று தான் சந்திரமுகி 2வில் நடித்துள்ளார் கங்கனா ரனாவத்.

நான் சந்திரமுகில நடிச்சே தீருவேன்! – அடம் பிடித்த பாலிவுட் நடிகை!

தமிழ் சினிமாவில் கிட்டத்தட்ட ஒரு வருடம் வரை ஓடி சாதனை படைத்த திரைப்படம் சந்திரமுகி. இந்த படம் இயக்குனர் பி.வாசுவிற்கு ஒரு முக்கிய படமாகும். 

தற்சமயம் பி.வாசு சந்திரமுகி படத்தின் இரண்டாம் பாகத்தை எடுத்து வருகிறார். தாம் தூம் படத்தில் கதாநாயகியாக நடித்த நடிகை கங்கனா ரணாவத் இதில் முக்கிய நாயகியாக நடிக்கிறார்.

இதில் கங்கணா ரணாவத் நடிப்பதில் ஒரு சுவாரஸ்யமான முன் கதை உண்டு. ஏற்கனவே ஒரு பாலிவுட் திரைப்படத்தை இயக்கலாம் என முடிவெடுத்திருந்தார் பி.வாசு. அந்த படத்தில்தான் கங்கனா ரனாவத்தை கதாநாயகியாக்க முடிவெடுத்திருந்தார்.

அதற்காக கங்கனா ரணாவத்தை சந்திக்க சென்றிருந்தார் வாசு. அப்போது எதார்ச்சையாக சந்திரமுகியின் இரண்டாம் பாக வேலைகள் போய்க்கொண்டிருப்பதை கூறியுள்ளார் வாசு.

கங்கனா ரனாவத்திற்கு சந்திரமுகி முதல் பாகமே மிகவும் பிடித்த படமாம். எனவே மிகவும் ஆவலாக இரண்டாம் பாகத்தில் யாரெல்லாம் நடிக்கிறார்கள் என அவர் கேட்க, இயக்குனர் பி.வாசுவும் நடிகர்கள் குறித்த விவரங்களை கூறி கூடுதலாக இன்னும் முக்கியமான ஒரு கதாபாத்திரம் முடிவாகவில்லை என கூறியுள்ளார்.

உடனே கங்கனா ரணாவத் நான் அந்த கதாபாத்திரத்தில் நடிக்கிறேன் என கூறி மகிழ்ச்சியுடன் சந்திரமுகி படக்குழுவில் இணைந்தாராம்.