டான், மாவீரன் என தொடர்ந்து சிவகார்த்திகேயனுக்கு வரிசையாக வெற்றி படங்களாக அமைந்து வருகின்றன. தமிழ் சினிமாவில் சினிமா பின்புலம் எதுவும் இல்லாமல் வந்து தற்சமயம் அதிக சம்பளம் வாங்கக்கூடிய நபராக சிவகார்த்திகேயன் இருந்து வருகிறார்.

இறுதியாக நடித்த அயலான் திரைப்படம் மட்டும் எதிர்பார்த்த அளவிலான வரவேற்பை பெற்று தரவில்லை என கூறலாம். இந்த நிலையில் அடுத்து தற்சமயம் சிவகார்த்திகேயன் கமல்ஹாசனின் இயக்கத்தில் அமரன் என்கிற திரைப்படத்தில் நடித்து வருகிறார்.

இதற்கு முன்பு அவர் நடித்த ப்ரின்ஸ் மாதிரியான சில படங்கள் தொடர்ந்து வேற்று மொழி தயாரிப்பாளர்களால் தயாரிக்கப்பட்டது. இந்த நிலையில் இனி அதிகப்பட்சம் தமிழ் தயாரிப்பாளர்கள் திரைப்படத்தில் நடிப்பது என முடிவு செய்துள்ளாராம் சிவகார்த்திகேயன்.

கை கொடுக்கும் எஸ்.கே:

இதற்கு நடுவே அவரை வைத்து தனது முதல் படத்திலேயே பெரும் ஹிட் கொடுத்தவர் இயக்குனர் சிபி சக்ரவர்த்தி. சிபி சக்ரவர்த்தி சிவகார்த்திகேயனை வைத்து இயக்கிய டான் திரைப்படம் எதிர்பார்த்ததை விடவும் நல்ல வெற்றியை பெற்றுக்கொடுத்தது. இதனை தொடர்ந்து அவருக்கு ரஜினி தன்னை வைத்து படம் இயக்க வாய்ப்பு கொடுத்தார்.

அதற்கான திரைக்கதை வேலையெல்லாம் நடந்து வந்த நிலையில் அந்த கதை பிடிக்கவில்லை என நிராகரித்த ரஜினிகாந்த் இயக்குனர் தா.செ ஞானவேல் இயக்கத்தில் வேட்டையன் திரைப்படத்தில் கமிட் ஆனார். இதற்கு பிறகு சிபி சக்ரவர்த்திக்கு எந்த பட வாய்ப்புகளும் கிடைக்கவில்லை.

இந்த நிலையில் அவருக்கு உதவும் வகையில் தன்னை வைத்து திரைப்படம் இயக்குமாறு கேட்டுள்ளார் சிவகார்த்திகேயன். இந்த வாய்ப்பை பயன்படுத்தி சிபி சக்ரவர்த்தி நல்ல வெற்றியை கொடுத்தால் கண்டிப்பாக அது அவரது சினிமா வாழ்க்கையில் மாற்றத்தை ஏற்படுத்தும்.