Tag Archives: பஹல்காம் தாக்குதல்

News, Tamil Cinema News

போரை வச்சும் காசு பார்க்கும் பாலிவுட் சினிமா.. இதெல்லாம் நியாயமா?

தற்சமயம் இந்தியா மற்றும் பாகிஸ்தான் இரு நாடுகளுக்கு இடையே போர் நடக்கும் சூழல் நிலவி வருகிறது. இன்னமும் இரு நாடுகளுமே அதிகாரப்பூர்வமாக போரை அறிவிக்கவில்லை என்றாலும் கூட இரு நாடுகளுமே தாக்குதலை நடத்தி வருகின்றன.

இது மக்கள் மத்தியிலும் கூட பீதியை ஏற்படுத்தி வருகிறது. பஹல்காம் தாக்குதல்தான் இதற்கெல்லாம் ஆரம்ப புள்ளியாக இருந்தது. பயங்கரவாதிகள் இந்தியாவுக்குள் ஊடுருவி பஹல்காம் என்னும் பகுதியில் 26 பொது மக்களை கொலை செய்தனர்.

அதற்கு பதிலடி கொடுக்கும் விதமாக ஆபரேஷன் சிந்தூர் உருவானது. பாகிஸ்தான் மற்றும் பாகிஸ்தானால் கைபற்றப்பட்ட காஷ்மீர் பகுதிகளில் 9 இடங்களில் தாக்குதலை ஏற்படுத்தினர். இவை யாவும் பயங்கரவாதிகளின் தளம் என கூறப்படுகிறது.

இந்த தாக்குதலில் 100க்கும் அதிகமான பயங்கரவாதிகள் கொலை செய்யப்பட்டதாக கூறப்படுகிறது. இந்த நிலையில்தான் இந்தியா பாகிஸ்தான் இடையே போர் பதற்றம் உருவாக துவங்கியுள்ளது.

இவ்வளவு பிரச்சனைகளுக்கு நடுவேயும் இதை வைத்து பணம் சம்பாதிக்க துடியாக துடித்து வருகிறது பாலிவுட் சினிமா. ஆபரேஷன் சிந்தூர் என்கிற பெயரை வாங்குவதற்காக பாலிவுட் சினிமாவில் பெரிய போட்டி நடந்து வருகிறதாம்.

ஏனெனில் ஆபரேஷ சிந்தூரை படமாக எடுத்தால் நன்றாக கல்லா கட்டலாம் என்பது பாலிவுட் தயாரிப்பாளர்களின் எண்ணமாக இருக்கிறது. எனவே அந்த பெயரை வாங்குவதற்கு அங்கு பெரிய போட்டி நிலவி வருகிறதாம்

Tamil Cinema News

கண்டிப்பா உரிய நடவடிக்கை எடுக்கணும்…பஹல்காம் தாக்குதல் குறித்து அஜித்.!

தமிழ் சினிமாவில் உள்ள முன்னணி நடிகர்களில் முக்கியமானவராக நடிகர் அஜித் இருந்து வருகிறார்.

பெரும்பாலும் அஜித் நடிக்கும் திரைப்படங்கள் நல்ல வெற்றியை கொடுத்து வந்தாலுமே கூட சினிமாவை தாண்டி அவருக்கு கார் பந்தயத்தில் அதிக ஆர்வம் இருப்பதால் தொடர்ந்து அதன் மீது ஈடுபாடு செலுத்தி வருகிறார்.

இந்த நிலையில் பெரும்பாலும் சமூகம் சார்ந்த விஷயங்களுக்கு குரல் கொடுக்காத அஜித் தற்சமயம் பஹல்காமில் நடந்த தீவிரவாத தாக்குதலுக்கு எதிராக குரல் கொடுத்து இருக்கிறார்.

மேலும் அஜித் பேசி இருக்கும் விஷயங்கள் கவனத்தை ஈர்க்கும் விதமாக இருக்கிறது ஒன்றிய அரசு கண்டிப்பாக உரிய நடவடிக்கையை எடுக்கும் என்று நம்புகிறேன்.

எல்லையில் உள்ள நம் ராணுவ வீரர்களால் தான் நாம் அனைவருமே பாதுகாப்பாக இருக்கிறோம். எனவே அனைத்து மதங்களையும் சாதிகளையும் மதிக்க வேண்டும்.

நமக்குள் எந்த ஒரு மோதலும் இருக்கக் கூடாது. வேற்றுமைகளை ஒதுக்கிவிட்டு அமைதியாக வாழ அனைவரும் பிரார்த்திப்போம் என்று கூறியிருக்கிறார் நடிகர் அஜித். மதம் சார்ந்த இந்த கலவரத்தின் காரணமாக பிரச்சனைகள் ஏற்படலாம் என்பதால் அஜித் இந்த மாதிரி கருத்தை வெளியிட்டு இருக்கிறார் என்று கூறப்படுகிறது.