Actor Ramarajan : ரஜினி கமலுக்கு பிறகு தமிழ் சினிமாவில் அதே காலகட்டத்தில் அவர்களுக்கே போட்டி நடிகராக இருந்தவர் நடிகர் ராமராஜன். ராமராஜனை பொறுத்தவரை அவர் கமல் ரஜினி மாதிரியான பெரும் நடிகர்களுக்கே பயம் காட்டியவர் என்று கூறலாம்.

ஏனெனில் தொடர்ந்து ஒரு வருடம் முழுவதும் அவர் நடித்து வெளியான அனைத்து திரைப்படங்களும் பெரும் வெற்றி படங்களாகவே அமைந்தன. ராமராஜன் தமிழ் சினிமாவிற்கு வரும்பொழுது நடிகராக வேண்டும் என்கிற ஆசையில் வரவில்லை.

அவர் ஒரு இயக்குனர் ஆகவே ஆசைப்பட்டார் எனவே ஆரம்பத்தில் இயக்குனர் ராமநாராயணனிடம் உதவி இயக்குனராக பணிபுரிந்தார். ராமநாராயணனிடம் பணிபுரிந்த காலகட்டத்தில் பல திரைப்படங்களில் அவர் உதவி இயக்குனராகப் பணி புரிந்ததன் மூலம் திரைப்படம் எடுப்பதற்கான அறிவை பெற்றார்.

இருந்தாலும் அதற்குப் பிறகு திரைப்படம் எடுப்பதை காட்டிலும் படங்கள் நடிப்பதிலேயே அவருக்கு அதிக வாய்ப்பு கிடைத்தது. அதனை தொடர்ந்து கதாநாயகன் ஆனார் ராமராஜன். ஆரம்பகட்டத்தில் உதவி இயக்குனராக இருந்த காலகட்டத்தில் இருந்து நடிகர் பார்த்திபன் மற்றும் செந்திலுடன் ராமராஜனுக்கு நல்ல பழக்கம் இருந்தது.

இருவரும் பக்கத்து அறையைச் சேர்ந்தவர்களாகத்தான் இருந்தார்கள். இந்த நிலையில் ஒருமுறை காமராஜர் நடிகர் பாண்டியனை கதாநாயகனாக வைத்து மண்ணுக்கேத்த பொண்ணு என்கிற திரைப்படத்தை இயக்க நினைத்தார்.

அந்த திரைப்படத்தை இயக்க ஆரம்பித்த நேரத்திலேயே பார்த்திபனிடம் சென்று என்னுடைய திரைப்படத்தில் நீங்கள் உதவி இயக்குனராக பணிபுரிய வேண்டும் அது எனக்கு மிகவும் உதவியாக இருக்கும் என்று கூறியிருக்கிறார் ராமராஜன்.

பார்த்திபனும் அதற்கு ஒப்புக்கொண்டார். ஆனால் படப்பிடிப்பு துவங்கிய காலகட்டத்தில் பார்த்திபனுக்கு வேறு ஒரு திரைப்படத்தில் உதவி இயக்குனராக சேர்வதற்கான வாய்ப்பு கிடைத்தது. அந்த இயக்குனர் ராமராஜனை விட கொஞ்சம் பெரிய ஆள் என்பதால் ராமராஜன் படத்தில் பணி புரியாமல் அவர் அந்த இயக்குனர் படத்தில் பணிபுரிய சென்று விட்டார்.

அது வேறு யாரும் இல்லை இயக்குனர் பாக்யராஜ் தான் பாக்கியராஜின் திரைப்படத்தில் உதவி இயக்குனராக வாய்ப்பு கிடைத்ததால் அப்போது அங்கு சென்று விட்டார் பார்த்திபன். இந்த விஷயத்தை ராமராஜனே ஒரு பேட்டியில் கூறியிருக்கிறார்.