நடிகர் ரஜினிகாந்த் நடிக்கும் திரைப்படங்கள் என்றாலே அவற்றிற்கு நல்ல வகையிலான வரவேற்பு என்பது இருந்துக்கொண்டுதான் இருக்கிறது. அதிலும் இப்போது வர இருக்கும் கூலி திரைப்படத்திற்கு மக்கள் மத்தியில் அதிக வரவேற்பு என்பது இருந்து வருகிறது.
லோகேஷ் கனகராஜ் இந்த படத்தை இயக்குகிறார் என்பதும் இதற்கு ஒரு காரணமாக இருக்கிறது. இதற்கு முன்பு லோகேஷ் கனகராஜ் இயக்கிய திரைப்படங்கள் எல்லாமே நல்ல வெற்றி படங்களாகதான் அமைந்தன. இந்த நிலையில் கூலி திரைப்படமும் கூட நல்ல வெற்றி படமாகதான் இருக்கும் என எதிர்பார்க்கப்படுகிறது.
மேலும் இந்த படம் பேன் இந்தியா படமாக வெளியாக இருக்கிறது. இயக்குனர் லோகேஷ் கனகராஜை பொறுத்தவரை அவர் இயக்கும் படங்கள் எல்லாம் பெரும்பாலும் ஒன்றோடு ஒன்று தொடர்புடையதாக இருக்கும். ஏற்கனவே லோகேஷ் கனகராஜ் இயக்கிய கைதி,விக்ரம், லியோ திரைப்படங்களோடு தொடர்பு இருந்து வருகிறது.
இந்த நிலையில் விக்ரம் கதாபாத்திரத்திரத்திற்கு கூலி படத்தில் ஒரு கேமியோ வைக்கலாம் என யோசித்து வருகிறாராம் லோகேஷ் கனகராஜ். அப்படி காட்சி இருக்கும் பட்சத்தில் பல வருடங்களுக்கு பிறகு ரஜினியும் கமலும் சேர்ந்து நடித்த படமாக கூலி திரைப்படம் இருக்கும் என கூறப்படுகிறது.
