நடிகர் அஜித் தமிழ் சினிமாவில் அதிகமாக ரசிகர்களை கொண்ட நடிகர்களில் முக்கியமானவராக இருந்து வருகிறார். பெரும்பாலும் நடிகர் அஜித் நடிக்கும் திரைப்படங்கள் எல்லாமே ஹிட் படங்களாகதான் இருந்து வந்துள்ளது. திரைப்படங்களில் கொடுக்கும் வெற்றியை தாண்டி அஜித்தின் நிஜ வாழ்க்கை குறித்து பல நல்ல விஷயங்கள் எப்போதும் தமிழ் ரசிகர்கள் மத்தியில் உலாவி வருகிறது.

அதுதான் அஜித்துக்கு அதிகமான ரசிகர்கள் இருப்பதற்கு காரணமாக இருக்கிறது. நடிகர் அஜித் சினிமாவில் மட்டுமில்லாமல் கார் ரேஸ் போன்ற பல விஷயங்களில் ஆர்வம் காட்டி வருகிறார். அதனாலேயே பலரும் நிஜ வாழ்க்கையிலேயே அஜித்தை ஒரு கதாநாயகனாகதான் பார்க்கின்றனர்.

இந்த நிலையில் சமீபத்தில் பத்ம விபூஷன் விருதை பெற்றார் அஜித். அதை தனது மனைவிக்கும் குடும்பத்தாருக்கும் சமர்பித்தார். இந்த நிலையில் திடீரென இன்று அப்போலோ மருத்துவமனையில் அனுமதிக்கப்பட்டுள்ளார் அஜித்.

இது ரசிகர்களுக்கு பதற்றத்தை ஏற்படுத்தியுள்ளது. ஆனால் 6 மாதங்களுக்கு ஒருமுறை உடல்நிலையை பரிசோதித்து கொள்வதை வழக்கமாக கொண்டுள்ளார் அஜித். அதற்காகதான் அவர் மருத்துவமனை சென்றுள்ளார் என கூறப்படுகிறது.

ஆனால் கார் ரேஸில் ஏற்பட்ட விபத்தினால் அவருக்கு உடல் பிரச்சனை ஏற்பட்டிருக்குமோ என இதுக்குறித்து ரசிகர்கள் வருந்தி வருகின்றனர்.

நடிகர் அஜித் இப்போதெல்லாம் எந்த ஒரு பத்திரிகை மீட்டிங்கிலும் கலந்து கொள்வது கிடையாது. இசை வெளியீட்டு விழாவிற்கு வருவது கிடையாது எந்த ஒரு சின்னத்திரை நிகழ்ச்சிகளிலும் பேட்டி கொடுப்பது கிடையாது.

இதனால் அஜித்தை பலரும் பலவாறு விமர்சித்து வாழ்ந்தாலும் கூட நடிகர் அஜித்துக்கான வரவேற்பு என்பது குறையவே இல்லை. தொடர்ந்து அஜித்துக்கான ரசிகர்களும் அதிகரித்துக் கொண்டுதான் இருக்கின்றனர்.

இத்தனைக்கும் விஜய் மாதிரி வருடத்திற்கு ஒரு திரைப்படம் கூட அஜித் கொடுப்பது கிடையாது. இரண்டு வருடத்திற்கு ஒரு திரைப்படம் என்கிற ரீதியில் தான் இப்பொழுது அவருடைய படங்கள் வெளியாகிக் கொண்டிருக்கின்றன.

அஜித் கொடுத்த ஸ்பீச்:

ஆனால் ஒரு காலகட்டத்தில் மேடையில் அஜித் ஏறினாலே சர்ச்சையாக பேசுவார் என்று அஜித் குறித்து ஒரு ஒரு வாதம் இருந்து வந்தது. அதற்கு தகுந்தார் போல முதலமைச்சர் கலைஞர் கருணாநிதியை வாழ்த்துவதற்கு ஒரு நிகழ்ச்சி நடத்தப்பட்டது.

அந்த நிகழ்ச்சியில் சினிமா பிரபலங்கள் கலந்து கொண்டனர் அந்த சமயத்தில் அஜித் அதில் கலந்து கொண்டிருப்பார். அப்பொழுது மேடையில் ஏறி அஜித் பேசும்பொழுது சினிமா நடிகர்கள் வர விருப்பம் இருந்தால் வரவிடுங்கள்.

அவர்களை மிரட்டி எல்லாம் நிகழ்ச்சிக்கு அழைக்காதீர்கள் என நேரடியாக கேட்டிருந்தார் அதனை கேட்டு அப்பொழுது அங்கு அமர்ந்திருந்த கருணாநிதியே வியந்து போனார் இந்த மாதிரியான நெத்தியடி பேச்சுகளால் தான் அஜித் அதிக விமர்சனத்திற்கு உள்ளானார். அதனால்தான் பிறகு அவர் இந்த மாதிரியான நிகழ்ச்சிகளில் கலந்து கொள்வதையும் நிறுத்திக் கொண்டார்.