தமிழ் சினிமாவில் உள்ள இயக்குனர்களுக்கெல்லாம் குருவாக இருப்பவர் இயக்குனர் பாரதிராஜா. பெரும்பாலும் பாரதிராஜா இயக்கும் திரைப்படங்கள் எல்லாம் கிராமபுறங்களில் நடக்கும் நிகழ்வுகளை அடிப்படையாக கொண்டுதான் இருக்கும்.

ஆனால் அவற்றை பாரதிராஜா எவ்வளவு சுவாரஸ்யமாக காட்டுகிறார் என்பதை வைத்துதான் அந்த படத்தின் வெற்றியே அமையும். ஆரம்பத்தில் சினிமாவில் வாய்ப்புகள் தேடிய காலக்கட்டங்களில் பாரதிராஜா ஒரு ஆண்கள் விடுதியில் தங்கிதான் வாய்ப்பு தேடி வந்து கொண்டிருந்தார்.

அந்த காலத்தில்தான் இளையராஜாவும் சினிமாவிற்கு வாய்ப்பு தேடி வந்திருந்தார். பொதுவாகவே சினிமாவில் வாய்ப்பு தேடுபவர்களுக்கு இடையே நட்பு ஏற்படும் என்பதால் இளையராஜாவுடன் பாரதிராஜாவிற்கு நட்பு உண்டானது.

தங்க இடம் இல்லாமல் இருந்த இளையராஜாவிற்கு தான் தங்கியிருந்த ஹாஸ்டலில் இடம் கொடுத்தார் பாரதிராஜா. இந்த நிலையில் இவர்கள் இருவரது வாழ்க்கையிலும் பாஸ்கரன் என்பவர்தான் பெரும் மாற்றத்தை செய்ததாக கங்கை அமரன் கூறுகிறார்.

ஆரம்பத்தில் கதாநாயகனாக வேண்டும் என்பதுதான் பாரதிராஜாவின் கனவாக இருந்தது. ஆனால் அவரிடம் பேசிய பாஸ்கர் உன் மூஞ்சுக்கு எல்லாம் நீ கதாநாயகனாக ஆக முடியாது. நிறையை இளைஞர்கள் வரிசையாக கதாநாயகர்களாக நடித்து கொண்டு வருகின்றனர்.

எனவே நீ இயக்குனராவதற்கு முயற்சி செய் என கூறி அப்போது தெலுங்கு இயக்குனராக இருந்த சுப்பண்ணாவிடம் சேர்த்துவிட்டார். அதன் பிறகு அதுவே பாரதிராஜா திரைத்துறையில் பெரும் இடத்தை பிடிக்க உதவியது என்கிறார் கங்கை அமரன்.

பாரதிராஜா தமிழ் சினிமாவில் இயக்குனர்களின் இமையம் என அழைக்கப்படும் அளவிற்கு பல வித்தியாசமான திரைப்படங்களையும், வெற்றி திரைப்படங்களையும் கொடுத்துள்ளார். சினிமாவிற்கு வந்த ஆரம்பக்காலக்கட்டம் முதலே பாரதிராஜாவும் இளையராஜாவும் நண்பர்களாகதான் இருந்தனர்.

இந்த நட்பு இருவரும் திரையில் பிரபலமாவதற்கு முன்பே துவங்கிய நட்பு எனலாம். இதுக்குறித்து கங்கை அமரன் கூறும்போது நாங்கள் சென்னைக்கு வாய்ப்பு தேடி வந்தப்போது சென்னையில் இருந்து பிழைக்க முடியும் என எங்களுக்கு நம்பிக்கை கொடுத்தவரே பாரதிராஜாதான்.

அப்போது பாரதிராஜா ஆண்கள் தங்கும் விடுதியில் தங்கியிருந்தார். அந்த மாதிரி விடுதிகளில் மிகவும் சின்னதாக அறைகள் இருக்கும். அதிலேயே மூன்று முதல் நான்கு நபர்கள் தங்கியிருப்பார்கள். அங்கு எங்களுக்கும் அடைக்கலம் கொடுத்தார் பாரதிராஜா.

நாங்கள் மனம் துவண்டு ஊருக்கு செல்ல இருந்தப்போதெல்லாம் எங்களுக்கு அவர்தான் தைரியம் கொடுத்தார். ஒரு மாதத்திற்கு உணவு உண்பதற்காக அவர் வைத்திருந்த டோக்கனை எங்களுக்கு கொடுத்தார். அதை வைத்து ஒரே வாரத்தில் டோக்கனை காலி செய்துவிட்டு பிறகு பட்டினி கிடந்திருக்கிறோம்.

அப்படியெல்லாம் பழகிய பாரதிராஜா அன்னகிளி திரைப்படத்தின் பூஜை நடந்தப்போது அதில் எங்களோடு கலந்துக்கொள்ளவில்லை. வெகு நாட்கள் கழித்து அவருக்கு போன் செய்து ஏன் அன்னக்கிளி பூஜைக்கு நீங்கள் வரவில்லை என கேட்டேன். நீங்க எங்கடா என்ன கூப்பிட்டிங்க.. வாய்ப்பு வந்ததும் என்ன மதிக்கவே இல்ல நீங்க என கூறினார் பாரதிராஜா. என்று விளக்குகிறார் கங்கை அமரன்.

ஆனால் பிறகு தனது முதல் படமான 16 வயதினிலே படத்தை இயக்கும்போது அதற்கு இளையராஜாவைதான் இசையமைக்க அழைத்தார் பாரதிராஜா.

Gangai Amaran: தமிழ் சினிமாவில் இளையராஜாவை போலவே இசையமைக்க தெரிந்தவர் இயக்குனர் கங்கை அமரன், இளையராஜா இசையமைப்பதில் சக்கரவர்த்தி என்றாலும் அவரது தம்பியான கங்கை அமரன் அவரை விடவும் பன்முக திறமைகளை கொண்டவர்.

இருந்தாலும் சினிமாவில் அவருக்கான அங்கீகாரம் பெரிதாக கிடைக்கவில்லை என்றே கூற வேண்டும். கரகாட்டக்காரன் மாதிரியான வெற்றி படங்களை கொடுத்த பிறகுதான் பலரும் கங்கை அமரனை கவனிக்க துவங்கினர்.

இது மட்டுமின்றி பாடல்களுக்கு வரிகளையும் கங்கை அமரன் எழுதியிருக்கிறார். மண்ணில் இந்த காதலன்றி யாரும் வாழ்தல் கூடுமோ என்கிற பாடல் வரிகளை எழுதியவர் கங்கை அமரன் தான். ஆனால் இளையராஜா கங்கை அமரனுக்கு தர வேண்டிய மதிப்பை தரவில்லை என்றும் சினிமாவில் பேச்சுக்கள் உண்டு.

அதை நிரூபிக்கும் வகையில் ஒரு சம்பவம் நடந்துள்ளது. கங்கை அமரனுக்கு புத்தகம் எழுதுவதிலும் ஆர்வம் இருந்தது. எனவே தனது வாழ்க்கையில் நடந்த சுவையான அனுபவங்களை அவர் எழுத துவங்கினார். அது பண்ணைபுரம் எக்ஸ்ப்ரஸ் என்கிற பெயரில் புத்தகமாக வர இருந்தது. பொதுவாக இந்த மாதிரியான புத்தகங்களுக்கு பெரிய ஆள் யாராவது அணிந்துரை எழுதினால் மதிப்பாக இருக்கும்.

 இந்த புத்தகத்திற்கு அண்ணன் இளையராஜா ஒரு அணிந்துரை எழுதினால் நன்றாக இருக்கும் என நினைத்தார் கங்கை அமரன் எனவே அவர் இளையராஜாவிடம் கேட்க இளையராஜா அப்போது பிஸியாக இருந்ததால் அணிந்துரை எழுதி தரவில்லை. பிறகு கலைஞர் மு கருணாநிதி மற்றும் இயக்குனர் பாரதி ராஜாவிடமும் முயற்சித்தார் கங்கை அமரன்.

ஆனால் இவர்கள் யாருமே அணிந்துரை எழுதி தராததால் அணிந்துரை என்றே ஒன்றே இல்லாமல் அந்த புத்தகம் வெளியானது. அவ்வளவு பெரிய பிரபலமாக இருந்தும் கங்கை அமரனுக்கு அணிந்துரை எழுதி கொடுக்க கூட யாரும் முன் வரவில்லை, கங்கை அமரனின் திறமை அங்கீகரிக்கப்படவில்லை என்பதற்கு ஒரு சான்றாக இந்த சம்பவம் அமைந்துள்ளது.