இந்த முறை பொங்கலுக்கு வெளியாகும் திரைப்படங்களுக்கு இடையே கடுமையான போட்டி இருந்ததை பார்க்க முடிந்தது. நிறைய படங்கள் இந்த முறை பொங்கலுக்கு வெளியானது. அதற்கு முக்கிய காரணமாக விடாமுயற்சி திரைப்படம் இருந்தது.

விடாமுயற்சி திரைப்படம் பொங்கலுக்கு வெளியாக இருந்தது. ஆனால் சில காரணங்களால் அந்த படம் அன்று வெளியாகவில்லை. இதனால் அந்த சமயத்தில் இந்த திரைப்படங்கள் எல்லாம் களம் இறங்கின.

அதில் எதிர்பாராத விதமாக களம் இறங்கிய திரைப்படம்தான் மத கஜ ராஜா. மத கஜ ராஜா திரைப்படம் விஷால் நடிப்பில் சுந்தர் சி இயக்கத்தில் 12 வருடங்களுக்கு முன்பே உருவான திரைப்படமாகும்.

இந்த திரைப்படத்தில் நடிகர் சந்தானம் கூட காமெடி நடிகராக நடித்திருந்தார். இதனால் அந்த படத்திற்கு நல்ல வரவேற்பு கிடைத்தது. தற்சமயம் வரை பொங்கலுக்கு வெளியான திரைப்படங்களில் அதிக வசூல் படைத்த திரைப்படமாக மத கஜ ராஜா திரைப்படம்தான் இருந்து வருகிறது.

படம் வெளியாகி 12 நாட்களில் இதுவரை 50 கோடி ரூபாய் வசூலித்துள்ளது மத கஜ ராஜா. இந்த திரைப்படம் 100 கோடி வெற்றி பெறவும் வாய்ப்புகள் இருப்பதாக பேச்சுக்கள் இருக்கின்றன.