Tag Archives: surya 45

லப்பர் பந்து நடிகைக்கு அடித்த ஜாக்பாட்.. த்ரிஷாவுடன் கூட்டணி..!

இப்பொழுதெல்லாம் பெரிய ஹீரோக்கள் படங்களுக்கு மட்டும் வரவேற்பு இருக்கும் என்கிற நிலை மாறி நல்ல கதையாக இருந்தால் மக்கள் எந்த படமாக இருந்தாலும் பார்க்கத் துவங்கி விட்டனர்.

அப்படி நல்ல கதை என்பதாலேயே மக்கள் மத்தியில் வரவேற்பு பெற்ற திரைப்படங்களில் லப்பர் பந்து முக்கியமான திரைப்படம் ஆகும். சமீபத்தில் வெளியான லப்பர் பந்து திரைப்படத்திற்கு திரையரங்கங்களில் வெளியான பொழுது பெரிதாக வரவேற்பு என்பது இல்லை.

ஆனால் படம் வெளியான பிறகு இந்த படத்தை பலரும் கொண்டாடத் துவங்கினர் அதனை தொடர்ந்து படத்திற்கு வரவேற்பு அதிகரித்தது இந்த நிலையில் லப்பர் பந்து ஒரு வெற்றி படமாக மாறியது.

அந்த திரைப்படத்தில் இரண்டு நடிகைகள் முக்கியமான நடிப்பை வெளிப்படுத்தி இருந்தனர் அதில் ஒருவர் நடிகை சுவாசிகா. இன்னொருவர் சஞ்சனா.

swasika

நடிகைக்கு வாய்ப்பு:

சுவாசிகா நடிகர் அட்டகத்தி தினேஷ் கதாபாத்திரத்திற்கு மனைவியாக நடித்திருந்தார். அதே சமயம் சஞ்சனா ஹரிஷ் கல்யாணிற்கு ஜோடியாக நடித்திருந்தார். இந்த நிலையில் சுவாசிகாவின் நடிப்பு அதிகமாக பேசப்பட்டது.

ஏனெனில் குறைந்த வயதுடைய சுவாசிகா வயதான கதாபாத்திரத்தில் அந்த திரைப்படத்தில் சிறப்பாக நடித்திருந்தார். இதனை தொடர்ந்து சூர்யா அடுத்து நடிக்கும் 45ஆவது திரைப்படத்தில் இவருக்கு வாய்ப்பு கிடைத்திருக்கிறது இந்த திரைப்படத்தில் திரிஷா தான் கதாநாயகியாக நடிக்கிறார் ஆனால் இவருக்கும் ஒரு முக்கிய கதாபாத்திரம் இருக்கும் என்று கூறப்படுகிறது.

ஆர்.ஜே பாலாஜி படத்தில் அதே கதாபாத்திரத்தில் சூர்யா.. ரஜினி இயக்குனர் எழுதின கதையா?..!

ஜெய் பீம் திரைப்படத்திற்கு பிறகு தமிழ் சினிமாவில் அதிக மார்க்கெட் பெற்ற நடிகராக சூர்யா மாறினார். அதற்கு பிறகு இயக்குனர் ஞானவேல் இயக்கத்தில் இன்னொரு திரைப்படத்தில் நடிக்க இருந்தார் சூர்யா. இந்த நிலையில்தான் இந்த திரைப்படத்தில் நடிப்பதற்கான வாய்ப்பு கிடைத்தது.

இதனால் தா.செ ஞானவேல் படத்தை ஒத்தி வைத்துவிட்டு வணங்கான் படத்தில் நடிக்கச் சென்றார். அதுவும் அவருக்கு சரியாக செட்டாகவில்லை என்பதால் பிறகு கங்குவா திரைப்படத்திற்கு நடிக்க சென்று விட்டார் சூர்யா.

இந்த சமயத்தில்தான் இயக்குனர் ஞானவேலுக்கு ரஜினிகாந்தை வைத்து படம் இயக்குவதற்கான வாய்ப்பு கிடைத்தது. அவர் வேட்டையன் என்கின்ற திரைப்படத்தை இயக்கி அந்த திரைப்படமும் நல்ல வெற்றியை பெற்றது.

சூர்யாவின் கதாபாத்திரம்:

ஆனால் கங்குவா திரைப்படத்தில் நடித்தப்பிறகு சூர்யாவிற்கு அந்த திரைப்படம் பெரிதாக வெற்றியை பெற்று தரவில்லை. மேலும் விமர்சன ரீதியாக அதிக பாதிப்பு உள்ளானது கங்குவா. இந்த நிலையில் அடுத்து அவர் நடிக்கும் திரைப்படம் கண்டிப்பாக வெற்றி படமாக கொடுக்க வேண்டிய சூழலில் இருக்கிறார் நடிகர் சூர்யா.

jai bhim

இந்த நிலையில் சூர்யா அடுத்து நடிக்கும் திரைப்படத்தை நடிகர் ஆர்.ஜே பாலாஜி இயக்கி வருகிறார். ஏற்கனவே ஆர்.ஜே பாலாஜி இயக்கிய மூக்குத்தி அம்மன் வீட்ல விசேஷம் மாதிரியான திரைப்படங்கள் எல்லாம் நல்ல வெற்றியை கொடுத்திருக்கின்றன.

எனவே இந்த படமும் நல்ல வெற்றியை கொடுக்கும் என்று கூறப்படுகிறது இந்நிலையில் இந்த திரைப்படத்தில் சூர்யா வக்கீலாக நடிப்பதாக தகவல்கள் வெளிவந்துள்ளன. இதற்கு முன்பு தா.செ ஞானவேல் எழுதிய கதையிலும் சூர்யாவை வக்கீலாக வைத்துதான் கதை எழுதியிருந்தார்.

ஏனெனில் ஜெய் பீம் திரைப்படத்தில் வக்கீல் கதாபாத்திரம் அவருக்கு நன்றாகவே ஒத்துப்போனது அதனை தொடர்ந்து இந்த படத்திலும் தா.செ ஞானவேல் அதையே செய்திருந்தார். எனவே அந்த கதையை தான் அவர் ஆர்.ஜே பாலாஜிக்கு கொடுத்திருப்பாரோ என்று ஒரு பக்கம் பேச்சுக்கள் இருந்து வருகின்றன.

தொடர்ந்து நிராசையாகிவரும் ஆர்.ஜே பாலாஜியின் ஆசை.. இந்த வாட்டியும் நிறைவேறலை..!

தமிழ் சினிமாவில் சாதாரண காமெடி நடிகராக வந்து தற்சமயம் ஒரு முக்கிய பிரபலமாக மாறி இருப்பவர் ஆர்.ஜே பாலாஜி. சில நடிகர்கள்தான் எவ்வளவு வளர்ந்தாலும் சினிமாவில் வந்த புதுசில் எப்படி இருந்தார்களோ அதே போல இருப்பார்கள்.

அப்படி இருக்கும் நடிகர்களில் ஆர்.ஜே பாலாஜியும் ஒருவர். ஆர்.ஜே பாலாஜி ஒரு முக்கியமான நடிகராக மாறிவிட்டார். மேலும் இரண்டு திரைப்படங்களை ஏற்கனவே அவர் இயக்கி இருக்கிறார். அப்படியெல்லாம் இருந்தும் கூட சமீபத்தில் ஒரு ரசிகர் மீட்டிங் போடப்பட்டது.

ஆர்.ஜே பாலாஜியின் ஆசை:

rj balaji

அதில் பழைய ரேடியோவில் வேலை பார்க்கும் ஆர்.ஜே பாலாஜியாகவே அவர் பேசியிருந்தார். இப்பொழுதும் ஐ.பி.எல் மேட்ச்களுக்கு சென்று அங்கும் பேசி வருகிறார். இந்த நிலையில் ஆர்.ஜே பாலாஜி சினிமாவிற்கு வந்த காலகட்டத்தில் இருந்தே ஏ.ஆர் ரகுமானோடு சேர்ந்து பணி புரிய வேண்டும் என்பது அவருடைய ஆசையாக இருந்து வருகிறது.

ஒவ்வொரு முறை ஆர்.ஜே பாலாஜி திரைப்படம் இயக்கும்பொழுதும் ஏ.ஆர் ரகுமானிடம் அந்த படத்திற்கு இசையமைக்கும்படி கேட்பது உண்டு. அந்த வகையில் இப்பொழுது அவர் சூர்யாவை வைத்து இயக்கும் படத்திற்கு ஏ.ஆர் ரகுமான் இசையமைப்பதாக இருந்தது.

ஆனால் இப்பொழுது சில காரணங்களால் இசையமைப்பாளர் மாற்றப்பட்டுள்ளது. இந்த இந்த நிலையில் பிரபல இசை கலைஞரான சாய் அபயங்கரை இசை அமைப்பாளராக முடிவு செய்து இருக்கின்றனர். ஏற்கனவே இரண்டு வெற்றி பாடல்களை அவர் கொடுத்திருக்கிறார் என்பதால் சூர்யா திரைப்படத்தில் முற்றிலும் மாறுபட்ட ஒரு இசையை பார்க்க முடியும் என்று கூறப்படுகிறது.