Tag Archives: viduthalai

News, Tamil Cinema News

விடுதலை மூன்றாம் பாகம் வருதா? வெளிவந்த அப்டேட்..

நகைச்சுவை நடிகராக இருந்து தற்போது ஹீரோவாக அவதாரம் எடுத்திருக்கும் நடிகர் சூரி, தமிழ் ரசிகர்களின் மனதில் நகைச்சுவை நடிகராக வலம் வந்து கொண்டிருந்தவர். விடுதலை பாகம் ஒன்றில் முன்னணி கதாபாத்திரத்தை ஏற்று நடித்ததன் மூலம் தற்போது நடிகராக வலம் வந்து கொண்டிருக்கிறார்.

தமிழ் சினிமாவில் பல நல்ல நகைச்சுவை காட்சிகளில் நடித்ததன் மூலம் ரசிகர்களால் பெரிதும் விரும்பப்பட்ட நகைச்சுவை நடிகர் என்றால் அது நடிகர் சூரி தான். அந்த வகையில் நகைச்சுவை நடிகராக தனக்கு பல ரசிகர்களை ஏற்படுத்தி வைத்திருந்த நடிகர் சூரி தற்போது பல படங்களிலும் முன்னணி நடிகராக நடித்து வருகிறார்.

இந்நிலையில் விடுதலை படத்தில் நடித்த மூலம் ரசிகர்களின் ஆதரவை பெற்ற நடிகர் சூரி தற்போது விடுதலை படத்தின் அப்டேட் பற்றிய செய்தி ஒன்று கிடைத்திருக்கிறது.

நடிகராக அவதாரம் எடுத்த சூரி

இந்த திரைப்படத்தில் நடிகர் சூரி, விஜய் சேதுபதி, பவானி ஸ்ரீ, கௌதம் வாசுதேவ் மேனன், ராஜூமேனன், இளவரசு, பாலாஜி, சக்திவேல், சரவண சுப்பையா மற்றும் பல நட்சத்திரங்கள் திரைப்படத்தில் நடித்தனர். இந்தத் திரைப்படத்தை வெற்றிமாறன் இயக்கியிருந்தார்.

கடந்த 2023 ஆம் ஆண்டு திரையரங்குகளில் வெளியாகி விமர்சிகளுக்கு இடையே நேர்மறையான விமர்சனங்களை பெற்றது. வணிக ரீதியாக நல்ல வசூலை பெற்று கொடுத்தது. இந்நிலையில் தான் விடுதலை பாகம் 2 வெளியாக உள்ள நிலையில் தற்போது விடுதலை பாகம் மூன்று பற்றிய அப்டேட் கிடைத்திருக்கிறது.

விடுதலை பாகம் 3

தற்போது விடுதலை பாகம் ஒன்றின் வெற்றியை தொடர்ந்து இரண்டாம் பாகம் வெளிவர இருக்கிறது. ஆனால் படத்தில் பல கதாபாத்திரங்கள் தற்போது வந்துள்ள காரணத்தினால் படப்பிடிப்பு இன்னும் முடிவடையாமல் இருப்பதால் ரிலீஸ் தள்ளி போய்க்கொண்டிருக்கிறது. இந்த படத்தில் விஜய் சேதுபதி, சூரி, மஞ்சுவாரியர் மற்றும் விஜய் சேதுபதியின் மகன் சூர்யா, பவானி, நடிக்கிறார்கள். மேலும் விடுதலை பாகம் 2ல் விஜய் சேதுபதி மற்றும் மஞ்சுவாரியர் உள்ள புகைப்படங்கள் வெளிவந்து ரசிகர்களின் மத்தியில் நல்ல வரவேற்பை பெற்றது.

பாகம் இரண்டு இன்னும் வெளிவராத நிலையில், விடுதலை பாகத்தின் மூன்றைப் பற்றிய பேச்சுக்கள் தற்போது சமூக வலைத்தளங்களில் வைரல் ஆகி வருகிறது. இதற்கு காரணம் விடுதலை பாகம் 2 படத்தின் நீளம் 4 மணி நேரமாக உள்ளதால், படத்தின் மூன்றாவது பாகம் வெளிவரும் என சொல்லப்படுகிறது. ஆனால் இது பற்றிய அதிகாரப்பூர்வ அறிவிப்பு என்னும் வெளிவராத நிலையில் தற்போது இது குறித்து நெட்டிசன்கள் சமூக வலைத்தளங்களில் கருத்து தெரிவித்து வருகிறார்கள்.

News, Tamil Cinema News

விடுதலை 2 ரிலீஸ் தேதி எப்போ?.. ஒரு வழியாக வாய் திறந்த நடிகர் சூரி..

தமிழ் சினிமாவில் வெகு காலங்களாகவே வாய்ப்புகளுக்காக போராடி வந்தவர் நடிகர் சூரி. வெண்ணிலா கபடி குழு திரைப்படம் மூலமாக தமிழ் சினிமாவில் காமெடி நடிகனாக அறிமுகமானவர் நடிகர் சூரி.

Soori at Marudhu Press Meet

ஆரம்பத்தில் சூரி நடிக்கும் காமெடிகளுக்கு மக்கள் மத்தியில் நல்ல வரவேற்புகள் இருந்து வந்தன. அதனை தொடர்ந்து காமெடியனாக நிறைய திரைப்படங்களில் வாய்ப்பை பெற்றார் சூரி.

சினிமாவில் வரவேற்பு:

மனம் கொத்தி பறவை திரைப்படத்தை தொடர்ந்து சிவகார்த்திகேயன் நடிக்கும் திரைப்படங்களில் எல்லாம் காமெடியனாக நடித்து வந்தார் சூரி அது அவருக்கு நல்ல வரவேற்பை பெற்றுக் கொடுத்ததால் தொடர்ந்து ரஜினிமுருகன்,  வருத்தப்படாத வாலிபர் சங்கம் என்று சிவகார்த்திகேயனுடன் காம்போவாக நடித்து வந்தார் சூரி.

இந்த நிலையில் அவருக்குள் இருக்கும் ஒரு சிறப்பான நடிகரை வெளியே கொண்டு வந்தததில் இயக்குனர் வெற்றிமாறன்தான் முக்கியமானவர். முக்கியமாக விடுதலை திரைப்படத்தில் போலீசாக நடித்தார் சூரி.

அவர் சிறப்பான நடிப்பை வெளிப்படுத்தியதை அடுத்து மக்கள் சூரியை கதாநாயகனாக ஏற்றுக் கொண்டனர். விடுதலை திரைப்படத்தின் முதல் பாகம் முடிந்த நிலையில் இரண்டாம் பாகம் எப்போது வரும் என்பது பலருக்கு கேள்வி இருந்து வந்தது.

இந்த நிலையில் சமீபத்தில் ஒரு பேட்டியில் பேசிய சூரி கூறும் பொழுது வருகிற ஆகஸ்ட் மாதம் விடுதலைப் படத்தின் இரண்டாம் பாகம் வெளியாகும் என்று கூறியிருக்கிறார். ஏற்கனவே உலக திரைப்பட விழாக்களில் விடுதலை திரைப்படம் திரையிடப்பட்டிருக்கின்றது ஆனால் இன்னும் தமிழ்நாட்டில் வெளியாகாமல் இருக்கிறது.

News, Tamil Cinema News

அடுத்து லிப் லாக் சீன் தான்!.. அடுத்த படம் குறித்து சூரி பகிர்ந்த தகவல்

தற்சமயம் தமிழில் வளர்ந்து வரும் நடிகர்களில் முக்கியமானவராக நடிகர் சூரி இருந்து வருகிறார். வெண்ணிலா கபடி குழு திரைப்படத்தில் காமெடி நடிகராக அறிமுகமான சூரி அதன் மூலமாக தமிழ் சினிமாவில் அதிக வரவேற்பு பெற்றார்.

 தொடர்ந்து நிறைய திரைப்படங்களில் காமெடி நடிகராக நடித்தார் முக்கியமாக சிவகார்த்திகேயன் மற்றும் சூரியின் காம்போவிற்கு தமிழ் சினிமாவில் நல்ல வரவேற்பு கிடைத்தது.

நடிப்பில் திறமை:

தொடர்ந்து சூரி காமெடியனாக நடித்து வந்த பொழுதும் ஒரு நடிகராக அவரிடம் நல்ல நடிப்பு திறமை இருக்கிறது என்பது விடுதலை திரைப்படம் வெளியான போது தான் தெரிந்தது.

actor-soori

வெற்றிமாறன் இயக்கத்தில் வெளியான விடுதலை திரைப்படம் நடிகர் சூரியின் வாழ்க்கையில் பெரும் மாற்றத்தை ஏற்படுத்திய திரைப்படம் எனக் கூறலாம். அதனை தொடர்ந்து வாய்ப்புகள் பெற்று திரைப்படங்களில் கதாநாயகனாக நடித்து வருகிறார் சூரி.

முத்தக்காட்சிகள்:

என்னதான் வளர்ந்து வரும் கதாநாயகன் என்றாலும் கூட டீசண்டான காதல் காட்சிகளை கொண்டுதான் திரைப்படங்களில் நடித்த வருகிறார் சூரி. இந்த நிலையில் அவரிடம் ஒரு பேட்டியில் பேசும் பொழுது கதாநாயகிகளுடன் முத்த காட்சிகள் உள்ளது போன்ற படங்கள் இருந்தால் அதில் நடிப்பீர்களா என்று கேட்கப்பட்டது.

Soori at Marudhu Press Meet

அதற்கு பதில் அளித்து சூரியன் எந்த காலத்தில் அப்படியான காட்சிகளில் மட்டும் நான் நடிக்க மாட்டேன் என்று தெள்ளத் தெளிவாக பேசியிருக்கிறார். இன்னும் சூரியின் நடிப்பில் உருவான கொட்டுக் காளி திரைப்படம் திரையரங்குகளில் வெளியாகவில்லை திரைப்பட விழாக்களில் மட்டுமே அவை ஓடிக் கொண்டிருக்கின்றன.

News, Tamil Cinema News

நான் சினிமாவில் வளர்ந்ததற்கு நடராஜன் அண்ணந்தான் காரணம்!.. மனம் திறந்த சூரி.. யார் அந்த நடராஜன் தெரியுமா?

பல ஆண்டுகளாக தமிழ் சினிமாவில் பல துறைகளில் பணிப்புரிந்து நடிகரானவர் நடிகர் சூரி. காதல் மாதிரியான சில படங்களில் துணை கதாபாத்திரங்களில் நடித்திருந்தாலும் கூட அவருக்கு திருப்புமுனையாக அமைந்த திரைப்படம் வெண்ணிலா கபடி குழு.

வெண்ணிலா கபடி குழு திரைப்படத்தின் பரோட்டா காமெடிக்கு பிறகுதான் பரோட்டா சூரி என அனைவராலும் அழைக்கப்பட்டார். அதற்கு பிறகு எக்கச்சக்கமான திரைப்படங்களில் காமெடி நடிகராக நடித்துள்ளார் சூரி. அதற்கு பிறகு அவருக்கு திருப்புமுனையாக அமைந்த திரைப்படம் விடுதலை.

விடுதலை திரைப்படத்தில் யாரும் எதிர்பார்க்காத வண்ணம் சிறப்பாக தனது கதாபாத்திரத்தை நடித்திருந்தார் சூரி. அதற்கு பிறகு தொடர்ந்து தற்சமயம் தமிழ் சினிமாவில் கதாநாயகனாக நடிக்க துவங்கியுள்ளார் சூரி. இந்த நிலையில் ஒரு டிவி நிகழ்ச்சிக்கு சூரி செல்லும்போது அங்கு தனது முதலாளியை கண்டுள்ளார் சூரி.

actor suri

அவரது பழைய முதலாளிதான் லைட்மேன் நடராஜன். அவரை பார்த்ததும் பேசிய சூரி இங்கு பெரிய பெரிய வி.வி.ஐ.பி.களை அழைத்து வந்திருந்தால் கூட இப்படி சந்தோஷப்பட்டிருக்க மாட்டேன். ஆரம்பக்கட்டத்தில் நான் சினிமாவிற்கு வந்தப்போது நடராஜன் அண்ணன் தான் எனக்கு உதவினார்.

நான் சினிமாவை விட்டு விட்டு ஊருக்கே சென்றுவிடலாம் என நினைத்தப்போதெல்லாம் அவர் எனக்கு ஆறுதல் கூறுவார். மேலும் எனக்கு அசிஸ்டெண்ட் வேலையும் கொடுத்து சம்பளமும் கொடுத்தார். என கூறினார் சூரி.

பின்னர் நேர்க்காணல் ஒன்றில் பேசிய லைட்ஸ்மேன் நடராஜன் கூறும்போது சூரி மிகப்பெரிய உழைப்பாளி. 1990களில் என்னிடம் 70 ரூபாய் வேலைக்கு வந்தார் சூரி. டிவி நிகழ்ச்சியில் பேசியப்பிறகு எனக்கு 40 ஆயிரம் ரூபாய்க்கு பொருட்கள் வாங்கி கொடுத்து கையில் 50 ஆயிரம் ரூபாய் பணமும் கொடுத்தார் என மனம் நெகிழ்கிறார் நடராஜன்.

News, Tamil Cinema News

கருப்பா இருந்தப்பவே நல்லாதான இருந்த!.. அடையாளம் தெரியாமல் மாறிய விடுதலை பட கதாநாயகி!..

சினிமாவில் கதாநாயகி ஆவதற்காக பலரும் காத்திருந்தாலும் கூட சினிமா பின்புலம் இருக்கும் சிலருக்கு அது எளிதாகவே கிடைத்து விடுகிறது. அப்படியாக தமிழ் சினிமாவில் கதாநாயகி ஆனவர்தான் நடிகை பவானி ஸ்ரீ. நடிகை பவானி ஸ்ரீ இசையை பின்புலமாக கொண்ட குடும்பத்தை சேர்ந்தவர்.

மேலும் இவர் இசையமைப்பாளரும் நடிகருமான ஜிவி பிரகாஷின் உடன்பிறந்த தங்கை ஆவார். இவருக்கு மாடலிங் துறை மீது அதிகமாக ஆர்வம் இருந்த காரணத்தினால் அதில் தனது ஈடுபாட்டை காட்டி வந்து கொண்டிருந்தார்.

தே சமயம் அவருக்கு சினிமா மீதும் ஆர்வம் இருந்து வந்தது. இந்த நிலையில் அவருக்கு திரைப்படங்களில் நடிப்பதற்கான வாய்ப்புகள் கிடைத்தன முதலில் துணை கதாபாத்திரங்களில் நடிப்பதற்குதான் இவருக்கு வாய்ப்பு கிடைத்தது.

இப்படியாக பாவ கதைகள், கா பெ ரணசிங்கம் போன்றவற்றில் நடித்தார் பவானி ஸ்ரீ. கா பெ ரணசிங்கம் திரைப்படத்தில் விஜய் சேதுபதிக்கு தங்கையாக இவர் நடித்த கதாபாத்திரம் ஓரளவு பேசப்படும் கதாபாத்திரமாக அமைந்தது.

முகத்தில் செய்த மாற்றம்:

அதனை தொடர்ந்து அவருக்கு விடுதலை திரைப்படத்தில் கதாநாயகியாக வாய்ப்பு கிடைத்தது. கருப்பு நிறத்தில் இருந்தாலும் கூட மலைவாழ் கிராம மக்களை போலவே அவர் இருந்ததாலும் ரசிகர்கள் ரசிக்கும் வகையில் இருந்ததாலும் விடுதலை திரைப்படத்தில் அவருக்கு நிறைய வரவேற்புகள் கிடைத்தன.

தொடர்ந்து விடுதலை பாகம் 2 திரைப்படத்தில் இவருக்கு முக்கியமான கதாபாத்திரம் இருப்பதாக கூறப்படுகிறது. பொதுவாகவே நடிகைகள் தமிழ் சினிமாவிற்கு வரும்பொழுது கருப்பு நிறத்தில் வந்தாலும் பிறகு அங்கே இருக்கும் நிறவேற்றுமை காரணமாக அவர்கள் தங்கள் நிறத்தை மாற்றிக் கொள்வது உண்டு.

இந்த வகையில் பவானி ஸ்ரீயும் பிளாஸ்டிக் சர்ஜரி செய்து தனது முகத்தை வெள்ளையாக்கி இருக்கிறார். தற்சமயம் வெள்ளையாக இருக்கும் அவரை விட கருப்பாக இருந்த பொழுதுதான் அழகாக இருந்தார் என்று கூறுகின்றனர் ரசிகர்கள். தேவையில்லாமல் எதற்கு இப்பொழுது பிளாஸ்டிக் சர்ஜரி செய்தார் என்பதே அவர்களது குறையாக உள்ளது.

News, Tamil Cinema News

முதல் முதலில் நான் நடிக்கவிருந்த படம்!.. ஆனால் ஆர்யாவுக்கு வாய்ப்பு கிடைச்சிட்டு!.. பதிலுக்கு சூரி செஞ்சதுதான் ஹைலைட்!..

Actor Soorie: தமிழ் சினிமாவில் காமெடி நடிகராக அறிமுகமாகி தற்சமயம் யாரும் யோசிக்காத அளவிலான உயரத்தை தொட்டிருக்கிறார் நடிகர் சூரி.

விடுதலை திரைப்படம்தான் சூரியின் வாழ்க்கையை மாற்றி அமைத்த திரைப்படம் என கூறலாம். சிவகார்த்திகேயனை போல் சாதாரண திரை கதைகளை தேர்ந்தெடுக்காமல் சூரி தேர்ந்தெடுக்கும் திரைக்கதைகள் எல்லாமே உலக அளவில் பிரபலமாகும் கதைகளாக இருக்கின்றன.

விடுதலை திரைப்படத்தை பல உலக சர்வதேச திரைப்பட விழாக்களில் திரையிட்டு அந்த படத்திற்கும் நல்ல வரவேற்பு கிடைத்திருக்கிறது. இதனை அடுத்து சூரி நடித்த கொட்டுக் காளி திரைப்படம் தொடர்ந்து நிறைய திரைப்பட விழாக்களில் வெளியாகி வருகிறது அதற்கும் நல்ல வரவேற்பு கிடைத்துள்ளது.

Soori at Marudhu Press Meet

அடுத்து இவர் இயக்குனர் ராம் இயக்கத்தில் ஒரு திரைப்படத்தில் நடித்துக் கொண்டிருக்கிறார் இப்படியாக சூரி தேர்ந்தெடுக்கும் கதைகள் எல்லாமே வித்தியாசமாக இருப்பதால் வெகு சீக்கிரத்திலேயே பெரும் உயரத்தை அடைவார் என்று எதிர்பார்க்கப்படுகிறது.

ஆரம்ப வாழ்க்கை

ஆனால் ஆரம்பத்தில் சூரி சினிமாவுக்கு வந்த பொழுது ஒரு சின்ன கதாபாத்திரமாவது கிடைக்காதா? என்று ஏங்கிய நாட்களும் உண்டு. ஆர்யா நடித்த கள்வனின் காதலி திரைப்படம் துவங்க இருந்தபோது அந்த படத்திற்கான கதாபாத்திரங்களை தேர்வு செய்வதற்கு ஆடிஷன் நடந்தது.

அப்பொழுது அங்கு சென்ற சூரி சாப்பிடாமல் சென்றதால் அங்கேயே மயங்கி விழுந்து விட்டார். பிறகு அவரை அமர வைத்து ஆறுதல் கூறி அவரை வீட்டிற்கு அனுப்பி வைத்தனர். இருந்தாலும் அன்று மயக்கம் அடையவில்லை என்றால் அந்த படத்தில் வாய்ப்பு கிடைத்திருக்கும் என்று மனம் வருந்தினார் சூரி.

அதன் பிறகு அவர் நிறைய திரைப்படங்கள் நடிக்க துவங்கிய பிறகு அவருக்கென்று ஒரு அலுவலகம் அமைக்க வேண்டி இருந்தது. அப்பொழுது கள்வனின் காதலி படத்தின் ஆடிஷன் நடந்த அந்த அலுவலகத்தையே தன்னுடைய அலுவலகமாக வாங்கினார் சூரி. அது தனக்கு எப்போதுமே பழைய நினைவு ஏற்படுத்திக் கொண்டிருக்கும் என்று வாங்கியதாக ஒரு பேட்டியில் அவர் கூறி இருக்கிறார்.

News, Tamil Cinema News

விடுதலை 2 எடுத்து முடிச்சாச்சா இல்லையா!.. ஒரு முடிவுக்கு வாங்கைய்யா… குழப்பத்தில் இருக்கும் நெட்டிசன்கள்!..

Viduthalai 2 : விடுதலை திரைப்படத்தின் வெற்றியை தொடர்ந்து அடுத்து வெற்றிமாறன் இயக்கிய திரைப்படம் விடுதலை 2. விடுதலை திரைப்படம் கிட்டத்தட்ட வீரப்பனை சத்தியமங்கலம் காடுகளில் தேடி பிடிக்க காவல் படை சென்ற பொழுது அங்கிருந்த மக்களுக்கு செய்த அநீதியை அடிப்படையாக கொண்டு எடுக்கப்பட்ட திரைப்படம் ஆகும்.

ஆனால் அதில் கதையில் சில மாற்றங்களை ஏற்படுத்தி வெற்றிமாறன் சில விஷயங்களை செய்திருந்தார். வீரப்பன் குறித்து ஜி5 நிறுவனத்தின் டாக்குமென்டரி வெளியான பொழுதுதான் அதற்கும் விடுதலை திரைப்படத்திற்கும் இடையே உள்ள ஒற்றுமையை மக்களால் கண்டுபிடிக்க முடிந்தது.

இந்த நிலையில் விடுதலை படத்தின் இரண்டாம் பாகம் எடுக்கப்பட்டு விட்டதா என்பது ஒரு கேள்விக்குறியாக இருந்து வந்தது.  படக்குழுவினரை பொறுத்தவரை விடுதலை படத்தின் முதல் பாகம் எடுக்கப்பட்ட போதே இரண்டாம் பாகத்திற்கான காட்சிகளும் எடுக்கப்பட்டதாக கூறப்பட்டிருந்தது.

அதற்கு தகுந்தார் போல தற்சமயம் நடந்த ரோட்டர்டாம் சர்வதேச திரைப்பட விழாவில் விடுதலை படத்தின் இரண்டு பாகங்களும் திரையிடப்பட்டது என்று கூறப்படுகிறது. அதற்கு அவற்றை பார்த்த மக்கள் அனைவரும் வெற்றிமாறனுக்கும் நடிகர் சூரிக்கும் வாழ்த்துக்களை கூறி வந்த புகைப்படம் வெளியானது.

ஆனால் தமிழ் பத்திரிகையாளர்களை பொறுத்தவரை விடுதலை படத்தின் இரண்டாம் பாகத்திற்கான படப்பிடிப்பு இனிமேல்தான் நடக்கப் போகிறது என்பதாக கூறி வருகின்றனர். இதனால் மிகுந்த குழப்பத்தில் இருக்கின்றனர் மக்கள். விடுதலைப் படத்தின் இரண்டாம் பாகம் எடுக்கப்படாமல் இருந்தால் எப்படி அது திரைப்பட விழாவில் திரையிடப்பட்டது.

அப்படி திரையிடப்பட்டு விட்டது என்றால் திரும்பவும் விடுதலை படப்பிடிப்பு எதற்கு நடத்தப்பட வேண்டும் என்கிற கேள்வி எழுந்துள்ளது. இது குறித்து படக் குழுவில் கூறும் பொழுது படத்தில் விடுபட்ட காட்சிகள் திரைப்பட விழாவில் வரவில்லை.

அவற்றை தனியாக படம் பிடித்து திரும்ப படத்தில் சேர்க்க இருக்கிறோம் என்று கூறுகின்றனர் எப்படியும் விடுதலை படத்தின் இரண்டாம் பாகம் இந்த வருடம் வெளியாகி விடும் என்று எதிர்பார்க்கப்படுகிறது.

News, Tamil Cinema News, TV Shows

விடுதலை திரைப்படம் வீரப்பனின் கதைதான்… குறிப்புகளை சரியாக கண்டுப்பிடித்த நெட்டிசன்கள்!.

Director vetrimaaran: தமிழில் வெளியாகி மக்கள் மத்தியில் பெரும் வரவேற்ப்பை பெற்ற திரைப்படங்களில் முக்கியமான திரைப்படம் விடுதலை. பொதுவாகவே வெற்றிமாறன் இயக்கும் திரைப்படங்கள் அனைத்துமே ஏதாவது ஒரு பெரும் விஷயத்தை பேசக்கூடியதாக இருக்கும்.

உதாரணமாக ஆடுகளம் திரைப்படத்தை பொறுத்தவரை இதுவரை சேவல் சண்டை குறித்து நாம் காணாத உலகை அவர் காட்டியிருப்பார். இந்த நிலையில் விடுதலை கதை ஒரு கற்பனை கதையே என போட்டுதான் அந்த படத்தை ஆரம்பித்திருந்தார் வெற்றிமாறன்.

ஆனால் அந்த திரைப்படம் குறித்து பல சர்ச்சைகள் அப்போதே இருந்து வந்தது. இந்த நிலையில் தற்சமயம் வீரப்பன் குறித்து வரும் ஆவணப்படங்களை பார்க்கும்போது விடுதலை முழுக்க முழுக்க வீரப்பனின் கதையை கொண்டு எடுக்கப்பட்டதே என கூறுகின்றனர் ரசிகர்கள்.

Soori in a still from ‘Viduthalai’

விடுதலை திரைப்படத்தில் விஜய் சேதுபதியை பிடிப்பதற்காக வதை முகாம்களை அமைத்து அதில் அந்த கிராம மக்களை வதைத்து கொண்டிருப்பார்கள். அதை போலவே வீரப்பனை பிடிக்க வந்த போலீஸ் குழு பல இடங்களில் வதை முகாம்கள் அமைத்து அதில் மக்களை கொடுமைப்படுத்தி இருக்கின்றனர்.

ஒருமுறை காவலரால் கோபமான வீரப்பன் ஒரு காவல்நிலையத்தை முற்றுகையிட்டு அங்குள்ள காவலர்களை கொலை செய்திருக்கிறார். கிட்டத்தட்ட அதே காட்சி இந்த விடுதலை திரைப்படத்திலும் இருக்கிறது. தமிழக வரலாற்றிலேயே வதை முகாம் அமைத்து காவலர்கள் பொதுமக்களை கொடுமைப்படுத்தியது வீரப்பனை பிடிக்கதான் என கூறப்படுகிறது.

எனவே கண்டிப்பாக விடுதலை திரைப்படம் வீரப்பன் கதையை அடிப்படையாக கொண்டதுதான் என கூறுகின்றனர் நெட்டிசன்கள். தற்சமயம் வெளிவந்த கூஸ் முனுசாமி வீரப்பன் என்னும் தொடரால் இந்த சர்ச்சை எழுந்துள்ளது.

Cinema History, Movie Reviews, News

வெண்ணிலா கபடி குழுவிற்கு முன்னாடி இத்தனை படத்தில் நடிச்சிருக்காரா சூரி..! – ஆச்சர்யமா இருக்கே!.

தற்சமயம் வளர்ந்து வரும் சினிமா நடிகர்களில் மிகவும் முக்கியமானவராக சூரி இருக்கிறார். அவர் நடித்த விடுதலை படம் கொடுத்த வெற்றியை தொடர்ந்து அதிக பட வாய்ப்புகளை பெற்று வருகிறார் சூரி. தமிழில் பல படங்களில் நடித்திருந்தாலும் வெண்ணிலா கபடி குழு திரைப்படம்தான் சூரிக்கு மிகப்பெரும் திருப்பு முனையாக அமைந்தது.

பலரும் அந்த சமயத்தில்தான் சூரி சினிமாவிற்கு வந்தார் என நினைத்து வருகின்றனர். ஆனால் அதற்கு முன்பிருந்தே சூரி சினிமாவில் இருந்து வருகிறார். அதற்கு முன்பே பல வருடங்களாக சினிமாவில் முயற்சித்து வந்தார் சூரி.

2000 ஆம் ஆண்டு கார்த்தி நடித்து கண்ணன் வருவான் என்கிற திரைப்படம் வெளியானது அதில் ஒரு சின்ன காட்சியில் நடிகர் சூரி நடித்திருப்பார். அதுதான் அவரது முதல் படம் என கூறலாம். அதன் பிறகு அஜித் நடித்த ஜீ படத்தில் ஒரு சில காட்சிகளில் நடிப்பதற்கான வாய்ப்பை பெற்றார் சூரி.

அதன் பின்பு காதல் திரைப்படத்தில்தான் அவர் முகத்திற்கு க்ளோஸ் அப் வைத்து காட்சிகள் இருக்கும். சென்னைக்கு காதலனுடன் ஓடி வரும் சந்தியா பாத்ரூமில் குளித்துவிட்டு சென்றபிறகு அங்கு குளிக்க வரும் சூரி அங்கிருக்கும் பொட்டை அதிர்ச்சியாக பார்ப்பது போல அந்த காட்சி அமைந்திருக்கும்.

2007 இல் ஜெயம் ரவி நடித்து வெளிவந்த தீபாவளி படத்தில் ஓரளவு முகம் தெரியும் அளவில் அவருக்கு ஒரு கதாபாத்திரம் கிடைத்தது. இதற்கெல்லாம் பிறகுதான் 2009 இல் வெண்ணிலா கபடி குழுவில் முக்கியமான கதாபாத்திரத்தில் நடித்து பிரபலமானார் சூரி.

வெண்ணிலா கபடி குழுவில் முகம் தெரிகிற அளவிற்கு வருவதற்கே கிட்டத்தட்ட 9 வருடம் போராடியுள்ளார் நடிகர் சூரி. கிட்டத்தட்ட 23 வருடங்களாக தமிழ் சினிமாவில் சூரி பயணித்து தற்சமயம் கதாநாயகனாகி உள்ளார்.

Cinema History, News, Tamil Cinema News

விடுதலை படத்தை விஜய் சேதுபதிக்காக எடுக்க ஐடியாவே இல்ல! 8 நாள் கால் ஹீட்லதான் கூப்பிட்டோம்– பொசுக்குன்னு உண்மையை சொன்ன வெற்றிமாறன்!

கோலிவுட்டில் வெற்றி படங்களாக இயக்கி வரும் இயக்குனர்களில் வெற்றிமாறனும் ஒருவர். அவரது பெயருக்கு தகுந்தாற் போல தொடர்ந்து வெற்றிகளை மட்டும் கண்டு வருகிறார். மேலும் மக்களுக்கு வெற்றிமாறன் திரைப்படங்களின் மீது ஒரு எதிர்பார்ப்பு உருவாகி வருகிறது.

அசுரன் திரைப்படத்தின் வெற்றியை தொடர்ந்து தற்சமயம் வெற்றி மாறன் இயக்கி வரும் திரைப்படம் விடுதலை. இந்த திரைப்படத்தில் நடிகர் சூரி மற்றும் விஜய் சேதுபதி முக்கிய கதாபாத்திரத்தில் நடிக்கின்றனர். இந்த படம் இரு பாகங்களாக வர இருக்கிறது.

இந்நிலையில் இந்த படம் குறித்து பேட்டி ஒன்றில் வெற்றிமாறன் கூறும்போது “அசுரன் படத்தை முடித்த உடனேயே அடுத்த படத்தை நான் சூரிக்காக இயக்க வேண்டும் என்றுதான் முடிவெடுத்திருந்தேன். கதையை எழுதிவிட்டு பிறகு சூரியை நான் தேர்ந்தெடுக்கவில்லை. அந்த கதையை நான் எழுதியதே நடிகர் சூரிக்காகதான்.

அதில் வரும் இன்னொரு முக்கிய கதாபாத்திரமான வாத்தியார் என்கிற கதாபாத்திரத்தில் பாரதி ராஜாவை நடிக்க வைக்க திட்டமிட்டோம். ஆனால் அவருக்கு அது அவ்வளவாக செட் ஆகாததால் விஜய் சேதுபதியிடம் பேசினோம். அந்த கதாபாத்திரத்திற்கு மொத்தமே 8 நாள் கால்ஷீட் அளவுக்குதான் காட்சிகள் இருந்தன.

ஆனால் விஜய் சேதுபதி வந்த பிறகு அந்த கதாபாத்திரத்தை பெரிதாக்கியதால் 45 நாள் கால்ஷீட் தேவைப்படும் அளவிற்கு இரண்டாவது பெரிய கதாபாத்திரமாக விஜய் சேதுபதி கதாபாத்திரம் வந்துவிட்டது” என கூறியுள்ளார் வெற்றிமாறன்.

News

தனுஷிற்கு பாட சொல்லி கொடுத்த இளையராஜா! – ட்ரெண்டாகும் விடுதலை வீடியோ!

வெற்றி மாறன் இயக்கத்தில் பெரும் எதிர்பார்ப்போடு தயாராகி வரும் திரைப்படம் விடுதலை. இந்த படம் இரண்டு பாகங்களாக எடுக்கப்பட்டு வருகிறது. படத்தின் முதல் பாகத்தில் நடிகர் சூரி முக்கிய கதாபாத்திரமாக வருகிறார்.

இரண்டாம் பாகத்தில் நடிகர் விஜய் சேதுபதி முக்கிய கதாபாத்திரமாக வருகிறார். போலீசாய் இருக்கும் சூரி குற்றவாளியான விஜய் சேதுபதியை பிடிக்க செல்வதில் இருந்து கதை செல்வதாக கூறப்படுகிறது.

இந்த படத்திற்கு இசைஞானி இளையராஜா இசையமைக்கிறார். படத்தில் உன்னோட நடந்தா என்கிற பாடலை தனுஷ் பாடுகிறார். இந்த பாடல் வருகிற பிப்ரவரி 8 அன்று வெளியாக இருக்கிறது. அதற்கு ஒரு ப்ரோமோ தற்சமயம் வெளியாகியுள்ளது.

அதில் அந்த பாடலை எப்படி பாட வேண்டும் என இளையராஜா தனுஷிற்கு கற்று தர அப்படியே அந்த பாடலை பாடுகிறார் தனுஷ். இளையராஜா, சூரி ஆகியோர் இந்த வீடியோவை சமூக வலைத்தளங்களில் வெளியிட்டுள்ளனர். இந்த நிலையில் தற்சமயம் இந்த வீடியோ ட்ரெண்டிங் ஆகி வருகிறது.

அந்த வீடியோவை காண இங்கு க்ளிக் செய்யவும்.

News

விடுதலை ரெண்டு பாகம் ஷூட்டிங்கும் முடிந்தது!

கோலிவுட்டில் பிரபலமான இயக்குனரான வெற்றிமாறன் இயக்கத்தில் உருவாகி வரும் திரைப்படம் விடுதலை. இந்த படத்தில் விஜய் சேதுபதி மற்றும் சூரி இருவரும் கதாநாயகனாக நடிக்கின்றனர்.

முதன் முதலில் இந்த படத்தின் கதை சூரிக்காக எழுதப்பட்டது. படத்தில் சூரியே கதாநாயகனாக நடிக்க இருந்தது. அந்த படத்தில் விஜய் சேதுபதி ஒரு துணை கதாபாத்திரத்தில் நடிக்க இருந்தார்.

ஆனால் விஜய் சேதுபதி வருவதை அடுத்து அவருக்காக சற்று கதை மாற்றப்பட்டது. இதனால் படத்தில் விஜய் சேதுபதி கதாநாயகனாக வருவது போல கதை உருவானது.

ஆனால் ஆரம்பத்தில் சூரியைதான் இந்த படத்தில் கதாநாயகனாக நடிக்க வைக்க இருந்ததால் இருவருக்குமே படத்தில் முக்கியத்துவம் அளிக்க வேண்டும் என யோசித்த வெற்றிமாறன் படத்தை இரண்டு பாகங்களுக்கு மாற்றி எழுதினார்.

அதன்படி முதல் பாகத்தில் சூரிதான் கதாநாயகனாக இருப்பார். அவருக்குதான் முன்னிலை வழங்கப்படுகிறது. படத்தின் இரண்டாம் பாகம்தான் விஜய் சேதுபதிக்காக எடுக்கப்பட்டுள்ளது.

இரண்டு பாகங்களுக்கான படப்பிடிப்பும் முடிந்த நிலையில் அடுத்த வேலைகளை பார்க்க ஆரம்பித்துள்ளார் வெற்றிமாறன்.