உலக அளவில் மிகவும் பிரபலமான அனிமே தொடர்களில் மிக முக்கியமான அனிமே தொடராக One piece Anime இருந்து வருகிறது. 1999 இல் மங்கா (காமிக்ஸ் புத்தகங்களை ஜப்பானில் மங்கா என அழைப்பது வழக்கம்) புத்தகமாக வந்து பிரபலமானது ஒன் பீஸ்.
அதனை தொடர்ந்து அனிமே வாக வர துவங்கி 1000 எபிசோடுகளை தாண்டி இன்னமும் அதன் கதை சென்று கொண்டுள்ளது.
ஆரம்பக்கதை:
ஒன் பீஸின் ஆரம்பக்கதையை பொறுத்தவரை பைரேட் எனப்படும் கடற்கொள்ளையர்களை அடிப்படையாக கொண்ட கதையாக One piece இருக்கிறது. கோல் டி ரோஜர் என்கிற மிகப்பெரிய பைரேட் ஒரு புதையலை ஒளித்து வைத்துள்ளார்.
ஆனால் அது உலகில் எந்த மூலையில் இருக்கிறது என்பது யாருக்குமே தெரியாமல் இருக்கிறது. உலகம் முழுக்க இருக்கும் பைரேட்டுகள் அந்த புதையலை தேடி வருகின்றனர். கதையின் கதாநாயகனான Monkey D. Luffy சிறு வயதிலேயே பைரேட்களின் ராஜாவாக வேண்டும் என்கிற ஆசையில் இருக்கிறான்.
இந்த நிலையில் ஒன் பீஸ் எனப்படும் அந்த புதையலை கண்டெடுப்பதன் மூலம் பைரேட்களின் ராஜாவாக முடியும் என அவன் நினைக்கிறான். அதற்காக அவன் மேற்கொள்ளும் பயணங்கள், அதில் அவன் சந்திக்கும் சாகசங்களே இந்த ஒட்டு மொத்த One piece கதை ஆகும்.
இதில் லூஃபியுடன் பயணிக்கும் நாமி, ரொரொரா சோரோ, சாஞ்சி, யூசஃப் மற்றும் சோப்பர் ஆகிய கதாபாத்திரங்களும் முக்கியமானவர்களாக இருக்கின்றனர்.
முழுக்க முழுக்க மாயாஜாலம், அறிவியல், காலபயணம் என பலவற்றையும் கொண்ட இந்த கதை பிரபலமாகி இப்போது ரியல் ஆக்ஷன் சீரியஸாக நெட்ப்ளிக்ஸில் வெளியாகி வருவது குறிப்பிடத்தக்கது.
