உலக அழிவை அடிப்படையாக கொண்டு நிறைய திரைப்படங்கள் ஹாலிவுட்டில் வந்துள்ளன. ஆனால் முழுக்க முழுக்க விண்வெளியிலேயே நடப்பது போல எடுக்கப்பட்டுள்ள ஒரு திரைப்படம்தான் project hail mary திரைப்படம்.
திரைக்கதை வாயிலாகவும் கதையும் சொல்லும் வகையிலும் உலக அளவில் கவனத்தை ஈர்த்துள்ளது project hail mary திரைப்படம்.
படக்கதை:
படத்தின் கதைப்படி கதாநாயகன் க்ரேஸ் ஒரு மோலிகுளர் பயாலஜிஸ்ட் ஆசிரியராக பணிப்புரிந்து வருகிறார். இந்நிலையில் பூமிக்கு ஒரு ஆபத்து உருவாகிறது. அனைத்து கிரகங்களையும் தாண்டி செல்லும் பெட்ரவா லைன் என்கிற கோடு விண்வெளியில் உருவாகியுள்ளது. இந்த கோடு சூரியனின் ஒளியை தின்று வாழ்வதால் கொஞ்சம் கொஞ்சமாக சூரியனை அழிக்கிறது. இதனால் பூமியின் குளிர்நிலை அதிகரித்து 30 வருடங்களில் பூமி மொத்தமாக உறையும் நிலை ஏற்படும் அபாயம் உருவாகிறது.
இந்த நிலையில் பூமிக்கு தொலைவில் ஒரு கிரகம் மட்டும் பெட்ரோ லைனால் பாதிக்கப்படாமல் இருக்கிறது. அதன் காரணத்தை கண்டறிவதற்காக கதாநாயகன் அந்த கிரகத்திற்கு செல்கிறான். அங்கு அவன் ஒரு ஏலியனை சந்திக்கிறான். அந்த ஏலியனின் கிரகத்திற்கும் இதே பிரச்சனைதான்.
இந்த நிலையில் அவனும் ஏலியனும் சேர்ந்து எப்படி இந்த பிரச்சனையை சரி செய்கிறார்கள். அதற்கு நடுவே இவர்கள் இருவருக்கும் நடுவே உள்ள நட்பு ஆகிய விஷயங்களை திரைப்படம் பேசுகிறது.
தமிழ் டப்பிங்கில் வெளியாகி இருக்கும் இந்த படத்திற்கு மக்கள் மத்தியில் வரவேற்பு கிடைத்து வருகிறது.
