இயக்குனர் பாரதிராஜாவிடம் உதவி இயக்குனராக பணிபுரிந்து தமிழ் சினிமாவில் பிறகு இயக்குனர் ஆனவர் எஸ்.ஜே சூர்யா. சொல்ல போனால் ஆரம்பம் முதலே தமிழில் தோல்வியே காணாத வெற்றி இயக்குனர் என்று எஸ்.ஜே சூர்யாவை கூறலாம்
ஏனெனில் அவரது முதல் திரைப்படமான வாலி திரைப்படமே ஒரு சோதனை ஓட்டம் என்று தான் கூற வேண்டும். அதுவரை அஜித்தை யாரும் வில்லனாக காட்டாத பொழுது அவரை வில்லனாக நடிக்க வைத்து வாலி திரைப்படத்தை இயக்கினார் எஸ்.ஜே சூர்யா.
அவரது முதல் படமே பெரும் ஹிட் கொடுத்தது. அதற்குப் பிறகு அவர் இயக்கிய குஷி திரைப்படம் பெரும் வசூலை பெற்று தந்தது. தற்சமயம் எஸ்.ஜே சூர்யா நடிப்பில் ஆர்வம் காட்டி வருகிறார். நடிகராக தொடர்ந்து பல படங்களில் நடித்து வருகிறார்.
இவர் ஒரு பேட்டியில் கூறும் பொழுது தனுஷ் நடித்த கர்ணன் திரைப்படம் குறித்து பேசி இருந்தார். கர்ணன் திரைப்படம் மாரி செல்வராஜ் இயக்கத்தில் உருவான திரைப்படம் ஆகும். இந்த திரைப்படத்தை வெகு நாட்களாக எஸ்.ஜே சூர்யா பார்க்காமல் இருந்தாராம். அப்பொழுது தனுஷ் ஒரு நாள் போன் செய்து கர்ணன் திரைப்படத்தை பார்த்து விட்டீர்களா? என கேட்டுள்ளார்.
இல்லை அந்த படம் குறித்து நிறைய கேள்விப்பட்டேன் ஆனால் இன்னும் பார்க்கவில்லை என்று கூறியுள்ளார் எஸ்.ஜே சூர்யா. உடனே அந்த படத்தை பார்த்துவிட்டு அது பற்றி என்னிடம் கூறுங்கள் என்று கூறியுள்ளார் தனுஷ். எஸ்.ஜே சூர்யாவும் இரவோடு இரவாக அந்த படத்தை பார்த்துள்ளார் பார்த்துவிட்டு மறுநாள் தனுஷிற்கு போன் செய்து என்ன மாதிரியான ஒரு திரைப்படம் இது. எப்படி இவ்வளவு சிறப்பாக ஒரு திரைப்படத்தை இயக்கி இருக்கிறார் மாரி செல்வராஜ்.
பாரதிராஜாவிற்கு பிறகு நான் வியந்து பார்க்கும் ஒரு இயக்குனராக மாரி செல்வராஜ் இருக்கிறார் என்று கூறியுள்ளார் எஸ் ஜே சூர்யா. அதேபோல தனுஷ் நடித்த திரைப்படங்களிலேயே முதல் நாளில் அதிக வசூலை பெற்று தந்த திரைப்படமாக கர்ணன் திரைப்படம் இருந்தது.
