தமிழ் சினிமாவில் தனக்கு வரும் வருமானத்தைக் கொண்டு மற்றவர்களுக்கு நன்மைகள் செய்யும் நடிகர்களில் நடிகர் விஜயகாந்த் முக்கியமானவர். விஜயகாந்த் செய்த நன்மைகளின் காரணமாகவே அவர் பிரபலமாக பேசப்படும் ஒரு நடிகராக மாறினார்.
சமூக வலைதளங்களின் வளர்ச்சி வரும் வரை விஜயகாந்த் செய்த நன்மைகள் பெரிதாக மக்கள் மத்தியில் பிரபலமாகமலே இருந்தது. படப்பிடிப்பு இடங்களில் கூட அவருடன் நடிக்கும் நடிகர்களை சமமாக நடத்துபவர் விஜயகாந்த்.
அதேப்போல அவர் நடிக்கும் படங்களில் அவருக்கு என்ன சாப்பாடு கொடுக்கிறார்களோ அதே உணவு ஊழியர்களுக்கும் சேர வேண்டும் என்கிற நோக்கில் தொடர்ந்து அவர்களுக்கு உணவளித்து வந்தார் விஜயகாந்த். அவருடன் ஒரு படப்பிடிப்பில் நடந்த அனுபவங்கள் குறித்து நடிகர் விச்சு விசுவநாத் ஒரு பேட்டியில் கூறியுள்ளார்.
ஒரு காட்சியில் விஜயகாந்த்திடம் அடி வாங்கும் விச்சு விஸ்வநாத் போய் ஒரு நீச்சல் குளத்தில் விழுவது போன்ற காட்சி படமாக்கபட இருந்தது. அப்பொழுதுதான் விச்சு விஸ்வநாத் ஒரு விஷயத்தை கூறினார் சார் எனக்கு நீச்சல் அடிக்க தெரியாது என்று கூறினார்.
உடனே அவருக்கு பதிலாக வேறு ஒரு ஆளை தண்ணீரில் குதிக்க வைக்கலாம் என்று தளபதி தினேஷை கேட்டனர் ஆனால் தளபதி தினேஷிற்க்கும் கூட நீச்சல் தெரியவில்லை. இப்போது என்ன செய்யலாம் என யோசித்த பொழுது விஜயகாந்த் ஒரு யோசனை கூறினார் நீங்கள் நீச்சல் குளத்தில் விழுந்து விடுங்கள்.
நீங்கள் விழுந்து பத்து நொடிகளில் நான் உங்களை மேலே தூக்கி விடுவேன் என்று கூறியுள்ளார். விஜயகாந்த் மேல் உள்ள நம்பிக்கையில் வீச்சு விஸ்வநாத் அதற்கு ஒப்புக்கொண்டுள்ளார்.
இந்த நிலையில் அதே போலவே அந்த காட்சியில் அடி வாங்கி விச்சு விஸ்வநாத் நீச்சல் குளத்தில் விழுந்து அடுத்த 30 நொடிகளில் விஜயகாந்த் தண்ணீரில் குதித்து அவரை தூக்கி மேலே கொண்டு வந்தார். இப்படி ஒரு நடிகர் இதை செய்ய வேண்டும் என்று அவசியம் இல்லை இருந்தாலும் விஜயகாந்த் அதை செய்தார் என்று தனது பேட்டியில் கூறியுள்ளார் விச்சு விஸ்வநாத்.
