முன்பை விட தற்சமயம் தமிழ் சினிமாவில் நடிகர்களுக்கிடையேயான போட்டி என்பது அதிகரித்து வருகிறது பொதுவாக நடிகர்களின் மார்க்கெட் என்பது அவர்கள் வாங்கும் சம்பளத்தை பொறுத்து நிர்ணயம் செய்யப்படுகிறது. அப்படி தமிழ் சினிமாவில் வெகு காலங்களாக அதிக சம்பளம் வாங்கி மார்க்கெட்டில் முதல் இடத்தில் இருந்தவர் நடிகர் ரஜினிகாந்த்.
ஆனால் தற்சமயம் இளம் தலைமுறையினரின் விருப்பமான நடிகர்களாக விஜய் அஜித் போன்ற நடிகர்கள் இருக்கின்றனர். இவர்கள் சினிமாவில் ரஜினிக்கு போட்டியான ஒரு நடிகர்களாக இருக்கின்றனர். சம்பள அளவிலும் ரஜினிக்கு அடுத்தபடியாக அதிக சம்பளம் வாங்கும் நடிகர்களாக இவர்கள் உள்ளனர்.
எனவே திரும்ப சினிமாவில் சூப்பர் ஸ்டார் என்னும் தனது இடத்தை பிடிப்பதற்காக தொடர்ந்து கடினமாக உழைத்து வருகிறார் ரஜினிகாந்த். அண்ணாத்த திரைப்படத்தின் வெற்றிக்கு பிறகு இயக்குனர் நெல்சன் இயக்கத்தில் தற்சமயம் ஜெயிலர் திரைப்படத்தில் நடித்து முடித்துள்ளார் ரஜினிகாந்த்.
அதன் பிறகு லால் சலாம் திரைபடத்தில் சின்ன கதாபாத்திரத்தில் நடித்து முடித்துவிட்டு தற்சமயம் இரண்டு மாதம் விடுமுறை எடுத்துள்ளார் ரஜினி. ஜெயிலர் திரைப்படத்திற்கு பிறகு ஜெய் பீம் திரைப்பட இயக்குனர் இயக்கத்தில் ஒரு திரைப்படத்தில் நடிக்க இருக்கிறார் ரஜினிகாந்த்.
ஆனால் தொடர்ந்து படம் நடிப்பது அவருக்கு அயர்ச்சியை ஏற்படுத்துவதால் தற்சமயம் இரண்டு மாத விடுமுறை எடுத்துக் கொண்டு மாலத்தீவுக்கு சுற்றுலா சென்றுள்ளார் ரஜினிகாந்த். ஏற்கனவே ரஜினியின் கால் சீட்டுக்காக வெகு காலமாக காத்துக் கொண்டிருக்கும் இயக்குனர் ஞானவேலுக்கு இது இன்னும் பெரிய இடைவெளியாக அமைந்துவிட்டது.
