தமிழ் சினிமாவில் பிரபல இயக்குனராக இருந்தவர் எஸ் ஜே சூர்யா. தன்னுடைய சினிமா வாழ்க்கையை தொடங்குவதற்கு ஆரம்ப காலகட்டத்தில் மிகுந்த சிரமம் அடைந்த சூர்யா, ஒரு கட்டத்தில் தற்போது முன்னணி நடிகர்களாக இருக்கும் விஜய், அஜித்தை வைத்து மாபெரும் இரண்டு சூப்பர் ஹிட் படங்களை எடுத்ததன் மூலம் தமிழ் சினிமாவில் நட்சத்திர இயக்குனராக அனைவருக்கும் அறிமுகமானார்.

அதன் பிறகு பல படங்களை இயக்கியும், அதில் நடித்தும் வந்த எஸ் ஜே சூர்யா ஒரு கட்டத்தில் படங்களில் அதிகமாக நடிப்பதை வழக்கமாக வைத்திருந்தார். இந்நிலையில் தற்போது இருக்கும் முன்னணி நடிகர்களை எல்லாம் விட, இவர் அதிக படங்களில் கமிட்டாகி நடித்து வருவது அவரின் ரசிகர்களை மகிழ்ச்சிப்படுத்தியுள்ளது.
அந்த வகையில் தற்போது தெலுங்கில் நடிகர் நானி நடிக்கும் “சரிபோதா சனிவாரம்” என்னும் படத்தில் நடித்து வருகிறார். இந்த படத்தின் டிரெய்லர் வெளியாகி தமிழ் ரசிகர்களை கவர்ந்து வருகிறது.

நடிகர் நானியின் சூர்யாவின் சனிக்கிழமை படம்

தெலுங்கில் தற்போது முன்னணி நடிகராக வலம் வந்து கொண்டிருப்பவர் நடிகர் நானி. இவர் தமிழ் ரசிகர்களுக்கும் பரீட்சையமானவர். சொல்லப்போனால் இவருக்கு தமிழ் ரசிகர்கள் அதிக அளவு இருக்கிறார்கள்.

அந்த வகையில் இவர் நடிப்பில் வெளிவந்த நான் ஈ திரைப்படத்தின் மூலம் தமிழ் ரசிகர்களின் மனதில் இடம் பிடித்தவர். அந்த வகையில் தற்போது எஸ். ஜே. சூர்யா, நானி, பிரியங்கா மோகன் மற்றும் பல நட்சத்திரங்கள் நடித்த “சரிபோதா சனிவாரம்” என்னும் தெலுங்கு படம் தமிழில் “சூர்யாவின் சனிக்கிழமை ” என தலைப்பிடப்பட்டுள்ளது.

இந்த படத்தின் டிரைலர் வெளியாகி வெகுவாக ரசிகர்களை கவர்ந்துள்ளது.

சூர்யாவின் சனிக்கிழமை ட்ரெய்லர்

முன்னதாக நானி நடிப்பில் தெலுங்கில் வெளியான அந்தே சுந்தரானிகி படத்தின் இயக்குனர் விவேக் ஆத்ரேயா இயக்கியுள்ள படம் தான் “சரிபோதா சனிவாரம்” இந்த படம் தமிழில் “சூர்யாவின் சனிக்கிழமை ” என தலைப்பிடப்பட்டு தற்போது ட்ரெய்லர் வெளியிடப்பட்டிருக்கிறது.

இந்த ட்ரெய்லரை பார்த்த ரசிகர்கள் ட்ரெய்லரின் ஆரம்பத்திலிருந்து முடிவு வரை எஸ். ஜே. சூர்யா வின் மிரட்டலான காட்சியை கண்டு மகிழ்ச்சி அடைந்துள்ளார்கள். படத்தில் போலீசாக தோன்றும் எஸ். ஜே. சூர்யா தன்னுடைய வழக்கமான நடிப்பை வெளிப்படுத்தி மிரட்டி உள்ளார்.

மேலும் இந்த படத்தில் நடிகை போலீஸ் கதாப்பாத்திரத்தில் பிரியா மோகன் வருகிறார். அவர் அப்பாவியான, அமைதியான முகபாவனையுடன் காட்சியளிக்கிறார். படத்தின் நடிகர் நானி அவரின் என்ட்ரி எவ்வாறு இருக்கும் என அனைவரும் எதிர்பார்த்த நிலையில் சித்திரகுப்தனும், எமனும் கலந்த ஒரு கதாபாத்திரமாக தன்னுடைய அறிமுகத்தை கொடுக்கிறார்.

ட்ரெய்லரில் சாதாரண இளைஞன் போல் காட்சி அளிக்கும், மறுபுறம் அதிரடியான மாஸ் ஆக்சன் அவதாரமாகவும் காட்சியளிக்கிறார். மேலும் இந்த ட்ரெய்லரின் நானி சனிக்கிழமையில் மட்டும் தான் அனைவரையும் அடிப்பார் எனக் கூறும் வசனம், அதற்கு எஸ் ஜே சூர்யா தன்னுடைய வழக்கமான நகைச்சுவையை பதிவு செய்து என அனைத்தும் ரசிக்கும் படியாக இருக்கிறது.

மேலும் ட்ரெய்லரில் வரும் பின்னணி இசை ரசிக்கும்படியாக ஜேக்ஸ் பிஜாய்இசையமைத்திருக்கிறார். இந்த படத்தை ஆர்ஆர்ஆர் புகழ் டிவிவி என்டர்டெயின்மென்ட்ஸ் தயாரித்துள்ளது.

தற்போது தமிழ் மக்களுக்கு பிடித்த நடிகராக இருப்பவர் விஜய் சேதுபதி. மேலும் மக்கள் செல்வன் என்றும், இவரின் ரசிகர்கள் அன்போடு அழைத்து வருகிறார்கள். பல நிகழ்ச்சிகளில் மேடைகளில் இவர் பேசும் கருத்துகள் ரசிகர்களுக்கு பிடித்துப் போக அதனை சமூக வலைத்தளங்களில் வைரலாக்கப்பட்டு வருவதும் வழக்கமான ஒன்று.

தற்போது எந்த கதாபாத்திரம் கொடுத்தாலும் அதனை மறுக்காமல் பயன்படுத்தி மக்களிடையே பிரபலமடைந்து வருகிறார்.

தற்போது விஜய் சேதுபதி முடி வெட்ட சென்ற கடையில் நடந்த நிகழ்வு ஒன்று தற்போது சமூக வலைத்தளங்களில் வைரலாகி வருகிறது. இதனைப் பார்த்த விஜய் சேதுபதியின் ரசிகர்களும் மக்களும் அவர்களின் கருத்தை சமூக வலைத்தளங்களில் பதிவிட்டு வருகிறார்கள்.

நடிகர் விஜய் சேதுபதி

விஜய் சேதுபதி நடிகர் மற்றும் திரைப்பட தயாரிப்பாளராக இருக்கிறார். தமிழ், தெலுங்கு, மலையாளம், ஹிந்தி ஆகிய மொழிகளில் பணியாற்றி வருகிறார். இதுவரை 50 திரைப்படங்களில் அவர் நடித்திருப்பது குறிப்பிடத்தக்கது. மேலும் தேசிய திரைப்பட விருது உட்பட தென்னிந்திய ஃபில் ஃபேர் விருதுகள் மற்றும் இரண்டு தமிழ்நாடு மாநில திரைப்பட விருதுகளை பெற்றிருக்கிறார்.

துபாயில் வேலை செய்து வந்த விஜய் சேதுபதி, சினிமாவில் பின்னணி நடிகராக தன்னுடைய வாழ்க்கையை தொடங்கி தென்மேற்கு பருவக்காற்று என்ற படத்தின் மூலம் முன்னணி கதாபாத்திரத்தில் நடித்து பிரபலமடைந்தார். அதன் பிறகு சுந்தரபாண்டியன், பீட்சா, நடுவுல கொஞ்சம் பக்கத்த காணோம் ஆகிய படங்கள் மூலம் தமிழ் ரசிகர்களுக்கு இடையே பிரபலமானார்.

சூது கவ்வும், இதற்குத்தானே ஆசைப்பட்டாய் பாலகுமாரா, பண்ணையாரும் பத்மினியும், காதலும் கடந்து போ, இறைவி, விக்ரம் வேதா, செக்க சிவந்த வானம், பேட்டை, மாஸ்டர், விக்ரம், ஜவான், மகாராஜா, சூப்பர் டீலக்ஸ் போன்ற பல படங்களில் முக்கிய கதாபாத்திரங்களில் நடித்து ரசிகர்கள் மத்தியில் மக்கள் செல்வனாக வளம் வந்து கொண்டிருக்கிறார்.

கதாநாயகனாக மட்டுமல்லாமல் பல முன்னணி நடிகர்களின் படங்களிலும் வில்லனாகவும் நடித்து வருகிறார்.

சிறுவனிடம் பேசிய விஜய் சேதுபதி

சமீபத்தில் முடி வெட்டுவதற்காக விஜய் சேதுபதி ஒரு கடைக்கு சென்று இருக்கிறார். அந்த கடையில் ஒரு சிறுவனை சந்தித்து பேசி இருக்கிறார் அந்த வீடியோ தற்போது சமூக வலைதளங்களில் வைரலாகி வருகிறது. அதில் அந்த சிறுவனுடன் அவர் பேசும் பொழுது அவரும் குழந்தையாக மாறி பேசியிருக்கிறார். மேலும் அந்த சிறுவன் பேசும்போது தன்னைவிட தன் பாட்டிக்கு வயது குறைவு என கூறினான். அதைக் கேட்டு அவரது தாயார் சிரித்தார். உடனே அவரிடம் சிரிக்க கூடாது என விஜய் சேதுபதி கூறினார் .

குழந்தைகள் எதைப் பேசினாலும் நம் சிரித்து அவர்களை கேலி செய்யக்கூடாது என்பதை கூட விஜய் சேதுபதி அறிந்து வைத்துள்ளார். ஆனால் பொது சமூகம் அப்படி இருப்பதில்லை என நெட்டிசன்கள் சமூக வலைத்தளங்களில் பேசி வருகிறார்கள்.

தமிழ் சினிமாவில் தற்போது முன்னாடி நடிகராக வலம் வந்து கொண்டு இருப்பவர்கள் விஜய் மற்றும் அஜித். இவர்கள் இருவரும் தங்களின் சினிமா பயணத்தை ஒன்றாக தொடங்கிய நிலையில் இருவரும் சினிமாவிற்குள் நுழைந்த விதம் வெவ்வேறாக இருந்தது.

ஆரம்பத்தில் இந்த இரு நடிகர்களுமே ஹூரோ கதாபாத்திரத்திற்கு பொருத்தமானவர்கள் அல்ல என பலரும் கூறி வந்த நிலையில், தற்போது இருவருக்கும் கோடிக்கணக்கான ரசிகர்கள் உள்ளனர்.

மேலும் முன்னணி நடிகர்களாக மாறிய இருவர்களுக்கும் இடையில் பிரச்சனை இருந்ததாக கூறப்படும் வரும் நிலையில் தற்போது விஜய் நடித்துள்ள ஒரு படத்தில் அஜித் படத்தைப் பற்றிய வசனம் இருப்பதாக தற்போது செய்திகள் வெளியாகி உள்ளது.

தமிழ் சினிமாவின் முன்னணி நடிகர்கள்

ஆரம்ப காலகட்டத்தில் இருவரும் தங்களுடைய சினிமா வாழ்க்கையை தொடங்கிய போது பலராலும் நிராகரிக்கப்பட்டவர்களாகவே இருந்துள்ளனர்.

நடிகர் விஜய் அவரின் அப்பா சினிமா துறையில் பிரபல இயக்குனராக இருந்ததால், சினிமாவில் அவர் நுழைவது சுலபமான ஒன்றாக இருந்தது. ஆனால் அஜித் மெக்கானிக்காக தன்னுடைய வாழ்க்கை தொடங்கி சிறு, சிறு விளம்பரங்கள் நடித்ததன் மூலம் தமிழ் சினிமாவில் நடிகராக அறிமுகமானார்.

ஆனால் இந்த இரு நடிகர்களுமே தங்களை சினிமாவில் நிலைநிறுத்திக் கொள்வதற்காக பல கடின உழைப்புகளை மேற்கொண்டனர். மேலும் ஒரு கட்டத்தில் இருவரும் நடித்த படங்களும் ரசிகர்களுக்கு பிடித்து போக கோடிக்கணக்கான ரசிகர்கள் இவர்களுக்கு உருவாகினார்கள்.

இந்நிலையில் நடிகர் விஜய்க்கு என்று தனியாக ரசிகர் பட்டாளமும், நடிகர் அஜித்துக்கு தனியாக ரசிகர் பட்டாளமும் உருவாகிய நிலையில், இருவரின் படங்களும் சில சமயத்தில் ஒரே ஆண்டில் வெளிவருவது வழக்கமாக இருந்தது. அச்சமயத்தில் அஜித் படங்கள் வெளியாகும் போது விஜய் ரசிகர்கள் கலாய்ப்பதும், விஜய் படம் வெளி வரும்போது அஜித் ரசிகர்கள் கலாய்ப்பதும் வழக்கமாகக் கொண்டிருந்தார்கள்.

மேலும் இந்த இரு ரசிகர்களுக்கும் இடையே உள்ள பகை, ஒரு கட்டத்தில் இரு நடிகர்களுக்கும் பகையை ஏற்படுத்தியது போன்ற ஒரு பிரதிபலிப்பை சினிமா வட்டாரத்திலும், ரசிகர்கள் மத்தியிலும் ஏற்பட தொடங்கியது.

இதற்குக் காரணம் இந்த இரு நடிகர்களின் படங்கள் அடுத்தடுத்ததாக வெளிவரும் போதும் ஒருவரை பற்றி ஒருவர் பாடல்கள் மூலம் தாக்கி கொண்டார்கள். அது சமூக வலைத்தளங்களில் வைரலான நிலையில் இவர்கள் இருவருக்கும் உண்மையில் பிரச்சனை இருக்கிறது என மக்களும் நம்பினார்கள்.

எதிரியாக பார்த்த அஜித்தை நண்பராக்கிய விஜய்

ஆனால் சமீப காலமாக விஜய் தன்னுடைய படத்தின் இசை வெளியீட்டு நிகழ்வில் அஜித்தை பற்றி பேசுவதும், பல படங்களில் அஜித் நடித்த கதாபாத்திரத்தை பேசுவதையும் வழக்கமாகக் கொண்டிருந்தார். இந்நிலையில் தான் விஜய் தற்போது நடித்து வெளியாக இருக்கும் கோட் படத்தில் மங்காத்தா திரைப்படத்தில் வரும் “இந்த சரக்கை அடிக்கவே கூடாதுடா சாமி” என்ற வசனத்தை விஜய் பேசி இருக்கிறார். இதைப் பார்த்த ரசிகர்கள் அஜித் மற்றும் விஜய் இருவரும் நட்பாகவே இருக்கிறார்கள் முன்பு இருந்த பிரச்சினை தற்போது இல்லை என தெரிவித்து வருகிறார்கள்.

விஜய் மற்றும் அஜித் இருவரும் சேர்ந்து ராஜாவின் பார்வையிலே என்ற திரைப்படத்தில் நடித்திருந்தது குறிப்பிடத்தக்கது.

சினிமாவில் நாம் பார்த்து ரசிக்கும் நடிகர் நடிகைகள் இயக்குனர்கள் என அனைவரும் பிரபலமானவர்களாக இருந்தாலும் அவர்களும் சக மனிதர்கள் போன்றவர்கள் தான்.

இந்நிலையில் நிகழ்ச்சிக்காக பங்கேற்ற நடிகர். நடிகைகளிடம் சில ரசிகர்கள் அத்துமீறி நடப்பதும் ஒரு சில பத்திரிக்கையாளர்கள் அவர்களிடம் கேட்க கூடாத கேள்விகளை கேட்பதும் போன்ற நிகழ்வுகள் அவ்வg;போது அரங்கேறும்.

இதனால் கோபம் அடைந்த நடிகரங, நடிகைகள் அந்த இடத்திலேயே உணர்ச்சிவசப்பட்டு அடித்து விடுவார்கள் அல்லது அவர்களை பேசி விடுவார்கள்.

அந்த வகையில் மூன்று நடிகைகளிடம் அத்துமீறி நடந்து கொண்டதால் அவர்கள் என்ன செய்தார்கள் என்பதை இந்த பதிவில் பார்க்கலாம்.

ராக்கி சாவந்த்

இவர் மராத்தி, தெலுங்கு, ஹிந்தி, கன்னடம் போன்ற மொழிகளில் நடித்து வருபவர். மேலும் இந்திய ரியாலிட்டி ஷோவில் இறுதிப் போட்டியாளராவார். இவர் இசை வெளியீட்டு விழாவில் கலந்து கொண்ட போது அந்த படத்தின் டைரக்டரை இவர் மேடையிலேயே அறைந்திருப்பார். அது அங்கு பெரும் பரபரப்பை ஏற்படுத்தி இருந்தது.

ஹாலிவுட் நடிகை சோபியா வெர்கரா

இவர் ஹாலிவுட் பிரபலமான நடிகை மற்றும் தொலைக்காட்சி தொகுப்பாளராவார். மேலும் குறுந்தொடர்களிலும் நடித்திருக்கிறார். மேலும் அமெரிக்க நடிகைகளில் அதிக சம்பளம் வாங்கும் நடிகையாகவும் இருக்கிறார். இவர் ஒரு தொலைக்காட்சி நிகழ்ச்சியில் கலந்து இருக்கும் பொழுது அவரை கோபப்படுத்த வேண்டும் என்று ஒரு கேள்வி கேட்கப்பட்டது. அதந்த கேள்வியில் ஆத்திரமடைந்த சோபியா, அந்த கேள்வி கேட்ட தொகுப்பாளரை ஓங்கி கன்னத்தில் அறைந்து விட்டு சென்று விடுவார்.

வில் ஸ்மித்

இவர் அமெரிக்க திரைப்பட நடிகர் மற்றும் திரைப்பட தயாரிப்பாளர் ஆவார். மேலும் அமெரிக்க திரைப்படங்களின் முக்கிய நட்சத்திரமாகவும் இவர் பார்க்கப்பட்டு வருகிறார். இந்நிலையில் 2022 ஆஸ்காரின் போது அந்த நிகழ்ச்சியை தொகுத்து வழங்கிய தொகுப்பாளர் கன்னத்தில் அறைந்திருப்பார். இதற்கு காரணம் அந்த விருது விழா நிகழ்ச்சியில் வில் ஸ்மித்தின் மனைவி மொட்டை அடித்து வந்திருப்பார். அவரை கலாய்க்கும் விதத்தில் தொகுப்பாளர் பேசியிருப்பதால் மேடை ஏறிச் சென்று அவரின் கன்னத்தில் அறைந்திருப்பார்.

தமிழ் சினிமாவில் தற்போது பல வித்தியாசமான கதை அம்சம் கொண்ட பல படங்கள் வந்து கொண்டிருக்கும் வேளையில் மக்களுக்கு ஹாரர் படத்தின் மீது அதிக அளவு எதிர்பார்ப்பு இருக்கிறது.

தற்போது சிறியவர்கள் முதல் பெரியவர்கள் வரை அனைவரும் பேய் படங்களை விரும்பி பார்த்து வருகிறார்கள். அவ்வாறு எடுக்கும் படங்கள் வெற்றி பெற்றதை தொடர்ந்து அதில் பாகம் ஒன்று, இரண்டு, மூன்று என வரிசையாக எடுத்துக் கொண்டு செல்வார்கள்.

அந்த வகையில் தமிழ் பேய் படங்களில் பல பாகங்கள் வந்த போதும் அனைவருக்கும் மிகப் பிடித்த படமாக இருந்தது டிமான்டி காலனி. டிமான்டி காலனி முதல் பாகம் அனைவருக்கும் பிடித்திருந்த நிலையில், தற்போதுடிமான்டி காலனி பாகம் 2 வெளிவந்து தற்போது திரையரங்குகளில் ஓடிக்கொண்டிருக்கிறது. இந்த திரைப்படத்தின் விமர்சனத்தை பார்க்கலாம்.

டிமான்டி காலனி 2

தமிழ் சினிமாவில் தனக்கென தனி பாணியை உருவாக்கியவர் இயக்குனர் அஜய் ஞானமுத்து. இவரின் வித்தியாசமான இயக்கத்தின் மூலம் படங்களை கொடுத்தவர். இந்நிலையில் இவர் இயக்கத்தில் அருள்நிதி நடிப்பில் கடந்த 2015 ஆம் ஆண்டு வெளிவந்த திரைப்படம் டிமான்டி காலனி. இயக்குனர் அஜய் ஞானமுத்துக்கு அறிமுக திரைப்படமாக அமைந்தது.

தற்போது 9 ஆண்டுகளுக்குப் பிறகு டிமான்டி காலனி திரைப்படத்தின் இரண்டாம் பாகம் இன்று உலக அளவில் வெளிவந்துள்ளது. இந்த படத்தில் அருள்நிதி, பிரியா பவானி சங்கர், அருண்பாண்டியன் உள்ளிட்டோர் நடித்திருந்தனர். மேலும் இந்த திரைப்படத்தை அஜய் ஞானமுத்து இயக்கி தயாரித்துள்ளார்.

படம் எப்படி இருக்கிறது?

தற்போது தமிழ் சினிமாவில் பாகம் இரண்டு எடுக்கும் அனைத்து படங்களும் எதிர்பார்ப்பை பூர்த்தி செய்யாத நிலையில் டிமான்டி காலனி 2 தற்போது ரசிகர்களின் எதிர்பார்ப்பை பூர்த்தி செய்துள்ளதாக உள்ளது.

மேலும் டிமான்டி காலனி பாகம் ஒன்று மற்றும் பாகம் இரண்டிற்கும் உள்ள தொடர்பை இயக்குனர் அழகாக கொடுத்திருக்கிறார். மேலும் இந்தப் படத்தில் முதல் பாகத்தில் செயின் வைத்து நகர்ந்த கதைக்களம் போலவே இந்த படத்திலும் அமைந்திருந்தாலும் அதில் சில ட்விஸ்டுகள் வைத்து இயக்குனர் அழகாக இயக்கியிருக்கிறார்.

மேலும் இந்த படத்தில் அருள் நிதியின் நடிப்பு வெகுவாக அனைவராலும் பாராட்டு பெற்று இருக்கிறது. மேலும் அவரை பேய் பிடித்த பிறகு அவரின் நடிப்பு சிறப்பாக உள்ளது.

டிமான்டி காலனி பாகம் ஒன்று போலவே விறுவிறுப்பான கதைக்களம் நகர்ந்து கொண்டிருக்கும் வேளையில், ட்விஸ்டுகளை அடுக்கி காட்சிகள் நகர்வதால் பயப்படும் அளவிற்கு எந்த இடத்திலும் காட்சிகள் அமையவில்லை. அடுத்து என்ன நடக்கப் போகிறது என்ற எதிர்பார்ப்பு மட்டுமே படமாக இருக்கிறது.

டிமான்டி காலனி ஒன்றில் டிமாண்டி வரும் போது எவ்வாறு ஒரு பயம் ஏற்பட்டதோ அதேபோன்ற உணர்வு டிமாண்டி இரண்டிலும் ஏற்படும். மேலும் படத்திற்கு இசை பக்க பலமாக அமைந்திருக்கிறது. அருள்நிதிக்கு இந்த படம் கம்பேக்காக அமையும் என்றும் கூறப்படுகிறது.

ஒரு படம் வெற்றி அடைவதற்கு முக்கிய காரணமாக இருப்பது அந்த படத்தின் கதை. படத்தில் நடிகர், நடிகைகள் நன்றாக நடித்திருந்தாலும் படத்தின் கதை மக்களை சென்றடைந்தால் மட்டுமே அந்த படம் முழுமையாக வெற்றி பெறும்.

எவ்வளவு பெரிய முன்னணி நடிகராக இருந்தாலும், படத்தின் கதை மக்களுக்கு பிடித்திருந்தால் மட்டும் தான் படம் வெற்றி அடையும். அந்த வகையில் பல கோடி செலவுகள் செய்து பிரம்மாண்டமாக படங்கள் எடுத்தாலும் படத்தின் கதை நன்றாக அமையவில்லை என்றால் அந்தப் படத்தை தயாரித்த தயாரிப்பாளருக்கு பெரும் அளவில் நஷ்டம் ஏற்பட்டு விடும்.

இந்நிலையில் பிரபல ஹீரோவை வைத்து எடுத்த படம் ஒன்று தோல்வியடைந்து அது தயாரிப்பாளருக்கு பெரிய அளவு நஷ்டத்தை ஏற்படுத்தியிருக்கிறது. அந்த தயாரிப்பாளரே பேட்டி ஒன்றில் அது குறித்து பேசியது தற்பொழுது சமூக வலைத்தளங்களில் வைரலாகி வருகிறது.

ஆக்ஷன் திரைப்படம்

ஆக்ஷன் திரைப்படம் கடந்த 2019 ஆம் ஆண்டு வெளியான திரைப்படமாகும். இந்த திரைப்படத்தை பிரபல இயக்குனர் சுந்தர் சி இயக்கியிருந்தார். இந்த படத்தை ரவீந்திரன் டிரைடென்ட் ஆர்ட்ஸ் பதாகையின் கீழ் தயாரித்திருந்தார். இந்த படத்தில் தற்போது தமிழ் சினிமாவின் முக்கிய நடிகர்களாக இருக்கும் விஷால், தமன்னா ஆகியோர் நடித்திருந்தார்கள்.

இந்த படத்தில் உளவு அதிகாரிகளாக விஷாலும், தமன்னாவும் பயங்கரவாதியை அழிக்க ஒரு உலகளாவிய பணியை தொடங்குகின்றனர். இந்த படத்திற்கு ஹிப்ஹாப் தமிழா இசை அமைத்திருந்தார். அதிரடி காட்சிகள் கொண்ட படமாக வெளிவந்த போதும் வணிக ரீதியான தோல்வியை சந்தித்தது.

தயாரிப்பாளர் ரவீந்திரன்

இந்தப் படத்தை தயாரித்த ரவீந்திரன் பேட்டி ஒன்றில் கூறியதாவது, ஆக்ஷன் திரைப்படம் தோல்வியை சந்தித்ததற்கு முழு காரணமும் நான்தான். ஏனென்றால் இந்த படத்தின் மூலம் நான் பெரும் அளவில் நஷ்டப்பட்டு விட்டேன். சுந்தர் சியும், நானும் நல்ல நண்பர்கள். அவர் என்னிடம் ஒரு படம் இருக்கிறது என கூறினார். நான் தயாரிப்பாளர், படத்தை நீங்கள் தான் எடுக்கப்போகிறீர்கள. உங்களால் தயாரிப்பாளர்கள் நஷ்டம் அடைந்தது இல்லை. எனவே படத்திற்கான பட்ஜெட்டை கூறுங்கள் என கேட்டேன். 40 கோடி என அவர் கூறினார். படத்தின் கதையில் ஒரு வரி தான் நான் கேட்டேன். அதன் பிறகு அவர் வெளிநாடுகளில் படப்பிடிப்புக்கு செல்ல வேண்டும் என கூறினார்.

40 கோடி பட்ஜெட் என்றவுடன் இதில் படம் செய்து கொடுங்கள். நான் அதன் பிறகு என்னுடைய பிசினஸை கவனித்துக் கொள்கிறேன் என கூறினேன். ஆனால் அந்த படத்தில் கதையே இல்லை. பல நாடுகள் சென்று நாங்கள் எடுத்தோம். மிகப்பெரிய அளவில் வெற்றி பெறும் என எதிர்பார்க்கப்பட்ட நிலையில் அது எனக்கு மிகப்பெரிய நஷ்டத்தை ஏற்படுத்தியுள்ளது என அவர் தெரிவித்தார்.

சினிமாவில் ஒரு நடிகர்கள், நடிகைகள், இயக்குனர்கள் சாதிப்பது என்பது சாதாரண விஷயம் அல்ல. கிடைக்கும் வாய்ப்பை சரியாக பயன்படுத்தினால் மட்டுமே ஒருவர் சினிமாவில் நிலைத்து நிற்க முடியும். கிடைக்கும் சின்ன, சின்ன வாய்ப்புகளை எல்லாம் பயன்படுத்தினால் தான் வாழ்க்கையில் பெரிய வாய்ப்புகள் கிடைக்கும்.

அந்த வகையில் சினிமாவில் தனக்கு கிடைத்த சிறிய வாய்ப்புகளை பயன்படுத்தி தற்போது ஒரு முன்னணி நடிகராக வளர்ந்து கொண்டு இருக்கும் பிரபல காமெடி நடிகர் தான் சூரி.

தற்போது அவரின் மகளுக்கு அவர் கூறிய அறிவுரை பற்றி பேட்டி ஒன்றில் பகிர்ந்திருக்கிறார். அது சமூக வலைத்தளங்களில் வைரலாகி வருகிறது

நடிகர் சூரி

தற்போது தமிழ் சினிமாவில் தவிர்க்க முடியாத நடிகராக இருந்து வருபவர் நடிகர் சூரி. சினிமாவில் சாதிப்பதற்கு அவர் பட்ட கஷ்டங்கள் ஏராளம். சூரி கடந்த 2009 இல் வெளிவந்த வெண்ணிலா கபடி குழு என்ற திரைப்படத்தின் மூலம் மக்களிடையே பிரபலம் அடைந்தார். அதில் வரும் பரோட்டா காமெடியின் மூலம் புகழ்பெற்றதால் இவரை அனைவரும் பரோட்டா சூரி என அழைத்து வந்தார்கள்.

அதன் பிறகு பல படங்களில் காமெடியனாக நடித்து வந்த சூரி சிவகார்த்திகேயனுடன் இணைந்து பல படங்களில் காமெடி கதாபாத்திரத்தில் நடித்து வந்தார். இருவரின் காம்பினேஷனும் ரசிகர்களுக்கு பிடித்துப் போக அடுத்தடுத்த படங்களில் இருவரும் கூட்டு சேர்ந்தார்கள்.

காமெடியனாக பார்த்து வந்த சூரியை திரையில் ஹீரோவாக பார்த்தது விடுதலை பாகம் ஒன்றில். அனைவரும் எவ்வாறு ஏற்றுக் கொள்வார்கள் என எதிர்பார்க்கப்பட்ட நிலையில் அந்த படம் மாபெரும் வெற்றியடைந்தது. இதனைத் தொடர்ந்து பல படங்களில் அவர் முன்னணி கதாபாத்திரத்தில் நடித்து வருகிறார். இந்நிலையில் தன்னுடைய மகளுக்கு கூறிய அறிவுரை ஒன்றை பற்றி பேசியுள்ளது சமூக வலைத்தளங்களில் வைரலாகி வருகிறது.

சூரி தன் மகளுக்கு கூறிய அறிவுரை

தன் மகளுக்கு கூறிய அறிவுரை பற்றி நடிகர் சூரி பேட்டி ஒன்றில் கூறியிருக்கிறார், ஒருமுறை அவரின் மகள் அப்பா நீங்கள் ஏவிஎம் பக்கத்தில் இருக்கும் கட்டிடத்தில் வேலை பார்த்ததாக அம்மா கூறினார்கள். அது உண்மையா? என கேட்டுள்ளார். அதற்கு சூரி ஆமாம், அந்த கட்டிடம் மட்டுமல்ல நீயும், அம்மாவும் துணி எடுக்க சென்ற கட்டிடம் எல்லா இடங்களிலும் அப்பா வேலை பார்த்து இருக்கிறேன். அங்கு கூட்டமாக இருக்கும் அந்த கட்டிடத்தின் ஓரத்தில் ஒரு படியில் உட்கார்ந்து நிறைய முறை அப்பா சாப்பிட்டு இருக்கிறேன்.

அங்கெல்லாம் கஷ்டப்பட்டு வேலை பார்த்ததால் தான் இப்பொழுது இந்த இடத்தில் இருக்கிறேன். இதை மற்றவர்களின் கருணைக்காக நான் கூறவில்லை. என்னுடைய மகள் தெரிந்து கொள்ள வேண்டும். அவ்வாறு கஷ்டப்பட்டதால் தான் நான் இந்த இடத்தில் தற்பொழுது இருக்கிறேன்.

இது என்னுடைய மகளுக்கு தெரிய வேண்டும். அதனால் நான் எவ்வாறு வேலை பார்த்து கஷ்டப்பட்டேன் என்பதை என் மகளுக்கு கூறியுள்ளனேன் என நடிகர் சூரி அந்த பேட்டியில் தெரிவித்தார். இது சமூக வலைத்தளங்களில் வைரலாகி பலராலும் பாராட்டை பெற்று வருகிறது.

தமிழ் சினிமாவில் தற்பொழுது பல முன்னணி நடிகர்களுக்கும் ரசிகர் பட்டாளங்கள் உள்ளது. அந்த வகையில் ரசிகர்கள் ஒரு படத்தின் கதை மற்றும் அந்த படத்தில் ஒரு நடிகர் எவ்வாறு நடிக்கிறார் என்பதைப் பொறுத்து தான் ரசிகர்கள் அந்த நடிகருக்கு தீவிர ரசிகர்களாக மாறுவார்கள்.

தற்போது தமிழ் சினிமாவில் சூப்பர் ஸ்டார், உலக நாயகன், தல, தளபதி என்று குறிப்பிட்டுச் செல்லும்படியாக முன்னணி நடிகர்ளுக்கு அதிக ரசிகர்கள் இருந்தாலும் மற்ற தமிழ் நடிகர்களுக்கும் ரசிகர் பட்டாளங்கள் இருக்கிறது.

அந்த வகையில் அனைவருக்கும் பிடித்த நடிகராக தமிழ் சினிமாவில் இருந்து வரும் ஒரு முன்னணிநடிகர் என்றால் அது விக்ரம். பல வித்தியாசமான கதைகளை தேர்ந்தெடுத்து அதன் மூலம் ரசிகர்களை தன் வசப்படுத்தி உள்ளார். இந்நிலையில் செய்தியாளர் சந்திப்பில் நடிகர் விக்ரமிடம் பத்திரிகையாளர் ஒருவர் கேட்ட கேள்விக்கு கடுப்பாகி விக்ரம் கூறிய பதில் தற்பொழுது சமூக வலைத்தளங்களில் சர்ச்சை ஏற்படுத்தியிருக்கிறது.

நடிகர் விக்ரம்

நடிப்பிற்காக எந்த எல்லைக்கும் செல்லும் நடிகர் விக்ரம் ஒரு திரைப்பட தயாரிப்பாளர், பின்னணி பாடகர் ஆவார். தமிழ் சினிமாவில் சேது, விண்ணுக்கும் மண்ணுக்கும், சாமி, பிதாமகன் போன்ற தமிழ் திரைப்படங்களில் நடித்ததன் மூலம் தமிழ்நாட்டில் அதிக ரசிகர்களை பெற்றார்.

மேலும் தமிழ், தெலுங்கு, மலையாளம் திரைப்படங்களிலும் நடித்துள்ளார். தமிழ் திரைப்படத் துறையில் இதுவரை 7 ஃபிலிம் ஃபேர் விருது, சிறந்த நடிகருக்கான ஒரு தேசிய விருது, தமிழ்நாடு மாநில விருதும் இவர் பெற்றிருக்கிறார். தற்போது இவருடைய மகன் துரு விக்ரமும் தமிழ் சினிமாவில் நடிகராக நடித்து வருகிறார்.

இவர் தமிழ் சினிமாவில் அறிமுகமாவதற்கு முன்பே கலாட்டா குடும்பம் என்ற தொலைக்காட்சி தொடரில் நடித்தார். அதன் பிறகு என் காதல் கண்மணி எனும் படத்தின் மூலம் சினிமாவிற்குள் அறிமுகமானார். ஆனால் இவருக்கு சேது திரைப்படம் மிகப்பெரிய திருப்புமுனையாக அமைந்தது. அதன் பிறகு பல சுவாரசியமான கதைகளை தேர்ந்தெடுத்து நடித்ததன் மூலம் தமிழ் ரசிகர்கள் இடையே ஒரு நல்ல வரவேற்பு பெற்றார்.

பத்திரிக்கையாளர் கேட்ட கேள்வியால் கடுப்பான விக்ரம்

இந்நிலையில் தங்கலான் படத்திற்கான செய்தியாளர்கள் சந்திப்பில் விக்ரமிடம் பத்திரிக்கையாளர் ஒருவர் மற்ற முன்னணி நடிகர்களுக்கு இருக்கும் ரசிகர்கள் பட்டாளம் உங்களுக்கு இல்லையே என கேட்டார். அதற்கு விக்ரம் யார் சொன்னார்கள் என்னுடைய ரசிகர் பட்டாளம் எப்படி இருக்கும் என எனக்கு தெரியும் உங்களுடைய நம்பர் என்னுடைய உதவியாளரிடம் கொடுங்கள் அவர் உங்களுக்கு கூறுவார் என கடுப்பாகி பேசினார்.

மேலும் அந்த பத்திரிக்கையாளர் மீண்டும் தற்போது முன்னணி நடிகராக இருக்கும் சூர்யா, அஜித், விஜய் போன்ற நடிகர்களுக்கு இருக்கும் ரசிகர் அளவு கூட உங்களுக்கு இல்லையே என கேட்டார். அதற்கு விக்ரம் நான் வித்தியாசமான கதையை தேர்ந்தெடுத்து நடிப்பேன். எனக்கு சினிமாவில் வித்தியாசமாக செய்வது பிடிக்கும். சில சமயங்களில் அது ரசிகர்களை சென்றடையாமல் இருக்கும். அவ்வாறு நான் தேர்ந்தெடுத்த படங்கள் தான் தங்கலான் போன்ற படங்கள் என கூறினார். மேலும் மற்றொரு பத்திரிகையாளர் இதை நான் கூற வேண்டும். மற்ற நடிகர்களுக்கு எதிரிகள் இருப்பார்கள். ஆனால் விக்ரம் சாருக்கு ரசிகர்கள் மட்டும் தான் இருப்பார்கள் எனக்கூறி அவருக்கு ஆதரவாக பேசினார். அதற்கு விக்ரம் சிரித்தவாறு நன்றியை தெரிவித்தார்.

மற்ற பத்திரிகையாளர்கள் கேள்வி கேட்க தொடங்கிய போதும் அந்த பத்திரிக்கையாளர் கேட்ட கேள்வியால் சற்று சோகமான விக்ரம், நீங்கள் யாருடைய ஃபேன் இதுபோன்ற கேள்விகளை எல்லாம் யார் உங்களை கேட்க சொன்னார்கள் என கேட்டார். அதற்கு அந்த பத்திரிக்கையாளர் என்னுடைய நடிகர் என் அப்பா. என்னுடைய நடிகை என்னுடைய அம்மா எனக் கூறினார். அதற்கு விக்ரம் சிரித்தவாறு இதுதான் உலகத்திலேயே மிகப்பெரிய நடிப்பு. இப்பொழுது கூட நீங்கள் உங்கள் பொண்டாட்டியின் பெயரை கூறவில்லை என கேட்டதற்கு அங்கு இருந்தவர்கள் அவருக்கு கல்யாணம் ஆகவில்லை என கூறினார்கள்.

உடனே விக்ரம் ஓடிவிட்டார்களா என கேட்டார். ஆனால் எனக்கு இன்னும் கல்யாணம் ஆகவில்லை என அவர் கூறினார். அதற்கு அவர் இதுபோன்ற கேள்விகள் எல்லாம் கேட்டால் எப்படி உங்களுக்கு திருமணம் ஆகும் என நகைச்சுவையாக பதில் சொல்லி அனைவரையும் சிரிக்க வைத்தார்.