இயக்குனரும் நடிகருமான தனுஷ் இயக்கத்தில் தற்சமயம் உருவாகி வெளியாகியிருக்கும் திரைப்படம் நிலவுக்கு என் மேல் என்னடி கோபம் திரைப்படம். நடிகர் தனுஷிற்கு ஆரம்பத்தில் இருந்தே தமிழில் திரைப்படங்கள் இயக்குவதில் ஆர்வம் இருந்து வந்தது.
அதனை தொடர்ந்து அவர் இயக்கிய பா. பாண்டி., ராயன் மாதிரியான திரைப்படங்கள் எல்லாம் நல்ல வரவேற்பை பெற்றது. அப்படியாக தற்சமயம் அவர் இயக்கிய திரைப்படம் நிலவுக்கு என் மேல் என்னடி கோபம்.
முழுக்க முழுக்க இப்போதைய தலைமுறையின் காதலை கூறும் வகையில் இந்த படத்தின் கதை அமைந்துள்ளது. படத்தில் பவிஸ், மேத்யு தாமஸ், அனிகா சுரேந்திரன், பிரியா வாரியர் ஆகியோர் முக்கிய கதாபாத்திரத்தில் நடித்துள்ளனர்.
படத்தின் கதைப்படி பவிஸிற்கு திருமணம் ஆக இருக்கும்போது அவர் தன்னுடைய பழைய காதல் குறித்த கதையை கூற துவங்குகிறார். இந்த நிலையில் அந்த பழைய காதலிக்கு திருமணம் ஆக போவதை அறிந்து அவளை பார்க்க செல்கிறார்.
அங்கு சென்ற பவிஸ் அந்த திருமணத்தை தடுத்து நிறுத்துகிறாரா. அல்லது காதல் தோல்வியை ஒப்புக்கொண்டு செல்கிறாரா என்பதை வைத்து கதை செல்கிறது. இதுவரை வந்த காதல் கதையில் இருந்து முற்றிலுமாக மாறுபட்ட கதை அம்சத்தில் இந்த படத்தை இயக்கியுள்ளார் தனுஷ்.
கண்டிப்பாக இந்த படத்திற்கு நல்ல வரவேற்பு கிடைக்கும் என ஒரு பக்கம் பேச்சு இருக்கிறது.
