Captain vijyayakanth: தமிழ் சினிமாவில் எம்.ஜி.ஆருக்கு பிறகு பெரும் வள்ளலாக இருந்து மக்கள் மத்தியில் பெரும் இடத்தை பிடித்தவர் நடிகர் விஜயகாந்த். சினிமாவிற்கு வந்த ஆரம்ப காலகட்டம் முதலே அவருடன் நட்பில் இருந்தவர் இப்ராஹிம் ராவுத்தர்.
விஜயகாந்த் சினிமாவில் வாய்ப்பு தேடி வந்த போது அவருக்கு நிறைய உதவிகளை செய்து வந்தார். இப்ராஹிம் ராவுத்தர். அதற்குப் பிறகு விஜயகாந்த் மற்றும் இப்ராஹிம் ராவத்தர் இருவரும் இணைந்து ராவுத்தர் பிலிம்ஸ் என்கிற தயாரிப்பு நிறுவனத்தை தொடங்கினர்.
அதனை வைத்து பல புது இயக்குனர்களுக்கு இவர்கள் இருவரும் வாய்ப்பு கொடுத்தனர். மேலும் பல புதிய நடிகர்களையும் அறிமுகப்படுத்தினர் விஜயகாந்த் ஒரு பேட்டியில் கூறும் பொழுது படம் நடிப்பதை விடவும் படத்தை தயாரிப்பதில் எனக்கு அதிக மகிழ்ச்சி இருந்தது.
ஏனெனில் வாய்ப்பு தேடி அலைந்த பல இளைஞர்களுக்கு அதன் மூலம் என்னால் வாய்ப்பு கொடுக்க முடிந்தது என்று கூறியிருந்தார். விஜயகாந்தின் திருமணத்திற்கு பெண் பார்ப்பது வரை அனைத்து விஷயங்களையும் ராவுத்தர் தான் செய்து வந்தார்.
ஆனால் திருமணத்திற்கு பிறகு சொத்து பிரச்சனை வரும் என்பதால் லாபத்தில் சேர வேண்டிய பங்கை சரியாகப் பிரித்து கொடுத்து அவரை விட்டு விலகினார் விஜயகாந்த். இதனால் மிகுந்த மன வருத்தம் அடைந்தார் ராவுத்தர்.
அதற்குப் பிறகு விஜயகாந்த்தும் சரி ராவுத்தரும் சரி பெரிதாக திரைப்படங்களே தயாரிக்கவில்லை என்றுதான் கூற வேண்டும் இந்நிலையில் இது குறித்து பேசிய இப்ராஹிம் ராவுத்தரின் மகன் கூறும் பொழுது திரும்ப அந்த தயாரிப்பு நிறுவனத்தை துவங்க இருக்கிறோம் அதில் கண்டிப்பாக விஜயகாந்தின் வாழ்க்கை வரலாறை நான் படமாக்குவேன் என்று கூறியிருக்கிறார்.
