Latest News
லியோ படத்தை பார்த்து அதை கத்துக்கோங்க!.. சன் பிக்சர்ஸ்க்கு போன் செய்து டோஸ் விட்ட ரஜினிகாந்த்!..
ஜெயிலர் படத்தின் வெற்றியை தொடர்ந்து அடுத்து ரஜினிகாந்த் நடித்து வரும் திரைப்படம் தலைவர் 170. இந்த படத்தை இயக்குனர் ஞானவேல் இயக்குகிறார். அவர் ஏற்கனவே ஜெய் பீம் என்னும் ஹிட் படத்தை கொடுத்திருப்பதால் இந்த படமும் கூட சமூக நீதி சார்ந்த படமாகவே இருக்கும் என எதிர்பார்க்கப்படுகிறது.
இந்த நிலையில் அடுத்து லோகேஷ் கனகராஜ் இயக்கத்தில் ஒரு படத்தில் நடிக்க இருக்கிறார் ரஜினிகாந்த். இந்த திரைப்படத்தை சன் பிக்சர்ஸ் நிறுவனம் தயாரிக்க இருக்கிறது. ஏற்கனவே ஜெயிலர் திரைப்படத்தையும் சன் பிக்சர்ஸ் நிறுவனம்தான் தயாரித்தது.
ஜெயிலர் திரைப்படம் வெளியானபோது அதற்கு அதிகாலை சிறப்பு காட்சிகள் போடவில்லை. ஏனெனில் அதற்கு சரியான அனுமதி வாங்கவில்லை. இதனால் முதல் நாளே சாதரண காட்சியில்தான் ஜெயிலர் திரைப்படம் வெளியானது.
ஆனால் லியோ படத்தின் தயாரிப்பாளர் லலித், ஏற்கனவே தமிழக அரசிடம் சரியாக விண்ணப்பித்து லியோ படத்திற்கு சிறப்பு காட்சிகளை வாங்கியுள்ளனர். இதனால் ரஜினிகாந்த் கோபமானதாக பேச்சுக்கள் உள்ளன. சன் பிக்சர்ஸ் க்கு போன் செய்த ரஜினி “நீங்கள் ஏன் இது மாதிரி நம் படத்திற்கு சிறப்பு காட்சிக்கு அனுமதி வாங்கவில்லை” என சத்தம் போட்டாராம்.
இதனையடுத்து அடுத்த படங்களுக்கு சரியாக அனுமதி வாங்கிவிடுவோம் என பேச்சு வார்த்தை நடத்தியுள்ளதாம் சன் பிக்சர்ஸ்.