இதற்குதானே அசைப்பட்டாய் பாலக்குமாரா படத்தின் தொடர்ச்சியாக உருவாக இருக்கும் ‘கொரோனா குமார்’ படத்தில் நடிகர் சிம்பு ஹீரோவாக நடிக்கவிருந்தது. இந்த நிலையில் இவருக்கு பதிலாக புதிய ஹீரோ ஒப்பந்தம் செய்யப்பட்டு இருப்பதாக, தகவல்கள் வெளியாகி உள்ளன.
ஜீவாவின் ‘ரௌத்திரம்’ படத்தின் வழியாக தமிழ் சினிமாவில் இயக்குநராக அறிமுகமான கோகுல், ‘இதற்குத்தானே ஆசைப்பட்டாய் பாலகுமாரா’, ‘காஷ்மோரா’, ‘ஜூங்கா’, ‘அன்பிற்கினியாள்’, போன்ற படங்களை இயக்கியுள்ளார். இவரது ‘சிங்கப்பூர் சலூன்’ படம் சமீபத்தில் வெளியாகி வரவேற்பை பெற்றது.
இவர் இயக்கத்தில், கடந்த 2021-ம் ஆண்டு, சிம்பு ‘கொரோனா குமார்’ என்னும் படத்தில் நடிப்பதாக அதிகாரப்பூர்வமாக அறிவிப்பு வெளியானது. வேல்ஸ் பிலிம்ஸ் நிறுவனம் தயாரிப்பதாக இருந்த இப்படத்தில் நடிக்க சிம்புவிற்கு அட்வான்சும் அளிக்கப்பட்டது.
ஆனால் அட்வான்ஸ் வாங்கிக்கொண்டு சிம்பு படப்பிடிப்பிற்கு வராத அவர்மீது சென்னை உயர்நீதிமன்றத்தில் வழக்கும் தொடரப்பட்டது. இந்த நிலையில் ‘கொரோனா குமார்’ படத்தில் தற்போது சிம்புவிற்கு பதிலாக, விஷ்ணு விஷாலை ஹீரோவாக படக்குழு ஒப்பந்தம் செய்துள்ளதாக தகவல்கள் வெளியாகி இருக்கின்றன. இதில் விஷ்ணுவிற்கு ஜோடியாக அதிதி நடிக்கவுள்ளாராம்.
இது காமெடியை அடிப்படையாக கொண்ட படமென்பதால், இதற்கு முன்பு ‘வேலைன்னு வந்துட்டா வெள்ளைக்காரன்’ போன்ற காமெடி படங்களில் தனது ஹியூமர் சென்ஸை நிருப்பித்ததால், இந்த படத்திற்கு விஷ்ணு விஷால் தேர்வு செய்யப் பட்டுள்ளதாக கூறப்படுகிறது.
