யூ ட்யூப்பில் பிரபலங்களாக இருந்து வரும் ஒரு சில நபர்களில் முக்கியமானவர் வி.ஜே சித்து. கிட்டத்தட்ட 12 வருடங்களாக மீடியா துறையில் இவர் இருந்து வருகிறார். நிறைய டிவி நிகழ்ச்சிகளில் இவர் தொகுப்பாளராக இருந்து வந்துள்ளார்.
ஆனால் அதே சமயம் அவர் யூ ட்யூப் சேனல்களில் ப்ராங் நிகழ்ச்சிகளில் பங்கு பெற்றார். அப்படியாக ப்ளாக் ஷீப் யூ ட்யூப் சேனலில் இவர் செய்த ப்ராங்க் ஷோவுக்கு அதிக வரவேற்பு கிடைத்தது. அந்த வரவேற்பை பயன்படுத்தி கொண்ட வி.ஜே சித்து தனக்கென தனி சேனலை துவங்கினார்.
அப்படி அவர் துவங்கிய வி.ஜே சித்து வி லாக்ஸ் அவருக்கு இன்னமுமே அதிக வரவேற்பை பெற்று தந்தது. இந்நிலையில் சமீபத்தில் அவர் பிரதீப் ரங்கநாதன் நடித்த டிராகன் திரைப்படத்தில் அவருக்கு நண்பர் கதாபாத்திரத்தில் நடித்திருந்தார்.
அவருடன் சேர்ந்து ஹர்ஷத் கானும் அந்த படத்தில் நடித்திருந்தார். அந்த அனுபவத்தை இயக்குனர் அஷ்வத் மாரிமுத்து ஒரு பேட்டியில் பகிர்ந்துள்ளார். அதில் அவர் கூறும்போது ஹர்ஷத் சில சமயங்களில் என்னிடம் வந்து அதிக டயலாக் வைக்க சொல்வார்.
அப்போது சித்து அவரை தனியாக அழைத்து அந்த இயக்குனர் ஒரு மாதிரி ஆளு. அந்தாளு பத்தி உனக்கு தெரியாது. கம்முன்னு இரு என ஹர்ஷத்தை எச்சரிக்கை செய்வார். ஏனெனில் வி.ஜே சித்து ஏற்கனவே என் கூட ஒரு படத்தில் பணிப்புரிந்துள்ளார் என கூறியிருக்கிறார் அஸ்வத் மாரிமுத்து.
