தொடர்ந்து தமிழ் சினிமாவில் அதிக வரவேற்பை பெற்ற ஒரு நடிகையாக இருந்து வருகிறார் நடிகை நயன்தாரா, ஐயா மற்றும் சந்திரமுகி திரைப்படம் மூலமாக நடிகை நயன்தாரா தமிழ் சினிமாவில் வரவேற்பை பெற்றார். அதற்கு பிறகு தொடர்ந்து தமிழ் சினிமாவில் உள்ள பெரிய நடிகர்களின் திரைப்படங்களில் நடிப்பதற்கான வாய்ப்பை பெற்றார் நடிகை நயன்தாரா.

அஜித், விஜய் என அப்போது பிரபலமாக இருந்த அனைவருடனும் இவருக்கு வாய்ப்பு கிடைத்தது. இப்போது நயன் தாராவுக்கு என்று தனி மார்க்கெட் தமிழ் சினிமாவில் உருவாகிவிட்டது. இதனால் அவருக்கு பட வாய்ப்புகளும் அதிகமாக வருகின்றன. அதே போல தமிழ் நடிகைகளிலேயே அதிக சம்பளம் வாங்கும் நடிகையாக நயன் தாரா இருந்து வருகிறார்.

இந்த நிலையில்தான் நயன் தாராவுக்கு பெரும் வெற்றியை கொடுத்த திரைப்படமாக மூக்குத்தி அம்மன் திரைப்படம் அமைந்தது. இந்த திரைப்படத்தை வேல்ஸ் நிறுவனம் தயாரித்தது. இந்த படத்தை ஆர்.ஜே பாலாஜி இயக்கி அவரே நடித்திருந்தார்.

மூக்குத்தி அம்மன் திரைப்படத்தை பொறுத்தவரை அந்த திரைப்படத்தை பி.கே என்கிற பாலிவுட் திரைப்படத்தின் மீது கொண்ட ஈர்ப்பின் காரணமாகதான் ஆர்.ஜே பாலாஜி இயக்கினார். இந்த திரைப்படத்தில் போலி சாமியார்களுக்கு எதிரான பல விஷயங்களை மக்களுக்கு ஏற்புடைய விதத்தில் பேசியிருந்தார் ஆர்.ஜே பாலாஜி.

இந்த நிலையில் அந்த படத்தின் வெற்றியை தொடர்ந்து மூக்குத்தி அம்மன் படத்தின் இரண்டாம் பாகத்தை ஆர்.ஜே பாலாஜியே தயாரித்து இயக்க நினைத்ததாக கூறப்படுகிறது. ஆனால் அதற்கு நயன் தாரா கேட்ட சம்பளம் கட்டுப்படியாகவில்லை. எனவே ஆர்.ஜே பாலாஜி அந்த படத்திற்கு வேறு கதாநாயகியை தேர்ந்தெடுத்ததாக கூறப்படுகிறது. மேலும் இந்த படத்திற்கு மாசாணி என பெயர் வைத்தார் ஆர்.ஜே பாலாஜி.

இதனால் கோபம் கொண்ட நடிகை நயன் தாரா வேல்ஸ் நிறுவனத்திடம் மூக்குத்தி அம்மன் 2 படத்தை எடுக்க வேண்டும் என அறிவுறுத்தியுள்ளார். இதனையடுத்து படத்தின் இயக்குனரை கூட தேர்ந்தெடுக்காமல் மூக்குத்தி அம்மன் 2 திரைப்படத்திற்கான ஃபர்ஸ்ட் லுக் ப்ரோமோ வெளியானது.

இதனை தொடர்ந்து அடுத்து இந்த படத்தை இயக்குவதற்கு இயக்குனர் சுந்தர் சி ஒப்புக்கொண்டார். இந்த நிலையில் கிட்டத்தட்ட 100 கோடி பட்ஜெட்டில் மூக்குத்தி அம்மன் 2 திரைப்படம் தயாராகிறது. ஆர்.ஜே பாலாஜிக்கு எதிராக இப்படி ஒரு திட்டத்தை நயன் தாரா செய்ய வேண்டுமா என ஒரு பக்கம் சினிமா வட்டாரத்தில் பேச்சுக்கள் இருக்கின்றன.

ஆனால் இதுக்குறித்து இரு தரப்பில் இருந்தும் எந்த ஒரு பதிலோ குற்றச்சாட்டோ வெளிவரவில்லை என்பது குறிப்பிடத்தக்கது.

தமிழ் சினிமா நடிகைகளில் அதிக பிரபலமான நடிகையாக இருந்து வருபவர் நடிகை நயன்தாரா. ரஜினிகாந்த் திரைப்படத்தில் நடித்ததன் மூலமாக தமிழ் சினிமாவில் அறிமுகமானதாலோ என்னவோ அவரை பலரும் லேடி சூப்பர் ஸ்டார் என்றே அழைத்து வந்தனர்.

இந்த பட்டம் அவருக்கு வெகு வருடங்களாகவே இருந்து வருகிறது. இந்த நிலையில் தற்சமயம் தன்னுடைய லேடி சூப்பர் ஸ்டார் என்கிற பட்டத்தை துறந்துள்ளார் நயன்தாரா. இதுக்குறித்து அவர் கூறும்போது ரசிகர்கள் என் மீது கொண்ட அன்பின்பால் லேடி சூப்பர் ஸ்டார் என்கிற கௌரவத்தை கொடுத்தீர்கள்.

ஆனால் அதை விடவும் என்னை நயன்தாரா என அழைப்பதையே நான் விரும்புகிறேன். அதுதான் என்னை மக்களுக்கு நெருக்கமாக நினைக்க வைக்கிறது என கூறியுள்ளார். என்னதான் நயன்தாரா லேடி சூப்பர் ஸ்டார் என்னும் பட்டத்தை கொண்டிருந்தாலும் கூட அது ஒரு பக்கம் சர்ச்சையையும் ஏற்படுத்தி வந்தது.

பலரும் நயன் தாரா வேண்டும் என்றே தன்னுடைய திரைப்படங்களில் இப்படி போட்டு கொள்கிறார் என்று எல்லாம் கூறி வந்தனர். இதனால்தான் அந்த பட்டமே வேண்டாம் என்கிற முடிவை எடுத்துள்ளார் என ஒரு பக்கம் பேச்சுக்கள் இருந்து வந்தன.

ஆனால் அதே சமயம் தமிழில் பிரபல நடிகர்களான அஜித், கமல் மாதிரியான ஆட்கள் எல்லாம் தங்களது பட்டத்தை சமீபத்தில் துறந்தனர். இதனால்தான் நயன் தாரா இந்த முடிவை எடுத்துள்ளார் எனவும் கூறப்படுகிறது.

நயன்தாராவுக்கும் சுந்தர் சிக்கும் இடையே சமீபகாலமாகவே பிரச்சனை ஒன்று இருந்து வந்ததாக பேச்சுக்கள் இருந்தன. மூக்குத்தி அம்மன் திரைப்படத்தின் முதல் பாகத்தின் வெற்றியைத் தொடர்ந்து அடுத்து மூக்குத்தி அம்மன் இரண்டாம் பாகத்தில் நடிக்க வேண்டும் என்று நயன்தாரா ஆசைப்பட்டார்.

ஆனால் மூக்குத்தி அம்மன் முதல் பாகத்தில் நடித்த நடிகர் ஆர்.ஜே பாலாஜி மாசாணி என்கிற இன்னொரு அம்மன் படத்தை இயக்க சென்று விட்டார். எனவே நயன்தாரா ஒரு நல்ல இயக்குனரை வைத்து காமெடி திரைப்படமாக மூக்குத்தி அம்மன் இரண்டாம் பாகத்தை கொண்டு வர வேண்டும் என்று ஆசைப்பட்டார்.

அதனை தொடர்ந்து முதல் பாகத்தை தயாரித்த வேல்ஸ் நிறுவனத்திடம் இது குறித்து பேசினார். வேல்ஸ் நிறுவனமும் இது குறித்த அறிவிப்பை வெளியிட்டது ஆனாலும் கூட இயக்குனர் யார் என்று முடிவு செய்யப்படாமல் இருந்தது.

இந்த நிலையில்தான் இயக்குனர் சுந்தர் சியிடம் இது பற்றி பேசப்பட்டது. சுந்தர் சியும் இதற்கு ஒப்புக்கொண்டார். இந்த நிலையில் பிப்ரவரி மாதம் மூக்குத்தி அம்மன் 2 திரைப்படத்திற்கான படப்பிடிப்பை துவங்கலாம் என்று இருந்தார் சுந்தர் சி.

ஆனால் நயன்தாரா கால் சீட் கொடுப்பதில் தாமதம் செய்து கொண்டே இருந்தார். இதனால் சுந்தர் சி தற்சமயம் மதகஜராஜா திரைப்படம் வெற்றியை தொடர்ந்து விஷாலை வைத்து ஒரு திரைப்படத்தை இயக்கலாம் என்று முடிவு செய்தார்.

மேலும் சந்தானத்தை வைத்து அவர்கள் திரைப்படத்தை இயக்க இருக்கிறார் அதற்கான வேலைகளும் சென்று கொண்டிருக்கின்றன. இந்த நிலையில் நயன்தாரா கால் சீட் கொடுக்காததால் சுந்தர் சி வேறு படங்களை இயக்க சென்று விட்டார் என்று பேச்சுக்கள் இருந்து வந்தன.

இந்நிலையில் ஒரு வழியாக சமரசமாகி மார்ச் மாதம் சுந்தர் சி மூக்குத்தி அம்மன் படத்தின் இரண்டாம் பாகத்தை இயக்க இருக்கிறார் என்று செய்திகள் வெளியாகி இருக்கின்றன.

சமீப காலங்களாகவே நடிகை நயன்தாராவிற்கு தமிழ் சினிமாவில் பெரிதாக ஒரு வெற்றிப் படம் என்பதே அமையவில்லை. பெரும்பாலும் நயன்தாரா நடிக்கும் திரைப்படங்கள் பெரிதாக வரவேற்பை பெறவில்லை.

போன வருடம் அவரது நடிப்பில் வெளியான அன்னபூரணி திரைப்படம் பெரும் தோல்வியை கண்டது. மேலும் சமூக வலைதளங்களிலும் மிகப்பெரிய சர்ச்சையை உண்டாக்கியது. மதத்தை கேலி செய்யும் விதமாக படத்தில் காட்சிகள் இருந்ததாக கூறி நெட்ப்ளிக்ஸ் ஓ.டி.டி தளத்தில் இருந்து அந்த திரைப்படத்தை நீக்கிவிட்டனர்.

அந்த அளவிற்கு அன்னபூரணி திரைப்படம் பெரும் பிரச்சனையை உருவாக்கியது. இதனை தொடர்ந்து அடுத்து நயன்தாரா கண்டிப்பாக ஒரு வெற்றி படத்தை கொடுக்க வேண்டிய சூழலில் இருக்கிறார்.

இந்த நிலையில் மூக்குத்தி அம்மன் 2 திரைப்படத்திற்கான அறிவிப்பு வெளியானது. மூக்குத்தி அம்மன் திரைப்படம் நயன்தாரா நடிப்பில் வெளியாகி நல்ல வரவேற்பு பெற்றது என்று கூறலாம். ஆனால் அந்த திரைப்படத்தின் வெற்றிக்கு நடிகர் ஆர்.ஜே பாலாஜியின் நகைச்சுவையும் முக்கிய காரணமாக இருந்தது.

இந்த நிலையில் மூக்குத்தி அம்மன் 2 திரைப்படத்தை இயக்கலாம் என்று முடிவு செய்தார் நயன்தாரா. அதற்கு இயக்குனராக சுந்தர் சி இருக்க வேண்டும் என்று சுந்தர்சியிடம் பேசி இருந்தார். சுந்தர் சியும் அதற்கு ஒப்பு கொண்டிருந்தார்.

இந்த நிலையில் சுந்தர் சி தற்சமயம் நயன்தாரா கால் சீட் கொடுக்காத காரணத்தினால் அவருடன் சண்டை இட்டுக்கொண்டு சென்று விட்டார். விஷால் திரைப்படத்தை தான் அடுத்து சுந்தர் சி இயக்கப் போகிறார் என்று பேச்சுக்கள் இருந்தன.

இது குறித்து பத்திரிகையாளர் ஒருவர் கூறும் பொழுது தமிழ் சினிமாவை பொறுத்தவரை இப்பொழுது நயன்தாராவிற்கும் மார்க்கெட் என்பதே இல்லை அதனால் அவருக்கு வரும் படங்களையும் நிராகரிக்கும் அளவிற்கு நயன்தாரா இப்பொழுது இல்லை.

சொல்லப்போனால் மூக்குத்தி அம்மன் திரைப்படத்தின் வெற்றியின் மூலமாகத்தான் நயன்தாரா மீண்டும் சினிமாவில் நிற்க வேண்டிய சூழ்நிலை இருக்கிறது.

அப்படி இருக்கும் பொழுது சுந்தர் சி மாதிரியான ஒரு பெரிய இயக்குனரிடம் அவர் சண்டையிட்டு செல்வதற்கு வாய்ப்புகள் இல்லை கண்டிப்பாக மூக்குத்தி அம்மன் 2 திரைப்படத்தின் படப்பிடிப்புகள் சீக்கிரமே துவங்கும் என்று அவர் தெரிவித்திருக்கிறார்.