Tag Archives: movie review

பாசில் ஜோசப் இயக்கத்தில் வந்த மின்னல் முரளி (Tamil Dubbing) .. திரைப்பட பரிந்துரை.!

இந்தியாவில் ஹாலிவுட் போலவே நிறைய சூப்பர் ஹீரோ திரைப்படங்கள் வந்திருக்கின்றன. ஆனால் அவை பெரும்பாலும் ஹாலிவுட் தாக்கத்திலேயே வந்திருப்பதை பார்க்க முடியும்.

கிரிஸ் மாதிரியான திரைப்படங்களில் கூட ஹாலிவுட் தாக்கத்தை தான் அதிகமாக பார்க்க முடியும். ஆனால் அப்படி எல்லாம் இல்லாமல் நம்ம ஊர் சூப்பர் ஹீரோ என நினைக்கும் வகையிலான ஒரு சூப்பர் ஹீரோவாக வந்த திரைப்படம்தான் மின்னல் முரளி.

மின்னல் முரளி திரைப்படத்தைப் பொறுத்தவரை ஒருநாள் வானத்தில் இருந்து ஒரு கிராமத்தில் இருக்கும் இரண்டு இளைஞர்களுக்கு இடி விழுகிறது அந்த இடியின் மூலமாக இருவருக்குமே வெவ்வேறு விதமான சக்திகள் கிடைக்கின்றன.

அதை ஒருவர் ஆக்கபூர்வமாகவும் மற்றொருவர் தீமையாகவும் பயன்படுத்துகிறார். இந்த நிலையில் தீமையாக பயன்படுத்தும் அந்த நபரை ஹீரோ எப்படி ஜெயிக்கப் போகிறார் என்பதுதான் கதையாக இருக்கிறது.

இதில் வில்லன் கதாபாத்திரத்தில் குரு சோமசுந்தரம் நடித்திருந்தார் கதாநாயகனாக டோவினோ தாமஸ் நடித்து இருக்கிறார். இந்த திரைப்படத்தை பிரபல நடிகரான பாசில் ஜோசப் தான் இயக்கி இருக்கிறார்.

படத்தில் உணர்வுபூர்வமாக வைத்திருந்த பல விஷயங்கள் மனதை தொடுவதாக இருந்தது. உதாரணத்திற்கு டொவினோ தாமஸிற்கு சக்திகள் கிடைத்த பிறகு அவர் அதை ஆக்கபூர்வமான வழிகளில் எல்லாம் பயன்படுத்த மாட்டார். ஆனால் ஒரு கட்டத்திற்கு பிறகு தான் அவருடைய அப்பாவின் கதை டொவினோவிற்கு தெரியும்.

கதாநாயகனின் அப்பா அவர் காலகட்டத்தில் நாடக கலைஞராக இருந்திருப்பார் அப்பொழுது அவர் ஒரு நாடகத்திற்கு செல்லும் பொழுது அங்கே வெடி விபத்து ஏற்பட்டுவிடும், அந்த வெடி விபத்தில் சிக்கி கொண்ட பலரையும் காப்பாற்ற முயற்சி செய்வார் கதாநாயகனின் தந்தை.

அந்த சமயத்தில் அவர் இறந்து விடுவார் எனவே தனது தந்தை போலவே தானும் மற்றவர்களை காப்பாற்றும் ஒரு நபராக மாற வேண்டும் என்று முடிவு செய்வார் கதாநாயகன். அவரது தந்தை கடைசியாக ஒரு புது நாடகத்திற்கான கதையை எழுதி இருப்பார்.

அந்த நாடகத்தின் பெயர்தான் மின்னல் முரளி அதையே தனக்கான சூப்பர் ஹீரோ பெயராக கதாநாயகன் வைத்துக் கொள்வார். இப்படியாக படத்தில் ஒவ்வொரு விஷயங்களுக்கும் பின்னால் இருக்கும் காரணங்கள் மிகச் சிறப்பாக இருந்தது மின்னல் முரளி திரைப்படம் தென் இந்திய சினிமாவில் ஒரு சிறந்த சூப்பர் ஹீரோ திரைப்படம் என்று கூறலாம்.

பெண்களுடன் சாமியார் செய்த லீலை !.. எதிர்த்த பத்திரிக்கையாளர்!. உண்மை கதை மகாராஜ் – பட விமர்சனம்!..

நிஜமாகவே நடந்த வழக்கு ஒன்றை அடிப்படையாக கொண்டு சமீபத்தில் வெளிவந்த திரைப்படம்தான் மகாராஜ். 1862 இல் கர்சன் தாஸ் என்னும் பத்திரிக்கையாளர் ஒரு வைணவ சாமியாருக்கு எதிராக குஜராத்தில் எழுப்பிய வழக்குதான் இந்த படத்தின் கதை.

படத்தின் நாயகனான கர்சன் தாஸ் சமூக விழிப்புணர்வு கொண்டவராக இருக்கிறார். வைணவ சமூகத்தில் பிறந்திருந்தாலும் கூட அப்போதே மூட நம்பிக்கைகளை எதிர்ப்பவராக இருந்துள்ளார். விதவைகள் மறுமணம், இந்து மத மூட நம்பிக்கைகள் குறித்து விழிப்புணர்வு ஏற்படுத்தும் வகையில் தொடர்ந்து எழுதி வருகிறார் கர்சன்தாஸ்.

கடுப்பான கர்சன் தாஸ்:

இந்த நிலையில் குஜராத்தில் இருக்கும் வைணவ சாமியார் ஒருவர் அங்குள்ள பெண்களிடம் தொடர்ந்து பாலியல் உறவு கொண்டு வருகிறார். இதற்கு பாத பூஜை என்று பெயரும் வைத்துள்ளார். அவரிடம் தன் வீட்டு பெண்ணை அனுப்புவதை புண்ணியமாக கருதுகின்றனர் மக்கள்.

மேலும் அந்த நாளை இனிப்பு வழங்கி கொண்டாடுகின்றனர். இந்த அவலத்தை பார்த்த கர்சன் தாஸ் கொதித்து எழுதுகிறார். தொடர்ந்து இந்த சாமியார் செய்யும் வேலைகளை தன்னுடைய பத்திரிக்கைகளில் எழுத துவங்குகிறார்.

வழக்கு:

இதனை தொடர்ந்து கர்சன் தாஸ் மீது மான நஸ்ட ஈடு வழக்கு போகிறார் அந்த சாமியார். அந்த வழக்கில் கர்சன் தாஸ் எப்படி உண்மையை நிலைநாட்டுகிறார் என்பதுதான் கதையே. இதில் கர்சன் தாஸ் கதாபாத்திரத்தில் அமீர் கான் மகனான ஜுனாய்த் கான் நடித்திருக்கிறார்.

1862 இல் இந்தியாவில் நடந்த இந்த வழக்கு அதன் பிறகு 2013 இல் நாவலாக வெளிவந்தது. அதை அடிப்படையாக கொண்டுதான் இந்த திரைப்படம் வெளியாகியுள்ளது. தமிழ் டப்பிங்கில் ஓ.டி.டியில் வெளியாகியிருக்கும் இந்த படத்திற்கு அதிக வரவேற்புகள் இருந்து வருகின்றன.

வயிறு வழிக்க சிரிக்க வைக்கும் ஹாலிவுட் கார்ட்டூன் திரைப்படம் – மிட்சில் வெர்சஸ் மெஷின் திரைப்பட விமர்சனம்!

ஒவ்வொரு வருடம் குழந்தைகளுக்கான சிறப்பான கார்ட்டூன் படங்களை எடுத்து வெளியிடுவது என்பது ஹாலிவுட் சினிமாவின் முக்கியமான வேலையாகும்.

அந்த வகையில் 2021 இல் வெளியான மிகவும் குதுகலமான நகைச்சுவையான திரைப்படம்தாம் மிட்சில் வெர்சஸ் மெஷின் என்கிற இந்த ஹாலிவுட் அனிமேஷன் திரைப்படம்.

இந்த படத்தின் இயக்குனர் மிச்சேல் ரியாண்டா, தனது வாழ்வில் அவரது குடும்பத்தின் இனிமையான நினைவுகளை ஒரு கற்பனை கதைக்குள் புகுத்தி இந்த கதையை எடுத்திருக்கிறார் என கூறலாம்.

படம் அதிகமான நகைச்சுவை காட்சிகளை கொண்டு மிகவும் சுவாரஸ்யமாக சென்றது. இந்த படம் இதுவரை 46 விருதுகளை உலக அளவில் பெற்றுள்ளது.

ஒரு குடும்பத்தின் கதைதான் இந்த படம். கேட்டி என்கிற பெண் சிறு வயது முதலே படங்கள் இயக்குவதில் ஆர்வம் காட்டி வருகிறார். ஆனால் அவரது வீட்டில் அதற்கு எந்த ஒரு ஆதரவும் கிடைக்கவில்லை. இந்த நிலையில் கலிபோர்னியாவில் உள்ள பட இயக்கம் தொடர்பான ஒரு பள்ளிக்கு செல்வதன் மூலம் தனது கனவை அடையலாம் என நினைக்கிறார் கேட்டி.

அவரது மனநிலையை புரிந்துக்கொண்ட அவரது குடும்பம், காரில் குடும்பமாக சென்று அவரை கலிபோர்னியாவில் விடுவதற்கு ஏற்பாடு செய்கின்றனர். இந்த நிலையில் பேல் என்கிற செயற்கை நுண்ணறிவு ஒன்று இந்த உலகத்தை கைப்பற்ற நினைக்கிறது. எனவே உலகில் உள்ள அனைத்து மனிதர்களையும் சிறைப்பிடிக்க ரோபோ ஆர்மியை அனுப்புகிறது.

அந்த ரோபோ ஆர்மியிடம் இருந்து கேட்டியின் குடும்பம் மட்டும் தப்பிக்கிறது. ஏனைய மனிதர்கள் அனைவரும் கைது செய்யப்படுகின்றனர். எனவே இந்த பிரச்சனையை சரி செய்யும் பொறுப்பு இந்த குடும்பத்திற்கு வருகிறது. இத்தனை கருத்து வேறுபாடுகளுக்கு நடுவே கேட்டி அவளது குடும்பத்துடன் இணைந்து எப்படி இவற்றை சரி செய்ய போகிறாள் என்பதே கதை.

இந்த போராட்டங்களுக்கு நிலையில் கேட்டிக்கு அவள் குடும்பத்துடன் உள்ள உறவு எந்த நிலைக்கு செல்கிறது என்பதையும் படம் விளக்குகிறது. இந்த நெட்ஃப்ளிக்ஸ் ஓ.டி.டி தளத்தில் தமிழில் கிடைக்கிறது.

80ஸ் காமிக்ஸை புழுதி தட்டிய திரைப்படம் விக்ராந்த் ரோனா –  சுவாரஸ்யமான சில தகவல்கள்

சமீப காலமாக தென்னிந்திய சினிமாவில் கன்னட திரைப்படங்களுக்கு மக்கள் முக்கியத்துவம் அளித்து வரப்படுகிறது. கே.ஜி.எஃப் திரைப்படம் வந்த நாள் முதலே கன்னட திரைப்படங்களும் சற்று மதிப்பை பெற்று வருகின்றன. அந்த வகையில் தற்சமயம் வெளியான விக்ராந்த் ரோனா என்கிற திரைப்படம் தமிழ் மக்களிடையே வரவேற்பை பெற்றது.

பலரும் இந்த படத்தை பார்த்திருப்போம். இந்த படம் தற்சமயம் ஹாட்ஸ்டார் மற்றும் சீ 5 ஓ.டி.டி தளங்களில் கிடைக்கிறது. படத்தின் கதையே மிகவும் சுவாரஸ்யமானது. 1970 – 80 சமயங்களில் நடக்கும் கதையிது. அது ஒரு குக்கிராமம், அங்கு அடிக்கடி குழந்தைகள் காணாமல் போகின்றனர். பிறகு சில நாட்களுக்கு பிறகு அந்த குழந்தைகள் கொலை செய்யப்பட்டு மரத்தில் தொங்கவிடப்படுகின்றனர்.

இப்படியான கொடுஞ்செயல்களை அங்கு இருக்கும் ராட்சசன் ஒருவன் செய்கிறான் என அங்கிருக்கும் மக்கள் நினைக்கின்றனர். இந்நிலையில் அந்த கிராமத்தில் உள்ள போலீஸ் ஆபிசர் மர்மமான முறையில் கொலை செய்யப்படுகிறார். அதன் பிறகு கிராமத்திற்கு புது போலீஸ் வருகிறார். அவர்தான் கதையின் ஹீரோ விக்ராந்த் ரோனா.

விக்ராந்த் ரோனா இந்த மர்மங்களை கண்டறிவதே கதை. படம் முழுக்க முழுக்க காமிக் பாணியிலேயே இருந்தது. படத்தின் பல காட்சிகள் காமிக் புத்தகங்களில் உள்ளது போலவே வடிவமைக்கப்பட்டிருந்ததால் படம் பார்ப்பவர்களுக்கு வித்தியாசமான அனுபவத்தை அளிக்கிறது. 1980 காலக்கட்டத்தில் பாண்டம் என்கிற காமிக்ஸ் உலகம் முழுவதும் பிரபலமாக இருந்தது. தமிழிலும் கூட முக மூடி வீரர் மாயாவி என்கிற பெயரில் இது வெளியாகி வந்தது. 

இந்த நிலையில் பாண்டம் காமிக்ஸின் பல விஷயங்கள் விக்ராந்த் ரோனா திரைப்படத்தில் இருப்பதை பார்க்க முடிகிறது. விக்ராந்த் ரோனா தனது கையில் ஃபேண்டம் கதாபாத்திரம் அணிந்திருக்கும் மோதிரத்தை அணிந்திருப்பார். அதே போல படத்தின் முக்கியமான கட்டத்தில் குற்றவாளியை கண்டறிய அவருக்கு பாண்டம் காமிக்ஸ் உதவும்.

இதன் மூலம் இந்த படத்தின் இயக்குனர் அனுப் பந்தாரி ஒரு காமிக்ஸ் விரும்பி என்பது தெரிகிறது. இந்த படம் காமிக்ஸ் பாணியில் எடுத்ததால் வழக்கமான திரைப்படங்களில் இருந்து சற்று மாற்றமாக தெரிகிறது.

படம் முழுக்க ஹாலிவுட் லெவல் சண்ட – தள்ளுமாலா பட விமர்சனம்

மலையாளத்தில் பிரபல நடிகரான டொவினோ தாமஸ் நடித்து கடந்த ஆகஸ்ட் மாதம் வெளியான திரைப்படம்தான் தள்ளுமாலா. இந்த படம் தமிழ் மொழியிலும் டப்பிங் செய்யப்பட்டிருந்தது. இந்த படம் வெளியானது முதலே மக்களிடையே அதிக வரவேற்பை பெற்று வந்தது.

தற்சமயம் இந்த படம் ஓ.டி.டியில் வெளிவந்துள்ளது. படத்தின் கதைப்படி நம் ஹீரோ பெயர் வசிம். வசிம் சரியான கோபக்காரன். சுப்பிரமணியப்புரம் படத்தில் வருவது போல ஊருக்கு முழுவதும் சண்டை செய்து வம்பிழுத்து வைப்பதுதான் வசிம் மற்றும் அவனது நண்பர்களின் வேலையாக இருந்து வருகிறது. இந்த படத்தில் கதாநாயகியாக கல்யாணி ப்ரியதர்ஷன் நடித்துள்ளார்.

இந்நிலையில் ஹீரோவிற்கு, கதாநாயகியுடன் ஒரு இடத்தில் பிரச்சனையாகி பிறகு அதுவே அவர்கள் இருவரும் காதலர்களாக மாறுவதற்கான வாய்ப்பாக அமைகிறது. திருமணம் வரையில் செல்லும் இந்த காதல் திருமணத்தில் தடைப்படுகிறது.

வசிமின் கோபமே இதற்கு காரணமாக உள்ளது. அதன் பிறகு அவர்கள் எப்படி சேருகின்றனர். வசிம் அவனது எதிராளிகளை எப்படி சமாளிக்கிறான் என கதை செல்கிறது. தமிழ் சினிமாவில் யூகிக்க கூட முடியாத அளவில் மிகவும் குறைந்த செலவில் இந்த படம் தயாரிக்கப்பட்டுள்ளது.

மொத்தம் 20 கோடி ரூபாய் செலவில் படம் எடுக்கப்பட்டுள்ளது. 72 கோடி ரூபாய்க்கு ஓடியுள்ளது. குறைந்த செலவில் எடுக்கப்பட்டிருந்தாலும் படம் சிறப்பான அளவில் வரவேற்பை பெற்றுள்ளது.

படத்தின் திரைக்கதை வித்தியாசமாக அதே சமயம் சிறப்பாக அமைந்துள்ளது. வசிமின் திருமணம் தடைப்படுவதில் இருந்துதான் திரைப்படம் துவங்குகிறது. ஒன்றுக்கொன்று தொடர்பில்லாமல் செல்லும் கதை போக போக ஒன்றுடன் ஒன்று இணைந்து பிறகு க்ளைமேக்ஸ் வருகிறது.

டொவினோ தாமஸ் மற்றும் கல்யாணி ப்ரியதர்ஷினி இருவருமே சிறப்பான நடிப்பை வெளிப்படுத்தியிருந்தனர். சண்டை காட்சிகள் ஹாலிவுட் தரத்திற்கு முயற்சி செய்து இருந்தனர். அவெஞ்சர்ஸ் திரைப்படத்தில் வருவது போல டொவினோவிற்கு சில சண்டை முறைகள் வைத்திருந்தது சிறப்பு.

படத்தில் பாடல்கள் மற்றும் இசை ஆகியவை ஆவரெஜ் ரகம் என்றே கூறலாம். இரண்டு பாடல்கள் நன்றாக இருந்தன. 

கதை ஓட்டத்தில் நடுவே சிறிது மெதுவாக சென்றாலும் கூட இறுதி அரை மணி நேரம் சுறு சுறுப்பாகவே சென்றது. 

போலீஸே இவ்வளவு கொடுமை அனுபவிக்கிறாங்களா? – டாணாக்காரன் விமர்சனம்!

விக்ரம் பிரபு நடித்து ஓடிடியில் வெளியாகியுள்ள டாணாக்காரன் திரைப்படம் மக்களிடையே நல்ல வரவேற்பை பெற்றுள்ளது.

விக்ரம் பிரபு நடித்து தமிழ் இயக்கி வெளியாகியுள்ள படம் டாணாக்காரன். இந்த படம் திரையரங்கில் வெளியாகாமல் நேரடியாக ஹாட்ஸ்டார் ஓடிடியில் வெளியாகியுள்ளது. விக்ரம் பிரபுவின் முந்தைய படங்கள் அவ்வளவு நல்ல வரவேற்பை பெறாத நிலையில் இந்த படம் சிறப்பான விமர்சனங்களையும், வரவேற்பையும் பெற்று வருகிறது.

1990களிம் நடக்கும் கதை. காவலர் பயிற்சி பள்ளியில் காவலர் பயிற்சியில் உள்ளவர்கள் மீது ஏவப்படும் அதிகாரம், சுரண்டல், சாதிய பாகுப்பாட்டை மையப்படுத்திய கதைகளம். ராமநாதபுரத்தை சேர்ந்த அறிவழகன் (விக்ரம் பிரபு) காவலராகும் கனவுடன் பயிற்சி படையில் சேர்கிறான். அதே பயிற்சி பள்ளியில் 1984ல் காவலர் பணிக்கு தேர்வாகியும் பல்வேறு அரசியல் குழப்பங்களால் தேர்ந்தெடுக்கப்படாமல் போன 300க்கும் மேற்பட்டவர்கள் பயிற்சிக்கு வருகிறார்கள்.

அங்கு பயிற்சி அளிக்கும் காவலர்களில் அதிகார செருக்கு மிக்கவராக இருப்பவர் ஈஸ்வர மூர்த்தி (லால்). இது போதாதென்று லஞ்சம், சாதிய பாகுபாடு, பல்வேறு வகை டார்ச்சர்கள். இதையெல்லாம் பயிற்சி காவலர்கள் பொறுத்துக் கொண்டும், போராடியும் கடந்து வருவதுதான் கதை. எம்.எஸ்.பாஸ்கர், லால் தங்களுக்கான கதாப்பாத்திரத்தை உணர்ந்து அற்புதமாக நடித்துள்ளனர்.

விக்ரம் பிரபு முந்தைய படங்களை விட இதில் நடிப்பில் சிறிது வித்தியாசம் காட்டியுள்ளது அவரது முன்னேற்றத்தை காட்டுகிறது. விருவிருப்பாக அரசியல் பேசும் கதையில் தேவையில்லாமல் சில காதல் காட்சிகளும், பாடல்களும் வருவது பொறுமையை சோதிப்பதாக உள்ளது. அறிவழகன், ஈஸ்வர மூர்த்தி இடையே நடக்கும் பரேட் மோதல்கள் விருவிருப்பின் உச்சம். விக்ரம் பிரபுவுக்கு நெடுநாட்கள் கழித்து சிறப்பான படமாக அமைந்துள்ளது டாணாக்காரன்.