Tag Archives: Vikram

இந்த தடவ தப்பாது.. கோப்ரா ரிலீஸ் எப்போது..? – முக்கிய அப்டேட்!

அஜய் ஞானமுத்து இயக்கத்தில் விக்ரம் நடித்துள்ள படம் கோப்ரா. இந்த படத்திற்கு ஏ.ஆர்.ரகுமான் இசையமைத்துள்ளார்.

2019 வாக்கிலேயே தொடங்கப்பட்ட இந்த படம் இடையே கொரோனா உள்ளிட்ட பல காரணங்களால் தாமதமாகி வந்தது. பின்னர் ஒருவழியாக படப்பிடிப்பு பணிகளும் முடிக்கப்பட்டிருந்த நிலையில் படம் அடுத்த மாதம் வெளியாவதாக அறிவிக்கப்பட்டிருந்தது.

ஆனால் படத்தயாரிப்பு பணிகள் முழுவதும் முடியாததால் மீண்டும் தேதி ஒத்திவைக்கப்பட்டது. இதற்கிடையே கோப்ரா படத்தின் “அதீரா” பாடல் வெளியாகி ரசிகர்களிடையே நல்ல வரவேற்பை பெற்றுள்ளது. ஆனாலும் படத்தை ஆகஸ்டில் வெளியிடலாம் என தயாரிப்பு நிறுவனம் திட்டமிட்டதாக தெரிகிறது.

ஆனால் தொடர்ந்து காலதாமதம் செய்ய வேண்டாம் என சீக்கிரத்திலேயே படத்தை வெளியிட விக்ரம் உள்ளிட்ட பலரும் விரும்புவதாகவும் தெரிகிறது. படம் எப்போது வெளியாகும் என ரசிகர்கள் ஆர்வமுடன் காத்திருக்கும் நிலையில் புதிய அறிவிப்பை கோப்ரா படத்தை தயாரித்த செவன் ஸ்க்ரீன் ஸ்டுடியோ வெளியிட்டுள்ளது.

அதன்படி கோப்ரா படம் ரிலீஸ் குறித்த அதிகாரப்பூர்வ அறிவிப்பு நாளை மாலை 6 மணிக்கு வெளியாகும் என கூறப்பட்டுள்ளது. சமீபத்தில் வெளியான விக்ரமின் மகான் படம் நேரடியாக ஓடிடியில் வெளியானது. விக்ரம் படம் திரையரங்குகளில் வெளியாகி நீண்ட காலம் ஆவதால் படம் குறித்து ரசிகர்களிடையே நிறையவே எதிர்பார்ப்பு உள்ளது.

விக்ரம் ஆரம்பம்தான்.. லோகேஷ் ப்ளானே வேற? – லீக் செய்த கமல்ஹாசன்!

லோகேஷ் கனகராஜ் இயக்கத்தில் கமல்ஹாசன் நடித்துள்ள படம் விக்ரம். இந்த படத்தில் விஜய் சேதுபதி, பகத் பாசில் மற்றும் பலரும் நடித்துள்ளனர்.

ராஜ்கமல் நிறுவனம் தயாரித்துள்ள இந்த படத்திற்கு அனிருத் இசையமைத்துள்ளார். மேலும் நடிகர் சூர்யா முக்கியமான ஒரு ரோலில் சில நிமிட காட்சிகளில் தோன்றியுள்ளார்.

இந்த படத்தின் ட்ரெய்லர் மற்றும் இசை சமீபத்தில் வெளியாகி பெரும் ட்ரெண்டாகியுள்ளது. இன்று இந்தியிலும் விக்ரம் பட ட்ரெய்லர் வெளியாகி பெரும் ட்ரெண்டாகியுள்ளது.

தற்போது கமல்ஹாசன் பிரான்சில் நடந்து வரும் கேன்ஸ் பிலிம் பெஸ்டிவலில் கலந்து கொள்வதற்காக சென்றுள்ளார். அங்குள்ள ஆங்கில பத்திரிக்கை ஒன்றிற்கு பேட்டியளித்த அவர் “விக்ரம் படத்தின் கடைசி சில நிமிடங்களில் வியக்கத்தக்க ஒரு கதாப்பாத்திரத்தில் சூர்யா நடித்துள்ளார். 3 பாகமாக எடுக்கும் அளவிற்கு அந்த காட்சிக்குள் ஒரு குட்டிக்கதை இருக்கிறது” என்று தெரிவித்துள்ளார்.

இதனால் விக்ரம் வெறும் ஆரம்பமாக இருக்கலாம் என்றும், லோகேஷ் கனகராஜ் தனது மற்ற பட கதாப்பாத்திரங்களையும் இணைத்து மார்வெல் போல புதிய யுனிவெர்ஸை உருவாக்க திட்டமிட்டிருக்கலாம் என்றும் பேசிக் கொள்ளப்படுகிறது.

ஒரே மாதிரி யோசிக்கும் கமல், டாம் க்ரூஸ் ! – என்ன பண்ணாங்க தெரியுமா?

பல வருடங்களுக்கு பிறகு உலகநாயகன் கமலஹாசன் நடித்து இயக்குனர் லோகேஷ் கனகராஜ் இயக்கத்தில் வெளிவர இருக்கும் திரைப்படம் விக்ரம்.


1986 ஆம் ஆண்டு ஏற்கனவே விக்ரம் என்ற பெயரில் கமல் நடித்த திரைப்படம் நல்ல வெற்றியை கண்டது. எனவே இந்த படத்திற்கும் அதே பெயர் வைக்கப்பட்டுள்ளது. தென்னிந்தியாவின் முக்கிய நடிகர்களான பகத் ஃபாசில், சூர்யா மற்றும் விஜய் சேதுபதி ஆகியோர் இந்த படத்தில் நடித்துள்ளதால் மக்களிடையே விக்ரம் அதிக வரவேற்பை பெற்று வருகிறது.


1986 ஆம் ஆண்டு விக்ரம் திரைப்படம் வெளியாகும்போதும் அது மக்களிடையே அதிக வரவேற்பை பெற்றிருந்தது. 1986 ஆம் ஆண்டு மே 29 அன்று ராஜ சேகர் இயக்கத்தில், இளையராஜா இசையில் விக்ரம் திரைப்படம் வெளியானது.


அதே 1986 ஆம் ஆண்டு மே மாதம் 16 ஆம் தேதி ஹாலிவுட் திரைப்படமான டாப் கன் திரைப்படம் வெளியானது. இந்த திரைப்படத்தில் ஹாலிவுட்டின் பிரபல நட்சத்திரமான டாம் க்ரூஸ் கதாநாயகனாக நடித்திருந்தார். இந்த படத்தை டோனி ஸ்காட் என்னும் இயக்குனர் இயக்கி இருந்தார்.


தற்சமயம் லோகேஷ் கனகராஜ் இயக்கும் புதிய விக்ரம் திரைப்படமானது ஜூன் 3 ஆம் தேதி வெளியாக இருக்கிறது. இந்நிலையில் டாம் க்ரூஸ் ஹாலிவுட்டில் நடித்து டாப் கன் திரைப்படத்தின் இன்னொரு பாகமான டாப் கன் மேவரிக் என்கிற திரைப்படம் வரும் ஜூன் 27 அன்று வெளியாக இருக்கிறது.


இந்த இரு சம்பவங்களும் எதேர்ச்சையாக நடந்தாலும் கூட வியப்புக்குரிய வகையில் கோலிவுட் ஹீரோவும், ஹாலிவுட் ஹீரோவும் போட்டி போட்டுக்கொள்வது போன்ற தோற்றத்தை ஏற்படுத்தியுள்ளது. இதனால் உலகநாயகனுக்கு உலக அளவில் போட்டி உள்ளது என ரசிகர்கள் கூறுகின்றனர்.

எங்களுக்குதான் ரசிகர் மன்ற ஷோ.! விக்ரம் படத்திற்காக மோதும் மூன்று ஹீரோக்களின் ரசிகர்கள்!

லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பகத் பாசில் உள்ளிட்டோர் நடித்துள்ள படம் விக்ரம்.

ராஜ்கமல் நிறுவனம் தயாரித்திருக்கும் இந்த படத்திற்கு அனிருத் இசையமைத்துள்ளார். சூர்யா ஒரு சிறிய காட்சி மட்டும் நடித்துள்ளார். இந்த படம் ஜூன் 3ம் தேதி வெளியாக உள்ளது.

சமீபத்தில் விக்ரம் படத்தின் ட்ரெய்லர் மற்றும் பாடல்கள் வெளியாகி ட்ரெண்டாகியுள்ள நிலையில் இந்த படத்தை காண ரசிகர்களிடையே பெரும் எதிர்பார்ப்பு எழுந்துள்ளது.

இதனால் ரசிகர்கள் இப்போதே திரையரங்குகளில் ரசிகர் ஷோ ஏற்பாடு செய்ய சொல்லி கேட்க தொடங்கியுள்ளார்களாம். இதில் ஆச்சர்யம் என்னவென்றால் கமல்ஹாசன் ரசிகர்கள் மட்டுமல்லாமல், விஜய் சேதுபதி, சூர்யா ரசிகர்களும் தங்களுக்குதான் ரசிகர் மன்ற ஷோ டிக்கெட்டுகளை தர வேண்டும் என கேட்டு வருகிறார்களாம்.

ஒரு படத்திற்கு மூன்று ஹீரோக்களின் ரசிகர்கள் ரசிகர் ஷோ டிக்கெட் கேட்டு போட்டிப் போடுவது இதுவே முதல்முறை என்பதால் தியேட்டர்கள் குழப்பத்தில் உள்ளனவாம்.

ஆயிரம் கோடி வசூல் உறுதி? விக்ரம் படம் குறித்து ஹாலிவுட் நிர்வாகி!

லோகேஷ் கனகராஜ் இயக்கத்தில் கமல்ஹாசன் நடித்துள்ள படம் “விக்ரம்”. இந்த படத்தின் ஆடியோ மற்றும் ட்ரெய்லர் விழா சமீபத்தில் வெளியாகி வைரலாகியுள்ளது.

இந்த படத்தில் விஜய் சேதுபதி, பகத் பாசில் உள்ளிட்ட பலரும் நடித்துள்ள நிலையில் சூர்யாவும் நடித்துள்ளதாக தகவல்கள் வெளியாகி வந்தது. இதை ஆடியோ வெளியீட்டு விழாவில் லோகேஷ் கனகராஜே உறுதி செய்தார்.

படத்தின் ட்ரெய்லர் வெளியானது முதலாக படத்தின் மீதான எதிர்பார்ப்பும் எகிறி வருகிறது. ஏராளமான முக்கிய நடிகர்கள் நடித்துள்ளதாலும், கமல்ஹாசனின் படம் நீண்ட நாட்கள் கழித்து வெளியாவதாலும் பட ரிலீஸுக்கு இப்போதே ரசிகர்கள் காத்திருக்க தொடங்கியுள்ளனர்.

சாதாரண ரசிகர்கள் மட்டுமல்லாது இந்திய சினிமாவில் பெரிய பெரிய பிரபலங்களும் கூட இந்த படத்திற்காக காத்திருக்கின்றனர். விக்ரம் பட ட்ரெய்லர் குறித்து பேசியுள்ள லயன்ஸ்கேட் ஹாலிவுட் தயாரிப்பு நிறுவனத்தின் இந்திய நிர்வாகி “என்ன ஒரு சூப்பரான ட்ரெய்லர்! அடுத்த ஆயிரம் கோடி வசூலுக்கு தயார் போல?” என்று கூறியுள்ளார்.

சூப்பர்ஹீரோவாக நடிக்கும் சூர்யா..! லோக்கியின் ரகசியம்! – செம எதிர்பார்ப்பில் விக்ரம்!

லோகேஷ் கனகராஜ் இயக்கத்தில் கமல்ஹாசன் நடித்துள்ள படம் விக்ரம். இந்த படத்தில் கமலுடன் விஜய் சேதுபதி, பகத் பாசில் உள்ளிட்ட பலரும் நடித்துள்ளனர்.

இந்த படத்திற்கு அனிருத் இசையமைத்துள்ளார். சமீபத்தில் இந்த படத்தின் ஆடியோ மற்றும் ட்ரெய்லர் வெளியீட்டு விழா சென்னையில் பிரம்மாண்டமாக நடைபெற்றது. படத்தின் பாடல்கள் மற்றும் ட்ரெய்லர் ரசிகர்களிடையே பெரும் ட்ரெண்டாகியுள்ளது.

படத்தில் மிகப்பெரிய சர்ப்ரைஸே படத்தில் சூர்யா நடித்திருப்பதுதான். அதை லோகேஷ் யாரிடமும் சொல்லாமல் சஸ்பென்ஸாக வைத்திருந்தார். ஆனால் ட்ரெய்லர் வெளியாகும் முன்னரே சூர்யா ஷூட்டிங் ஸ்பாட்டில் உள்ள வீடியோ வெளியாகி வைரலானது.

இதனால் லோகேஷ் ட்ரெய்லர் வெளியீட்டு விழாவின்போதே சூர்யா இந்த படத்தில் நடித்திருப்பதை வெளிப்படையாக ஒப்புக் கொண்டார். ஆனால் படத்தில் என்னவாக நடித்திருக்கிறார் என்பது பற்றி சொல்லவே இல்லை.

இந்நிலையில் ட்ரெய்லரில் சூர்யா வரும் காட்சி என காட்டப்படுவதில் சூர்யாவின் கையில் இரும்பு கையுறை அணிந்திருப்பது போல உள்ளது. அதை சுட்டிக்காட்டி சூர்யா ஒரு சூப்பர்ஹீரோ கதாப்பாத்திரத்தில் நடிப்பதாக பேசிக் கொள்கிறார்கள்.

முன்னதாக லோகேஷ் தனது முதல் படமான மாநகரம் முடிந்த பின் சூர்யாவை வைத்து பிரபலமான காமிக்ஸ் சூப்பர் ஹீரோவான இரும்புக்கை மாயாவி கதையை படமாக எடுக்கப்போவதாக ஒரு பேச்சு எழுந்தது. ஆனால் அடுத்தடுத்து கைதி, மாஸ்டர் என லோக்கி ரொம்பவே பிஸி,

தற்போது விக்ரம் படத்தில் சூர்யாவுக்கு இரும்புக்கை இருப்பது போல காட்டுவதால் லோக்கி திட்டமிட்டபடி அடுத்து சூர்யாவை வைத்து இரும்புக்கை மாயாவி கதையை எடுக்க திட்டமிட்டிருக்கலாம் என்றும் அதற்கு முன்னோட்டமாக அந்த காட்சி இருக்கலாம் என்றும் பேசிக் கொள்ளப்படுகிறது.

விக்ரம் படத்துல சூர்யாவுக்கு இந்த ரோலா?? – எதிர்பார்ப்பை எகிற வைக்கும் விக்ரம்!

உலகநாயகன் கமல் நடித்து தயாரிக்கும் திரைப்படம் விக்ரம். கமலின் வெறித்தனமான ரசிகர் லோகேஷ் கனகராஜ் இத்திரைப்படத்தை இயக்கியுள்ளார். அனிருத் இத்திரைப்படத்திற்கு இசையமைத்துள்ளார்.

நீண்ட நாட்களுக்கு பிறகு கமலை திரையரங்கில் பார்க்கப்போவதால் கமல் ரசிகர்கள் மிகவும் ஆவலுடன் இத்திரைப்படத்திற்காக காத்திருக்கின்றனர். இத்திரைப்படத்தின் ஆடியோ மற்றும் ட்ரைலர் வெளியீடு மே 15 அன்று நடைபெற்றது.

தென் இந்தியாவில் இருந்து தொடர்ந்து கேஜிஎப், புஷ்பா, RRR போன்ற பேன் இந்தியா திரைப்படங்கள் உருவாக்கப்படுகின்றன. நேற்று வெளியான விக்ரம் திரைப்படம் இப்பட்டியலில் தன்னை இணைத்துக் கொள்வதாகவே தெரிகிறது. மேலும் இதில் மிக சுவாரசியமான ஒரு விஷயத்தை இயக்குனர் லோகேஷ் நேற்று வெளியிட்டார். அது இத்திரைப்படத்தில் சூர்யா நடிக்கிறார் என்பதே ஆகும்.

இத்தகவல் வந்தது முதல் தமிழ் திரையுலகமே பரபரப்பானது. விக்ரமில் இவர் என்ன கதாபாத்திரத்தில் நடிக்கிறார்? ட்ரைலரில் அவர் சம்பந்தபட்ட காட்சிகள் இருக்கிறதா என்றெல்லாம் ரசிகர்கள் தேட துவங்கினர்.

ட்ரைலரிலும் சில துணுக்கு காட்சிகளில் அவர் இடம் பெற்றதுபோல் தெரிகிறது. ஆனால் அவரது முகம் எங்கும் காண்பிக்கப்படவில்லை. இந்நிலையில் திரைத்துறையில் இரண்டு விதங்களில் இத்திரைப்படத்தில் சூர்யா இருக்கலாம் என பரவலாக பேசப்படுகிறது.

ஒன்று விக்ரம் திரைப்படத்தின் பாடல்களில் ஒரு தந்தை மகன் பாடல் ஒன்று உள்ளது. மிகவும் உணர்வுப்பூர்வமான இப்பாடலை வைத்து பார்க்கும்பொழுது கமல் ஹாசனுக்கு மகனாக சூர்யா நடிக்க வாய்ப்புண்டு என பலரால் கிசுகிசுக்கப்படுகிறது.

இரண்டாவது கமலின்  நிமிட பிளாஸ்பேக் காட்சிகள் இத்திரைப்படத்தில் இருக்கிறது. இதற்காக வயதை குறைத்துக் காண்பிக்கும் தொழில்நுட்பம் (DE Aging Technology) முறையில் கமலை வைத்து அக்காட்சிகள் படம் பிடிக்கப்படுவதாக அறிவிக்கப்பட்டிருந்தது.

சமீபத்தில் வந்திருந்த சிரஞ்சீவி, ராம் சரண் திரைப்படத்தில்க்கூட இத்தொழில்நுட்பம் பயன்படுத்த பட்டிருந்தது. ஆனால் திரையில் அது மோசமாகவே இருந்தது. இதனால் பலரும் விக்ரம் திரைபடத்தில் இது எப்படி வருமோ என கவலை தெரிவித்திருந்தனர்.

இப்போது விக்ரம் படத்தில் சூர்யா இருக்கிறார் என்பதை பற்றி தகவல் வரும்போதே அதனுடன் சூர்யா கமலின் இளவயது கதாபாத்திரத்தில் நடிக்கிறார் என்பது திரையுலகில் பலராலும் பேசப்படுகிறது. இவ்வாறு இருக்கும்பட்சத்தில் ரசிகர்களுக்கு திரையரங்கில் ஒரு வெறித்தனமான படம் காத்திருக்கிறது என்பது உறுதி.

அரசியல் பேசி வாண்டடாய் சிக்கிய ஆண்டவர்..! – கமல்ஹாசன் மீது புகார்!

லோகேஷ் கனகராஜ் இயக்கத்தில் கமல்ஹாசன் நடித்துள்ள படம் விக்ரம். இந்த படத்தின் விஜய் சேதுபதி, பகத் பாசில் உள்ளிட்ட பலர் நடித்துள்ள நிலையில் அனிருத் இசையமைத்துள்ளார்.

இந்த படம் ஜூன் 3ம் தேதி வெளியாக உள்ள நிலையில் நேற்று முதல் சிங்கிள் பாடலான “பத்தல.. பத்தல..” பாடல் வெளியானது. அரசியல் பகடி வரிகளும் கலந்து வெளியான இந்த பாடல் ரசிகர்களிடையே வரவேற்பை பெற்றுள்ளது.

அதேசமயம் இந்த பாடலில் “ஒன்றியத்தின் தப்பாலே.. ஒன்னியுமில்ல இப்பாலே” போன்ற அரசியல் பகடி வசனங்களும் இடம்பெற்றுள்ளன. இது மேலும் சர்ச்சையையும் ஏற்படுத்தியுள்ளது.

இந்நிலையில் இந்த பாடலில் ஒன்றிய அரசை விமர்சித்துள்ளதாக மக்கள் நீதி மய்யம் தலைவரும், நடிகருமான கமல்ஹாசன் மீது சென்னை கொருக்குபேட்டையை சேர்ந்த ஒருவர் புகார் அளித்துள்ளார்.

ஆண்டவரே நீ ஏத்தி பாடு.. ஃபுல் அரசியல் பகடி! – Vikram First Single Review!

பிரபல தமிழ் நடிகர் உலக நாயகன் கமல்ஹாசன் நடித்து லோகேஷ் கனகராஜ் இயக்கியுள்ள படம் விக்ரம். இந்த படத்தை கமலின் ராஜ்கமல் நிறுவனமே தயாரித்துள்ளது.

இந்த படத்திற்கு அனிருத் இசையமைத்துள்ள நிலையில் இந்த படத்தின் முதல் பாடலான “பத்தல.. பத்தல..” தற்போது வெளியாகியுள்ளது.

தற்போது கமல்ஹாசன் அரசியலிலும் ஈடுபட்டு வருவதால் முதல் சிங்கிள் பாடலில் அரசியல் கருத்துகள் இருக்கும் என ரசிகர்களால் பெரிதும் எதிர்பார்க்கப்பட்டது. அதுபோலவே பாடலின் இடையே சில வரிகளை சொருகியுள்ளார் ஆழ்வார்பேட்டை ஆண்டவர்.

பாடலின் இடையே “ஒன்றியத்தின் தப்பாலே.. ஒன்னும் இல்ல இப்பாலே.. சாவி இப்போ திருடன் கையில தில்லாலங்கடி தில்லாலே” என்ற வார்த்தைகள் இடம்பெற்றுள்ளது. அதுபோல மறைமுகமான அரசியல் பகடிகளும் பல இடம்பெற்றுள்ளது. “ஆண்டவரே நீ ஏத்தி பாடு” என்னும் வரிகள் கமலை பிரதிபலிக்கும் வகையில் உள்ளது.

கமல்ஹாசனின் குரல் மற்றும் வரிகளில், அனிருத் இசையில் பாடல் மனதுக்கு நிறைவாக அமைந்துள்ளதாக ரசிகர்கள் சோசியல் மீடியாக்களில் கருத்து தெரிவித்துள்ளனர்.

விரைவில் இணையும் கமல் – விஜய்..! பிள்ளையார் சுழி போட்ட லோகி!

லோகேஷ் கனகராஜ் இயக்கத்தில் கமல்ஹாசன் நடித்து வெளியாகவுள்ள படம் விக்ரம்.

இந்த படத்தை கமல்ஹாசனின் ராஜ்கமல் நிறுவனமே தயாரித்துள்ள நிலையில், இந்த படத்திற்கு அனிருத் இசையமைத்துள்ளார். விஜய் சேதுபதி, பகத் பாசில் உள்ளிட்ட பலர் நடித்துள்ள இந்த படம் எதிர்பார்ப்பை அதிகரித்துள்ளது.

இந்நிலையில் இந்த படத்தின் முதல் சிங்கிள் பாடலான “பத்தல.. பத்தல” என்ற பாடல் இன்று வெளியாக உள்ளது. விக்ரம் படம் ஜூன் 6ம் தேதி வெளியாக உள்ளது.

அதை தொடர்ந்து அடுத்ததாக லோகேஷ் கனகராஜ் மீண்டும் விஜய்யுடன் தளபதி 67 படத்தில் இணைய உள்ளார். விஜய்யின் 67வது படத்தை தயாரிக்க கமல்ஹாசன் விருப்பம் தெரிவித்ததாக கூறப்படுகிறது.

இதனால் கமலின் எண்ணம் குறித்து விஜய்யிடம் லோகேஷ் பேசியதாகவும், அதற்கு விஜய் தான் கமல் புரொடக்‌ஷனில் நடிக்க தயார் என்றும், ஆனால் இந்த படம் வேண்டாம், அடுத்த படத்தில் அவரது தயாரிப்பில் நடிக்கலாம் என்றும் கூறியதாக பேசிக் கொள்ளப்படுகிறது.

இதனால் கமல் தயாரிப்பில் விஜய் நடிக்கும் படத்திற்கு லோகேஷ் பிள்ளையார்சுழி போட்டு வைத்துள்ளதாக தெரிகிறது.