மெட்ராஸ் கஃபே என்கிற ஹிந்தி திரைப்படம் மூலமாக சினிமாவில் அறிமுகமானவர் நடிகை ராஷி கண்ணா. இவர் ஹிந்தியில் மார்க்கெட் என்பது பெரிதாக இருப்பதால் அங்கு வரவேற்பு உடனே கிடைத்துவிடாது என்பதை அறிந்தார்.
தென்னிந்தியாவில்தான் மிக எளிதாக வரவேற்பு கிடைக்கும் என்று முதன் முதலில் மனம் என்கிற தெலுங்கு திரைப்படத்தில் ஒரு சின்ன கதாபாத்திரத்தில் வந்தார்.
ராஷி கண்ணா அறிமுகம்:
அதனை தொடர்ந்து நிறைய தெலுங்கு படத்தில் அவருக்கு வாய்ப்புகள் கிடைத்தது. கிட்டத்தட்ட 2018 ஆம் ஆண்டு வரையில் தெலுங்கு திரைப்படங்களில் நடித்து வந்த ராஷி கண்ணா தமிழில் முதன் முதலில் இமைக்கா நொடிகள் திரைப்படத்தில் அறிமுகமானார்.
முதல் திரைப்படமே அவருக்கு நல்ல திரைப்படமாக அமைந்தது. மேலும் அந்த திரைப்படத்திலேயே முக்கியமான கதாபாத்திரமாக ராஷி கண்ணா நடித்திருந்தார். பொதுவாகவே நயன்தாரா கதாநாயகியாக நடிக்கும் திரைப்படங்களில் இன்னொரு கதாநாயகிக்கு வாய்ப்பு கொடுப்பதே கடினமான விஷயம்.
அதிலும் அறிமுக நடிகையாக இருக்கும் ராஷி கண்ணா அந்த திரைப்படத்தில் வாய்ப்பு பெற்று வந்தது எல்லாம் பெரிய விஷயம்தான் என்று கூறப்படுகிறது.
தமிழில் வரவேற்பு:
தொடர்ந்து அயோக்யா, அடங்கமறு என்று அந்த வருடத்திலேயே அவருக்கு வரிசையாக ஹிட் படங்கள் கிடைத்து வந்தன. இப்பொழுது தமிழில் அடையாளம் தெரியும் ஒரு நடிகையாக மாறி இருக்கிறார் ராஷி கண்ணா.
இயக்குனர் சுந்தர் சி இயக்கிய அரண்மனை 3 மற்றும் அரண்மனை 4 ஆகிய இரு திரைப்படங்களில் முக்கியமான கதாபாத்திரத்தில் நடித்திருக்கிறார். இதனால் இவருக்கு அதிகமான வரவேற்புகள் இருந்து வருகின்றன.
இதற்கு நடுவே ஹிந்தியில் வெளியான ஃபார்சி என்கிற தொடரிலும் முக்கிய கதாபாத்திரத்தில் நடித்திருந்தார். சாகித் கபூர் நடித்த இந்த சீரிஸ் ஹிந்தியில் பிரபலமானதை எடுத்து ஹிந்தி சினிமாவிலும் தற்சமயம் வளர்ந்து வரும் நடிகையாக மாறி இருக்கிறார்.
சமீபத்தில் கூட யோதா என்கிற ஹிந்தி திரைப்படத்தில் இவர் நடித்திருந்தார் இந்த நிலையில் ரசிகர்களை கவரும் வகையில் அவர் வெளியிட்டிருக்கும் சில புகைப்படங்கள் பயங்கர பிரபலமாகி வருகின்றன.
