Actor Vishal Chennai Flood : தமிழ் திரைப்பட முண்ணனி நடிகர்களில் முக்கியமானவர் விஷால். மார்க் ஆண்டனி திரைப்படத்திற்கு பிறகு தற்சமயம் மீண்டும் விஷாலின் திரைப்படங்களுக்கு மக்கள் மத்தியில் வரவேற்பு வர துவங்கியுள்ளது.
சினிமாவிற்கு வந்த சில காலங்களிலேயே நடிகர் சங்க தேர்தலில் ஜெயித்து நடிகர் சங்கத்தில் தலைவர் ஆனார். அரசியல் ரீதியான விஷயங்கள் மீது வெகுநாட்களாக ஈடுபாடு செலுத்தி வருகிறார் விஷால். விஜய் மாதிரியான பெரும் நடிகர்கள் அரசியலுக்கு வர நினைத்தாலும் அவர்கள் அரசியல் குறித்து பேச யோசிக்கும் நிலையில் விஷால் எப்போதும் தைரியமாக தனது கருத்தை வெளியிட்டு வருகிறார்.
இந்த நிலையில் தற்சமயம் சென்னை பெருவெள்ளம் குறித்த தனது கருத்தை வெளியிட்டுள்ளார். அதில் அவர் கூறும்போது நான் அண்ணா நகரில் வசிக்கிறேன். எனது வீட்டிலேயே தரைதளத்தில் தண்ணீர் வந்துவிட்டது. அண்ணா நகர் சற்று மேடான பகுதி. அப்படியென்றால் பள்ளமான பகுதிகளின் நிலையை யோசித்து பாருங்கள்!.
2015 இல் வந்த வெள்ளத்தை விடவும் இப்போது நிலை மோசமாக இருக்கிறது. மழைநீரை போக வைக்க வடிக்கால் அமைக்கிறேன் என்றார்கள் அது என்னவானது என தெரியவில்லை. பொதுமக்களே களப்பணியில் இறங்கி வேலை பார்த்துக்கொண்டுள்ளனர்.
ஆனால் நாம் ஓட்டு போட்ட அரசியல் வாதிகளையும் எம்.எல்.ஏவையும் காணவில்லை. தயவுசெய்து களத்தில் இறங்கி அவர்களுக்கு உதவுங்கள். சென்னை முழுக்க மின்சாரம் இல்லை. மக்கள் பயத்தில் இருக்கின்றனர். எதற்காக நாங்கள் வரி கட்டுகிறோம் என கேட்க வைத்துவிடாதீர்கள். என கூறியுள்ளார் விஷால்!.
