BiggBoss Tamil Season 7: விஜய் டிவியில் மிகவும் பிரபலமான நிகழ்ச்சிகளில் பிக் பாஸ் நிகழ்ச்சியும் ஒன்று. நேற்று துவங்கிய பிக் பாஸ் நிகழ்ச்சியின் ஏழாம் சீசனில் யாரெல்லாம் பங்கேற்க இருக்கிறார்கள் என்பதை பார்க்க முடிந்தது.
இன்று முதல் பிக் பாஸ் வீட்டில் நடக்கும் விஷயங்கள் மற்றும் அதில் பிக் பாஸ் அவர்களுக்கு கொடுக்கும் டாஸ்க் குறித்து பார்க்க முடியும். இந்த நிலையில் பிக் பாஸ் வீட்டிலேயே ஸ்மால் பாஸ் வீடு என்று இன்னொரு வீட்டை வைத்திருக்கின்றனர்.
இந்த வீட்டில் ஒவ்வொரு வாரமும் 6 நபர்கள் இருக்க வேண்டும் என்று விதிமுறை கொடுக்கப்பட்டுள்ளது அந்த ஆறு பேரை கேப்டன்தான் தேர்ந்தெடுப்பார்கள். இந்த வாரம் பவா செல்லதுரை, அனன்யா, வினுஷா, ஐஷு, நெக்ஸன் மற்றும் ரவீனா ஆகிய ஆறு பேரை அந்த ஸ்மால் பாஸ் ஹவுஸில் வைத்துள்ளனர்.
இந்த ஹவுஸில் உள்ளவர்களுக்கு சில விதிமுறைகள் உள்ளன. இவர்கள் அந்த ஸ்மால் ஹவுஸ்சை விட்டு பிக் பாஸின் பெரிய வீட்டிற்கு வரக்கூடாது. அவர்கள் என்ன சாப்பிட வேண்டும் என்பதை பிக் பாஸ் ஹவுஸில் இருப்பவர்கள் தான் முடிவு செய்வார்கள்.
மேலும் பிக் பாஸ் ஹவுஸில் உள்ள பாத்ரூம் மற்றும் ஹவுஸ் கிளீனிங் வேலைகளை ஸ்மால் பாஸ் ஹவுஸில் உள்ளவர்கள்தான் செய்ய வேண்டும் என விதிமுறைகள் விதிக்கப்பட்டுள்ளன. இதற்கு முன்பு பிக் பாஸில் இப்படியான டாஸ்க் கிடையாது என்பதால் முதல் வாரமே நல்ல சண்டைக்கு வாய்ப்பு இருக்கிறது என ரசிகர்கள் இதுகுறித்து பதில் அளித்து வருகின்றனர்.
