Rajinikanth and Kamalhaasan: எம்.ஜி.ஆர் சிவாஜி கணேசன் காலத்தில் இருந்தே தமிழ் சினிமாவில் போட்டி நடிகர்களுக்குள் சண்டை என்பது அதிகமாக இருக்கும். ஆனால் போட்டி நடிகர்களாக இருந்தப்போதும் கூட இப்போது வரை நண்பர்களாகவே இருந்து வருபவர்கள் நடிகர்கள் ரஜினிகாந்தும் கமல்ஹாசனும்தான்.
ரஜினிகாந்த் சினிமாவிற்கு வாய்ப்பு தேடி வந்தப்போதே கமல் பிரபலமான நடிகராக இருந்தார். எப்படியாவது நடிகர் கமலுக்கு நிகரான சம்பளத்தை பெற்று விட வேண்டும் என்பதுதான் ரஜினியின் அப்போதைய ஆசையாக இருந்தது.
ஆனால் இப்போது கமலைவிட அதிக சம்பளம் வாங்கு நடிகராக ரஜினிகாந்த் இருக்கிறார். இந்த நிலையில் ரஜினியுடன் 16 வயதினிலே திரைப்படத்தில் நடந்த அனுபவத்தை தனது பேட்டியில் பகிர்ந்துள்ளார் கமல்ஹாசன். அதில் அவர் கூறும்போது 16 வயதினிலே திரைப்படத்தில் நடித்தப்போது நாங்கள் இருவருமே சில ஆயிரங்களில்தான் சம்பளம் வாங்கி வந்தோம்.
16 வயதினிலே படப்பிடிப்பில்:
ஆனால் அப்போதே எனக்கு தங்குவதற்கு தனியாக அறை எல்லாம் ஏற்பாடு செய்து தந்திருந்தனர். ஆனால் ரஜினிக்கு அப்படியில்லை. அவர் என்னோடு தங்கியிருந்ததாக பலரும் நினைத்தனர். ஆனால் அவர் எங்கு தங்கினார் என்பது எனக்கே தெரியாத ஒரு விஷயமாகும்.
அதே போல பாரதிராஜா மாதிரி கிராமத்தில் இருந்து வந்த உடனே ரஜினி வாய்ப்பு வாங்கிவிட்டார் என பலர் கூறுவதை கேட்டிருக்கிறேன். அதை கேட்கும்போதெல்லாம் எனக்கு கோபமாக வரும். ஏனெனில் திடீரென இந்த உயரத்தை தொட்டவர் கிடையாது ரஜினி. அதற்காக அவர் ஏறிய படிகள் ஏராளம்.
ஒரு நண்பனாக அவருடன் சேர்ந்து பயணித்தப்போது அவற்றை நான் பார்த்திருக்கிறேன். நல்ல வேளையாக எவ்வளவோ இடை தரகர்கள் இருந்தும் கூட இன்னமும் நாங்கள் நண்பர்களாக இருக்கிறோம் என கூறியுள்ளார் கமல்ஹாசன்.
