Latest News
விஜய் ஸ்டைலிலேயே சிவகார்த்திகேயனுக்கு ஒரு கதை!.. இயக்குனர் எடுத்த திடீர் முடிவு.. அப்ப அடுத்த விஜய் நம்ம எஸ்.கேதான் போல!.
Sivakarthikeyan : டான் திரைப்படத்தின் வெற்றிக்கு பிறகு சிவகார்த்திகேயனின் மார்க்கெட் என்பது தமிழ் சினிமாவில் பெரும் உயரத்தை கண்டது. அதன் பிறகு சிவகார்த்திகேயன் தனது சம்பளத்தை அதிகமாக்கினார் என்று பேச்சுக்கள் உள்ளன.
ஆனால் அதற்குப் பிறகு சிவகார்த்திகேயன் நடித்த பிரின்ஸ் திரைப்படம் பெரிதாக வரவேற்பை பெறவில்லை. தற்சமயம் அவர் நடித்த மாவீரன் மற்றும் அயலான் இரண்டு திரைப்படங்களும் சூப்பர் ஹீரோ கதையை மையமாக கொண்டு எடுக்கப்பட்ட திரைப்படங்கள் ஆகும்.
பொதுவாகவே சிவகார்த்திகேயன் சிறுவர்களுக்கான திரைப்படங்களை எடுத்து வருவதால் இந்த திரைப்படங்களுக்கு சிறுவர் சிறுமியர் மத்தியில் நல்ல வரவேற்பு கிடைத்து வருகிறது. தமிழ் சினிமாவில் பெரும்பாலும் சிறுவர்களுக்காக படம் எடுப்பது கிடையாது என்பதால் சிவகார்த்திகேயன் அந்த விஷயத்தை தொடர்ந்து செய்து வருகிறார்.
இந்த நிலையில் இதுவரை காமெடி கதாநாயகனாக இருந்து வந்த சிவகார்த்திகேயன் இனிமேல் சீரியஸான ஒரு ஹீரோவாக நடிக்கவிருக்கிறார் என்று கூறப்படுகிறது. ஏனெனில் விஜயும் தற்சமயம் அரசியலுக்கு செல்ல இருப்பதால் விஜய்யின் இடத்தை பிடிப்பதற்காக சிவகார்த்திகேயன் முயற்சிகளை செய்து வருவதாக கூறப்படுகிறது.
ஏற்கனவே கமல் தயாரிப்பில் ராஜ்குமார் பெரியசாமி இயக்கத்தில் சிவகார்த்திகேயன் நடித்து வரும் திரைப்படம் முழுக்க முழுக்க காமெடியே இல்லாத ஒரு திரைப்படம் என்று கூறப்படுகிறது. இதற்கு அடுத்து ஏ.ஆர் முருகதாஸின் இயக்கத்தில் ஒரு திரைப்படத்தில் நடிக்கவிருக்கிறார் சிவகார்த்திகேயன்.
இந்த திரைப்படம் கிட்டத்தட்ட கத்தி, துப்பாக்கி மாதிரியான கதையை கொண்ட திரைப்படம் என கூறப்படுகிறது. எனவே விஜய் ஸ்டைலிலேயே அடுத்து திரைப்படங்களில் சிவகார்த்திகேயன் நடிக்க இருப்பதாக கூறப்படுகிறது.
விஜயும் கூட ஆரம்பத்தில் குழந்தைகளுக்காக சில திரைப்படங்கள் நடித்தார் அதையே சிவகார்த்திகேயனும் பின்பற்றுகிறார் என்று கூறப்படுகிறது.