Actor Prabhu deva : தமிழ் சினிமாவிற்கு இளம் வயதிலேயே நடன கலைஞராக வந்தவர் பிரபுதேவா. ஆரம்பத்தில் நடன கலைஞராக இருந்த பிரபுதேவா அதன் பிறகு ஒரு சில பாடல்களில் வந்து நடனமாடி சென்றார். ஆனால் அவருக்கு நடிப்பின் மீதும் அதிக ஈர்ப்பு இருந்தது.

ஆனால் தாமதமாக நடித்துக்கொள்ளலாம் என விட்டுவிட்டார். இந்த நிலையில் அவருக்கு கதாநாயகனாவதற்கான வாய்ப்பு கிடைத்தது. ஆரம்பம் முதலே தமிழ் சினிமாவில் ஒரு காமெடி கதாநாயகனாகதான் பிரபுதேவா நடித்து வந்தார்.

அதற்கு மக்கள் மத்தியில் நல்ல வரவேற்பு இருந்த காரணத்தால் அதையே தொடர்ந்து செய்து வந்தார். இதனை தொடர்ந்து இயக்குனர் சங்கர் இயக்கத்தில் தயாரான காதலன் திரைப்படத்தில் நடிப்பதற்கு இவருக்கு வாய்ப்பு கிடைத்தது. காதலன் திரைப்படம் எடுக்கப்படும்போதே பிரபலமான இயக்குனராக சங்கர் இருந்தார்.

எனவே எப்படியேனும் சங்கர் படத்தில் நடித்து பிரபலமாகிவிட வேண்டும் என்பது பிரபுதேவாவின் கனவாக இருந்தது. இந்த நிலையில் ஊர்வசி ஊர்வசி பாடல் எடுக்கும் போது அதில் மிகவும் கடினமான பல காட்சிகளை உயிரை கொடுத்து நடித்திருக்கிறார் பிரபுதேவா.

இதுக்குறித்து பிரபுதேவா ஒரு பேட்டியில் கூறும்போது 80 அடி உயரத்தில் இருந்த ஒரு பேனரின் மீது நின்று நாங்கள் ஆடியதை பார்த்து அங்கிருந்த போலீஸ்காரரே அரண்டு போனார். அதே போல பஸ்ஸின் மேல் நாங்கள் ஆடுவது போல் உள்ள காட்சிகளுக்கெல்லாம் எந்த கயிறும் கட்டாமல் ஆடினோம்.

அதில் ஒரு காட்சியில் லிஃப்ட்டில் நின்றுக்கொண்டு நான் கத்திக்கொண்டே கீழே போவது போன்ற காட்சி இருக்கும். அந்த காட்சியில் லிஃப்ட் இயக்குபவர்கள் சரியான நேரத்திற்கு அதை நிறுத்த மறந்ததால் லிஃப்ட் வேகமாக தரையில் அடித்து எனக்கு விபத்து ஏற்பட்டது என கூறியுள்ளார் பிரபுதேவா.